2024 January Archive - People's Balita

Archive for January, 2024

May nagpapa-deliver ng food at may nagluluto: JILLIAN, umamin na dalawa sa kasama sa serye ang nagpaparamdam

Posted on: January 12th, 2024 by @peoplesbalita No Comments

DALAWA sa co-stars ni Jillian Ward sa Abot Kamay Na Pangarap ang nagpaparamdam sa magandang Kapuso young actress.

Sa guesting kasi ni Jillian sa Sarap, ‘Di Ba? ay tinanong ni Carmina Villarroel siya kung totoo bang may nagpaparamdam o nagpapa-cute sa kanya sa Abot-Kamay na Pangarap?”

Dito na nabanggit ni Jillian ang napapansin niya sa dalawang male stars na ito na hindi niya pinangalanan.

Lahad ni Jillian, “Ano po kasi, ayoko pong mag-assume pero kunwari po may magme-message na ‘I miss you.’ “Tapos binibilihan po ako ng food. Pag may nababanggit po ako na any food nasa harapan ko na po after a while.

“Yung isa naman po nagluluto.”

Pagkagulat ang naging reaksyon ni Carmina sa rebelasyon ni Jillian.

“Wait, yung isa nagluluto so dalawa sila? Dalawa sa show natin,” bulalas ni Carmina na incidentally ay gumaganap na ina ni Analyn Santos (Jillian) na si Lyneth sa Abot Kamay Na Pangarap.

Depensa naman ni Jillian, baka naman raw nakikipagkaibigan lamang ang mga ito sa kanya.

“Hindi ko po alam. Baka kasi po friendly.

“Ano lang po parang sinasabi niya nag-e-enjoy siya na kasama ako, may mga ganoon po.”

***

UMAMIN ang Metro Manila Film Festival o MMFF Best Actor na si Cedrick Juan na nag-attempt siya na manligaw dati sa Kapuso actress na si Analyn Barro.

Lahad ni Cedrick, “Hindi ko po siya talaga niligawan. I think I just tried, pero hindi siya nag-work.

Naganap ang pagtatapat ng aktor sa Fast Talk With Boy Abunda.

Sa kabila ng pagkakaudlot ng panliligaw niya sa dalaga, naging magkaibigan sina Cedrick at Analyn.

“Pero super friends lang kami. Yeah, friends pa rin kami. Pero hindi talaga iyon nagkaroon ng official na exclusively dating,” pagbabahagi pa ni Cedrick.

Sa isang guesting naman ni Empoy Marquez sa Fast Talk With Boy Abunda, sinabi ng komedyante na crush niya si Analyn na nakatrabaho niya sa Bubble Gang.

So handa ba si Cedrick na harapin si Empoy?

“Grabe wala akong laban kay Empoy! Yung humor. Iba, iba si Empoy,” pahayag ni Cedrick na gumanap sa GomBurZa bilang si Padre Burgos kung saan siya nagwaging pinakamahusay na aktor.

(ROMMEL L. GONZALES)

Nag-alala na baka nasaktan sa eksena nila: MIKE, na-shock nang malamang buntis pala si JENNYLYN

Posted on: January 12th, 2024 by @peoplesbalita No Comments

FIRST time palang makakasama ni Mike Tan si Jennylyn Mercado sa isang teleserye.

Kahit na raw matagal na silang nagkakasama sa ibang shows at nakagawa pa sila ng pelikula (‘Lovestruck’ in 2005), never pa raw silang nagsama sa teleserye.

Kaya happy ang StarStruck season 2 Ultimate Male Survivor na ka-love triangle siya nila Jennylyn at Xian Lim sa teleserye na ‘Love. Die. Repeat.’

Ayon kay Mike, hindi raw madali ang pagganap niya bilang kontrabida. Dagdag pa raw ang ingat dahil buntis na si Jen noong kunan ang mga eksena nila.

“Nag-aalangan talaga ko at first na hawakan si Jen nang madiin or hatakin s’ya kasi ‘yun ‘yung role ko e.

“Tapos yung scene na ginagawa namin, yun na yung ida-drag ko si Jen. Do’n ko first time na hahatakin siya tapos after that nalaman namin buntis na siya.

