2023 January Archive - People's Balita

Archive for January, 2023

Internet speed sa Pinas, bumuti

Posted on: January 9th, 2023 by @peoplesbalita No Comments

BUMUTI ang internet speed sa Pilipinas sa huling buwan ng 2022, sa pinakabagong datos na ipinalabas ng global speed monitoring firm Speedtest by Ookla.

Batay sa pinakabagong Ookla Speedtest Global Index report, tumaas ang mobile download at fixed broadband speeds para sa bansa noong December.

Tumaas ang mobile median download ng bansa sa average na 25.12 megabits per second (Mbps) mula sa 24.04Mbps noong Nobyembre.

Ito ay 4.49% month-on-month improvement para sa mobile internet speed. Kumakatawan din ito sa 17.33% improvement mula nang pumasok ang Marcos administration noong July 2022.

Bumilis din ang December fixed broadband median download speed level sa 87.13Mbps mula sa 81.42Mbps na naitala noong Nobyembre na kumakatawan sa download speed sa 7.01% month-to-month at 26.39% mula July 2022 sa pagsisimula ng bagong administrasyon.

Ikinatuwa naman ni National Telecommunications Commission (NTC) officer-in-charge Commissioner Ella Blanca Lopez ang pagbilis ng Philippine internet speeds. (BISHOP JESUS “JEMBA” M. BASCO)

Dahil sa nag-out na bilang gay: ‘Stranger Things’ star na si Noah Schnapp, ramdam na ang kalayaan

Posted on: January 9th, 2023 by @peoplesbalita No Comments

SA bansang Nepal nagpakita ng kanyang kakisigan ang Kapuso hunk na si Yasser Marta.

Noong nakaraang New Year ay bumiyahe sa bansang Nepal si Yasser at in-enjoy niya ang mag-hiking sa magagandang bundok doon. Sa kanyang Instagram ay pinost niya ang breathtaking view ng Himalayas na pinusuan ng kanyang followers.

Pero hindi lang ang magagandang snow-capped mountains ang pinusuan ng netizens kundi pati na ang topless photos ng aktor. Kahit nga sobrang lamig ng klima sa Nepal, walang takot na mag-topless si Yasser para i-display ang kanyang balbon na dibdib at ang kanyang six-pack abs.

Nilagyan niya ng caption na “Namaste” ang isang topless photo niya.

May isang netizen na nag-comment na baka raw pulmonyahin si Yasser dahil sa sobrang lamig kaya magsuot na raw ito ng damit.

Pero may mga bekizens naman ang nag-comment na pinainit daw ni Yasser ang malamig na lugar dahil sa balbon na katawan nito.

Mas bet nga raw ng mga bekizens na topless si Yasser tulad ng mga karamihang post nito sa IG. Proud lang siguro si Yasser sa kanyang katawan kaya bakit naman daw niya ito itatago?

Huling napanood si Yasser sa teleserye na ‘What We Could Be’ at sana raw ay isang sexy na teleserye ang pagbidahan nito para raw laging mapapanood na nakahubad ang aktor.

***

NAG-OUT na bilang gay ang Stranger Things star na si Noah Schnapp.

Sa pamamagitan ng pinost niya TikTok video, pinaalam ng 18-year old actor na siya ay isang beki.

Caption niya sa video: “I guess I’m more similar to will than I thought. When I finally told my friends and family I was gay after being scared in the closet for 18 years and all they said was ‘we know.'”

Kinumpirma rin ni Schnapp na ang character niya sa Stranger Things na si Will Byers ay bading at secretly in love ito sa best friend niyang si Mike (Finn Wolfhard).

Sey ni Schnapp sa Variety: “Obviously, it was hinted at in season 1. It was always kind of there, but you never really knew: is it just him growing up slower than his friends? Now that he’s gotten older, they made it a very real, obvious thing. Now it’s 100 percent clear that he is gay and he does love Mike. But before, it was a slow arc.”

