HINDI napigilan ang SPARKADA na si Vince Maristela na ipakita ang six-pack abs niya sa mediacon ng bagong GMA primetime series na ‘Luv Is: Caught In His Arms.’

Si Vince nga ang tinatawag na hunk ng SPARKADA dahil sa alagang-alaga ang katawan nito sa workout at diet.

Binuking nga ng ka-partner niya sa Luv Is na si Cheska Fausto na baon ni Vince sa lock-in taping nila sa Baguio City ang mga gym equipments nito.

Dagdag pa ni Cheska: “At si Vince, may sariling baon yan na pagkain, chicken breast. Di sya kumakain ng iba kundi yung lang. Kaya hanga ako sa pagiging maalaga niya sa katawan niya at naiimpluwensyahan niya kaming lahat to eat healthy.”

Kuwento ni Vince na 18 years old pa lang daw siya noong magsimula siyang maging health conscious at mag-workout. Kaya at age 22, batak na batak ang katawan niya as seen sa mga pino-post niya sa Instagram.

In the future daw ay okey sa kanyang tumanggap ng sexy roles.

“Pinapakita ko naman yung katawan ko sa IG, siguro okey lang sa ibang projects basta approved ng Sparkle at ni Mr. M (Johnny Manahan),” sey pa ni Vince.

***

KAHIT na hindi napanalunan ng Filipina international actress na si Dolly de Leon ang best supporting actress award sa nakaraang 80th Golden Globe Awards, nagawa naman niyang makarampa sa red carpet ng naturang event kasabay ang mga A-list Hollywood stars.

Ang local designer na si Norman de Vera ang napili ni Dolly para damitan siya for the awards nights. Nirampa ni Dolly ang black corset gown with matching opera gloves.

Inupuan daw ng aktres at ng kanyang stylist na si LJ Perez ang kanyang isusuot para sa red carpet. Kilala ang New York-based na si Perez sa pag-assist nito sa pag-create ng red carpet looks ng mga celebrities na sina Doja Cat, Lizzo, Shawn Mendez, and Barbie Ferreira.

Pinili ni Dolly ang fellow Pinoy and designer na si Norman de Vera na gumawa ng kanyang red carpet gown. Si De Vera ay kasalukuyang designer and image director ng AZ Factory by Alber Elbaz.

Dinamitan na niya ang mga international celebrities tulad nila Heidi Klum and Jennifer Lopez. Nagtrabaho rin siya sa fashion houses ng Céline, Lanvin, Nicolas Ghesquière’s Louis Vuitton, Calvin Klein, and Versace.

Super proud si De Vera na nakatrabaho niya si Dolly: “For me, she represents all the dreams, hard work, and dedication of every artist… This is a global Filipino moment. Our stories belong to the world stage.

“We are now being seen for what we have always been able to do! I always say there is space at the table. Kain na tayo!”

(RUEL J. MENDOZA)

(ROMMEL L. GONZALES)

HINDI nagpahuli ang Cebuana actress na si Chai Fonacier kay French actress na si Eva Green British actor na si Mark Strong sa psychological thriller movie na Nocebo (Latin word for “I shall harm”) na hatid ng TBA Studios at EPIC Media na ipalalabas na sa mga sinehan sa Enero 18.

Muli ngang ipinakita ni Chai ang husay niya sa pag-arte dahil imposibleng ‘di mapapansin ang ginawa niya bawat eksena na binigay sa kanya.  Ayon sa aktres, hindi pa rin daw siya makapaniwalang makakatrabaho niya sa isang international movie ang kapwa mahuhusay na na sina Eva at Mark.

Napakahalaga ng character na ginampanan ni Chai sa Nocebo ang first Philippine-Irish co-production, at isa nga siya sa tatlong bida, na hindi lang kinunan ang Ireland, pati na rin sa dito sa Pilipinas.

Sa unang sampung minuto ng movie na dinirek ni Lorcan Finnegan, nagpakita ang character ni Chai sa doorstep ng isang suburban home sa Dublin. Nag-doorbell at nagpakilala bilang Diana, isang Filipino nanny na kinuha para makatulong sa bahay. Si Christine (Eva Green), na isang fashion designer ay ilang buwan nang namomroblema sa kanyang misteryosong sakit at hindi niya ma-recall na nag-hire siya ng isang nanny. Pero dahil sa mga ngiti ni Diana at tipong malaki talaga ang maitutulong, nagpaubaya na lang ito na tanggapin at nahihiya rin ipagtabuyan ang isang immigrant.

Inamin ni Chai na natutulala siya sa mga eksena at nakalilimutang parte ng pelikulang sinulat ni Garret Shanley.

“During rehearsals, I would forget that I’m part of the scene, kasi it’s such a joy watch them work,” pahayag niya.

Naipakita sa pelikula, ang well researched about witchcraft sa Pilipinas, tulad ng pambabarang.

Naka-display nga sa lobby ng Red Cinema ang props na ginamit ni Chai, tulad ng maleta at mga herbal potion, at iba pang gamit na makikita sa pelikula.

Sa pagkukuwento ni Chai, “The props outside are the actual props that we used for Diana in the film and they were sourced in places like Quiapo, which means they are actual items that practitioners use.”

Dagdag pa niya, “We also consulted a local shaman about how to handle these things because you’re not going to lose anything, to take extra precautions.”

Ang Shaman ay tawag sa isang taong may impluwensiya sa mga mabubuti at masasamang espiritu.

“There was another item where we were instructed specifically not to bring along with us if we’re going to pass by a cemetery.Huwag daw idadaan sa sementeryo.

“So the production design came in Ireland, ‘Okay, let’s check the routes really quick,’ from the unit base to the location we’re shooting at, and they said ‘We have checked, there are no cemeteries in any of the routes that we’re taking.’”

Hangang-hanga naman si Chai sa pagtatrabaho sa isang international film.  Grabe raw ang discipline at respeto sa oras ng mga workers.

Ang aga aga raw nilang natatapos at may isang pagkakataon pa panay daw ang sorry sa kanila ng crew dahil nag-overtime daw sila sa pagso-shoot.  Nang tanungin nya tungkol dito, 15 minutes pa lang pala.

Inamin din niya nalungkot siya sa di pagkapanalo ni Dolly de Leon sa 80th Golden Globes Awards para sa mahusay nitong pagganap sa ‘Triangle of Sadness’.

Sa kabila nito ay dapat pa ring ipagdiwang ng mga Pinoy dahil bahagi na si Dolly ng history ng naturang award-giving body.

(ROHN ROMULO)