2024 April Archive - People's Balita

Archive for April, 2024

Ini-intriga na ‘sumasakay’ sa ratings ng ‘It’s Showtime’: JILLIAN, itinuturing na susunod na reyna ng GMA dahil sa top rating series

Posted on: April 18th, 2024 by @peoplesbalita No Comments

KALOKA ang mga nang-iintriga na “sumasakay o sumasabit” lamang ang ratings ng Abot Kamay Na Pangarap sa ratings ng It’s Showtime.

Hello!

Wala pa ang It’s Showtime sa GMA ay phenomenal na ang popularidad ng Abot Kamay Na Pangarap kaya tila sampung beses na yata itong nae-extend.

Dapat na nga yatang palitan ang titulo nito sa The Extended Abot Kamay Na Pangarap kasi nga non-stop ang extension nito dahil nga sa CONSISTENT na mataas na ratings ng serye na hindi sumasakay o nakikisabit sa kahit na ano’ng show.

Kaya nga si Jillian Ward na ang itinuturing na susunod na reyna ng GMA dahil siya ang bida sa Abot Kamay Na Pangarap bilang doktorang si Analyn Santos.

Isa pang umaarangkada ang ratings ay ang Lilet Matias: Attorney-At-Law ni Jo Berry.

On its own, na walang “kinakabitang” show, namamayagpag rin sa ratings game ang serye ni Jo.

(ROMMEL L. GONZALES)

Bloodless campaign laban sa illegal na droga, gumagana -PBBM

Posted on: April 18th, 2024 by @peoplesbalita No Comments

WALANG nakikitang dahilan si Pangulong Ferdinand R. Marcos Jr. para palitan ang approach o atake sa anti-illegal drug campaign ng administrasyon kasunod ng matagumpay na anti-illegal drug operation ng Philippine National Police (PNP) sa Alitagtag, Batangas, nagresulta ng pagkakasamsam sa P13.3 billion halaga ng shabu.

“No, quite the contrary, why will we change?” ang sinabi ni Pangulong Marcos sa mga mamamahayag nang tanungin kung may plano ang gobyerno na lumipat o magbago ng anti-illegal drug operation kasunod ng pagsamsam sa dalawang tonelada ng shabu sa checkpoint sa Batangas, araw ng Lunes.

Kinokonsidera naman ang P13.3 bilyong halaga ng shabu na nasamsam sa Batangas bilang “biggest drug haul in Philippine history,” nalampasan ang dating record na 1,589 teabags ng shabu na nagkakahalaga ng P11 bilyong piso sa Infanta, Quezon noong Marso 2022.

Mula Hulyo 2022 hanggang Disyembre 2023, ang gobyerno ay nakapagsagawa ng 36,803 anti-illegal drug operations, nagresulta ng pagka-aresto sa 49,700 drug personalities kabilang na ang 3,284 “high value targets” na may kabuuang halaga na P 16.24 billion.

“Of the number of arrested illegal drug suspects, the government has already filed 47,516 illegal drug charges with 28,302 drug cases resolved: 22,201 or 78.44 percent resulted in conviction while 2,427 or 8.58 percent resulted in dismissal; and 3,674 or 12.98 percent resulted in acquittal,” ayon sa ulat.

Tinatayang 314,917 drug dependents ang sumailalim sa Community-Based Drug Rehabilitation Program habang ang 105 na Balay Silangan Reformation Centers ay na kapag-produce ng 1,854 graduates.

“Government records showed that 28,243 or 67.24 percent of barangays nationwide are declared drug-cleared; 6,127 or 14.59 percent as drug-free; and 363 or 0.86 percent are drug affected; while 7,268, or 17.30 percent have yet to be cleared,” ang lumabas pa rin sa ulat.

Samantala, inatasan naman ni Pangulong Marcos ang mga law enforcers na i-adopt ang holistic approach sa problema sa droga sa Pilipinas sa pamamagitan ng pagbibigay-diin sa public health approach habang tinutugis ang large-scale drug syndicates sa bansa.

“So, it’s much more than it has been in the past,” aniya pa rin.

“So, it’s the most successful approach to the drug war so far. So, why will we change it? We won’t change it; we’ll continue to do what we are doing. Of course, I cannot explain to you every detail of what we are doing, but we will continue to do what we are doing,” dagdag na pahayag nito.

