BILANG mabait at matapang na commander ng Earth Defense Force, minahal ng publiko ang karakter ni Gabby Eigenmann bilang si Commander Robinson sa ‘Voltes V: Legacy’ na umere sa GMA noong 2023.

Marami nga ang naapektuhan at nalungkot noong namatay si Commander Robinson sa kamay ng mga aliens na Boazanian habang ipinagtatanggol ang anak niyang si Jamie Robinson na ginampanan ni Ysabel Ortega.

At kagabi, April 1, 2024 ay ipinalabas na ang ‘My Guardian Alien’ kung saan gaganap si Gabby bilang si Dr. Ceph.

Kung minahal siya bilang Commander Robinson, ganoon rin ba ang magiging reaksyon ng publiko kay Dr. Ceph?

“To answer that question, iyon ang goal ko,” umpisang tumatawang sagot sa amin ni Gabby, “na sana mahalin.

“But, kasi yung character ko bestfriend ni Tukayo,” pagtukoy ni Gabby sa male lead ng kanilang serye na si Gabby Concepcion, na amily friend nila.

“Kung babasehan natin sa back story iba yung paniniwala ko sa alien, medyo hindi maganda.

“Kaya I don’t think people would love, but I hope people would understand kung saan nanggagaling yung character ko kasi hindi naman siya pinalaki or lumaki na masamang tao.

“Pero siyempre they would expect na, ‘O pag sinabing Gabby Eigenmann another contravida role.’

“Panoorin nila, panoorin niyo para malaman niyo hindi siya masamang tao. So may chance na puwede niyo siyang mahalin at maawa sa kanya.”

Kinumusta naman namin si Gabby sa kanyang muling pagsabak sa trabaho, sa taping ng ‘My Guardian Alien’, gayong kagagaling lamang niya sa isang malungkot na karanasan at marahil ay patuloy na nagluluksa sa pagpanaw ng aktres na si Jaclyn Jose na stepmother ni Gabby.

Si Jaclyn ay naging karelasyon ng ama ni Gabby na si Mark Gil; pumanaw ang mahusay na aktres nitong March 2 dahil sa heart attack.

Lahad ni Gabby, “Actually masasabi ko na yes it’s nice to go back to work kasi nga these past few weeks e medyo, has really been heavy, sa family.

“But… actually in the middle of the whole week, na during the process of the wake nakapagtrabaho ako in between. I just needed a new scenery.

“So that helped a lot,” pakli pa ni Gabby.

“And ngayon we’re still in constant communication kami ng mga kapatid ko especially si Andi,” banggit naman ni Gaby tungkol sa half-sister niyang si Andi Eigenmann na anak nina Jaclyn at Mark, “we’re okay.

“We’re okay, we’re holding on to each other, we’re giving each other strength, as we face new life.

“Okay naman, okay,” pagtatapos pa ni Gabby.

Sa naturang serye ay bida sina Marian Rivera bilang si Katherine at Gabby bilang si Carlos kasama sina Raphael Landicho as Doy, at Max Collins as Venus.

Kukumpleto sa cast sina Marissa Delgado as Nova, Kiray Celis as Marites, Josh Ford as Aries, Caitlyn Stave as Halley, at si Christian Antolin as Sputnik.

Mapapanood ito weeknights @ 8:50 pm sa GMA Prime sa direksyon ni Zig Dulay.

(ROMMEL L. GONZALES)

MULA nang magsimula noong 2024 bilang opening salvo ng GMA Public Affairs, ang revenge drama na ‘Makiling’ ay nabighani ng mga manonood sa bawat episode, at sa mga teaser nito na nakakuha ng milyun-milyong view online.

Ang lead actress nito, Sultry Leading Lady Elle Villanueva, ay binihag ang madla sa kanyang kagandahan at epektibong paglalarawan ng kanyang karakter na si Amira.

Mula sa pagiging biktima ng isang grupo ng mayaman, makapangyarihan, at sadistikong mga bully, bumalik si Amira upang maging makapangyarihang CEO ng sarili niyang kumpanya na ngayon ay hinahabol ang kanyang mga kalaban.

Nakatanggap din ng papuri kamakailan para sa kanyang mga acting chops ang kapwa Sparkle artist na si Royce Cabrera, na ang karakter na si Ren, ay nabunyag na may malalim at madilim na lihim. Isang sikreto na naging dahilan upang maging ang kanyang pamilya at mga kaibigan ay tumalikod sa kanya.

Bilang isa sa Crazy 5, ang karakter ni Royce ay nakakaakit ng galit ng mga manonood – at nararapat lang. Kasama nina Kristoffer Martin, Myrtle Sarrosa, Teejay Marquez, at Claire Castro, ginawa ni Ren na isang buhay na impiyerno ang buhay ni Amira.

Inagaw pa niya ang lola ni Amira na si Lola Ising (Lui Manansala), na nagbanta sa buhay nito.

Sa isang nalalapit na episode ng Makiling kung saan humihingi ng tulong si Ren sa kanyang mayaman at makapangyarihang mga kamag-anak, hinangaan ng kanyang mga beteranong co-stars ang husay sa pag-arte ng Cinemalaya actor.

Ang award-winning na aktor na si Mon Confiado, na gumaganap bilang Franco Terra sa serye, ay nagsabi kung paano si Royce ay isang ‘kamangha-manghang, matalino’ na aktor.

