SINABI ng  Department of Social Welfare and Development (DSWD) na hindi lahat ng mga estudyante na lumagda sa educational assistance program ay makatatanggap ng cash aid.

Ayon kay  DSWD spokesperson Romel Lopez, ang aplikasyon para sa programa ay umabot na sa dalawang milyon subalit 20% lamang ng dalawang milyon o 400,000 estudyante ang masasakop ng₱1.5-billion budget .

“‘Wag naman po ikasasama ng loob ng ating mga kababayan kung sila man po ay hindi maaabot ng ating programa,” ayon kay Lopez.

Aniya pa, ang aplikasyon para sa  aid program ay sasalain sa pamamagitan ng  mahigpit na  assessment sa mga dokumento na isasagawa ng mga social workers.

Tanging ang mga aplikante na mapatutunayan na mahirap at nahaharap sa matinding krisis ay tatanggapin at makapapasa bilang benepisaryo.

Sa ngayon, sinabi ni Lopez  na  nakapagpalabas na ang DSWD ng ₱649 milyong piso para sa 257,285 estudyante.

Ang programang ito ay tatakbo ng hanggang Setyembre 24.

“Mga almost ₱900 million pa po ang pondong nalalabi at naniniwala po tayong sapat po ito hanggang sa last payout natin sa Sept. 24,” ang wika ni Lopez.

Samantala, kaagad namang magpapatuloy ang payout sa mga lugar na apektado ng Tropical Depression Gardo at Typhoon Henry sa oras na naisaayos na ang mga field offices.

Ang mga  off-site assistance payout ay nagsimula sa lalawigan ng  Iloilo, Rizal, at Aurora, ang mga estudyante sa mga nasabing lalawigan ay walang access sa  internet.

IDINEPENSA ng Comelec Chief  na hindi luho kundi necessity ang gusali ng Comelec na ipinapatayo.

“Hindi naman po ito luho itong pagpapagawa ng building. Ito po ay talagang necessity. Kailangang kailangan lang po talaga”,  ayon kay Comelec Chairman George Garcia sa mahigit dalawang hektaryang site kung saan itatayo ang 9 storey building ng Comelec.

” Sa sobrang laki po nito, pati po warehouse  kakasya. Napaka-strategic po ng lugar na ito…katabi ng airport, malapit na rin po sa pier. Hopefully, doon po sa ipapatayo naming building ay meron na rin po kaming dormitory para po sa aming mga kawani na galing pa sa iba’t-ibang probinsya. Natatandaan po natin  ‘pag nagpa-file  tayo ng candidacy, nangungupahan pa tayo sa PICC. ‘Pag meron kaming random manual audit (RMA) ,nangungupahan kami sa ilang hotel para lang makapag-conduct…Samantalang, base po sa plano, sa gabay ni Comm. Rey Bulay at ng buong  Commission en banc ay may sarili na pong auditorium. Ibig sabihin po, kumpleto na, nandun na po lahat-lahat ‘yung kailangan po namin, ” sabi ni Garcia.

Binigyan diin ni Garcia na naiintindihan ng poll body ang sitwasyon ng ekonomiya sa bansa at ang pangangailangan ang iba pang pambansang alalahanin, kabilang ang food security  at ang patuloy na pagpapatupad ng programa may ugnayan sa COVID-19 health protocols.

Ang mga istraktura ay “green buildings” o environment friendly.

“It has a water recycling facility wherein the rainwater can be converted and use to water the plants and also for flushing the toilet. We will be using materials that are environment-friendly. In fact, we will have solar panels so they can generate some savings on our electric consumption. Our windows, it’s slanted so it will deflect direct heat, sunlight so that the temperature inside the building will be lowered and the requirement on air conditioning will be much lower,” dagdag pa ng Comelec chair.

Umaasa si Garcia na ang inisyal na P500 milyong pondo na inilaan para sa Comelec sa 2023 ay madagdagan pa para masimulan na nila ang construction ng gusali.