“So, yung shock sa akin parang ‘Wait, tama ba yung ginawa ko?’ But then again, na-realize ko habang ginagawa namin yung ‘Love. Die. Repeat.’, nakita ko kung gaano ka-generous si Jen kapag ka-eksena mo.

“Kasi everytime na may ginawa kami tinatanong ko siya, ‘Okey ka lang ba? Nasaktan ba kita?’ Sabi niya, hindi.

“So do’n pa lang, napapalagay na yung loob ko na mas maging free pagdating sa pag-arte lalo na bilang kontrabida.”

***

MASAYA si Kim de Leon sa tinatamong success ni Allen Ansay.

Si Allen kasi ang First Prince or runner-up noong manalo si Kim bilang Ultimate Male Survivor sa StarStruck Season 7.

Sey pa ni Kim na naging close friends sila ni Allen noong nasa StarStruck pa sila. Kaya happy siya sa tagumpay ng loveteam ni Allen with Sofia Pablo.

Sunud-sunod kasi ang projects at endorsements ni Allen at hinihintay naman ni Kim ang magiging big break niya.

Ngayon ay kasama si Kim sa primetime teleserye na ‘Asawa Ng Asawa Ko’ at ang kanilang director ay si Laurice Guillen na unang nakasama ni Kim sa teleserye na ‘Unbreak My Heart’.

***

ISANG mother na ang nagbida sa live action film ng Disney’s ‘Little Mermaid’ na si Halle Bailey.

Pinakilala niya sa social media ang kanyang baby boy named Halo na sinilang niya bago sumapit ang bagong taon.

“Even though we’re a few days into the new year, the greatest thing that 2023 could have done for me, was bring me my son. Welcome to the world my Halo. World is desperate to know you,” caption ng 23-year old singer-actress.

Halo is Halle’s child with boyfriend, 25-year old rapper DDG. Una silang nag-date noong 2022.

Halle, who was part of the cast of the teen comedy series, ‘Grownish’, also appeared in the musical film, ‘The Color Purple.’

(RUEL J. MENDOZA)

Pambansang Ginoo lumabas ang pagiging pilyo: DAVID, nag-trending na naman dahil sa sagot na Ozawa sa ‘Family Feud’

Posted on: January 12th, 2024 by @peoplesbalita No Comments

KAAGAD na nag-trending ang hashtag na Maria Ozawa sa X (dating Twitter) dahil sa mga nakakalokang komento ng netizens.

Ito kasi ang naging sagot ni David Licauco na tanong ni Dingdong Dantes sa GMA-7 game show na Family Feud noong Lunes, January 8, 2024, na dugtungan ang pangalang ‘Maria’.

Ang tinaguriang Pambansang Ginoo ang leader sa “Team David” kasama ang mga kaibigan niya at classmate. Kabilang dito ang best friend niyang Kapuso actor ding si Dustin Yu.

Kalaban nila ang “Team Barbie,” na pinangunahan naman ni Barbie Forteza. Kasama ng Kapuso actress ang daddy niyang si Tony at ang kanyang make-up artist at stylist.

Unang nasagot ang top answer na Maria Clara.

Kaya “Ozawa!” ang nakangiting sagot ni David, na ang tinutukoy ay ang Japanese actress at dating porn star.

Kinantiyawan nga si David ng mga kasamahan niya. Kaya parang hiyang-hiya ang Kapuso actor sa sagot niya, at pumunta sa kaibigan na si Kurt.

Nag-react din si Barbie at nagtataka sa sagot ng ka-loveteam, habang tawang-tawa naman si Daddy Tony at inulit pa na Maria Osawa!

Tanong tuloy ng netizens bakit hindi raw niya naisip ang Maria Makiling, Maria Magdalena, Maria Sinukuan, Maria Mercedes, o Maria Leonora Teresa.

Punung-puno ng malisya ang naging komento ng netizens sa sinagot ni David, kaya agad itong nag-trending hindi lang sa X, pati sa TikTok, na may million views na ang account ng Family Feud.

Nakalagay sa caption na… ‘Di ka nag-iisa, @davidlicauco, Naisip rin namin ‘yan!

Kitang-kita raw na tunay na lalaki si David kaya ang unang naisip niya ay ang alindog ni Maria Ozawa. May nag-iisip din kung paano raw pinagpapantasyahan ng tsinitong aktor ang Japanese actress.