Dahil sa pag-out ni Schnapp, nakaramdam na ito ng kalayaan at puwede na siyang tumanggap ng mga projects na makakatulong sa pag-intindi sa maraming tungkol sa mga pinagdaraanan ng gay teens tulad niya.

(RUEL J. MENDOZA)

Ads January 9, 2023

Posted on: January 9th, 2023 by @peoplesbalita No Comments

PBBM, biyaheng Japan sa kalagitnaan ng Pebrero

Posted on: January 9th, 2023 by @peoplesbalita No Comments

SINABI ni Pangulong Ferdinand Marcos Jr. na byaheng Japan siya sa pangalawang linggo ng Pebrero para sa state visit.

“I think the tentative date is around the second week of February, right now,” ayon kay Pangulong Marcos sa isang panayam.

Aniya, kaagad niyang tinanggap ang imbitasyon na bumisita sa Japan nang makapulong niya sii Prime Minister Kishida sa New York sa sidelines ng UN General Assembly meeting.

Tinuran pa ng Pangulo na “Philippine government is “now talking” to the Japanese foreign service “as to when would be the most suitable time to come.”

Sa napipinto nitong pagbisita sa Japan, inaasahan na tatalakayin ni Pangulong Marcos ang usapin na pinag-usapan sa New York noong Setyembre ng nakaraang taon gaya ng regional security concerns at economic security.

“Well, the agenda will be what we — will be a continued discussion of what we started in New York which essentially centers around economic security because with the — Japanese have many concerns about regional security and we are seen, of course, the Philippines is seen as an important part of maintaining that security in partnership with friends and partners like Japan and the other countries around the Indo-Pacific, Asia-Pacific region,” ang wika ng Pangulo.

Sinabi pa ng Punong Ehekutibo na pag-uusapan din nila ang mga bagay na may kinalaman sa “aid and grants.”

Bago pa lumipad patungong Japan, pupunta muna si Pangulong Marcos sa Davos, Switzerland para magpartisipa sa World Economic Forum sa huling bahagi ng buwan. (Daris Jose)

Tsina, “most important partner” ng Pinas- PBBM

Posted on: January 9th, 2023 by @peoplesbalita No Comments

PARA Kay Pangulong Ferdinand Marcos Jr., ang China ang “most important partner” ng Pilipinas sa kabila ng tensyon sa West Philippine Sea (WPS).

“It is a good start, and we will continue to work on this most important relationship with this most important partner of the Republic of the Philippines,” ayon kay Pangulong Marcos sa isang panayam.

“As we embark on a new chapter of bilateral ties, President Xi and I shared the commitment to do everything possible to ensure that the Philippines and China will continue the positive trajectory of our relations which has been elevated to that of comprehensive strategic cooperation since 2018,” ani Pangulong Marcos.

Ibinalita pa ng Pangulo na may 14 na kasunduan ang nilagdaan sa pagitan ng Beijing at Manila.

Kabilang dito ang sa sektor sa “imprastraktura, agham at teknolohiya, kalakalan at people-to-people exchanges.

Ang iba pang kasunduan na nilagdaan ng Pangulo habang siya ay nasa kanyang three-day state visit sa Beijing ay ang “Rules on the exportation of durian, mangosteen, specialty rice varieties to China; 4 individual loan agreements worth $201.8 million co-signed by Export-Import Bank of China (China Eximbank); Framework Agreement for the implementation of the Priority Bridges Crossing Pasig-Marikina River and Manggahan Floodway under Chinese Government Financing, co-signed by the China International Development Cooperation Agency; Agreement on economic and technical cooperation between the two countries at Handover certificate for the Binondo-Intramuros and Estrella-Pantaleon Bridge.”

“These agreements reflect our common priorities as well as practical ways of pursuing bilateral cooperation in an ever-increasing range of areas,” ayon sa Pangulo.

Nagkaroon din ng linaw aniya ang usapin na may kinalaman sa pinagtatalunang West Philippine Sea.

Napagkasunduan ng dalawang bansa na magtatag ng “direct communication line” sa iba’t ibang antas.

