2022 September Archive - People's Balita

Archive for September, 2022

GO INSIDE THE MAKING OF “SMILE” WITH NEW FEATURETTE FOR THE HORROR FILM

Posted on: September 10th, 2022 by @peoplesbalita No Comments

EVIL has a brand new face in Paramount Pictures’ upcoming horror-thriller Smile. Go behind-the-scenes with writer-director Parker Finn, star Sosie Bacon and the cast of Smile as they discuss the creation of the psychological terror in the newly released featurette “It’s Smiling at Me” which may viewed below:

YouTube: https://youtu.be/NaBbuNtm29w

About Smile

After witnessing a bizarre, traumatic incident involving a patient, Dr. Rose Cotter (Sosie Bacon) starts experiencing frightening occurrences that she can’t explain. As an overwhelming terror begins taking over her life, Rose must confront her troubling past in order to survive and escape her horrifying new reality.

Written and directed by Parker Finn, the film stars Sosie Bacon, Jessie T. Usher, Kyle Gallner, Robin Weigert, Caitlin Stasey with Kal Penn and Rob Morgan.

Paramount Pictures Presents In Association with Paramount Players A Temple Hill Production “Smile”

In cinemas across the Philippines September 28, Smile is distributed in the Philippines by Paramount Pictures through Columbia Pictures. Follow us on Twitter at www.twitter.com/paramountpicsph/; Instagram at www.instagram.com/paramountpicsph/ and YouTube at https://www.youtube.com/channel/UCsZ7igjHZB-5k8DDM7ilVJw.

Connect with #SmileMovie and tag @paramountpicsph

(ROHN ROMULO)

AL passenger mula Pilipinas unang monkeypox case ng Hong Kong — airline

Posted on: September 10th, 2022 by @peoplesbalita No Comments

KINUMPIRMA ng Philippine Airlines na mayroong monkeypox ang isa sa kanilang mga pasahero, na siyang nagtungo sa Hong Kong at naging unang kaso roon.

Martes lang nang mai-record ang unang kaso ng monkeypox sa naturang Chinese territory, na siyang nakita sa isang 30-anyos na lalaking nagpakita ng sintomas habang naka-hotel quarantine.

“We were advised that one of our passengers on our PR300 flight last 05 Sept 2022 from Manila to Hong Kong was reported to have a case of monkeypox,” ani Cielo Villaluna, tagapagsalita ng PAL, Miyerkules.

“In line with international health protocols, we have coordinated with the health authorities in Hong Kong and sharing relevant manifest information. We have communicated to the Philippine Department of Health about the said case.”

Ilang araw nang hinihingian ng pahayag ng reporters ang DOH patungkol sa naturang kaso, ngunit hindi pa rin tumutugon sa ngayon.

Inabisuhan na raw ng airline ang kanilang mga pasaherong nakaupo malapit sa nasabing traveler na nahawaan ng monkeypox.

“Despite the relatively low risk of getting infected, passengers on this flight are advised to monitor their health condition and requested to seek medical attention if they are experiencing symptoms,” sabi pa ni Villaluna.

“They can contact the Centre for Health Protection (CHP) of the HK Department of Health (DH).”

Sa ulat ng AFP, sinabing dumating ng Hong Kong ang naturang kaso at agad na dinala sa ospital matapos sumama ang pakiramdam, ayon sa health official na si Edwin Tsui.

Aniya, malaking panahon ang ginugol ng naturang pasyente sa Estados Unidos bago pumunta sa Canada ng isang linggo.

Nagtungo naman siya sa Pilipinas bago tuluyang lumapag sa Hong Kong.

Itinuturing siya ngaying imported case at hindi nagkaroon ng contact sa komunidad, dahilan para sabihing “very low” ang tiyansang maipasa ito sa mga lokal. Wala pa namang natutukoy close contacts sa ngayon.

Ilan sa mga sintomas na kanyang ipinakita ay skin rashes, namamagang kulani at pananakit ng lalamunan bago maospital.

