2023 January 13 Archive - People's Balita

Archive for January 13th, 2023

Ombudsman kinuwestiyon ang DA at FTI sa pagbili ng mahal na sibuyas

Posted on: January 13th, 2023 by @peoplesbalita No Comments

HININGI ng Office of the Ombudsman ang paliwanag ng mga opisyal ng Department of Agriculture (DA) at Food Terminal Inc. (FTI) sa pagbili sa mataas na presyo ng sibuyas sa isang kooperatiba.

Ayon kay Ombudsman Samuel Martires, nais niyang malaman ang katwiran sa pagbili ng dalawang ahensiya ng P537 kada kilo ng sibuyas mula sa Modena Multi-Purpose Cooperative.

Sa sulat ni Martires sa mga opisyal, hihingiin niya ang paliwanag ng mga ito kung saan hinugot ang P140 milyon na ipinambili ng sibuyas.

Nabatid na ang FTI naman ang ginamit na ahensiya sa pagbili ng mga sibuyas mula sa kooperatiba.

Ang mga biniling sibuyas ay ipinagbili naman sa Kadiwa Stores sa halagang P170 kada kilo.

Ang paliwanag ng mga nabanggit ay magiging bahagi na ng isasagawang imbestigasyon ng Ombudsman hinggil dito. (Daris Jose)

Durant hindi makakapaglaro ng 2 linggo dahil sa injury

Posted on: January 13th, 2023 by @peoplesbalita No Comments

Hindi makakapaglaro ng hanggang dalawang linggo si Brooklyn Nets star Kevin Durant.

Ayon sa koponan na nagtamo si Durant ng injury sa kaniyang kanang tuhod.

Natamo nito ang injury ng magkabanggaan sila ni Jimmy Butler ng Miami Heat sa third quarter.

Lumabas sa scan nitong Lunes na nagtamo siya ng ligament sprain.

Bago makapaglaro pagkatapos ng dalawang linggo ay susuriin muna itong mabuti.

Mayroong average na 30 points ang 34-anyos na si Durant kabilang ang 6.7 rebouds at 5.3 assists sa kada laro. (CARD)

US itinangging dahil sa cyber attacks ang nangyaring aberya sa paliparan

Posted on: January 13th, 2023 by @peoplesbalita No Comments

ITINANGGI ni US na nagkaroon ng cyber attack matapos ang nangyaring aberya sa kanilang mga paliparan nitong Miyerkules ng gabi.

Ayon kay US Transportation Secretary Pete Buttigieg, na walang ebidensiya o indikasyon na nagkaroon ng cyber attack.

Ganun pa man ay hindi pa rin nila isinasantabi ang nasabing usapin at patuloy ang ginagawa nilang imbestigasyon.

Iniutos na rin ni US President Joe Biden ang malawakang imbestigasyon sa nangyaring insidente.

Magugunitang aabot sa halos 7,000 na mga flights ang naantala habang mahigit 1,000 flights ang nakansela dahil sa insidente.

Base sa unang imbestigasyon ng Federal Administration Aviation na nagkaroon ng problema ang Notice to Air Mission system na siyang nagbibigay ng babala sa mga piloto sakaling may aberya sa paliparan.

Umabot sa ilang oras bago naibalik sa normal ang mga flights. (Daris Jose)

Bus sa EDSA busway, dinagdagan

Posted on: January 13th, 2023 by @peoplesbalita No Comments

DINAGDAGAN pa ng Land Transportation Franchising and Regulatory Board (LTFRB) ng 42 bus units na bibiyahe sa EDSA busway.

Bahagi ito ng ‘trial’ basis’ para sa mga susunod na araw.

Ayon kay LTFRB Chairman Teofilo Guadiz III, nagsimula ang trial/simulation ng rescueOmnibus Franchising Guidelines (OFG)-compliant bus units ng alas-6:00 ng gabi kahapon at matatapos sa Enero 16, 2023 ng 6:00 ng umaga.

“The extra units, which come from bus companies that are not members of the two big consortiums that operate on the EDSA Busway Carousel, are meant to augment the existing number of buses plying said route,” pahayag ni Guadiz.

Base sa Board Resolution No. 191, mas mababa sa requirement number of units na 80% nf authorized units ang humibiyahe.

“The provision of these ‘rescue’ units have been discussed with the two bus consortiums already. Rescue buses were being utilized when there is an established increase in passenger demand and the number of deployed units is insufficient to render efficient service,” pahayag ni Guadiz.

Imo-monitor ang bagong programa sa pamamagitan ng online sa LTFRB’s Franchise Planning and Monitoring Division (FPMD), katuwang ang safetravelph.

Pag-aaralan ng LTFRB ang programa matapos ang pitong araw.

Sa ilalim ng bagong guidelines, magsisimula ng mag-operate ang rescue units ng 12 oras mula alas -6 ng gabi hanggang alas-6 ng umaga.

Pagkatapos nito ay magiging 20-hour run by the regular buses mula alas-4 ng madaling araw hanggang 12 midnight. (Daris Jose)

Ads January 13, 2023

Posted on: January 13th, 2023 by @peoplesbalita No Comments

Tennis star Naomi Osaka, buntis

Posted on: January 13th, 2023 by @peoplesbalita No Comments

Inanunsiyo ni dating world number one tennis star Naomi Osaka na ito ay buntis kaya hindi na ito maglalaro sa Australian Open sa susunod na linggo.

Sinabi nito na magbabalik lamang siya sa paglalaro kapag naisilang na niya ang anak.

Huling naglaro ito ay sa Pan Pacific Open sa Tokyo noong Setyembre.

Mula sa pagiging ranked number 1 noong 2019 ay nasa ranked number 47 na ito ngayon.

Nagwagi ito ng apat na Grand Slam singles titles na kinabibilangan ng Australian Open noong 2019 at 2021 at ang US Open noong 2018 at 2020.

Hinirang din siya bilang world’s top-earning female athlete ng 2022 ng Forbes kung saan kumikita ito ng $511 milyon. (CARD)

Mahigit 73 million Filipino, fully vaccinated na kontra COVID-19 – DOH

Posted on: January 13th, 2023 by @peoplesbalita No Comments

NASA mahigit 73 million Pilipino na ang fully-vaccinated kontra Covid-19 ayon sa Department of Health (DOH).

Sa datos noong Enero 8, 2023, nasa 6.9 million senior citizens ang bakunado na, 10 million sa mga kabataan at 5.4 million naman sa mga bata na edad 5 hanggang 11 anyos.

Iniulat din ng DOH na halos 21.2 million indibdiwal na ang nakatanggap ng unang booster dose at halos 3.8 million naman ang naturukan na ng ikalawang bosster shots.

Nagpaalala naman ang DOH sa publiko na makakatulong para maprotektahan ang ating sarili laban sa viral disease ang patuloy na pag-obserba ng minimum public health standards.

Iniulat din ngayong araw ni DOH Officer-in-Charge Maria Rosario Vergeire na patuloy na bumababa ang kaso ng Covid-19 sa bansa.