Sinabi pa ni Pangulong Marcos na ang kamakailan lamang na pagsamsam sa illegal na droga sa Batangas ay kinokonsidera bilang “biggest drug haul” sa Pilipinas ng hindi nagresulta ng pagkamatay o karahasan. (Daris Jose)

Kamara magsasagawa ng imbestigasyon sa alegasyon ng Duterte-China agreement sa WPS

Posted on: April 18th, 2024 by @peoplesbalita No Comments

INIHAYAG ni House Majority Leader Manuel Jose Dalipe na aaksyunan ng Kamara ang kahilingan ni Assistant Majority Leader Jay Khonghun na imbestigahan ang alegasyon na nagkaroon ng gentleman’s agreement sa pagitan nina dating Presidente Rodrigo Roa Duterte at Tsina kaugnay sa West Philippine Sea.

Ayon kay Dalipe, chairman ng House Committee on Rules, posibleng umpisahan ang imbestigasyon sa pagbabalik ng regular sessions ng Kongreso.

“The inquiry is aimed at guaranteeing transparency and protecting the national interests. The House of Representatives is committed to conducting a comprehensive and fair inquiry to clarify this critical national issue,” ani Dalipe

Nakatakdang magbalik ng sesyon ang kamara sa Abril 29. Vina de Guzman

Luzon grid isinailalim na sa red alert – NGCP

Posted on: April 18th, 2024 by @peoplesbalita No Comments

ISINAILALIM ng National Grid Corporation of the Philippines (NGCP) ang Luzon grid dahil sa pagpalya ng kuryente sa Luzon.

Dahil dito kaya pinasisilip ni Pangulong Ferdinand Marcos Jr. sa Department of Energy (DOE) ang dahilan ng pagpalya ng power generation plants.

Inamin naman ng DOE na wala silang nakikitang problema sa transmission lines dahil natapos na ng NGCP ang malaking proyekto nito, tulad ng Cebu-Negros Panay 230kilovolt backbone, Mindanao-Visayas interconnection project at Hermosa San Jose line.

Sa inisyal na paliwanag ni DOE Assistant Secretary Mario Marasigan, biglaan ang pagpalya ng Pagbilao units 1 at 2 at pinalamig pa ang system kaya hindi pa ito mapasok ng mga maintenance crew para mainspeksyon.

Bagama’t hindi pa anya matukoy ang pangunahing dahilan ng pagpalya, posible na dulot ito ng tagas sa boiler tube.

Ayon kay Marasigan, ang ganitong mga pangyayari sa mga power generation plant ay maituturing na outside management control o wala sa control ng power plant operator ang sitwasyon.

Tiniyak naman niya na nagpapatupad sila ng regular monitoring sa sitwasyon o halos 30 minutong pagbabantay, bagamat hindi pa masabi ni Marasigan kung ano ang magiging sitwasyon naman ng grid sa susunod na mga araw depende kasi ito sa magiging kondisyon ng planta.

Ipinaliwanag din ni Marasigan na ang sinasabing pagpalya ng 19 power generation plants ay hindi sabay-sabay kundi sa magkakaibang panahon ito nangyari dahil sa ibat ibang dahilan at kabilang dito ang panahon ng tag-init kaya nagbawas ng kapasidad ang ibang planta.

Habang hydro power plants ang ibang generation plants kaya nakadepende ito sa tubig at dahil bumaba ang lebel ng tubig kaya hindi kinayang makapag-fully operate. (Daris Jose)

House painter kulong sa P115K droga sa Caloocan

Posted on: April 18th, 2024 by @peoplesbalita No Comments

REHAS na bakal ang kinasadlakan ng 48-amyos na house painter na sangkot umano sa ilegal ba droga matapos makuhanan ng mahigit P.1 milyong halaga ng shabu sa Caloocan City.

Kinilala ni Caloocan police chief P/Col. Ruben Lacuesta ang naarestong suspek na si alyas “Remuel”, ng Ph8ABlk 171 Lot 3 Pkg 12, Bagong Silang.

Sa kanyang ulat kay Northern Police District (NPD) Director P/BGen. Rizalito Gapas, sinabi ni Col. Lacuesta, habang nagpaparulya ang mga tauhan ng Police Sub-Station 9 sa Bagumbong Road, Brgy. 171 nang isang concerned citizen ang lumapit at inireport sa kanila ang nagaganap umanong drug trade malapit sa lugar.