Siyempre marami na ang nagtataka at nagtatanong kung sino si Maria Ozawa, na karamihan sa sumagot ay kilala at inspirasyon daw ito ng mga kalalakihan.

Narito ang ilang reaksyon ng netizens sa X at Tiktok.

“Nakakaloka! Naging Parte siguro ni David si Maria. Ahahaha.. ok Lang Yan, normal Lang Yan sa kalalakihan.”

“Nood pa more Maria Ozawa.”

“Paano di kakabahan? Si Maria Ozawa ay ang No.1 porn star turned actress sa Japan. Haha. palagay ko sa pag re research nya para Pulang Araw nadaanan nya yun pero di ba 1940s ang PA? Si Maria Ozawa ay sumikat ng year 2000s. Huli ka tlaga David!”

“Maria Ozawa boldstar sa Japan, pero natawa ako Maria Aunor hahaha iniisip nya siguro Maria Leonora Theresa.”

“Di naman halatang mahilig sa porn si David.”

“Andami daming maria, may maria makiling, maria corazon, maria elena. ozawa talaga una pumasok sa isip, yare!”

“Tinanong ko asawa ko ganyan din sagot.”

“Yan ang nagpatangkad sa Pambansang Ginoo.”

“Un reaction ni Barbie di kilala si Maria Osawa.”

“Na-curious 2loy ako sa itsura ni Maria Ozawa.”

“Ynug nawala pagka-Ginoong Fidel mo, Fidel na pilyo pasoook!”

“Congrats! Isa kang tunay na hokage.”

Sa totoo lang, ang daming napasaya ni David sa sinagot niya at nagmarka na ito sa episode ng ‘Family Feud’.

Anyway, after four rounds, wagi ang ‘Team David’. Unang sumabak si Biggie ang sa jackpot round at nakakuha ito ng 103 points. Kaya 97 points na lang ang kailangan ni David. Nakakuha siya ng isang top answer na worth 47 points, umabot 218 points ang combined total, kaya nasungkit nila ang P200,000.

Sa GMA Kapuso Foundation nila napiling ibigay ang P20,000.

(ROHN ROMULO)

TARGET ng Department of Education (DepEd) na tapusin ang pagrerebisa sa K to 12 curriculum sa Mayo ngayong taon.

Posted on: January 12th, 2024 by @peoplesbalita No Comments

”Ang target date po natin para matapos ‘yan is May 2024. After the review, bibigay sa atin, ipepresenta sa atin kung ano ‘yung mga napansin nila and then we will start with the revision process,” ayon kay DepEd Undersecretary Michael Poa sa Palace briefing.

Enero ng nakaraang taon, sinabi ni Vice President at Education Secretary Sara Duterte na nakatakdang rebisahin o baguhin ng departamento ang K to 12 curriculum sa layuning makapag-produce ng mas maraming “job-ready at responsible graduates.”

Sa katunayan, isang task force ang nilikha para rito.

Kasama sa task force ang Secretariat na makapagbibigay ng administrative support para sa epektibong implementasyon ng SHS (Senior High School) Program Standards at Support Systems “by addressing logistical concerns and convening the members of the SHS NTF when needed.”

Kabilang sa responsibilidad ng task force ay rebisahin ang umiiral na polisiya ng programa “to ensure consistency, responsiveness, and relevance” para sa mga pangangailangan ng mga mag-aaral at stakeholders; at palakasin ang ugnayan sa pribadong sektor at iba’t ibang industriya sa national at regional levels para ” to improve SHS employability.”

Inaasahan din na ide-develop ang mga polisiya at plano base sa program implementation review results at sa inaasahang pangangailangan sa hinaharap.

Idagdag pa rito ang makipagtulungan sa mga makabuluhang tanggapan gaya ng state universities and colleges, at public at private schools, para i-develop ang isang SHS database na kinabibilangan ng “policies, program offerings, at private school data.” (Daris Jose)

Minimum na pasahe sa modern jeep, posibleng pumalo sa 30-40 pesos

Posted on: January 12th, 2024 by @peoplesbalita No Comments

Posibleng pumalo sa 30 hanggang 40 pesos ang minimum na pasahe sa mga modern jeep para mabawi ang ipinambayad sa bagong unit.

