KINUMPIRMA ni MMDA chairman Atty. Romando Artes na noong ika-7 ng Enero, ang opisyal na pagtatapos sana ng 49th Metro Manila Film Festival, ang 10 pelikulang pinalabas ay sama-samang nakapagtala ng P1.069 bilyon, na kinabog ang dating record na hawak noong 2018 edisyon ng taunang pagdiriwang.

Ang 44th MMFF ay nakapagtala ng collective box office na P1.061 bilyon sa halos 1,200 na mga sinehan, samantalang ang 2023 na edisyon ay napanood lamang sa 800 na mga sinehan dahil ang iba ay nananatiling sarado pa rin dahil sa COVID-19 pandemic.

At dahil extended nga ang record-breaking MMFF hanggang January 14, inaasahan nilang baka umabot pa sa P1.2 billion ang kabuuang kita ng filmfest.

Kaya masasabi talaga na malaking tagumpay ng 2023 MMFF, dahil sa kalidad ng mga pelikulang napili ng mga hurado. Kahit na 10 ito kumpara sa dating 8, talagang magaganda ang mga pelikula, maayos ang pagkakagawa, kaya patuloy na tinatangkilik ng mga manonood.

Pagkatapos nito, ay isa pang malaking project ang bibigyan ng MMDA, ito ay ang Manila International Film Festival, na gaganapin sa Los Angeles mula Enero 29 hanggang Pebrero 2; lahat ng 10 MMFF 2023 na pelikula ay nakatakdang ipalabas doon.

Magkakaroon din ito ng sariling awards night na gaganapin sa ika-7 ng Pebrero. Kaya inaasahan ang pag-attend ng mga artista, director at iba bahagi ng 10 filmfest entries. Kaya kaabang-abang kung sinu-sino ang magwawagi lalo na sa Best Actor at Best Actress category.

Muli kayang makasungkit ng award sina Vilma Santos at Cedrick Juan?

Sa tanong kung magkakaroon ng 2nd Summer MMFF sa buwan ng Abril, isinantabi na muna ito ng MMDA dahil magiging abala sila sa paghahanda sa 50th Metro Manila Film Festival.

Dahil dito, umaasa si Artes na ang mga production company ay magpapatuloy sa pagbibigay ng mga de-kalidad na pelikula sa buong taon, lalo na sa nalalapit na 50th MMFF.

Pahayag pa ni Artes sa magiging host city ng ‘Parade of the Stars’ para sa ginintuang selebrasyon, “gusto naming ibalik sa Manila, kung saan nagsimula itong film festival, gusto naming maging nostalgic.

“‘Yung walking down the memories, that’s why meron tayong ‘Sine 50’, para ipakita ‘yung mga nakaraang pelikula.

“Ganun din yun sa parade ay gagawin sa Maynila, at ‘yung awards night, nag-usap na kami ni Mayor Honey Lacuna na gagawin sa Metropolitan Theater.

“Na kung saan doon ginanap ang awards night ng unang MMFF.”

Nagpaplano rin pala ang MMDA ng coffee table book bago ang 50th MMFF, sa pakikipag-ugnayan sa FDCP, ay nagpaplano ng nationwide screening ng mga nangungunang MMFF films mula sa huling 50 taon para sa mga tiket na nagkakahalaga ng P50, ito nga yun ‘Sine 50’.

“Para ipakita sa ating mga kababayan noong araw pa ay nakakapag-produce tayo ng dekalidad ng pelikula,” dagdag pa ni Artes.

Ang Film Development Council of the Philippines (FDCP) na pinamumunuan ni Tirso Cruz III ay humingi ng tulong sa MMDA bilang kapalit ng Summer MMFF, ay isagawa ang kanilang flagship project na ‘Pista ng Pelikulang Pilipino’, na ika-7 taon ngayong 2024.