Matatandaang umabot na sa apat ang kaso ng monkeypox sa Pilipinas, ang ikaapat sa kanila ay sinasabing walang travel history sa mga bansang nakakitaan ng nakamamatay na sakit. Ang ilan sa mga naunang monkeypox case ng Pilipinas ay gumaling na.

Hindi ito tulad ng COVID-19 na kumakalat sa hangin. Dagdag pa nila, kadalasa’y “mild” ang sintomas ng monkeypox at bibihirang makamatay — pero nangyayari pa rin. (Daris Jose)

MOU para i-to develop ang New Clark City kabilang sa tinintahan ng Pinas, Singapore

Posted on: September 10th, 2022 by @peoplesbalita No Comments

KAPWA pinirmahan ng Pilipinas at Singapore ang iba’t ibang memoranda of understanding (MOU) at agreements sa isinagawang state visit ni Pangulong Ferdinand Marcos Jr. sa Singapore.

Maliban sa MOU sa digital cooperation, data protection at recruitment ng mga Filipino healthcare workers, ang iba pang kasunduan na nilagdaan ay ang kolaborasyon ng “business opportunities” para sa development ng New Clark City at maging ang water collaboration.

Kabilang sa kasunduan ay ang Memorandum of Understanding sa pagitan ng Department of Information and Communications Technology (DICT) ng Pilipinas at Ministry of Communications and Information ng Singapore sa larangan ng digital cooperation; at

– Joint Communiqué sa pagitan ng Department of Migrant Workers ng Pilipinas at Ministry of Health ng Singapore hinggil sa recruitment ng Filipino healthcare workers.

May apat na MOU din ang tinintahan gaya ng Memorandum of Understanding on Cooperation in Personal Data Protection sa pagitan ng National Privacy Commission ng PIlipinas at Personal Data Protection Commission ng Singapore; Memorandum of Understanding sa pagitan ng Bases Conversion and Development Authority ng Pilipinas at at Enterprise Singapore para sa Singapore at ang Pilipinas na makipag-collaborate sa business opportunities sa development ng New Clark City;

– Memorandum of Understanding sa pagitan ng Metropolitan Waterworks and Sewerage System ng PIlipinas at Public Utilities Board ng Singapore pagdating sa water collaboration; at – Arrangements o pagsasa-ayos sa pagitan ng Singapore Armed Forces at Armed Forces of the Philippines na may kinalaman naman sa asignasyon o pagtotoka ng team sa Regional Counterterrorism Information Facility sa Singapore. (BISHOP JESUS “JEMBA” M. BASCO)

Sindikato sa text scam, tatalupan ng PNP

Posted on: September 10th, 2022 by @peoplesbalita No Comments

TINIYAK ng Philippine National Police (PNP) na hindi magtatagal at matatalupan na nila ang grupo o sindikato na nasa likod ng naglipanang text scam sa bansa.

Ang paniniyak ay ginawa ni PNP spokesperson Police Col. Jean Fajardo bilang tugon sa dumaraming reklamo ng mga text messages mula sa hindi pa natutukoy na grupo.

Sinabi ni Fajardo na kumikilos na ang Anti-Cybercrime Group ng PNP para matukoy ang utak ng text blast.

Bukod sa pagpapalakas ng kanilang cyber patrolling, nag-apply na rin aniya ang ACG ng cyber warrant sa korte para pahintulutan itong buksan ang mga numero sa naglipanang text scam.

Aminado ang PNP na nakaka-alarma ang nangyayaring text blast dahil personalized na o tukoy ng sender ang pangalan ng mga pagdadalhan nito ng isang link.

Hinala ni Fajardo, posibleng organized group ang utak ng text scam na layuning manloko at manamantala.

Samantala, dismayado si Sen. Grace Poe, sa National Telecommunications Commission (NTC) sa harap ng talamak na mga text spams at text scams na bumibiktima sa milyun-milyong gumagamit ng mobile phones.

Sa pagdinig ng Senate Committee on Public Services sa subscriber identity module (SIM) card registration, sinabi ni Poe na lumilitaw na ang tanging ginagawa lang ng NTC ay sabihan ang mga telcos na maglabas ng mga babala laban sa mga scam.

