Ang Diyaryong Pinagkakatiwalaan
MINALAS ang bansang Greece at ang dating two-time NBA MVP na si Giannis Antetokounmpo matapos na masilat ng Germany sa nagpapatuloy na EuroBasket sa score na 107-96.
Sinamantala ng Germany ang kanilang homecourt advantage upang umusad sa semifinals at gumanda pa ang tiyansa na magkampeon muli.
Si Giannis naman ay nasayang ang matinding performance nang kumamada ng 31 points, walong assists at seven rebounds.
Gayunman na-eject si Giannis dahil sa dalawang beses na unsportsmanlike fouls.
LUNGSOD NG MALOLOS – Bitbit ay matitingkad na kulay at pagkakaroon ng malaking bahagi sa buong linggong pagdiriwang ng Singkaban Festival 2022, ipinagdiwang ng LGBT Bulacan sa pamamagitan ng Provincial History, Arts, Culture and Tourism Office ang LGBT Pride sa isinagawang SIBOL: The 2022 LGBT Bulacan Summit na may temang “Synergy of Inclusive Growth in Bulakenyo LGBT Ecosystem” na ginanap sa Bulacan Capitol Gymnasium dito noong Linggo, Setyembre 11, 2022.
Binigyang papuri ni Director Dindi Tan, Director IV-OWWA, Department of Migrant Workers at presidente ng LGBT Pilipinas, ang LGBT Bulacan Federation sa pagiging inspirasyon nito sa iba pang mga lalawigan na magsimula rin ng sarili nilang mga grupo.
“Sa katunayan, sa lahat ng LGBT groups sa Pilipinas, maipagmamalaki ko na isa sa pinakamalaking pedereasyon ng LGBT ay dito sa lalawigan ng Bulacan. Noong nakita po ng ibang probinsiya ang pictures na pinost namin ni Kap. Renan noong tayo ay nagsisimula pa lamang, iyon po ang naging mitsa ng pagtanong nila sa atin sa national kung paano nila bubuuin ang kani-kanilang pederasyon sa kanilang respective provinces. So your movement became an inspiration to other provinces,” ani Tan.
Itinampok din sa gawain ang mga kahanga-hangang koleksyon ng 12 Bulakenyo fashion designers sa pamamagitan ng fashion show na puno ng kinang at garbo kabilang ang mga obra nina Vince Sityar, Sony Boy Mindo, Robert Zamora, Paolo Blanco, Celso Sebastian, Louie Salazar, Larry Zuñiga, Zyrill Jane Jacinto, Manny Halasan, Marbin Garcia, Jersey Lopez at James Peter Manalo.
Binati rin ni Bulacan Governor Daniel R. Fernando ang LGBTQ sa kanilang mga kontribusyon sa lalawigan at inihayag ang kanyang respeto sa mga miyembro nito.
“Sa lahat po ng ating LGBT Bulacan, members and officers, congratulations and thank you so much sa inyong mga ibinigay na pagkilala sa ating lalawigan. Isa po kayo sa gumuhit ng magandang kulay ng ating lalawigan. Salamat sa inyong mga naiambag at ito po ay hindi makakalimutan ng inyong lingkod. Gagawin namin ang aming magagawa para suportahan ang ating mga kababayan at most especially ang inyong komunidad. Itinatag ko ito sapagkat ang pagtingin ko sa inyo at respeto ko sa inyo ay ganoon na lamang. Kaya inaasahan ko at inaasahan pa namin ang mas malalim na pakikiisa niyo sa ating lalawigan,” anang gobernador.
Bilang bahagi ng pagdiriwang ng LGBT pride, pinangunahan ni Renan T. Eusebio, tagapangulo ng LGBT Bulacan Federation, ang paggawad ng mga sertipiko at mga papremyo na nagkakahalaga ng P7,000 para sa unang gantimpala na napanalunan ng CREGMA Marilao Chapter bilang Most Organized LGBTQ Chapter; P5,000 para sa ikalawang gantimpala na napunta sa Lungsod ng Meycauayan; at P3,000 para sa ikatlong gantimpala na naiuwi ng bayan ng Baliwag.
