NAGHAIN muli kahapon ang pamunuan ng Metro Rail Transit Line 3 (MRT-3) ng petisyon para sa taas-pasahe sa Rail Regulatory Unit (RRU) ng Department of Transportation (DOTr).

Ayon kay DOTr Assistant Secretary for Railways Jorjette Aquino, na siya ring officer-in-charge ng MRT-3, layunin ng petisyon na maitaas ang kanilang boarding fare sa P13.29, mula sa dating P11 lamang, o dagdag na P2.29.

Hiniling din nila sa petisyon na mapahintulutan silang maitaas ang distance fare ng mula P1 kada kilometro at gawin itong P1.21 kada kilometro.

Sinabi naman ni DOTr Undersecretary for Railways Cesar Chavez na ­inaasahan nilang mailalabas ang desisyon sa kanilang petisyon matapos ang dalawang buwan.

Ani Chavez, tulad ng Light Rail Transit Line 1 (LRT-1) at Line 2 (LRT-2), wala ring fare adjustment ang inaprubahan para sa MRT-3 sa nakalipas na walong taon.

Noong nakaraang buwan naman, inianunsiyo ng DOTr na pinahintulutan na ang taas-pasahe sa LRT-1 at LRT-2, simula sa Agosto 2.

ANG KABUUANG operasyon ng Philippine National Railways (PNR) ay hihinto sa darating na December upang bigyan daan ang pagtatayo ng North-South Railway Projects (NSRP) ng PNR at Department of Transportation (DOTr).

Ang unang bugso ng konstruksyon ng proyekto ay ang maaapektuhan ay ang kahabaan ng Alabang, Muntinlupa hanggang Calamba sa Laguna ng PNR route.

Noong nakaraang July 2, ang mga pasahero mula Alabang papuntang Calamba ay hindi na naisakay dahil ang available na train trips ay mula Alabang papuntang Binan sa Laguna lamang habang ang Binan papuntang Calamba train trip ay huminto na ng operasyon.

Ayon sa PNR, may 500 na pasahero kada araw ang maaapektuhan ng paghinto ng operasyon ng PNR train.

Sinabi ni PNR chairman Michael Macapagal na inumpisahan nila ang maliit na bahagi dahil tinututukan nila ang magiging response ng publiko. Sa ngayon ay wala pang mga public utility buses (PUBs) ang kanilang pinatatakbo sa apektadong ruta ng PNR. Subalit kung makita nila na madami ang apektado ay magde-deploy sila ng mga emergency buses sa mga nasabing ruta.

Ang Land Transportation Franchising and Regulatory Board (LTFRB) ay magbibigay ng karagdagan prangkisa sa mga apektadong ruta upang matulungan ang mga apektadong taong bayan na dati pang sumasakay sa PNR.

“The LTFRB will issue new franchises to the affected routes around Metro Manila as the suspension of operation will start in December after the Christmas season. We will wait for the easing of traffic caused by Christmas season as people will go on shopping for the holiday,” wika ni Macapagal.

Ang NSRP ay gagawin sa loob ng anim na taon. Sinabi ni Macapagal na kanilang tinututukan ang modernization ng train system sa bansa upang magkaron ng mga electric trains na tatakbo mula Clark papuntang Pampanga na dadaan sa Bulacan hanggang Metro Manila at tutuloy hanggang Calamba sa Laguna. Inaasahan ng pamahalaan na ang NSRP ay makakatulong upang magkaron ng isang mayabong at malagong ekonomiya ang bansa.

Magkakaron ng 35 na estasyon ang NSRP na may 51 na bagong electric at commuter trains kasama ang 7 hanggang 8 express trains. Ang mga trains na nabanggit ay at par sa world’s standards.

Sa kabilang dako, ang proyekto ng South Long-Haul o ang PNR Bicol Project ay malapit na rin simulan ang konstruksyon. Ang proyekto ay magsisimula sa Calamba, Laguna hanggang Bicol. Sa ngayon, ang pamahalaan ay nakikipagusap na sa dalawang bansa na interesado na sila ang magtayo ng system.

“Once the agreement is signed between the two countries on a public-private partnership or maybe government-to-government or BOT scheme, the DOTr will issue a bulletin to inform our riding public. We are hoping that by the end of July, everything will be done,” dagdag ni Macapagal. LASACMAR

ITO ANG tinuring ni House Ways and Means Chair Joey Sarte Salceda (Albay) kasunod na rin sa mga panawagan na magbitiw sa puwesto si Tourism Secretary Christina Garcia-Frasco bunsod na rin sa naging kapalpakan sa launching ng bagong campaign video ng ahensiya.

Sa halip aniya ay dapat pagtuunan ng pansin ang gagawing hakbang para sa hinaharap ng turismo ng bansa.

“I asked her to fire the consultant. She did. I asked her to correct mistakes and investigate internally. She did. I asked her to be more inclusive with destinations featured. She did. When we resume session in Congress, we will seek facts. She is open. We can disagree without malice,” pahayag pa ni Salceda.

Bahagi aniya ng tungkulin bilang mambabatas at representante ng publiko na pumuna kung kinakailangan ngunit pagkatapos ng mainitang diskusyon ay kailangang manatili ang atensiyon sa pagresolba sa problema.

“And once the controversy about this rebranding effort passes, we will still need to fix our airports, our accommodations, our accessibility. So, no, I will not join calls for her to resign. Certainly not when a lot of it is premised on speculation. I focused on facts in my criticisms. I want to focus on facts on the solutions,” giit ng mambabatas.

Handa rin aniya itong tumulong sa kalihim kasabay nang panawagan na lahat na tumulong din sa tursimo.

“Albay will help her. I offer to her my personal experience as former Governor of Albay, when we grew foreign tourist arrivals by 4,700 percent, and became the country’s rising tourism star. Albay has 1.32 tourists per resident, pre-pandemic, higher than the 0.57 per resident number nationally. It’s one of the best – if not the best, pound-for-pound,” dagdag ni Salceda.

Noong gobernado pa si Salceda ay nabigyan ito ng unang Tourism Star award ng Department of Tourism noong in 2015 sa pagsusumikap nitong gawing pangunahing tourist destination ang Albay. Nabigyan din ito ng Special Grand Tourism Award ng Manila Overseas Press Club.

“I also want to work with her on the Bicol International Airport, and other issues. Let’s move forward,” pagtatapos ni Salceda. (BISHOP JESUS “JEMBA” M. BASCO)