Kaagad namang pinuntahan ng mga pulis ang naturang lugar na nagresulta sa pagkakaaresto sa suspek dakong alas-2:00 ng madaling araw.

Ani Col. Lacuesta, nakumpiska sa suspek ang isang medium plastic sachet na naglalaman ng nasa 17 grams ng hinihinalang shabu na may katumbas na halagang P115,600.

Pinuri naman ni Gen. Gapas si Col. Lacuesta at kanyang mga tauhan dahil sa kanilang mga inilatag na police visibilty at pagpapatrulya sa lungsod na nagresulta sa pagkakaaresto sa suspek na mahaharap sa kasong paglabag sa RA 9165 o Comprehensive Dangerous Drug Act of 2002. (Richard Mesa)

GMA Network, muling humakot sa NYF TV & Film Awards: Docu-program ni ATOM, nakasungkit ng World Gold Medal para sa ‘Batas Bata’

Posted on: April 18th, 2024 by @peoplesbalita No Comments

TAAS-NOONG nag-uwi ang GMA Network ng pitong medalya – kabilang na ang isang World Gold medal – mula sa 2024 New York Festivals TV & Film (NYF) Awards. Ito ang unang pagkakataong nanalo ang lahat ng shortlisted entries ng GMA.

Sa ginanap na virtual Storytellers Gala nitong April 17 (Philippine time), nakakuha ng anim na medalya ang GMA Public Affairs.

Muling nasungkit ng bi-monthly public affairs program na “The Atom Araullo Specials” ang World Gold Medal para sa dokumentaryong “Batas Bata” (Child’s Game) sa Documentary: Social Justice category. Ipinakita sa episode na ito ang pagsiyasat ni Atom Araullo sa buhay ng mga menor de edad na nasasangkot sa mga krimen at kaguluhan sa Maynila.

Nanalo rin ang “Hingang Malalim” (One Deep Breath) ng “The Atom Araullo Specials” ng Silver Medal sa ilalim ng Documentary: Human Concerns category. Tampok dito ang buhay ng mga Badjao ng Mindanao na ang kabuhayan ay ang pagsisid ng mga perlas.

Nag-uwi naman ng tatlong medalya ang flagship documentary program ng GMA Public Affairs na “I-Witness.”

Nasungkit ng dokumentaryo ni Atom na “Bawat Barya” (The Price of Dreams) ang Silver Medal sa Documentary: Social Issues category. Napanood dito ang kuwento ng dalawang batang lalaki na naghahanap ng mga barya sa maduming tubig pandagdag sa kita mula sa pangangalakal.

Nakakuha naman ng Bronze Medal ang mga dokumentaryong “Boat to School” ni Howie Severino at “Sisid sa Putik” (Rise from the Mud) ni Mav Gonzales.

Ipinapakita sa “Boat to School,” na nanalo sa ilalim ng Documentary: Heroes category, ang buhay ng mga estudyante sa Liaonan, Siargao na kinakailangan pang maglakbay sa dagat para lang makapunta sa eskuwelahan.

Tampok naman sa “Sisid sa Putik,” na nanalo ng Bronze Medal sa Documentary: Community Portraits category, ang lumang tradisyon ng mga residente ng Agusan Del Norte sa pagsisid sa tubig para makakuha ng putik na gagamitin sa pagtatanim ng frog grass.

Umarangkada rin sa global stage ang action-packed series ng GMA Public Affairs na “Black Rider” na nanalo ng Bronze Medal sa Entertainment Program: Drama category. Ito ay pinagbibidahan ni Primetime Action Hero Ruru Madrid.

Nagwagi naman ang dokumentaryo ng GMA Integrated News (GMAIN) na “Sundo: A GMA Integrated News Documentary” ng Bronze Medal sa News Program: News Documentary/Special category. Ito ang kauna-unahang news documentary na handog ng GMAIN 360. Kuwento ito ng mga Pilipinong naipit sa digmaan mula sa mga mata nina veteran journalists Raffy Tima at JP Soriano, at Video Journalist Kim Sorra.

Kinikilala ng New York Festivals TV & Film Awards ang mga content mula sa mahigit 50 bansa. Ang GMA Network ang katangi-tanging local broadcasting company na mayroong shortlisted entries ngayong taon.

Para sa updates sa GMA Network, bisitahin ang www.gmanetwork.com at www.gtv.ph.

