SA Youtube video na ipinost ng Rise Artists Studio featuring unfiltered stories about their relationships ng mga hosts ng “Boys After Dark” na sina Markus Patterson, Anthony Jennings, Jae Miranda, Gello Marquez at Aljon Mendoza, nagbitiw ng salita si Markus.

Si Markus ang ex na ngayon ng actress na si Janella Salvador at ama ng anak niya. Sa naging pahayag nito, malinaw na may pait pa rito ang kinahinatnan ng relasyon nila. Kaya may regret ito at may payo na ‘wag daw makipag-date sa mga taga-industry.

Napapamura pa ito sa pagsasabing, “Kung may lesson ako sa mga relationships ko, never to fucking date someone in the industry, bro!”

May pakiusap pa ito na ‘wag daw ika-cut or ie-edit ang sinabi niya dahil seryoso raw siyang talaga.

Timing naman ang pagkakalabas ng video sa pag-amin ni Janella na single na nga siyang muli at may pahayag pa na tila on her own ay gusto nitong buhayin at palakihin ang anak nila.

Base sa mga comments ng mga netizen na nababasa namin, lalo na sa Twitter kunsaan ay trending pa rin sina  Janella at Markus, mukhang sa paglabas ng huli ng saloobin niyang ito, mas nakukuha ni Janella ang simpatiya ng mga netizen.

Ilan sa mga comments, “Markus Paterson is barely in the industry. people only got to know about your existence when janella mistakenly dated you.”

“Sobrang cringe talaga nitong Markus Paterson nato even before.  I really didn’t like his vibe and even his attitude. Glad janella salvador’s free now. YOU GO, GIRL!”

“Markus Paterson who got Janella Salvador pregnant at the peak of my beloved JoshNella love team is spitting some shit and thinking he’s relevant by saying ‘industry’. Lol, people wouldn’t know you if it weren’t for Janella. Janella deserves way more than better.”

 ***

ELEVEN years na ang loveteam nina Kathryn Bernardo at Daniel Padilla. Imagine, 15 pa lang si Kathryn nang magsimula ang KatNiel at 16 nama si Daniel.

Sino nga ba sa ngayon ang katulad nina na mga teenagers pa lang nang maging magka-loveteam, naging for real ang relasyon at hanggang ngayon, after 11 years ay nananatiling matatag at dalawa sa maituturing na pinakasikat na artista sa bansa.

Kaya kahit ang mga ibang artista, sila ang peg at iniidolo as loveteam.

Siguro, malaking factor rin talaga ang pagiging appreciative nina Kathryn at DJ sa kanilang fandom. Tuwing anniversary, although of course, hindi naman sila nakakalimutan ng KathNiels na i-celebrate, kahit sila, mapi-feel mo ang importance na ibinibigay nila sa mga fan nila.

Nag-post nga si Kathryn ng video nila kunsaan, sabay nilang hinipan ang anniversary cake nila bilang loveteam. 

At sa caption ni Kathryn, hindi nga raw siya makapaniwala sa mga narating na nila bilang loveteam.

Sey niya, “Happy 11^th anniversary to the best fandom anyone could ever ask for!

“Thank you for the 11 wonderful years, KathNiels.  Growing up with you is something that we’ll cherish forver, and reminiscing all the memories we’ve shared will always bring a smile to our faces.  Still can’t believe how far we’ve come! We’ll work hard to continue making you proud.

“Maraming salamat. Mahal namin kayo! Kita kita tayo soon, okay?”

Ang kasalukuyang serye nina Kathryn at Daniel na “2 Good 2 Be True” na napapanood sa Netflix ang isa sa pinakamagandang gift ng dalawa sa kanilang mga fan, pero siyempre, wala ng gaganda pa sa tibay ng relasyon na meron sila.

