2023 January Archive - People's Balita

Archive for January, 2023

Ads January 17, 2023

Posted on: January 17th, 2023 by @peoplesbalita No Comments

James malapit ng malampasan ang record ni Kareem Abdul-Jabbar

Posted on: January 17th, 2023 by @peoplesbalita No Comments

Naging pangalawang manlalaro si LeBron James ngayong Linggo (Lunes sa Manila) sa kasaysayan ng NBA na umiskor ng mahigit 38,000 puntos, kasama si Kareem Abdul-Jabbar sa isang elite club.

Naabot ni James ang milestone sa laro ng Los Angeles Lakers laban sa Philadelphia 76ers.

Sumalpak ang apat na beses na NBA Most Valuable Player ng isang jump shot mula sa tuktok upang maabot ang 38,001 puntos sa kanyang kumikinang na karera.

Hinahabol ng “King” ang all-time NBA scoring record na hawak ni Abdul-Jabbar, na may kabuuang 38,367 puntos sa kanyang sariling maalamat na karera.

Sa pagpasok ng laro noong Linggo, si James ay nag-average ng 29.0 points sa 50.3% shooting para sa Lakers.

Isang four-time champion, si James ay may career average na 27.2 points, 7.5 rebounds, at 7.3 assists kada laro. (CARD)

Naoya Inoue binakante ang kanyang mga World Bantamweight Titles

Posted on: January 16th, 2023 by @peoplesbalita No Comments

Kinumpirma ni Japanese pound-for-pound superstar Naoya Inoue na babakantihin ang kaniyang WBC, WBA, WBO at IBF world bantamweight titles.

Ito ay dahil balak niyang umakya sa 122-pound division ngayon taon.

Ayon kay Inoue na wala ng challenge sa 118-pound division.

Ang nasabing hakbang ay nangangahulugan na mayroong tsansa ang ilang mga Filipino boxers na sina Vincent Astrolabio, Jerwin Ancajas at Reymart Gaballo para makuha ang binakanteng titulo.

Mayroong record si Inoue na 24 panalo at walang talo na mayroong 21 knockouts bilang professional boxer.

Naagaw niya ang WBC bantamweight world title ng patumbahin niya si Nonito Donaire Jr noong Hunyo 2022. (CARD)

James Cameron & Jon Landau Honored with Handprints and Footprints Ceremony

Posted on: January 16th, 2023 by @peoplesbalita No Comments

THIS honor comes on the heels of their nomination today by the Producers Guild of America (PGA) for producing “Avatar: The Way of Water,” the most successful worldwide release of 2022 and the seventh highest grossing film of all time worldwide.

“Avatar: The Way of Water” filmmakers James Cameron and Jon Landau were honored with a Handprints and Footprints Ceremony at the TCL Chinese Theatre IMAX® in Hollywood.

Among the attendees at the ceremony, in which Cameron and Landau put their handprints and footprints in cement in the legendary movie palace’s forecourt were ”Avatar: The Way of Water” cast members Sigourney Weaver and Stephen Lang. Stills are now available.

This honor comes on the heels of their nomination today by the Producers Guild of America (PGA) for producing “Avatar: The Way of Water,” the most successful worldwide release of 2022 and the seventh highest grossing film of all time worldwide. In addition, the film has been nominated for six Critics Choice awards, including Best Picture and Best Director, and two Golden Globe® awards, for Best Picture and Best Director, and has been selected as one of the year’s top films by the AFI and National Board of Review.

Set more than a decade after the events of the first film, “Avatar: The Way of Water” begins to tell the story of the Sully family (Jake, Neytiri, and their kids), the trouble that follows them, the lengths they go to keep each other safe, the battles they fight to stay alive, and the tragedies they endure.

Directed by James Cameron and produced by Cameron and Jon Landau, the Lightstorm Entertainment Production stars Sam Worthington, Zoe Saldaña, Sigourney Weaver, Stephen Lang and Kate Winslet. Screenplay by James Cameron & Rick Jaffa & Amanda Silver. Story by James Cameron & Rick Jaffa & Amanda Silver & Josh Friedman & Shane Salerno. David Valdes and Richard Baneham serve as the film’s executive producers. (ROHN ROMULO)

Krizziah Tabora-Macatula 9th place sa 16th Asian Tenpin Championship

Posted on: January 16th, 2023 by @peoplesbalita No Comments

TANGING ang World Cup champion na si Krizziah Tabora-Macatula ang pinakamahusay na Pilipino sa ginaganap na 16th Asian Tenpin Bowling Championships sa Hong Kong matapos walang nakarating sa podium.

Si Tabora-Macatula, ang 2017 World Cup champion, ay tumapos sa pang-siyam na pwesto na may 1,401 pinfalls sa women’s singles events.