“This will avoid any misunderstanding and “miscalculation,” ayon sa Pangulo.

Sinabi pa ng Pangulo na siya ay “more than willing to cooperate” sa China para sa kapakanan ng regional peace.

Isinusulong pa rin aniya ng kanyang administrasyon ang independent foreign policy.

“President Xi and I had an in-depth and frank discussion on the West Philippine Sea issue. We took note of our growing maturity,” ayon kay Pangulong Marcos.

“This bilateral relationship now allows both sides to manage differences in the West Philippine Sea and so as to not allow it to hinder the rest of our fruitful engagements and multifaceted cooperation,” dagdag na pahayag nito. (Daris Jose)

Gold medalist Hidilyn Diaz-Naranjo malabo para sa Asian Games SEAG

Posted on: January 9th, 2023 by @peoplesbalita No Comments

MALABONG maipagtanggol ni 2020+1 Tokyo Olympics gold medalist Hidilyn Diaz-Naranjo ang kanyang mga titulo sa darating na 32nd Southeast Asian Games sa Phnom Penh, Cambodia, maging sa pagsabak sa 19th Asian Games sa Hangzhou, China ngayong taon dulot ng mga nakatakdang lahukang kwalipikasyon para sa 2024 Paris Olympics.

Isiniwalat ni head coach Julius Naranjo na wala pang kasiguruhan ang paglahok ng kanyang sa dalawang pangunahing kumpetisyon dahil pagutuunan nila ng pansin ang Asian Championships, na isa sa mga qualifying tournament para sa Summer Olympic Games na nakatakdang simulan sa Hulyo 26 at magtatapos sa Agosto 11, 2024 sa Paris, France.

“I think at this moment, I can’t give a clear answer, because it conflicts with the World Championships, and the Asian Games conflicts is also quite near to another competition that we’re hoping to go for, so at this moment we’re still undecided, but seemingly so, that it my not be possible for us to compete in those competitions, unless there’s a big change,” pahayag ni coach Naranjo kahapon sa programang Power ‘N Play ni dating PBA commissioner at former PSC chairman Atty. Jose Emmanuel “Noli” Eala.

Nakatakdang ganapin ang Asian Championships sa Mayo 3-13 sa Jinju, South Korea na ilang araw ang diperensiya sa biennial meet na gaganapin naman sa Mayo 5-17.

Ang World Championships naman sa Riyadh, Saudi Arabia ay magbubukas sa Setyembre 2-17, na kasunod naman ang Hangzhou Games sa Setyembre 23-Oktubre 8.

“Alam na po namin and pinili po namin na to prepare on Olympic qualifying at iyun ang priorities eh, and at the end of the day, ang finish line is Paris 2024, so we choose to compete in Olympic qualifying which is quality over quantity, kasi kung mas kaunti iyung competition, mas makapag-prepare at mas lalong mabi-build up iyung strength at katawan na rin,” wika ni Diaz-Naranjo.

Sinabi naman ni Samahan ng Weightlifting ng Pilipinas Inc, President Monico Puentevella sa panayam ng Abante Sports sa telepono na nagsimula na silang humanap ng ibang pamamaraan at panibagong aasahang mga weightlifter na magbibigay ng medalya at hahalili sa pwestong iiwan ni Diaz-Naranjo sakaling hindi ito tumuloy na sumabak sa parehong SEA Games at Asian Games.

“We have other chances for SEA Games too, and we’re trying to look for a way to accommodate both SEA Games and Asian Championships [for Hidilyn]. Vanessa (Sarno), Ando (Elreen), Faustino (Rosalinda) and Macrohon (Kristel) have good chances too, and we still have a try out for the men’s,” saad ni Puentevella. (CARD)

Wish ng fans, isang magandang project: ALDEN, nakitang kasama si PAOLO at top GMA executives

Posted on: January 9th, 2023 by @peoplesbalita No Comments

AFTER manalo ng Best Supporting Actor award si Juancho Trivino as Padre Salvi at Best Director award si Zig Dulay, para sa top-rating GMA historical fantasy portal series na “Maria Clara at Ibarra,” nakapagtataka ba kung susunod namang mananalo ng award si Dennis Trillo, as Crisostomo Ibarra.