“Anong ginagawa mo, wala ka bang complaint hotlines? May nahuli ka ba?” tanong ni Poe kay NTC Commissioner Gamaliel Cordoba.

Tumugon si Cordoba, sinabing ang hotline ay nasa website ng NTC.

“Hindi mo kabisado ang hotline number n’yo? Kung hindi mo alam ang hotline number n’yo, kami pa kaya. I’m very disappointed. If you were really serious about this issue, this would be at the top of your head at talagang sasabihin mo sa publiko na ito ang numero na maaari mong tawagan at i-text,” ani Poe.

Ang hotline na ito ay 896 67722 (OSPAC); 892- 04464 at 891-3251

Nadismaya rin si Poe nang sabihin ng NTC na para sa taong 2022, nasa 800 mensahe lamang ang hinarang ng ahensya.

“We blocked the 800. We were not able to trace the numbers. We blocked them through the telcos,” ani Cordoba.

“Ilan ba ang may cellphone, around 100 million; 800 lang ang na-block. This is so tragic,” sagot ng senador.

Bukod sa scamming, sinabi ni Poe na ang mga telepono ay ginagamit din sa mga aktibidad ng terorista, pagpapakalat ng fake news, trolls, cyberbullying at iba pang uri ng pandaraya tulad ng phising kaya kailangan na ang pagpaparehistro ng mga SIM card. (Daris Jose)

Pamahalaang Panlalawigan, SMC, pagtutugmain ang mga proyektong pangkaunlaran sa lalawigan

Posted on: September 9th, 2022 by @peoplesbalita No Comments

LUNGSOD NG MALOLOS, BULACAN- Upang talakayin ang mga kasalukuyan at panghinaharap na proyekto sa lalawigan, nakipagpulong si Gobernador Daniel R. Fernando kay San Miguel Corporation (SMC) President at Chief Executive Officer Ramon S. Ang noong Lunes.

Kabilang sa mga paksa na inihain sa hapag ang pagiging accessible ng itinatayong New Manila International Airport sa Bulakan, Bulacan sa mungkahing Bulacan Mega City sa mga bayan ng Balagtas, Bocaue, at Pandi na iprinisinta ni Punong Bayan ng Pandi Enrico Roque.

Ayon sa gobernador, mahalaga na nagtutugma ang mga ganitong klase ng pag-unlad sa iba pang bahagi ng lalawigan.

Samantala, ibinihagi ni RSA kay Fernando na dalawa sa ilang iminumungkahing access roads patungo sa Bulacan airport ang Marilao Interchange at Tabang Interchange sa Guiguinto.

Sa kabilang banda, bilang bahagi ng kanilang corporate social responsibility, ibinalita ni RSA na kasalukuyang nagsasagawa ang SMC ng malawakang dredging project sa apat na pangunahing river system sa lalawigan.

Nangako rin si RSA na patuloy na aalamin at tutulong sa paghuhukay ng iba pang lokal na ilog sa lalawigan bilang tugon sa kahilingan ng gobernador, at karagdagan sa walong kasalukuyang dredging project sa Bulacan.

Sinabi rin niya na naipreserba ang 300-ektaryang Bulakan Mangrove Ecopark sa kabila ng ginagawang kontruksyon ng paliparan sa Bulacan.

“Ngayon pong panahon ng tag-ulan, magandang balita po para sa mga Bulakenyo na marinig natin mula mismo kay Sir Ramon Ang na katuwang natin sila sa paggawa ng hakbang upang maprotektahan ang ating kalikasan. Patunay po nito na kayang pagsabayin ang pag-unlad at pagpreserba ng ating mga likas na yaman,” anang gobernador.

Pinasalamatan rin ni Fernando si Ang sa pagpaparating ng pinansyal na tulong para sa pag-a-update ng Provincial Development and Physical Framework Plan ng Bulacan.

4 opisyal, pinakakasuhan ng Blue Ribbon Committee sa sugar importation fiasco

Posted on: September 9th, 2022 by @peoplesbalita No Comments

INIREKOMENDA ng Senate Blue Ribbon Committee ang pagsasampa ng administrative at criminal charges laban sa isang Agriculture official at tatlong Sugar Regulatory Administration (SRA) officials kaugnay sa kontrobersyal na Sugar Order No. 4.