Sa pagdinig ng House Commitee on Transportation, sinabi ni 1 Rider Partylist Rep. Bonifacio Bosita kahit pa bigyan ng gobyerno ng subsidiya o subsidy equity ang mga bibili ng modern jeep kakailanganin pa rin nila ng 40 pesos na kita kada buwan para mabawi ang 2.8 milyong piso na ipinambili ng unit.

Labas pa umano rito ang iba pang gastos gaya krudo at pampasahod sa mga tsuper.

Sa kabuuan dapat umanong kumita ang isang modern jeep ng 7,000 pesos kada araw na posibleng maging dahilan ng pagsipa ng pamasahe.

VISIONARY FILMMAKER MATTHEW VAUGHN TALKS ABOUT HIS INSPIRATION FOR “ARGYLLE,” HIS LATEST ACTION-PACKED, STAR-STUDDED SPY MOVIE

Posted on: January 11th, 2024 by @peoplesbalita No Comments

IN 2020, with the world in lockdown, visionary filmmaker Matthew Vaughn – the director and producer of “The Kingsman” films, “Kick-Ass” and “Stardust” – sat down at his home outside London and decided to stage a film-appreciation class for his wife, Claudia Vaughn (née Schiffer), and their two daughters, who were around 10 and 15 years old at the time.

“Because it was lockdown, it gave me license to keep screening movies for them to watch,” Vaughn says. He showed them movie after movie, including Alfred Hitchcock’s 1959 classic “North by Northwest,” in which an ordinary man (albeit one who looks like Cary Grant) gets swept up in an extraordinary, espionage-tinged adventure. His girls went crazy for it. “And I thought, ‘I want to make a movie like that for my daughters,’” Vaughn says.

As it turned out, the answer – or rather, the genesis of one – would soon land on his desk in the form of a manuscript for an unpublished spy novel by an unknown author. Elly Conway’s book, “Argylle,” was, Vaughn says, the best spy thriller he had ever read. But the structure of the novel was straightforward, focused on a young secret agent named Argylle, and Vaughn is not a straightforward filmmaker. Throughout his career, Vaughn has used source material as a cliff from which he can make daring, often breathtaking, creative and narrative leaps, and “Argylle” would be no exception. Far from a traditional adaptation, the film of “Argylle” would use the world and characters of the book as inspiration only, functioning as a springboard for an entirely new, original film.

Watch the trailer: https://www.youtube.com/watch?v=FvcVJ4Al1zU

“I’ve helped orchestrate what people have come to expect from spy thrillers, and it felt like the right time to challenge some of the clichés I’ve been guilty of upholding,” Vaughn says. “Those ’80s films I watched with my kids combined great storytelling with pure escapism. I thought the post-COVID world would need something to make people smile and feel like they’re on an exciting thrill ride.”

Vaughn and screenwriter Jason Fuchs began developing a screenplay with a major meta-shift, in which a fictional version of the real-life author of the “Argylle” novel, Elly Conway, would become the central character in the film. Rather than being a film about a spy, “Argylle” would now be a film about a reclusive spy novelist who gets catapulted into real-world espionage when the plots of her books get a little too close to the activities of a nefarious spy organization. “My primary motivation is to craft a compelling narrative,” Vaughn says. “I don’t aim to reinvent the genre, but to provide a fresh perspective. I direct as if I were an audience member, thinking about what I would like to see or what unexpected elements I can incorporate to keep it feeling new.”

Bryce Dallas Howard, who plays Elly Conway, was immediately wowed by the screenplay. “This is a spy thriller like you’ve never seen before, and I couldn’t believe it when I was reading it,” Howard says.

The actress also gives high praise for the film’s unique action sequences. “When you sign on to a Matthew Vaughn film you know there’s going to be a lot of action,” Howard says. “You also know it is going to be conceived in a way that is incredibly fresh. In this film, the action sequences were a hybrid between dance and martial arts.”

Howard is part of star-studded cast that includes Oscar® winner Sam Rockwell, Henry Cavill, John Cena, Emmy winner and Oscar® nominee Bryan Cranston, Emmy winner Catherine O’Hara, Samuel L. Jackson, Oscar® winner Ariana DeBose and Dua Lipa.