Sa isang makapanindig-balahibong eksenang napanood sa serye last Friday evening, January 6, na kitang-kita ang emosyon niya sa role na kanyang ginagampanan.

Ayon sa ilang netizens, marami na raw nagampanang role si Dennis na mahuhusay niyang nai-perform, pero ito raw sa #MCI ang pinakamahusay niyang portrayal so far.

Hindi lamang sila, umani na rin ng mga papuri si Tirso Cruz III bilang si Padre Damaso, si Kapuso Primetime Princess Barbie Forteza sa pag-portray niya bilang isang Gen-Z character na si Klay, si Julie Anne San Jose bilang si Maria Clara, at napansin din ang husay ni Kapuso actor David Licauco bilang si Fidel, at si Andrea Torres bilang ang baliw na si Sisa.

Ang “Maria Clara at Ibarra” ay napapanood gabi-gabi, 8PM, after ‘24 Oras’ sa GMA-7.

***

ISA rin palang Mobile Legend player si Kapuso actress Shaira Diaz, at isa siya sa nag-register as a participant in the Myriad Esports Cup organized by Asia’s Multimedia Star Alden Richards.

Nag-attend na si Shaira ng Myriad Esports Cup Masterclass, na nag-orient sa mga participants ng sasali sa tournament.

November, 2022 nag-announce si Alden na sa January 28, 2023 ang opening ng amateur league teams na ang mga winners ay makatatanggap ng P250,000 total prize pool – pero last December Alden announced that the prize pool had increased to P500,000.

Alden founded Myriad Esports, a gaming video creator company that livestreasm Mobile Legends games with its inaugural stream held last August, 2022.

Ayon kay Alden, ang Myriad Corporation ang newest business venture niya at nauna nga rito ay isa siya sa naging producers ng very successful Eraserhead reunion concert na “Huling El Bimbo” on December 22, 2022.

Samantala, maraming nagtatanong kung may binubuo bang project na pagsasamahan nina Alden at Kapuso actor Paolo Contis, matapos silang makitang kasama ng mga top executives ng Sparkles GMA Artist Center, with Annette Gozon-Valdez and Mr. Johnny Manahan sa penthouse ni Alden.

Wish ng mga fans na isa raw sanang magandang project ang gagawin nila for Alden.

***

ISA na palang freelancer actor ngayon si Joross Gamboa, matapos niyang umalis sa ABS-CBN.

Kaya isa siya sa bibida sa bagong GMA teleserye, ang “The Missing Husband,” na magtatampok din kina Yasmien Kurdi, Rocco Nacino, Jak Roberto, Sophie Albert and Nadine Samonte.

Ang serye rin ang muling magpapabalik kay Nadine sa pag-arte, ang first StarStruck avenger, matapos niyang huminto sa pag-aartista, 8 years ago, after nilang magpakasal ng husband niyang si Richard Chua, na anak ni Kapuso actress Isabel Rivas.

Anytime now ay magsisimula nang mag-taping ang “The Missing Husband.”

(NORA V. CALDERON)

DILG Sec. Abalos pinagbibitiw ang ilang opisyal ng PNP

Posted on: January 7th, 2023 by @peoplesbalita No Comments

PINAPASUMITE ni Department of Interior and Local Government (DILG) Secretary Benhur Abalos Jr ang lahat ng mga colonels at henerals ng Philippine National Police (PNP) na magsumite sila ng courtesy resignation.

Ayon sa kalihim na lumabas sa kanilang imbestigasyon kaya hindi masawata ang iligal na droga sa bansa ay dahil sangkot ang mga heneral at mga colonel.

Base na rin sa rekomendasyon ng PNP ay umapela na lamang siya na magsumite na ang mga ito ng courtesy resignation.