Dagdag pa rito, itinanghal rin ang ang Lungsod ng San Jose Del Monte bilang Most Active LGBTQ Chapter; Siklab Bustos sa ikalawang pwesto at San Miguel Chapter sa ikatlong pwesto habang ang Bocaue Chapter ay pinangalanang Most United LGBTQ Chapter; Bulakan Chapter sa ikalawang pwesto at Pulilan sa ikatlong pwesto. Lahat sila ay nakatanggap ng mga sertipiko at mga papremyo gaya ng nabanggit.
Kinilala rin ang ibang pang mga indibidwal sa programa at tumaggap ng P5,000 premyo at mga sertipiko kung saan itinangal si Rally S. Santos mula sa bayan ng San Miguel na Star of the Night; si Andres Lizarondo mula sa bayan ng Hagonoy bilang Best Dressed of the LGBTQ Pride at Ferdinand Benoza mula sa Lungsod ng Malolos bilang Superstar ng LGBTQ pride. (BISHOP JESUS “JEMBA” M. BASCO)
HINDI na napigilan ni Nadine Lustre ang talakan ang mga pakialamero’t pakialamera sa buhay niya sa social media.
Masyado raw maraming marites sa buhay niya at gusto niyang pabayaan na siya ng mga ito dahil unang-una ay hindi na raw siya bata para pagsabihan.
Marami kasi ang nag-comment sa pinost ni Nadine na kasama niya ang kanyang French boyfriend na si Christophe Bariou habang nagbabakasyon sila sa isang resort sa France.
Tweet ni Nadine: “ppl be commenting instructions and tagging my friends or boyfie on my IG. Stop telling them to tell me what to do. Im not 10.”
Hindi rin nagpapigil si Nadine na maglantad ng kanyang alindog sa latest post niya sa Instagram kunsaan naka-bikini siya.
Bukas na nga si Nadine na pag-usapan ang relasyon niya kay Christophe. Nais niyang mag-move on na ang marami at tanggapin ang taong mahal niya ngayon.
***
HINDI ikinakahiya ni Buboy Villar ang kanyang pinagmulan bago siya naging isang celebrity.
Bata pa lang daw siya ay natuto na siyang mangolekta ng mga bote at mangalakal para may pambili sila ng pagkain.
“‘Yun ang parang natutunan ko noong bata ako, kailangan kong gawin ito para pambigas, oo pambigas. Pangkain ito para sa pamilya. Mahirap, kasi galing ako sa nangangalakal eh. Legit. Ako ‘yung tagapulot tapos taga-apak sa mga can,” kuwento ni Buboy.
Ang nakaraan daw niya ang naging inspirasyon niya para mas pagbutihin pa ang kanyang mga ginagawa ngayon.
“Thank God dahil naranasan ko ‘yung ganoong bagay. Dahil meron akong gasolina from my past na ‘Uy nangyari sa akin ‘yan.’ Kumbaga, hindi ako magja-judge, alam ko kung ano ‘yung pinagdaanan niya,” diin pa niya.
Mula sa pagiging contestant ni Buboy sa singing contest na pambata na Little Big Star sa ABS-CBN 2 noong 2006, lumabas siya sa iba’t ibang shows tulad ng Goin’ Bulilit, Calla Lily, Pedro Penduko, Super Twins, Impostora, Zaido: Pulis Pangkalawakan, Kapitan Boom bago dumating ang breakout role niya sa Dyesebel bilang sidekick ni Marian Rivera.
Naging simula iyon nang mga sunud-sunod na teleserye ni Buboy at nasaksikan ng marami ang kanyang paglaki hanggang sa magkaroon na ito ng sariling pamilya. Dalawang beses din siyang nanalong best child performer sa Metro Manila Film Festival para sa Shake, Rattle & Roll X at Ang Panday.
Ngayon ay kinaaaliwan si Buboy sa Running Man Philippines dahil sa kanyang pagiging kengkoy at palaban sa mga challenges. Noong nakaraang Linggo ay nakabalik na rin siya sa The Boobay and Tekla Show bilang miyembro ng Mema Squad.
***
INAMIN ng American rapper na si Eminem na muntik na siyang ma-fatal overdose noong 2007.