Nagkasya lang si Lara Posadas-Wong sa pang-16 na may 1,350 pinfalls habang si Rachelle Leon ay nasa pang-18 na may 1,332.

Sina Grace Gella, Mades Alres at Danielle Lazo ay pang-28, 33rd at 40th, ayon sa pagkakasunod.

Kinuha ni Cherie Tan ng Singapore ang ginto, nakuha ng Malaysian Natasha Roslan ang pilak at naiuwi ni Hwang Yeonju ng Korea ang bronze.

Sa men’s side, tumapos si Ian Dychangco sa pang-25 na may 1,438 pinfalls.

Si Ivan Malig ay nasa pang-40, habang si Danielle Evangelista ay tumapos ng 43rd.

Nanguna si Kim Donghyeon ng Korea sa men’s event na sinundan nina Muhd Rafiq Ismail at Ahmad Muaz ng Malaysia. (CARD)

Año in, Carlos out bilang National Security Adviser

Posted on: January 16th, 2023 by @peoplesbalita No Comments

OPISYAL nang nanumpa sa tungkulin si dating DILG Secretary Eduardo Año bilang bagong National Security Adviser.

Sa harap mismo ni Pangulong Ferdinand Marcos Jr. nanumpa sa kanyang tungkulin si Año sa Palasyo ng Malakanyang.

Pinalitan ni Año si Professor Clarita Carlos na nagdesisyon na ipagpatuloy ang kanyang hangarin na scholastic endeavors nang sumama sya sa Congressional Policy and Budget Research Department (CPBRD) ng Mababang Kapulungan ng Kongreso.

Ang CPBRD ang nagbibigay sa House of Representatives ng technical service pagdating sa formulation ng national economic, fiscal, at social policies.

Samantala, sinabi naman ni Carlos na “I have realized that it is no longer politic to continue as NSA to the President and so, I have decided to migrate to another agency where my expertise on foreign, defense and security policy will be of use and I shall continue to help build a Better Philippines.” (Daris Jose)

PBBM, ipinag-utos ang “major reform” para labanan ang smuggling, tiyakin na magiging madali ang pagnenegosyo

Posted on: January 16th, 2023 by @peoplesbalita No Comments

NAIS ni Pangulong Ferdinand R. Marcos Jr. na magsagawa ng reporma sa burukrasya para labanan ang smuggling, babaan ang logistics costs at tiyakin na magiging madali ang pagnenegosyo.

Ito’y habang sinusuportahan ng gobyerno ang investments at business activity sa bansa.

Sa isinagawang pakikipagpulong sa Private Sector Advisory Council (PSAC), sinabi ng Pangulo na ang kasalukuyang sistema ay hindi gumagana, binigyang diin na kailangang gumawa ng paraan ang pamahalaan para tugunan ang malaganap na smuggling.

“To be brutally frank about it, we have a system but they are not working. The smuggling here in this country is absolutely rampant. So it does not matter to me how many systems we have in place, they do not work,” ang winika ng Pangulo sa mga miyembro ng PSAC sa Malakanyang.

“So we really have to find something else. We cannot continue to depend on these systems which have already proven themselves to be quite ineffective,” giit ng Punong Ehekutibo.

“Whether the systems are ineffective or whether it’s the way they’re being operated or the result of side deals by the people, the end result is that the systems currently in place are not working, ” ayon kay Pangulong Marcos.

Sinabi pa ng Punong Ehekutibo na hindi hayaan ng gobyerno na “mawalis na lamang ang isyu at itago sa ilalim ng basahan” dahil malaki ang pinsala nito sa estado at private businesses.

Ayon sa Pangulo, “issues on the ease of doing business and the inefficiency of the country’s airports and seaports are the major complaints he is receiving from the business sector.”

Kailangan aniya na maging mas “innovative” ang mga concerned agencies sabay sabing ” the government has to delineate functions or establish new agencies if necessary to be effective.”

Isa sa rekomendasyon na binanggit ay ang buksan ang database sa Bureau of Customs (BOC) at sa Department of Agriculture (DA) upang tiyakin ang epektibong pagbabahagi ng impormasyon.

Sinabi ng mga opisyal, na isa itong paraan para sa pag-uugnay ng impormasyon para labanan ang smuggling.

Maging ang mga enforcers, anila ay mayroong problema sa pagtugis sa mga smugglers dahil sa documentary requirements o paper chase. (Daris Jose)

Fernando, isinusulong ang positibong pagka-makabayan, nangakong protektahan ang dangal ng Bulacan

Posted on: January 16th, 2023 by @peoplesbalita No Comments

LUNGSOD NG MALOLOS – Ikintil ang positibong pagka-makabayan at itaguyod ang dignidad ng mga Bulakenyo, ito ang nais ni Gobernador Daniel R. Fernando at nangako itong poprotektahan ang dangal ng lalawigan laban sa mga sumusubok na bahiran ang kadakilaan nito.