Dagdag pa nito na bagama’t nakakabigla ay ito aniya ang nakikita niyang tamang gawin para magsimula muli.

Mayroong committee ito ng binuo na mag-aaral sa mga profile ng mga opisyal na magsusumite ng kanilang courtesy resignation.

Habang pinag-aaralan aniya ang kanilang courtesy resignation ay patuloy din ang mga opisyal sa paggampan ng kanilang trabaho.

Hindi naman nito binanggit kung sino-sino ang bubuo ng limang personalidad na mag-rereview ng kanilang courtesy resignation.

Hindi lamang ito ang unang pagkakataon na isinangkot ang mga matataas na opisyal ng PNP sa iligal na droga dahil noong panahon ni dating Pangulong Rodrigo Duterte ay pinangalanan na rin nito ang ilang heneral ng PNP na may kinalaman sa bentahan ng illegal na droga. (Daris Jose)

Ads January 7, 2023

Posted on: January 7th, 2023 by @peoplesbalita No Comments

“To the most beautiful soul in the world”: Birthday message ni ENRIQUE kay LIZA, punum-puno ng pagmamahal

Posted on: January 7th, 2023 by @peoplesbalita No Comments

BUKOD sa napakadalang mag-post, matagal na rin na hindi halos nagpo-post sina Enrique Gil at Liza Soberano ng picture na magkasama sila.

Lalo na si Enrique, madalang na lang itong mag-post.

Si Liza ay nasa America, pursuing her Hollywood dreams. Habang si Enrique naman ay nasa bansa. At may mga bali-balita na tila nagpa-plano na lumipat ng Kapuso network.

Masayang-masaya at tila nakahinga naman at napanatag ang kalooban ng mga LizQuen fans. Ang dahilan, ang Instagram birthday greeting ni Enrique sa girlfriend.

Sabi ng isang fan, “We’ve been waiting all along for your birthday greetings. Finally, all the curiosities and worries are all gone now.”

25th birthday ni Liza nitong January 4, pero tulad ng nagdaang Pasko at Bagong Taon, magkahiwalay pa rin silang dalawa.

Pero hindi na pinalampas ni Enrique na hindi mabati ang girlfriend through Instagram. At sa birthday greeting na ito ni Quen, pati ang mga kaibigan nilang artista at director ay napa-comment na “so much love.” Meaning, ramdam nila ang pagmamahal ng aktor kay Liza.

Sabi ni Quen, “We might be worlds apart, but you’ve never been closer to my heart. To the most beautiful soul in the world. To my best friend and baby. I love you so much. Happy Birthday!”

Karamihan naman sa mga comment ay miss na miss na mapanood o makitang muli ma magkasama ang LizQuen. Marami rin ang nagre-request na sana raw, magkasama ang mga ito sa movie.

***

KUNG pagbabasehan ngayon ang mga Instagram posting nina Sofia Andres at ng partner niya na si Daniel Miranda, pwedeng sabihin na ang hinihinalang break-up nila lalo na nitong nakaraang Holidays ay hindi natuloy.

Siyempre, good news ito lalo na sa kanilang mga supporters o fans.

Naunang nag-post sa kanyang Instagram stories si Daniel. Nag-post ito ng picture ng kanyang mag-ina at may caption na, “Through thick and thin, I love you both very much.”

Wala namang mga sweet messages pa mula kay Sofia. Pero after a long time na wala itong post kasama si Daniel, nag-post na ito ng series of pictures na makikita na kasama na si Daniel.

Nangyari ito sa unang visit daw ng anak nila na si Zoe sa dentist.

Mababasa sa mga comments sa Instagram post na ito ni Sofia na natutuwa ang mga followers nila dahil “cancelled” daw ang isyung hiwalayan. At may iba na nagsabing, “All’s well. Nakahinga na ‘ko.”

At least, hindi nila pinangalawahan sina McCoy de Leon at Elisse Joson.

(ROSE GARCIA)