Kabilang sa mga pinakakasuhan sa Office of the Ombudsman sina Agriculture Undersecretary Leocadio Sebastian, SRA administrator Hermenegildo Serafica, dating Sugar Board member Roland Beltran atSugar Board member Aurelio Gerardo Valderrama Jr.

Batay sa report na binasa ni Blue Ribbon General Counsel Gerard Mosquera, lumalabas sa “preliminary evidence on record” na kabilang sa administrative offenses na nilabag ng apat ang serious dishonesty, grave misconduct, gross neglect of duty, conduct prejudicial to the best interest of the service at gross insubordination

Kabilang naman sa kasong kriminal na pinapapasampa sa Ombudsman ang graft and corruption, agricultural smuggling at usurpation of official functions.

Kaugnay nito, pinalalagay na rin ng komite sa watchlist ng Bureau of Immigration ang apat na akusado. (Daris Jose)

Mangingisda sugatan sa pananaksak sa Navotas

Posted on: September 9th, 2022 by @peoplesbalita No Comments

MALUBHANG nasugatan ang isang 37-anyos na mangingisda matapos pagsasaksakin ng isang lalaki sa Navotas City, kamakalawa ng gabi.

Ginagamot sa Tondo General Hospital sanhi ng tinamong saksak sa katawan ang biktimang si Arnold Fatagani, ng Pescador St., Brgy. Bangkulasi.

Nakapiit naman ngayon sa detention cell ng Navotas police habang nahaharap sa kaukulang kaso ang suspek na kinilala bilang si Adonis Canoy, 26 ng R-10 Sitio Puting Bato, Brgy. NBBS Proper.

Sa report ni PSSg Karl Benzon Dela Cruz kay Navotas police chief Col. Dexter Ollaging, habang naglalakad ang biktima sa kahabaan ng Road -10 NBBS Proper papunta sa kanyang trabaho dakong alas-11:30 ng gabi nang bigla na lamang siyang hinarang ng suspek.

Naglabas ng isang screw driver ang suspek at bigla na lamang inundayan ng saksak sa dibdib ang biktima na tinangka pa niyang pigilan subalit, patuloy siyang inuundayan ng saksak ni Canoy.

Ilang concerned citizens ang humingi ng tulong sa mga tauhan ng Sub-Sttion 4 na agad namang rumesponde sa naturang lugar na nagresulta sa pagkakaaresto sa suspek habang isinugod naman ang bitktima sa naturang pagamutan. (Richard Mesa)

Hanggang March 2023 ang schedule at kasama ang ‘Pinas: ‘Justice Tour’ ni JUSTIN BIEBER, muling natigil dahil sa health issues

Posted on: September 9th, 2022 by @peoplesbalita No Comments

SUCCESSFUL ang theater debut ng Kapuso Soul Balladeer na si Garrett Bolden sa musical stage production ng “Miss Saigon” sa Guam.

Ginampanan ni Garrett ang role na John Thomas na best friend ni Chris.

Sa kanyang latest Instagram post, lubos na nagpasalamat si Garrett sa kanyang Miss Saigon experience, “What a great journey. Thank you Miss Saigon Guam for this amazing opportunity. I will bring home all the learnings and memories to the Philippines with pride and joy.

“To “John Thomas”, it’s such a blessing to tell your story in Guam, I’m gonna miss portraying you. To my co-actors and our staff, I’ll never forget your support and kindness. And Lord, I am grateful to you for giving me this chance to explore and mold my talent outside of my comfort zone. Praying for my next theater project.”

Ipinakita ni Garrett ang kanyang husay sa pagkanta hindi lamang sa telebisyon, kundi pati na rin sa teatro. Kaya naman, hinangaan at pinalakpakan nang husto si Garrett ng mga nanood sa kanyang performance sa Miss Saigon.

“One of my favorite performances in the show! Gave me the chills! Bravo!” komento ng isang supporter ni Garrett.