Sa 2023 MMFF ay napanalunan ng “Firefly” ang 1st Best Picture habang ang historical drama na “GomBurZa” ay nanalo ng pinakamaraming parangal na may pitong kabilang ang 2nd Best Picture, Best Director para kay Pepe Diokno, at Best Actor para kay Cedrick Juan.

Samantalang ang “Rewind” nina Dingdong Dantes at Marian Rivera pa rin ang top-grosser ng 2023 MMFF. Ito rin ang first movie na naka-abot sa 600 million mark at pangatlo na sa highest-grossing Philippine films.

Nangunguna pa rin sa listahan ang “Hello Love, Goodbye” (2019) with P881 million, kasunod ang 2018 film na “The Hows of Us” na may kinitang P810 million.

(ROHN ROMULO)

MAGANDA raw ang sitwasyon sa pagitan nina Joem Bascon at Willie Revillame bilang magbiyenang ‘hilaw’, dahil hindi pa kasal ang aktor at si Meryl Soriano.

Lahad ni Joem, “Masaya naman po, pero now hindi namin siya masyadong nakikita kasi masyado pa po yatang busy.

“Waiting lang naman po ako kay Meme, pag nagsabi naman po si Meme na dadalawin namin si Papa niya, iyon.”

Hindi sila magkakasama noong Pasko.

“Nung Christmas na kina Tito Mykee kami, nung New Year, kina Tito Mel,” pagtukoy ni Meryl sa mga tiyuhin ni Meryl na sina Mykee at Mel Martinez.

Sobrang busy raw kasi si Willie kaya malamang this year nila pasyalan ang comedian/host.

“Hihintayin ko lang kung ano ang sasabihin ni Meme, oras na sabihin niya na dadalaw kami, dadalaw na kami.

“Busy kasi siya [Willie] palagi, alam niyo naman iyon, palaging maraming tinutulungan,” wika pa ni Joem.

Samantala, hindi maarte si Joem sa mga role sa telebisyon o pelikula, kaya kahit suporta lamang siya, tulad sa ‘Asawa Ng Asawa Ko’ ng GMA kung saan isang rebeldeng si Leon ang papel niya ay ayos lamang sa kanya.

“Hindi ako mapili. Hindi na ako namimili ngayon, kung ano ang ibigay sa akin, gagampanan ko na maayos.”

Sa ‘Asawa Ng Asawa Ko’ ay mga lead stars rin sina Rayver Cruz as Jordan, Jasmine Curtis-Smith as Cristy, Liezel Lopez as Shaira at Martin del Rosario bilang Jeff. Mula ito sa direksyon ni Ms. Laurice Guillen.

Tampok rin sa Asawa Ng Asawa Ko sina Gina Alajar as Carmen, Mariz Ricketts as Pusit, Jennifer Maravilla as Sawa, Kzhoebe Baker as Tori, Quinn Carillo as Leslie, Patricia Coma as Pusa, Luis Hontiveros as Alakdan, Kim de Leon as Kuwago, Crystal Paras as Nonette, Billie Hakenson as Buwaya, Ian Ignacio as Igat, at Bruce Roeland as Bakulaw.

***

BAGO pa man ang guesting ni Katrina Halili sa podcast na ‘Surprise Guest With Pia Arcangel’ kamakailan ay alam na namin ang tungkol sa aksidenteng sinapit ng aktres sa motorsiklo.

Naka-chat namin si Katrina via Facebook messaging at nabanggit nga niya ang tungkol dito.

Kinailangan kasing mag-aral ng aktres mag-motor para sa ‘Black Rider’ na pinagbibidahan ni Ruru Madrid sa GMA.

Lahad ni Katrina kay Pia, “Tinry ko, tapos okay naman, nagawa ko naman, nakinig akong mabuti kasi nung tinuruan naman ako bata pa ako and bata pa yung nagturo. Ito, in-enroll kami so may nag-lesson talaga, tapos nakinig ako, tapos napaandar ko naman yung motor,”

Nang sabihan siya na kailangan niyang patayuin ang sinasakyang motor habang umaandar o mag-wheelie, sa simula ay tumanggi ang aktres.