Vaughn encourages audiences to watch “Argylle” in cinemas, for the shared experience with fellow moviegoers is part of the thrill and fun of watching it. “The cinema remains one of the last places where we, as a society, can connect on a deeply human level,” Vaughn says. “It’s a place where we can come together and experience the rollercoaster of emotions, the highs and lows, as a collective. This film, in particular, was made for the big screen. It’s grand and filled with unexpected moments you won’t see coming. When you’re in a theater, surrounded by fellow audience members, and those moments hit, the reactions create an unforgettable experience. It’s more fun, more immersive. It is pure escapism, something we all need in a world that is not always sunny. A little ray of sunshine, even in a dark room, is a good idea.”

Opening in cinemas January 31, “Argylle,” an Apple Original Films presentation, in association with MARV, a Cloudy production, is distributed by Universal Pictures. #ArgylleMoviePH

(ROHN ROMULO)

SENIOR CITIZENS SA NAVOTAS MAKAKATANGGAP NG P1K BIRTHDAY GIFT

Posted on: January 11th, 2024 by @peoplesbalita No Comments

SIMULA ngayong taon, makakatanggap na ng P1,000 birthday gift ang mga rehistradong senior citizen sa Navotas City.

Ito’y matapos i-ananunsyo ni Mayor John Rey Tiangco ang pagtaas ng NavoRegalo sa aktibidad ng Zumba at Health Caravan para kina Lolo at Lola, na bahagi ng 118th Navotas Day celebration.

“We acknowledge the invaluable contribution of our senior citizens to the progress of our city. We hope to support them in fully enjoying their twilight years even through this small gift,” aniya.

Sa ilalim ng Navotas City Ordinance No. 2023-44 o ang “Amended Birthday Cash Gift to Senior Citizens,” ang mga nakatatanda na mga rehistradong botante ng Navotas at may ID na inisyu ng City Social Welfare Development Office (CSWDO) o ng City Persons with Disability Affairs Ang opisina ay karapat-dapat para sa programa.

Ang mga senior citizen na ang rehistrasyon ng botante ay na-deactivate dahil sa mga kondisyong pangkalusugan, ay may karapatan ding tumanggap ng regalo sa kanilang kaarawan kung maipakita nila ang kanilang senior ID at sila ay kwalipikado pagkatapos ng home visit ng City Health Office o CSWDO.

Maliban sa NavoRegalo, nagbibigay din ang pamahalaang lungsod ng P10,000 cash gift sa mga Navoteño na umabot sa 100 taong gulang at P1,000 buwan-buwan pagkatapos.

Bukod dito, ang mga rehistradong senior ay makapanood ng mga pelikula nang libre sa Fisher Mall Malabon tuwing Lunes at Martes. (Richard Mesa)

‘Senior High’, more than 2 billion views na sa TikTok: ANDREA at KYLE, may pasabog na eksenang aabangan sa pagtatapos ng serye

Posted on: January 11th, 2024 by @peoplesbalita No Comments

MABUBULGAR na ang lahat ng mga sikreto sa sinusubaybayang Kapamilya teleserye na “Senior High,” na kung saan mayroon na itong higit sa dalawang bilyong views sa TikTok, sa paglabas ng katotohanan sa pagpatay kay Luna (Andrea Brillantes) sa inaabangang “The Ender to Remember” finale sa Enero 19.

Pagkatapos ng matinding imbestigasyon, malalaman na rin sa wakas ni Sky (Andrea) mula kay Obet (Kyle Echarri) kung sino nga ba talaga ang pumatay sa kambal niyang si Luna.

Iigting naman lalo ang mga puso para makuha ang pagmamahal ni Sky dahil pag-aagawan siya nina Obet at Gino (Juan Karlos), ang dating mga nobyo ni Luna.

Pero hindi lang sila ang magpapakilig sa viewers dahil itutuloy ni Archie (Elijah Canlas) ang panliligaw niya kay Roxy (Xyriel Manabat), habang may posibilidad ding magkabalikan sina Tim at Poch (Zaijian Jaranilla at Miggy Jimenez).

Dapat din abangan ng mga manonood ang sunod-sunod na pasabog sa serye dahil tuluyan nang magwawala si Z (Daniela Stranner) sa Northford prom night dahil sa mga bangungot niya kay Luna.

Maglalabasan na rin ang lahat ng mga baho nina Harry at William (Baron Geisler at Mon Confiado) na maaaring magdulot ng mas malaking sigalot sa pagitan ng kani-kanilang mga pamilya.