(ROHN ROMULO)

Two Young Souls Navigate the Unpredictable Twists and Turns of Fate in “When Magic Hurts”

Posted on: April 18th, 2024 by @peoplesbalita No Comments

‘WHEN Magic Hurts’ is a romantic comedy film about a docile young guy, Ernest (played by Beaver Magtalas) and a miserable girl, Olivia (played by Mutya Orquia) stumble upon each, other in the breathtaking mountains of Atok, Benguet and find comfort mutually with the help of love and magic.

Synopsis: “In the stunning Atok Mountain of Benguet, fate orchestrates an encounter between a young man and a woman who each carry their own burdens. The young man is determined to prove himself to his parents, while the young woman is still reeling from the loss of both her parents.

“Once a believer in magic, the young woman now finds herself disillusioned and unable to trust in its power. But when their paths cross, a spark ignites between them, and they find solace in each other’s company.

“Will this meeting be the start of something magical, or will their pasts continue to haunt them? Can magic truly fulfill our deepest desires, or will only lead to heartbreak and despair? Get ready for a breathtaking adventure filled with hope, love, and the mysteries of the universe as these two young souls navigate the unpredictable twists and turns of fate.”

In the minds of young children, the word ‘magic’ brings joy and delight.

Imagine a word where magic is promised to be the answer to all your problems. A word where it’s believe that all your heart’s desires can be fulfilled with just a wave of a wand. But what happens when that magic becomes the source of your pain? What happens when the very thing you believed in turns against you?

What if you’re Olivia? A child who was promised the hope of magic, but now sees it a source of pain. How can she trust and believe that magic will fulfill the desires of her heart and mind? The very thought of it fills her with doubt and fear.

What if you’re Ernest? A child who promised to do everything in his power to keep his family together. How can he reconcile the desire of magic of love with the choice between his heart and his resolve? He’s torn between his family and his own dreams.

In a place where everything is seemingly controlled by magic of love, how can Trixie (Maxine Trinidad) fight for her feelings when she knows that doing so could end up hurting everyone involved? The stakes are high, and she must choose between her heart and the greater good.

The cold and beautiful Atok Mountain of Benguet will bring to life a cast of characters who we will come to know and love.

“When Magic Hurts” is written and directed by Gabby Ramos and co-written by Jerome Baguio. Showing in PH cinemas in May and it will have another premiere night at SM City Cabanatuan on April 19.

(ROHN ROMULO)

MMDA: Paghuli at pagtiket sa mga e-bikes, e-trikes simula na

Posted on: April 18th, 2024 by @peoplesbalita No Comments

BABALA pa lamang ang ginawa ng mga traffic enforcer ng Metropolitan Manila Development Authority sa mga lumabag sa MMDA Regulation No. 24-002 o ang pagbabawal sa mga e-bikes, e-trikes, tricycles, pedicabs, pushcarts, at kuliglig sa pagtawid sa mga national roads.

“Ang mga lumalabag sa regulasyon ay sinita pa lamang at ipinaalam sa kanila ang regulasyon. Hindi pa natin huhulihin at iisyu ang citation ticket sa kanila,” ani Artes.

Simula sa Abril 17 pa ang panghuhuli at pag-iisyu ng citation tickets, dahil ang Abril 15 at 16 ay dry run lamang na bahagi ng information drive ng regulasyon at nilalayon upang maging pamilyar sa mga gumagamit ng mga nasabing sasakyan.

“Starting Wednesday, we will apprehend violators of the prohibition. Violators will be fined P2,500; and if the driver has no license and the vehicle has no registration, it will be subject to impoundment,”saad pa nito.

“Alongside the progress of our province, we are given the opportunity to provide many opportunities for our fellow citizens, such as the gathering we are having now, which promotes the importance of sports, shaping, awareness, and good behavior of our youth” – Fernando

Posted on: April 18th, 2024 by @peoplesbalita No Comments

CITY OF MALOLOS – “I want to praise and thank our Lord God for the fulfillment of this meaningful day. Alongside the progress of our province, we are given the opportunity to provide many opportunities for our fellow citizens, such as the gathering we are having now, which promotes the importance of sports, shaping, awareness, and good behavior of our youth. The support we receive from BUCAA warms our hearts. Now, we have a sports competition at the collegiate level to be proud of.”