Kuwento pa ng Grammy at Oscar-winning rapper sa Paul Pod Podcast: “I remember when I first got sobr and all the sh*t was out of my system, I remember just being, like, really happy and everything was f**king new to me again.
“It was the first album and the first time that I had fun recording in a long time. It was like the first time I started having fun with music again, and re-learning how to rap. You remember that whole process. It took a long time for my brain to start working again.”
Umiinom daw siya ng 75-80 Valium a night ang rapper para sa kanyang withdrawal symptoms habang tinatapos niya ang album na Relapse. Dahil dito ay posibleng nag-suffer daw siya ng brain damage.
“I was so scatter-brained that the people around me thought that I might have given myself brain damage. I was in this weird fog for months. Like, literally I wasn’t making sense – it had been so long since I’d done vocals without a ton of Valium and Vicodin. I almost had to relearn how to rap,” sey pa niya.
Sober na si Eminem since 2008.
(RUEL J. MENDOZA)
MAY basbas ni Pangulong Ferdinand Marcos Jr. ang pag-angkat ng asukal na hindi lalagpas sa 150,000 metric tons (MT) para tugunan ang kakapusan ng suplay at masawata ang tumataas na presyo nito sa bansa.
Ayon sa Sugar Order No. 2, naka-post sa Sugar Regulatory Administration (SRA) website, kalahati ng kabuuang import volume, o 75,000 MT, ay ilalaan sa industrial users o mga kompanya na gumagamit ng asukal sa kanilang manufacturing process, habang ang kalahati ay ibibigay sa mga consumers o sa pamilihan.
“After due consultation, the Stakeholders of the Sugar Industry have submitted their respective positions and letters of endorsement recognizing the need for an importation program for the crop year 2022 to 2023,” ang kautusan ay tinintahan ni Pangulong Marcos, Department of Agriculture at mga opisyal ng SRA noong Setyembre 13.
“After taking into consideration all comments, inputs, and information, the SRA deems it necessary to adopt additional, responsive, and pre-emptive measures to ensure domestic supply and manage sugar prices in order to achieve the foregoing policy declarations through timely government intervention by way of importation in order to maintain a balanced supply and demand of sugar for domestic consumption,” dagdag na pahayag ng SRA.
Sinabi pa ng SRA na magsisimula na silang tumanggap ng aplikasyon para sa importasyon ng asukal, tatlong araw matapos na maging epektibo ang naturang kautusan.
Bago pa ang Sugar Order No. 2, nahaharap na sa kontrobersiya ang sugar importation matapos na ipatigil ni Pangulong Marcos ang Sugar Order No. 4 ng SRA.
Ang Sugar Order No.4 ay nilagdaan “on President’s behalf” at may mandato na umangkat ng 300,000 metriko tonelada ng asukal sa gitna ng napipintong kakapusan sa suplay ng asukal.
Matatandaang sinabi ni Press Secretary Trixie Cruz-Angeles na nilagdaan ni Agriculture Undersecretary Leocadio Sebastian ang resolusyon na walang pahintulot ni Pangulong Ferdinand Marcos Jr. na tumatayo rin bilang kalihim ng Department of Agriculture.
Ang nasabing resolusyon na walang pahintulot ng Pangulo ay naka-upload sa website ng SRA.
Nilinaw ni Cruz-Angeles na hindi pinahihintulutan ng Pangulo ang pag-import ng asukal.
Sinabi ni Cruz-Angeles na sensitibong bagay ang importasyon lalo na ang mga produktong pang agrikultura kaya kailangan itong balansehin. (Daris Jose)
TUNAY na rising star si Alex Eala na namamayagpag sa mundo ng tennis.
Sariwa pa ito sa matamis na kampeonato sa prestihiyosong US Open juniors championships girls’ singles upang tanghaling kauna-unahang Pilipino na nagkampeon sa isang Grand Slam event.
Dahil sa kanyang tagumpay, kaliwa’t kanan ang magagandang komento sa Pinay tennis sensation.
Ilang foreign comentators pa ang nakapuna sa husay at galing ni Eala na hindi malayong maging matagumpay sa kanyang mga susunod na kampanya partikular na sa seniors division.
Inihalintulad pa ito ng isang American commentator kay dating Grand Slam champion Maria Sharapova na nagkampeon sa US Open noong 2006.