Kamakailan, ipinatawag ni Fernando ang mga may-ari ng isang public utility vehicle na jeep, matapos kumalat muli sa online ang nakababastos na larawan nito na may nakasulat na slogan sa estribo na nagsasabing “Para umasenso ang Bulacan, kali**gan ay tigilan” na muling nag-trending.

“Batid po ng inyong Lingkod ang kumakalat ngayong larawan sa social media hinggil sa mga bastos na katagang nakasulat sa estribo ng isang jeep. Dahil po sa mga concerned citizen, ito po ay nakarating sa aming opisina at agad namin itong inaksyunan upang ito ay maitama dahil ang ano mang uri ng pambabastos sa Lalawigan ng Bulacan o sa kahit anong bayang nasasakupan nito, kailanman ay hindi makakalagpas at akin pong sinisigurado na ito ay mapananagutan,” anang gobernador.

Nagpahayag naman ng public apology ang mga may-ari ng jeep na may ruta mula Baliwag hanggang Malinta at nakiusap kay Fernando at sa mga Bulakenyo na sila ay bigyan ng isa pang pagkakataon para itama ang kanilang pagkakamali at ipinangako na hindi na nila ito muling gagawin.

“Humihingi po kami ng kapatawaran kay Gov. Daniel at sa mga Bulakenyo sa aming nagawang kasalanan, sa pagpayag na makita pa ng marami o mabasa ito ng mga nakakakita dahil sa ito ay public utility. Hinihingi po namin ito ng kapatawaran at nawa po ito ay huwag ninyo na pong pamarisan,” anila.

Samantala, sinigurado naman ni Fernando na naiintindihan ng mga may-ari ng jeep kung saan siya nanggagaling at ipinaliwanag na dapat nilang ipagmalaki ang probinsiyang kanilang kinabibilangan.

“Pagyurak po sa dangal ng probinsiya, iyan po ang ibig sabihin niyan. Kailangang iyan ay ayusin dahil ang bawat lugar po dito sa lalawigan ay pino-promote po ng maayos. Kung saan ka nakatira, dapat ipinagmamalaki mo, hindi ‘yung ganyan na niyuyurak ninyo ang lalawigan. Hindi po mahirap ang Bulacan dahil umaasenso na po tayo, papunta na sa atin ang mga development,” ani Fernando.

Kasalukuyan namang pinag-aaralan ng Provincial Legal Office sa pamumuno ni Abgd. Gerard Nelson C. Manalo ang mga posibleng kaparusahan sa mga may-ari ng jeep na gumawa ng paglabag. (BISHOP JEMBA BASCO)

Maraming nadismaya na ‘di pumasok sa Top 16 si Celeste: Fil-Am na si R’BONNEY GABRIEL, kinoronahang ‘Miss Universe 2022’

Posted on: January 16th, 2023 by @peoplesbalita No Comments

NAGWAGING Miss Universe 2022 si Miss USA R’Bonney Gabriel sa New Orleans Morial Convention Center in New Orleans, Louisiana, USA.

Kinabog ng 28-year old Filipino-American from Houston, Texas ang mahigpit niyang nakalaban sa Top 3 na sina Miss Dominican Republic Adreina Martínez (2nd runner-up) at Miss Venezuela Amanda Dudamel (1st runner-up).

Si Gabriel ang ika-siyam na Miss Universe winner ng USA na siyang may hawak ng record na most Miss Universe wins. Ang mga past winners ng USA ay sina Carol Morris (1956), Linda Bement (1960), Syliva Louise Hitchcock (1967), Shawn Weatherly (1980), Chelsi Smith (1995), Brook Lee (1997) and Olivia Culpo (2021).

Naging kontrobersyal ang pagpanalo ni Gabriel ng Miss USA title noong October 2022. May ilang candidates kasi ang nagportesta sa pagkapanalo niya dahil rigged daw ang pageant at kay Gabriel daw talaga nakareserba ang korona. Nakita raw kasi sa social media na nakipagkita raw si Gabriel sa major sponsor ng Miss USA pagkatapos itong makoronahan bilang Miss Texas.

Pero napatunayan naman ng Miss USA Organization na walang dayaan na nangyari at patas ang lahat ng candidates sa paglaban sa korona ng Miss USA.

Sinilang sa Houston si Gabriel na ang ama niya ay si Remigio Bonzon “R. Bon” Gabriel ay isang Filipino at ang mother na si Dana Walker na isang American.