This was the opening message of Governor Daniel R. Fernando as he spearheaded the opening ceremony of the first season of Bulacan University and Collegiate Athletic Association (BUCAA) alongside Vice Governor Alexis C. Castro and the Provincial Youth, Sports and Development Office that was held at the Baliwag Star Arena, City of Baliwag, Bulacan yesterday.

Grateful for the warm and enthusiastic start of BUCAA, Fernando also reminded the 32 collegiate and university participants to approach sports with passion and sincerity and to give their best effort in the upcoming games.

“Maglaro kayo nang may puso. Ipakita ninyo ang pagmamahal ninyo sa sports. Tandaan niyo, ang tagumpay ay hindi lamang nakikita sa medalya, sa maiuuwing premyo o sa tropeyo na inyong nakamit. Sinasalamin din natin ang masasayang alaala at mga kaibigang mabubuo ninyo sa kumpetisyong ito. Enjoy every game, give it all—win or lose,” Fernando said.

Meanwhile, for the BUCAA opening cheerdance competition, the Polytechnic University of the Philippines – Sta. Maria Campus clinched the champion title, securing a grand prize of P200,000, a trophy, and individual medals. Other notable teams included Bulacan State University – Meneses Campus in 1st place with P150,000 and a trophy, Dalubhasang Politekniko ng Lungsod ng Baliwag in 2nd place with P100,000 and a trophy, and Academia de San Lorenzo Dema-Ala, Inc. in 3rd place with P60,000 and a trophy.

Special awards were also given to Richwell Colleges who won Best Uniform for Basketball Team and Polytechnic University of the Philippines – Sta. Maria Campus who won Best Uniform for Cheerdance Team, each receiving P20,000; while Charmaine Alexis Cruz of Bulacan State University – Meneses Campus won 1st Place for Best Muse along with P20,000 cash prize, Jolina Andan of Marian College of Baliwag in 2nd place and got P10,000, and Ma. Christina Dreu of Dalubhasang Politekniko ng Lungsod ng Baliwag in 3rd Place and took home P5,000.

Also present in the opening event were Baliwag City Mayor Ferdinand V. Estrella, Board Members Casey Tryone E. Howard, Romina D. Fermin, Lee Edward V. Nicolas, Romeo V. Castro, Jr., and Cezar L. Mendoza, Governor’s Office Chief of Staff, PYSDO OIC and Tournament Director Atty. Nikki Manuel Coronel, Provincial Cooperative and Enterprise Development Office Head Atty. Jayric L. Amil and Provincial Public Affairs Office Head Katrina Ann Bernardo-Balingit.

PBBM, ipinag-utos sa DOE na tugunan ang power situation

Posted on: April 18th, 2024 by @peoplesbalita No Comments

IPINAG-UTOS ni Pangulong Ferdinand Marcos Jr. sa Department of Energy (DoE) na kagyat na tugunan ang energy situation sa bansa kasunod ng red alert na deklarasyon ng National Grid Corporation of the Philippines (NGCP).

“In light of the recent Red and Yellow Alerts in the Luzon Grid, I have instructed the Department of Energy to closely monitor and coordinate with all stakeholders to address the situation,” ang sinabi ni Pangulong Marcos sa kanyang post sa X (dating Twitter).

Inatasan din ng Pangulo ang lahat ng ahensiya ng pamahalaan na “to set the standard in conserving energy and minimizing power consumption.”

“At this time, it is crucial that we all work together to ensure a stable power supply for the next couple of days. Let’s adopt energy-efficient practices and stand together to overcome this challenge,” dagdag na wika ng Chief Executive.

Sa kabilang dako, sinabi ng NGCP na ang grid ay kasalukuyang nasa ilalim ng red alert matapos na puwersahang itinigil ang 20 power plants na naging dahilan ng power interruptions sa ilang lugar.

Sa kabilang dako, ipinahihiwatig ng red alert status na ang power supply ay ‘insufficient’ o kapos na matugunan ang demand ng mga konsyumer at ang regulating requirement ng transmission grid.

Samantala, inanunsyo ng Meralco na maaari silang magpatupad ng one-hour manual load dropping (MLD) o rotating power interruptions sa pagitan ng alas- 2:00 ng hapon hanggang alas-4:00 ng hapon sa franchise area nito kasunod ng naging deklarasyon ng NGCP na red alert sa Luzon grid. (Daris Jose)