NASABAT ng Regional Intelligence Division (RID) sa Lungsod ng Maynila ang mga pekeng Liquified Petroleum (LPG) at pagkakaaresto ng apat na kalalakihan sa magkahiwalay na lugar sa Maynila kamakalawa ng hapon.
Kinilala ang naaresto sa unang operasyon na si Jhonnifer Cuevas Peduca, 39 at Joel Salvador, 30 habang sa pangalawang operasyon ay si Estonilo, 30 Ronald Abela y Zubiaga. 43 at Patrick Pedrosa y Royo, 20.
Ang pagkakaaresto sa mga suspek ay bunsod sa reklamo ng Isla Petroleum and Gas Corporation
Sa ulat , dakong ala-1:00 ng hapon nang nagsagawa ng operasyon ang Regional Intelligence Division sa JP Cuevas Enterprises Gas SA 265AH, Lacson Avenue, Sampaloc, Manila na nagresulta sa pagkakaaresto nina Peduca at Salvador dahil sa pagbebenta ng pekeng Solane LPG.
Narekober sa kanila ang anim na walang laman na tangke ng Solane LPG, tatlong tangke ng may laman na Solaine LPG at pekeng bulb seals na nakalagay sa isang sako.
Samantala, ala-1:30 ng hapon nang nagsagawa muli ng operasyon ang RID sa Ronald-Amie LPG Store 2171 Visayan Ave., Sta. Mesa, Manila na nagresulta sa pagkakaaresto ni Abela at Pedrosa at narekober ang 32 o 11 kilogram na mga pekeng LPG. (Gene Adsuara)
PINAG-AARALAN ni Pangulong Ferdinand Marcos Jr. ang pagbibigay ng rice allowance sa mga empleyado ng gobyerno para matulungan na mapagaan ang paghihirap ng mga consumers.
“I’m going to initiate, at least for the government workers, the rice allowance… part of the sweldo, ang pagbayad is in rice,” ayon kay Pangulong Marcos, pinuno ng Department of Agriculture, kay Toni Gonzaga sa isang sit-down interview.
“Marami naman doon sa malakaking korporsayon, meron na silang rice allowance. So we’ll institutionalize it,” dagdag na pahayag nito.
Ang paliwanag pa ng Pangulo, ang bigas ay “bought by and from the government” upang matiyak ang murang halaga ng kalakal.
Samantala, nang tanungin naman ukol sa kanyang campaign promise na gagawing ₱20 kada kilo ng bigas,
“Everything’s possible. You just have to work very hard at it and be clever about it and come up with new ideas,” ayon sa Punong Ehekutibo. (Daris Jose)
NAIS ni Senador Imee Marcos na palakasin ang ‘Nutribun Feeding Program’ sa harap ng mga programang pang-nutrisyon ng gobyerno na umano’y kulang sa sustansya.
Sinabi ito ni Marcos kasabay ng pagdiriwang nitong nakaraang linggo ng ika-105 kaarawan ng kanyang ama na si dating Pangulong Ferdinand Marcos Sr. na nagsimula ng Nutribun Feeding program noong dekada 70.
Ayon sa Senador, lalo pang lumalala ang krisis sa pagkain sa buong mundo at dumarami ang bansot na bata. Noong dekada 70 umano ng simulan ng kanyang ama ang programa ay maraming bansot na bata ang lumusog.
Dahil dito kaya dapat umanong ibalik ang ‘Nutribun Feeding Program’ na solusyon sa problema sa malnutrisyon ng mga bata.
Nakipagsanib puwersa naman si Marcos sa National Nutrition Council na itinatag ng kanyang ama noong 1974, gayundin sa iba’t ibang mga lokal na pamahalaan, sa mga tanggapan ng Department of Social Welfare and Development sa bawat munisipyo at sa mga barangay health workers.
\Bunsod nito kaya umarangkada na ang sabay-sabay na pilot-testing ng Nutribun Feeding Program kahapon sa Rizal, Cebu, at Ilocos Norte, kung saan may 1,000 mga bata na edad tatlo hanggang limang taong gulang sa kada probinsya ang binigyan ng mga pakete ng bantog na tinapay na gawa sa kalabasa, malunggay, at iba pang lokal na masustansyang mga pananim.