Samantala, pahayag ni Andrea na may dapat i-expect ang KyleDrea fans sa pagtatapos ng ‘Senior High’, “sobra kasi kaming nagpapasalamat sa kanila (fans) at meron silang puwedeng i-expect sa eksena namin ni Kyle.

“Baka this week na ipalabas, feeling ko magugulat sila. Pero talagang inalagaan namin yung eksena at pinag-usapan namin.

“Kasi ang ganda kung paano siya sinulat para kay Obet at Sky. Sana magustuhan ng KyleDrea fans.”

Patuloy na kinakapitan ng mga manonood ang mas tumitinding mga rebelasyon sa “Senior High” matapos makakuha ng all-time high na 179,305 live concurrent views sa Kapamilya Online Live sa YouTube noong Enero 3 na episode.

Huwag palampasin ang “ender to remember” finale ng “Senior High” sa Enero 19 ng 9:30 PM sa Kapamilya Channel, A2Z, TV5, iWantTFC, at Kapamilya Online Live sa YouTube channel at Facebook page ng ABS-CBN Entertainment.

I-rescan lang ang anumang digital TV box na ginagamit sa bahay, gaya ng TVplus box, para mapanood sa TV5 at A2Z ang mga bagong episode ng “Senior High.” Mapapanood din ito sa labas ng Pilipinas sa pamamagitan ng iWantTFC at The Filipino Channel (TFC) sa cable at IPTV.

Para sa iba pang updates, sundan ang @abscbnpr sa Facebook, Twitter, Instagram, at TikTok o bisitahin ang www.abs-cbn.com/newsroom.

(ROHN ROMULO)

Ads January 11, 2024

Posted on: January 11th, 2024 by @peoplesbalita No Comments

IBINIDA ni Pangulong Ferdinand Marcos Jr. ang papel at naging kontribusyon ng Indonesia sa kapayapaan at pag-unlad sa Mindanao.

Posted on: January 11th, 2024 by @peoplesbalita No Comments

Sa isinagawang joint press statement kasunod ng bilateral meeting ni Pangulong Marcos kasama si Indonesian President Joko Widodo, umaasa si Pangulong Marcos na ipagpapatuloy ng Indonesia ang pagtulong sa Bangsamoro Autonomous Region in Muslim Mindanao (BARMM).

“So, today, we also recognized Indonesia’s contribution to peace and development in the Southern Philippines. As Mindanao continues to reap the dividends of peace and democracy, we hope that Indonesia will continue to extend its helping hand to building the institutions of local governance, particularly in the Bangsamoro Autonomous Region,” ayon kay Pangulong Marcos.

“We also took this opportunity to reiterate to our respective agencies that they must expedite the relevant MOUs (memorandum of understanding) that will help unlock the economic potential of BARMM to encourage development, particularly on the livelihood of our many constituents residing in the said region,” dagdag na wika ng Punong Ehekutibo.

Sa kanyang pambungad na pahayag sa bilateral meeting, inalala ni Pangulong Marcos ang tagumpay ng kanyang state visit noong Setyembre 2022. Ang Indonesia ang kauna-unahang bansa na binisita ni Pangulong Marcos makaraang maupo bilang halal na Pangulo ng Pilipinas.

“The success of that visit not only served as a testament to our continuing and flourishing bilateral ties, but it also enabled us to forge new partnerships and collaboration in new areas of cooperation like renewable energy, creative economy, infrastructure development, and other industrial development that have, since that time, [provided] a reason as opportunities for both our countr[ies],” ang litaniya ng Pangulo.

Aniya, patuloy na magiging “closest friends at regional partners” ng Pilipinas ang Jakarta.

“Our many commonalities in geography, history, and culture have fostered deeper and more comprehensive engagements at various levels spanning defense and security, maritime operations, trade and investment, tourism, people-to-people exchanges, amongst many others, and I might add a strengthening government-to-government relationship,” ang sinabi ng Pangulo.

Samantala, pinuri naman ni Pangulong Marcos ang “visionary leadership” ni Widodo at matatag na komitment nito na i-promote at palakasin ang “long-standing at close ties” sa pagitan ng Pilipinas at Indonesia.

Si Widodo ay kasalukuyan nasa Maynila para sa kanyang official visit. (Daris Jose)