Dagdag ng isa, “My friends who watched the last show were so amazed when they heard you sing!! They said you gave them goosebumps! Lol. Congrats Garrett!”

***

PARA sa first anniversary presentation ng Regal Studio Presents ngayong September, ang kanilang unang handog ay isang romantic-musical-drama titled “Love Your Beat” na pagbibidahan nina Lianne Valentin at Carlo San Juan.

Sa naturang episode na eere na sa September 11, gaganap si Lianne bilang Det, isang singer na nadurog ang puso dahil sa isang failed relationship. Si Carlo naman ay si Ian, ang kapalit na gitarista ng banda kunsaan dating miyembro ang ex-boyfriend ni Det.

Ibang-iba ang role na ito kay Lianne bilang singer after ng kanyang breakthrough role as the mistress Stella sa nagtapos na top-rating afternoon series ng GMA na ‘Apoy Sa Langit’.

Isa nga raw sa talento ni Lianne noong bata pa siya ay ang kumanta at maipapakita niya ito sa RSP.

“I love to sing. Hindi lang ako masyadong ma-post sa social media accounts ko ng pagkanta ko. Noong nalaman ko na may kanta itong episode, sobrang thrilled ako. Sana masundan pa ng mga ganito na may singing,” sey ni Lianne sa naganap na Zoom mediacon.

Inamin ni Lianne na hindi raw madaling kumawala sa kanyang character na si Stella dahil ilang buwan din daw niyang dinala iyon. Kaya kailangan niyang gumanap sa ibang characters para maipakita niya ang kanyang pagiging versatile actress.

Ang former Mr. Pogi naman na si Carlo ay first time din na ilalabas ang talento sa pag-awit at isa rin daw siyang bad boy sa episode na first time niyang gagawin.

“Napakaganda po ng role na binigay sa akin. Tulad po ng role ko sa Daddy’s Gurl, saka ‘yung mga natatangap ko pong ibang role na kuwela, kilig, ito po, bad boy po ako dito.

“Dito po sa episode namin ni Lianne, masho-showcase ko din po ‘yung talent ko in singing and also pagpe-play ng guitar.”

Isa pa sa ikinatuwa ni Carlo ay ang magandang chemistry nila ni Lianne noong mag-taping sila.

“Excited na rin po akong mapanood ito kasi sa set pa lang po, sinasabi na din po sa amin na ang ganda po ng chemistry namin ni Lianne.

“Nafi-feel ko din po ‘yun sa set kaya very excited po ako ngayong sa story po naming dalawa,” sey ni Carlo.

***

MULING tinigil ni Justin Bieber ang kanyang ‘Justice Tour’ dahil sa health issues.

Isinapubliko noong June ng 28-year old Canadian popstar na na-diagnose siya with Ramsay Hunt Syndrome na nagdudulot ng partial facial paralysis.

Pero nakabalik ulit si Bieber pagkatapos ng isang buwang pahinga at ginawa niya ang anim na live shows sa Europe at nitong huli ay sa Rio festival in Brazil.

Muling nakaramdam ng exhaustion ang singer kaya muli niyang inisip ang kanyang kalusugan, kaya ititigil muna niya sa ikalawang pagkakataon ang kanyang tour.

“This past weekend I performed at Rock in Rio and I gave everything I have to the people in Brazil. After getting off stage, the exhaustion overtook me and I realized that I need to make my health the priority right now.

“So I’m going to take a break from touring for the time being. I’m going to be OK, but I need time to rest and get better. I’ve been so proud to bring this show and our message of justice to the world,” post na mensahe ni Bieber sa kanyang IG account.

Dahil sa estado ng kalusugan ng singer, hindi pa alam ng producers kung kelan mag-resume ang tour nito na naka-schedule pa sana hanggang March 2023. Kasama nga ang Pilipinas sa dapat na puntahan ni Bieber, pero mukhang made-delay ulit ito.

Hindi kasi basta-bastang sakit lang ang Ramsay Hunt Syndrome dahil bukod sa facial paralysis, nagiging cause din ito ng hearing loss.