Nakatakdang depensahan ng poll body sa kongreso ang kanilang budget sa Setyembre 9.

Sa ngayon ay patuloy na inuupahan ng Comelec ang ilang pasilidad kabilang ang 5th, 7th, at 8th floors ng gusali ng Palacio del Gobernador sa Intramuros, Manila.

Dahil dito, nagdesisyon  ang Comelec na pahabain ang konstruksyon ng gusali mula tatlong taon hanggang limang taon.

“This will result to a similar bite per annum on the government’s budget pie”, ayon pa sa Comelec. (BISHOP JESUS “JEMBA” M. BASCO)

NAGBIGAY  ng babala ang Department of Transportation (DOTr) sa mga opisyales ng rail lines na magkaroon ng alternatibong paraan dahil sa nagbabantang kakulangan ng mga  beep  cards sa Metro  Rail  Transit Line 3   (MRT3), Light Rail  Transit Line 1(LRT1) at Light Rail Transit Line 2 (LRT 1).

Ito ay matapos hindi nakapag-deliver ang AF Payments Inc., na isang consortium sa pagitan ng Ayala Group at First Pacific Group, ng mga beep cards sa MRT 3 nanakalaan dapat noong July.

Sinabi naman ng consortium ang sitwasyon sa DOTr dahil sila rin ang nagbibigay ng supplies sa LRT 1 at LRT 2 bukod pa sa MRT 3. “We placed multiple orders with card makers abroad, only to be denied deliverydue to a global supply crunch for chips,” wika ng consortium.

Inaasahan ng DOTr na tataas ang demand ng beep cards dahil sa ngayon aymay face-to-face na klase na sa lahat ng paaralan, pribado man o pampubliko. Dadami rin ang mga pasahero dahil sa ang mga empleyado at manggagawa ay kailangan ng bumalik sa kanilang mga trabaho. Kaya  hiniling  ng  DOTr  sa   mga  opisyales  ng   rail   lines  na   humanap  ng  isang alternatibong paraan upang matakpan ang supply gap at isa sa mga nakitang paraan ay ang masagad ang paggamit ng single-journey tickets.

“However, commuters reeling from the impact of climbing inflation may find thisimpractical   given   the   fare   difference   between   using   single-journey   and   stored-valuecards,” wika ng DOTr.

Halimbawa na ang LRT 2- single  journey  fares  ay  mula   P15 hanggang P30,habang ang stored-value rates ay mula P12 hanggang P29.

Sa LRT 2 ang pamasahe sa single journey ay mula P15 hanggang P30 samantalang ang stored-value rates ay mula sa   P12   hanggang P28. Kaya  mas   pipiliin ng mga  pasahero ang paggamit ng stored-value cards kaysa sa single journey cards. Sa   nasabing   sulat   sa   mga   rail   managers,   sinabi   ng   DOTr   na   mayroong nagbabantang kakulangan ng mga beep cards dahil na rin sa kakulangan ng access sa special gases mula Russia na ginagamit sa paggawa ng NXP chips.

Sinisisi   rin   ng   ahensya   ang   shipping   slowing   down   na   nangyayari   sa   buong mundo dahil sa ginagawang lockdown sa China na ang sanhi ay ang pagtaas ng casesng COVID-19 sa China. Noong nakaraang buwan sinabi ng JP Morgan na ang kakulangan sa global chip ay dahil din sa paghinto ng manufacturing nito kung saan sanhi rin ang pandemya lalo na sa China kung saan ginagawa ito.

“Afterward, the general shift to digital transactions drove the demand for chips,especially by automation firms. Although, the current supply will fall short of providing for   everyone’s   needs   but   the   global   chip   crunch   would   end   soon.   More   chips   will become available in the second half of the year and the shortage is nearing its end, but available chips may not be the right type to satisfy the demand,” wika ng JP Morgan. LASACMAR