“Sabi ko, ‘Ha? Ano ‘yun, double, hindi ko gagawin ‘yung tatayo, hindi ko yata kaya yun, takot ako.’

“Sabi ko, ‘Hindi ba double na ‘yun?’ Sabi niya, ‘Hindi, kasama po sa basic.’”

Pero sa huli ay ginawa rin niya.

“Hindi pala ako masyado nakatayo dun sa video. Tapos sabi ko, ‘puwede isa pa?’ So umikot ako, pag tayo ko, siyempre first time kong tumayo di ba, na-excite na naman and big bike siya.

“Pag stop ko, dahil naka-tip-toe ako at big bike siya, bigla akong tumumba!”

Naipit ang paa at hita ng aktres sa ilalim ng motor, at ang nasapul ng injury ay ang kanyang tuhod.

“Hirap na hirap akong umakyat ng stairs, natutulog na lang ako sa ibaba, hindi na ako nakakaakyat ng hagdan,” kuwento pa ni Katrina.

Naka-recover na naman ang aktres pero tila hindi raw niya gagawing libangan ang pagmo-motor.

(ROMMEL L. GONZALES)

AGAW-EKSENA ang kaseksihan ni Ultimate Star Jennylyn Mercado sa media conference ng comeback series niyang ‘Love. Die. Repeat.’

Kapansin-pansin na na-maintain ni Jen ang kanyang figure matapos isilang ang kanyang pangalawang anak na si Dylan Jayde noong April 25, 202, na unang anak nila ng asawang si Dennis Trillo.

Ito ang unang beses ng aktres na humarap sa media matapos marahil ang tatlong taon. Maging sa social media, usap-usapan ang hubog ng katawan ni Jen na may suot na berdeng corset at skirt.

Ipinakita din niya sa media con ang kanyang bagong hairdo matapos magpa-hair extensions. Sa serye, maikli ang buhok ng aktres.

Karamihan sa mga komento ng netizens parang hindi raw nanganak ang 36-year-old Kapuso star dahil sa kanyang seksing pangangatawan.

***

NAGING emosyonal si Claire Castro nang mapag-usapan ang pagdududa niya sa kanyang sarili dahil sa pambu-bully ng ilang basher online.

Pero natututo na siyang mahalin ang sarili at balewalain ang mga ito.

“To be honest po, I really don’t consider myself sexy. Because of the cyberbullies, sometimes I really doubt, ‘Sexy ba ako?’ ‘Kaya ko ba ito?’ ‘Kaya ko bang umarte?'” sey ni Claire.

Ibinahagi ni Claire na pinapayuhan siya ng kaniyang “Makiling” co-stars kung paano harapin ang bullying online.

“That’s what Myrtle (Sarrosa) always tells me, sina Royce (Cabrera), sina Tun (Kristoffer Martin), ‘Bakit ka nagbabasa ng comments?’ So I really have to lessen it because I feel like I care too much about what other people think. I see other people, ‘Bakit sila wala silang basher? Bakit ako lang lagi?’ ‘Yun po ang naiisip ko,” dagdag pa ni Claire.

***

NAKAPAGDESISYON na si Britney Spears na hindi na siya babalik sa music industry, kasabay ng pag-amin na naging ghostwriter siya for two years.

Pinabulaanan din ng former Teen Pop Princess na may mga kinuha siyang songwriters para sa 10th studio album niya.

“Just so we’re clear most of the news is trash !!! They keep saying l’m turning to random people to do a new album … I will never return to the music industry !!!

“When I write, I write for fun or I write for other people !!! l’ve written over 20 songs for other people the past two years !!! I’m a ghostwriter and I honestly enjoy it that way !!! I’m so LOVED and blessed !!!” post pa niya sa social media.