“Yung scene namin na nagmamakaawa si Ren (Royce) was a total twist of his character. Grabe yung ibinigay niyang transformation, from his tough character (as one of the Crazy 5) to a weak one begging for our mercy,” pagbabahagi ni Mon.

“And during that begging scene, hindi bumibitaw si Royce sa emotions niya kahit madaming shots and angles ang aming director. Grabe yung discipline ni Royce as an actor. Ang galing niya!”

Si Ren ay pamangkin ni Franco, na pinangako sa kanyang sarili na ipagtanggol ang pamilya Terra – kahit na sa kapinsalaan ng pag-abuso sa kanyang kapangyarihan sa puwersa ng pulisya.

Ang lahat ng kanyang mga pagsisikap ay walang kabuluhan, nang itakwil siya ng pamilya Terra matapos ang isang iskandalo na may kaugnayan sa trabaho ay isinapubliko ni Amira.

“Napakahusay niya. Carried away kami sa kanyang performance,” sabi ni Andrea Del Rosario kay Royce nang humihingi si Ren ng awa.

Si Andrea ay gumaganap bilang Natalie Terra sa serye.

“Naawa talaga ako sa kanya which I was not supposed to feel that way as Natalie but he was so good, of course internally, naramdaman ko yung desperation ko,” sabi niya.

Nadala ni Royce ang kanyang karakter sa ibang antas nang kailanganin ni Ren na harapin ang kanyang ama, si Chief Santi Ibarrola, na ginampanan ni Ian de Leon.

Authoritarian at stickler kung paano dapat kumilos ang mga lalaking naka-uniporme, hindi nag-aksaya ng oras si Chief Santi na ihagis ang libro kay Ren.

Nag din ng papuri ang beteranong aktor para kay Royce.

“‘Yung eksana natin na bugbugan, medyo mahirap ‘yun but we pulled it off,” sambit ni Ian.

“Dahil sa utmost talent mo, sa pinakita mong galing, pinakita mong 100 percent na dedication doon sa work mo.”

“Hands down ako sa’yo (Royce) dahil pinakita mo lahat ng makakaya mo. At higit sa lahat ang iyong kakaibang istilo ng paggawa. Pinakita mo yung signature talent mo,” dagdag pa ng aktor.

Hinahangaan din ni Ian si Royce sa pagiging “down to earth actor.”

“Ang galing eh, kasi you wouldn’t expect someone with this caliber doing their craft, doing an acting career na ganoon na yung level ng expertise. Mukhang veteran na rin eh.”

Panoorin ang matitinding pangyayari sa ‘Makiling’, weekdays, 4 pm after “Lilet Matias: Attorney-at-Law” sa GMA Afternoon Prime.

Global Pinoys can catch it via GMA Pinoy TV.

(ROHN ROMULO)

IPALALABAS sa Jinseo Arigato International Film Festival sa Japan sa darating na Mayo ang Pinoy horror movie na “Mananambal,” na pinagbibidahan nina Bianca Umali at Nora Aunor.

Sa Instagram, ibinahagi ni Bianca ang pagkakasama ng kanilang pelikula sa nasabing film festival na gagawin sa Nagoya sa May 25 at 26, 2024.

“Honored to be given this opportunity and to experience this side by side with our National Artist, the one and the only Ms. Nora Aunor,” caption ng Sparkle actress.

Ang “mananambal” ay tinatawag ding mga “manggagamot” sa tradisyonal na paraan at may kakayahan din umano na manakit.

Ang pelikula ay sa direksyon ni Adolfo Alix Jr. at kasama rin sina EA Guzman at Kelvin Miranda.

Binati naman si Bianca ng kanyang boyfriend na si Ruru Madrid sa bago nitong pelikula.

“Congratulations sa aking Mahal! Alam ko kung gaano mo ito pinaghandaan at pinagpaguran, kaya sigurado akong magtatagumpay ka at ang lahat ng bumubuo ng pelikula na ito,” caption ng ‘Black Rider’ star sa IG post nito.

***

MATAPOS aminin noong nakaraang taon na hiwalay na sila ni Pancho Magno, in love na kaya ngayon si Max Collins?

Mabilis na sagot ni Max ay “no” pero may mga nagpaparamdam daw sa kanya na mga boys at panay tanggi raw nito na makipag-date.

In fact, yung huling guy na tinanong siya kung libre ba itong makipag-date, sinagot ito ni Max ng “hindi”.

Rason ni Max kung bakit tine-turn down niya ang makipag-date, sagot nito na mas gusto raw niyang unahin ang sarili niyang kaligayahan.

“I finally learned that I should love myself first,” pag-amin ni Max na wala pa raw siya sa stage na gusto niyang makipagrelasyon ulit.

Kasama si Max sa cast ng ‘My Guardian Alien’ na bida sina Gabby Concepcion at Marian Rivera.

***

PUMANAW na sa edad na 87 ang Hollywood actor na si Lou Gossett, Jr. sa Santa Monica, California noong March 28.

Kilala si Lou bilang first black actor na manalo ng Oscar Award for Best Supporting Actor para sa 1983 film na ‘An Officer And A Gentleman.’

Taong 1953 noong nagsimula sa pag-arte si Lou sa edad na 16 via the Broadway play ‘Take A Giant Step.’ Sumikat siya dahil sa paglabas niya sa film version ng ‘A Raisin In The Sun’ noong 1961. In 1977, nakasama si Lou sa cast ng groundbreaking mini-series na Roots.

Huling napanood si Lou sa remake ng pelikulang ‘The Color Purple’ noong 2023.

(RUEL J. MENDOZA)