(ROSE GARCIA)

MALAPIT na ngang matunghayan ang kaseksihan at alindog ni Julia Barretto sa latest movie ng Viva Films na Expensive Candy

Ang karakter na ginagampanan ng tinaguriang “Drama Royalty of the Century” sa kanyang bagong pelikula ang pinaka-daring at sultry dahil ibang-iba ang Julia na masisilayan sa big screen ngayong September 14.

Hindi naman nagka-problema ang aktres dahil may go signal ito ng ina si Marjorie Barretto at mga kapatid nang mag-decide siyang tanggapin ang Expensive Candy na tiyak na pag-uusapan ng mga viewers.

Tiwala kasi sila kay Jason Paul Laxamana dahil nagustuhan nila ang Between Maybes, na pinagbidahan ng aktres at boyfriend na si Gerald Anderson noong 2019, na kung saan ito rin nagsulat at nagdirek.

Kuwento ng next superstar ng Viva Films, “Nag-usap kami and she gave me the go signal.

“Actually, everybody was really excited from the very beginning and, like I said, they really loved Between Maybes at yung naging collaboration namin ni Direk JP.

“In fact, they’re all gonna be in the premiere night. Sila ang unang manonood.”

Pag-amin pa ni Julia, hindi raw niya kayang tanggihan ang direktor na sinubukan na naman ang husay niya sa pag-arte, “Never akong makaka-no kay Direk JP kahit ano pa yung ibigay niya, ipagawa sa akin, hindi ako makaka-no.

“Number one, the story is really nice. Nung nabasa ko yung script, I immediately knew I wanna do it.

“Yes, I’m very excited to do it.”

Sa naging pahayag pa niya, “Ang daming beses namin nag-usap ni Direk at saka nag-meet bago kami nag-start mag-roll. Pero siguro, my favorite thing always to do before doing a film is immersing.

“Unforgettable yung night namin ni Direk sa Angeles City and we were able to visit the walking street kung saan mismo kami nag-shoot.

“Tapos, naghanap po kami ng puwedeng reference ko for Candy, na ngayon, naging kaibigan ko rin.”

At dahil nga sa immersion na kanyang ginawa, lalong tumaas ang respeto ni Julia sa mga sex worker at marami siyang ‘di malilimutang mga karanasan sa shooting ng Expensive Candy na kung saan si Carlo Aquino ang kanyang leading man.

Happy naman ang aktres na kinu-compare ang Expensive Candy sa Pretty Woman nina Julia Roberts at Richard Gere.

Ito ang second movie ng Viva Films na magkakaroon ng theatrical release matapos magluwag at humarap sa new normal dahil sa pandemya.

Nauna na ngang ipinalabas sa mga sinehan ang Maid in Malacañang noong August 3 at pinilahan ng manonood, na showing pa rin hanggang ngayon.

Sabi pa ni Direk Laxamana, hindi siya napi-pressure na tapatan o higitan ang box-office record ng controversial movie ni Darryl Yap. Masaya na raw siya maging bahagi ng pagbabalik ng mga tao sa sinehan at hindi naman mapapahiya sa bagong obra niya na Expensive Candy na mas marami ang puwedeng makapanood dahil nakakuha ito ng PG-13 rating sa MTRCB.

(ROHN ROMULO)

PINUPURI ngayon ng mga netizens si Gretchen Ho dahil sa pag-issue niya ng public apology sa maling report ng “Frontline sa Umaga” ng TV5 kunsaan, siya ang newscaster kina Vice Ganda at Marian Rivera.

Bukod sa dinilete ng TV5 ang tweet nila tungkol dito na talagang nireakan ni Vice Ganda, nag-tweet pa ng personal apology niya si Gretchen.

Tinanggap ni Vice ang paghingi ng paumanhin ni Gretchen at nag-repy rito nang, “Thank you @gretchenho. I appreciate it.”

Ang naging tweet ni Gretchen, “We issued an erratum this morning on #FrontlineSaUmaga for yesterday’s erroneous news report.

“Rest assured, we are reviewing internal processes to make sure this doesn’t happen again.

“Apologies to @vicegandako and Ms. Marian Rivera. We will do better.”