(RUEL MENDOZA)

Anytime ay isisilang na ang first baby nila ni Greg: ANGELICA, ‘di na makapaghintay na maibigay ang regalo sa kanyang ‘rare one’

Posted on: September 9th, 2022 by @peoplesbalita No Comments

MASAYA talaga ang actress na si Angelica Panganiban ngayon. Nakikita ito sa aura niya at iba rin ang mababakas na contentment sa kanya.

Kaarawan ng kanyang partner, ang ama ng magiging anak niya na si Greg Homan. Obviously, naging malapit na rin talaga kay Greg ang mga kaibigan ni Angelica tulad ng very close sa kanyang ‘Banana Sundae’ family. Ang mga ito ang nakasama ni Angelica sa tila pa-surprise dinner niya kay Greg.

Sa birthday greeting ni Angelica rito, sinabi niya na “rare one” raw ang daddy ng anak. At ang regalo raw niya rito ay ang kanilang magiging baby.

Nine months na rin ang ipinagbubuntis ni Angelica kaya anytime, malapit na rin itong manganak.

Sabi niya message niya kay Greg, “Happy Birthday rare one. 9 months ko na bitbit yung regalo ko sa yo. Matagal- tagal na din nakabalot. Kaya naman hindi na ko makapaghintay na matanggap mo ito. I love you my big baby.”

***

ANG Kapuso sweethearts naman na sina Rabiya Mateo at Jeric Gonzales na palaging naiintriga na away-bati, on and off ay totoong nagkabalikan nga after ng huling balita na break na talaga.

So again, hindi for good ‘yung break-up kunsaan, may mga naging posting si Rabiya na madaling isipin na wala na talaga.

Ang maganda lang daw ngayon at napapansin din ng mga nakakasama nila, tila nakatulong ang huling break-up or cool-off o kung ano man ang tawag nina Rabiya at Mateo dahil parang nag-mature raw ang dalawa in-terms of their relationship.

Mas less na rin daw ang mga expectations and demands, lalo na sa part ni Rabiya. Sabi pa ng source namin, “Kumpara rin sa mga past on & off nila, record breaking na ngayon na okay sila, healthy relationship at nag-aadjust na talaga sila sa isa-isa.”

Dapat naman talaga gano’n. Lalo na at pareho silang mga mga individual career na dapat pang i-push.

(ROSE GARCIA)

Game 7 ng PBA Philippine Cup Finals tinunghayan ng 6.9 milyong viewers

Posted on: September 9th, 2022 by @peoplesbalita No Comments

KABUUANG 6.9 milyong viewers ang tumunghay sa ‘winner-take-all’ Game Seven ng San Miguel at TNT Tropang Giga sa 2022 PBA Philippine Cup Finals noong Linggo.

Bukod pa ito sa 15,195 live audience na sumugod sa Smart Araneta Coliseum para personal na saksihan ang 119-97 pagsibak ng Beermen sa Tropang Giga sa nasabing laro.

Tinutukan ng 6.9 milyong basketball fans sa free-to-air channels ng TV5 at One Sports ang huling duwelo ng SMB at TNT sa kanilang best-of-seven championship series .

Ang 6.85% na average minute TV rating ang ikaanim sa top-ranked program noong Linggo sa lahat ng mga networks at channels sa bansa.

Hindi pa kasama ang mga social media views sa Smart Giga Play at SMART Sports Facebook page pati na ang cable channel na PBA Rush.

Diniskaril ng Beermen ang hangad na back-to-back Philippine Cup championship ng Tropang Giga na hindi nagabayan ni coach Chot Reyes matapos isailalim sa PBA health and safety protocols isang araw bago ang Game Seven.

Ibinigay ni veteran point guard Jayson Castro ang lahat ng kanyang makakaya kahit na may sprained right ankle na natamo sa Game Five para sa PLDT franchise.

Tumapos ang 36-anyos na si Castro na may game-high na 32 points.

Nakamit naman ng SMC franchise ang kanilang ika-10 All-Filipino Cup title at pang-28 sa kabuuan.

Kasalukuyang nasa break ang SMB at TNT bago sumalang sa ensayo para sa darating na 2022 PBA Commissioner’s Cup na didribol sa Setyembre 21.