Nakatapos ng kanyang bachelor’s degree in fashion design with a minor in fibers si R’Bonney sa University of North Texas at ang mga creations niya ay eco-friendly clothing.

Sa naturang pageant, nagsalita ang bagong may-ari ng Miss Universe Organization, ang Thai media tycoon and transgender rights advocate na si Anne Jakkapong Jakrajutatip, CEO ng JKN Global Group na binili ang MUO for $20 million.

Binigyan din ng tribute si Miss USA 2019 Cheslie Kryst na pumanaw dahil sa suicide noong January 2022.

Ang bansang El Salvador naman ang magiging host country ng Miss Universe 2023 na magaganap bago matapos ang taong ito.

Maraming Pinoy pageant fans naman ang nadismaya sa hindi pagpasok ni Miss Philippines Celeste Cortesi sa Top 16 ng 71st Miss Universe.

Pumasok sa Top 16 sina: Puerto Rico (Ashley Carino), Haiti (Medeline Phelizor), Australia (Monique Riley), Dominican Republic (Adreina Martínez), Laos (Payengxa Laor), South Africa (Ndavi Nokeri), Portugal (Telma Madeira), Canada (Amelia Tu), Peru (Alessia Rovegno), Trinidad and Tobago (Tya Janè Ramey), Curacao (Gabriela Dos Santos), India (Divita Rai), Venezuela (Amanda Dudamel), Spain (Alicia Faubel), USA (R’ Bonney Gabriel) at Colombia (Maria Ferranda Artizabal).

Pinaramdam din ni Miss Universe 2018 Catriona Gray na backstage host ng Miss Universe ang kanyang panghihinayang na hindi nakapasok si Miss Philippines at ang iba pang candidates na malakas ang naging laban noong preliminary round.

“Guys, you are not alone, Philippines, Thailand, Mexico, Indonesia, I know you might be feeling a little bit of disappointment right now, but we always have next year,” sey ni Queen Cat.

Dahil dito ay nasira ang magandang record ng Pilipinas na hindi nawawala bilang parte ng semi-final round ng Miss Universe since 2010.

Si Venus Raj ang bumasag noon sa sampung taong walang pumapasok na kandidata mula sa Pilipinas sa Miss Universe since 1999.

Simula noong 2010 ay 12 years pasok ang Pilipinas at apat na taon tayong naging runner-up: Venus Raj (4th runner-up), Shamcey Supsup (3rd runner-up), Janine Tugonon (1st runner-up), Ariella Arida (3rd runner-up); anim na beses na pumasok bilang finalists: MJ Lastimosa (Top 20), Maxine Medina (Top 6), Rachel Peters (Top 10), Gazini Ganados (Top 20), Rabiya Mateo (Top 21), Beatrice Luigi Gomez (Top 5), at naka-dalawang beses na napanalunan ang Miss Universe crown: Pia Wurtzbach (2015) at Catriona Gray (2018).

(Ruel J. Mendoza)

Kadiwa outlets ng Marcos administration, nakapagsilbi ng 1.22-M households

Posted on: January 16th, 2023 by @peoplesbalita No Comments

INIULAT ng Office of the Press Secretary (OPS) na nasa 1.22 million households ang napagsilbihan ng Marcos administration sa mga Kadiwa outlets.

As of November nitong taon nakapagtala ng P418 million na kita ang 19, 383 Kadiwa selling activities ng pamahalaan.

Naka-benepisyo naman dito ang 450 farmer cooperatives and associations (FCAs) at agri-fishery enterprises sa buong bansa.

Sa ilalim ng Kadiwa ng Pasko caravan, nilayon ng administrasyon na ipagpatuloy ito pagkatapos ng holiday.

Napag-alaman na mahigit P15 milyon ang nalikom na benta as of Disyembre 11.

Bukod sa paglalagay ng mga Kadiwa outlet, ang gobyerno ay nagpatakbo ng mga Agri-Pinoy Trading Centers (APTCs) at Diskuwento Caravans upang patatagin ang mga suplay at presyo ng asukal.

Kung maalala, ang Department of Agriculture (DA) ay nagpapatakbo ng 15 APTC sa buong bansa, na nakikinabang sa 219,201 magsasaka at mangingisda.

Upang mapababa ang gastos sa transportasyon para sa pagkain at iba pang pangunahing bilihin, isinagawa ng administrasyong Marcos ang Unified Logistics Pass (ULP), na naglalayong mapadali ang tuluy-tuloy na paggalaw ng mga trak na nagdadala ng mga produktong agrikultural at iba pang pangunahing bilihin.

Nagpataw din ang gobyerno ng moratorium sa pangongolekta ng pass-through fees at nagtayo ng mas maraming rural infrastructure.