Pinuri naman si Gretchen ng mga netizens dahil sa ginawa niya. Ilan sa mga tweets na nabasa namin, “I admire the maturity of the parties involved. Kudos to Ms. Vice and Ms. Gretchen.”

“Grabe, Ms. Gretch!! Thank you!! #Respeto”

“This is how u handle the mistake maturely and professionally. Great Job

@gretchenho.”

***

ANG daming naging reaction dahil sa ipinost ng Cannes Best Actress na si Jaclyn Jose, pero deleted na rin na siya ay magreretiro na sa showbiz.

Nakausap namin ang actress over the phone at sinabi niya ang dahilan kung bakit siya nakapag-post ng gano’n at the same time, kung bakit siya nag-desisyon na i-delete na lang.

Inamin nito na nade-depress siya. Mainly because at this point, she’s technicaly living alone and lonely.

Aniya, “I mean it because masamang-masama ang loob ko kagabi with what had happened to me. I felt so bad that I want to leave the country. Umalis mag-isa at mawala.

“Kaya ko siguro naisip na hindi na ‘ko magsu-showbiz, mag-aartista. Sobrang depressed na depressed ako that time.”

Hindi na ikinaila ni Tita Jane na miss na miss niya ang mga anak at maging ang mga apo. Si Andi ay may sarili ng pamilya at sa Siargao naninirahan. Ang bunsong anak naman niya ay sumunod sa girlfriend sa America at do’n na nagtatapos ng pag-aaral.

Naiintindihan naman daw niya ang mga ito na parehong mga busy na, pero sey nga niya, “Siguro kahit sinong ina, makaka-relate o maiintindihan. If it’s not too much to ask, I know they’re busy. They have their own life. Andi has a family. My son is studying so hard. Pero gusto ko na sana lagi nila akong naaalala. Sana maaalala nila ‘ko.”

Sa ngayon, sa tamang panahon daw kung magre-retiro man siya sa showbiz. Na-overwhelm din daw siya sa mga nabasang comment at apela halos ng mga netizens at maging mga taga-industriya na ‘wag muna siyang titigil at hindi raw niya akalain na gano’n na lang pala siya naa-appreciate ng lahat.

Very grateful din siya sa Kapuso network na mahigit isang dekada, naging very generous sa kanya. Kaya feeling daw niya, parang naging selfish siya sa nai-post.

***

HINDI itinanggi ni Direk Jose Javier Reyes na isa sa mga new favorite niya ay ang VIVA star, ang beauty queen turned actress na si Janelle Tee.

Ikalawang pagsasama na nina Janelle at Direk Joey ngayon sa Vivamax.

This time, sa four parts series na “Anna.”

Ayon kay Direk Joey, tingin daw niya, si Janelle ay intelligent actress at nakikita niya na magtatagal ito sa showbiz.

Siyempre, overwhelmed naman ang sexy star sa mga narinig na papuri sa director. At nagsabing sobra siyang maraming natutunan sa director, lalo na sa mga talks nila even about life.

Sa isang banda, tungkol sa isang babae na naging prostitute para lang may pantustos sa pangangailangan ng lahat sa buhay niya ang role niya sa Anna. May nagtanong kay Janelle kung sa totoong buhay, sa isang relasyon, ano raw ang mas gusto niya—money o love.

Natatawang sagot niya, “Pwede bang both? Hahaha! Pero, siguro money kasi I can do a lot of things with money. Pero siyempre, importante pa rin ang love.

“Love with money, gano’n. Hindi pwedeng love lang, tapos wala kayong kakainin, ‘di ba?”

Ang ‘Anna’ ay magsisimulang ma-stream sa Vivamax sa September 25.

(ROSE GARCIA)

PANGARAP pala noon ng aktor na si Richard Yap ay ang maging isang doktor.

Sa latest episode ng online podcast na Surprise Guest with Pia Arcangel, ibinahagi ni Richard ang kanyang dream noon na maging isang neurosurgeon.