Bukod sa distribusyon ng mas pinasustansyang Nutribun, imo-monitor ng tanggapan ni Marcos at ng lahat ng mga kawani ng gobyernong kaagapay sa feeding program ang mga timbang ng mga bata at kalusugan nila sa loob ng 120 araw. (Daris Jose)
PATULOY sa kanyang pamamayagpag si EJ Obiena sa Europo at sa pagkakataong ito ay panalo na naman siya sa torneyo sa 2022 Golden Fly Series Liechtenstein.
Ito ay makaraang mamayani ang dating Pinoy Olympian sa men’s pole vault nang malampasan niya ang 5.71 meters upang talunin ang lima pang mga kalaban.
Ang Golden Fly Series na kompetisyon ay ang huling event para kay Obiena sa ikalawang season niya kung saan limang titulo na ang kanyang naibulsa.
Pumangalawa naman kay Obeina si Olen Tray Oates ng United States.
WHEN Harry Styles had his first musical fame, he could have made a smooth transition into Hollywood leading man roles.
But he’s never had any interest in doing things the easy way. Instead, he made his film debut as a character actor, with a supporting role in 2017’s “Dunkirk,” the Oscar-nominated World War II drama from Christopher Nolan.
Styles treated “Dunkirk” as a learning experience, not a stepping stone to Hollywood. Five years later, he returns to acting, ready to take the lead as the ambitious husband Jack Chambers in New Line Cinema’s provocative thriller, “Don’t Worry Darling.”
[Watch the film’s featurette “Promise of Victory” at https://youtu.be/pn-XqziAhns]
Styles says of the film, “I think, in general, this is about relationships, and trust, and betrayal, and love, and passion, and sex, and the sun, and… Palm Springs.”
In “Don’t Worry Darling,” Alice (Florence Pugh) and Jack (Styles) are lucky to be living in the idealized community of Victory, the experimental company town housing the men who work for the top-secret Victory Project and their families. The 1950’s societal optimism espoused by their CEO, Frank (Chris Pine) anchors every aspect of daily life in the tight-knit desert utopia. But when cracks in their idyllic life begin to appear, exposing flashes of something much more sinister lurking beneath the attractive façade, Alice can’t help questioning exactly what they’re doing in Victory, and why.
Director Olivia Wilde says, “Casting Jack was really tricky, because we wanted to find someone who would be a worthy scene partner to Florence Pugh. We also wanted someone who wasn’t what we might typically identify as a 1950s traditional man.
We wanted their relationship to seem singular. That he wasn’t a stereotypical ‘master of the house,’ that their love seemed genuine, authentic and warm—you’d immediately recognize it to be special within Victory. Jack and Alice are different.”
Having seen “Dunkirk” and been impressed with the performance of Harry Styles, Wilde inquired after his availability for the project. “I thought, here was someone who has tremendous presence, intelligence, and honestly, fearlessness.”
After meeting with filmmakers, Styles signed on to play the role, with mutual excitement between Styles and Pugh to inhabit the couple at the center of the movie.
Styles explains, “Jack Chambers is a husband. He loves his wife, and he wants to go to work and then come home and hang out with Alice. In that way, he’s pretty run-of-the-mill. It’s the very traditional stereotype of an old-school, perfect marriage. While he works, she’s at home, cleaning and cooking. But, he loves his wife more than anything in the world. I think they’re obsessed with each other. It’s kind of an ‘us against the world’ relationship.”
For Styles, that world is one of both lulling, seductive beauty and an opportunity cost: “Victory represents the sheltered kind of life that allows you to stay in your ultimate comfort zone. You can ignore all the problems in the world, and some people are okay with that. I think for everyone, it’s a safe, easy, comfortable little bubble. They think everything’s perfect, but the world isn’t like that. It has consequences. People inside those kind of bubbles, they don’t want to know about the consequences. I think that’s what Victory represents—a willingness to be ignorant to the rest of the world.”
A New Line Cinema presentation, “Don’t Worry Darling” is distributed worldwide by Warner Bros. Pictures and is set to open in cinemas across the Philippines on September 28.
Join the conversation online and use the hashtag #DontWorryDarling
(ROHN ROMULO)