“I wanted to be a neurosurgeon when I was younger, and I actually took up pre-med for 2 years and a half before my father stopped me. But, if I can’t be a real one you might as well play it. So, it is a dream role,” pahayag ng aktor na gumaganap bilang si Dr. Robert “RJ” Tanyag sa upcoming GMA Afternoon Prime series na ‘Abot Kamay Na Pangarap.’

Pagpatuloy pa niya: “I took it up Medical Technology for two years. Then, my father told me to stop because he wanted me to take up a business course. After two terms in La Salle, I stopped again for a term because I wanted to go back to medicine.

“So, I applied to the University of Santo Tomas. But they wanted me to go back to first year, so I said, well never mind, might as well finish business na lang, I guess, it wasn’t meant for me. I always wanted to help people, in a way I had this idea of being a knight in shining armor for people who are sick and I have a sister who is a doctor also.”

Kaya sa kinabibilangan niyang teleserye na ‘Abot Kamay Na Pangarap’, natupad na ang ilan sa mga gusto niyang gawin noon kahit sa pag-arte lamang bilang isang doktor.

***

MARAMI ang nakaka-miss sa celebrity chef na si Chef Boy Logro.

Naging paboritong panoorin si Chef Boy sa cooking show niya na Kusina Master, hindi lang dahil sa masasarap na niluluto niya, kundi sa kanyang pagpapatawa at ang pagiging inspirasyon niya sa maraming nag-aaral ng culinary arts.

Noong magkaroon ng pandemya, tumigil na sa paglabas sa TV si Chef Boy at nag-concentrate ito sa vlogging. Nag-expire na rin daw ang kontrata niya sa GMA, pero nag-offer naman daw ang network ng renewal para magtuluy-tuloy ang cooking show niya na Idol Sa Kusina.

Pero tinanggihan ni Chef Boy ang pag-renew ng kanyang kontrata dahil mas gusto na niya ang pag-vlog dahil mas marami siyang nalalaan na oras sa kanyang pamilya at sa kanyang sarili.

During the pandemic, umuwi si Chef Boy kasama ang kanyang pamilya sa Davao kunsaan kinaaliwaan niya ang pagtanim ng mga gulay at mga punong may iba’t ibang bungang prutas.

“Doon po ako nakatira at nag-enjoy po ako sa aking farm. ‘Pag 66 years old ka na, ‘yun na talaga dapat. Dapat, kumbaga, dream ng bilang chef, dapat medyo pupunta ka na sa mga bundok-bundok. More than how many years nagta-trabaho ako. I’m happy na sa farm,” sey pa ng kinilalang Kusina Master.

Inamin ni Chef Boy na dahil sa dalawang taong pandemya ay nagsara ang kanyang cooking school at malaki ang nawala sa naging puhunan niya.

Kaya unti-unti raw siyang bumabagon at pinagdarasal niya na magbukas ulit ang kanyang school next year.

***

ON September 23 to 25 ay magaganap sa Julien’s Auctions ang pagbenta to the highest bidder ang higit sa 1,000 items na pag-aari ng legendary television icon na si Betty White.

Pumanaw ang last surviving cast member ng ‘The Golden Girls’ at ‘The Mary Tyler Moore Show’ noong December 31, 2021. Ang Julien’s Auction ang nag-asikaso ng mga naiwang mga vintage and collectible possessions ni Betty kabilang ang kanyang SAG Life Achievement Award at scripts ng ‘The Golden Girls’ na ay pirma ang buong cast.

Ilan sa mga prized items for auction na pag-aari ni Betty ay signed copy of John Steinbeck’s Nobel Prize acceptance speech, ang 36-year old size 12 lavender dress na sinuot ni Betty sa TGG in 1986, ang original director’s chair, a cream, woven-enamel ring with matching earrings, ang gown na sinuot ni Betty sa 1990 Emmy Awards, announcement card and envelope from the 1976 Emmy Awards, at isang blown-up image ni Betty na may yakap siyang lion.

(RUEL J. MENDOZA)