WALA pa ring ibinibigay ang mag-asawang Dennis Trillo at Jennylyn Mercado kung ano ang ibig sabihin ng “Baby D” na tawag nila sa bagong silang na baby girl, kaya naghihintay pa rin ang mga fans nila.  

        Maikli lamang kasi ang ibinigay na statement ni Dennis sa Chicka Minute ng “24 Oras: “Everything went smoothly inside the operating room and both Jennylyn and Baby D are doing very well now.  Despite having sleepless nights these past days, Jen and I are very much enjoying our time as parents and we are very thankful that we are blessed with a healthy baby girl.”

            Baby D was welcomed by her parents last April 25 at around 5pm.  She weighed 5.7 pounds.  Sa vlog na inilabas ng mag-asawa last Sunday, sabi nila dapat daw ay pupunta lamang sila sa hospital for check-up.  “pero bigla na lang kaming…bigla na lang eto na…manganganak  na raw.  Hindi kami ready,” sabi pa ng mag-asawa.  Malamang sa susunod na vlog nila, kumpleto na ang details tungkol kay Baby D, at ang kanyang photo.

          ***

         FIRST time pala lamang magkakahiwalay, sa loob ng 28 years of marriage nila ang mag-asawang Ronnie at Mariz Ricketts.  

         Nope, hindi po sila nag-away kaya nagkahiwalay,  Nagbabalik-showbiz lamang si Mariz after 23 years na hindi siya umaarte.  Ngayon, kabilang siya sa GMA Afternoon Prime drama series na “Apoy sa Langit.”  Inamin ni Mariz na nakatanggap siya noon ng mga comeback projects pero hindi natutuloy,

         At ngayong natuloy siya sa GMA project, kailangan naman nilang mag-lock-in taping, kaya matagal-tagal din, depende sa haba ng taping, na nahihiwalay sila sa kanyang pamilya.

       “Dumating ang project na ito and came to me at the most perfect time.  I was ready, my family was ready, Ronnie is Ready,” sabi ni Mariz.

         “Alam ko naman ang set-up sa lock-in taping, so in-embrace namin ni Ronnie ang chance na iyon.  This is my first time na nagkahiwalay kami nang matagal, for 28 years hindi kami nagkahiwalay, kaya ito, challenge sa amin.

         “But nakakita ako ng second family sa cast ng “Apoy sa Langit,”

           Kasama ko rito sina Maricel Laxa, Mikee Quintos, with Zoren Legaspi, Lianne Valentin at iba pa.  At hindi ko in-expect na si Direk Laurice Guillen pa ang makakatrabaho ko, sino ba ang hindi nangarap na maging director siya, makatrabaho at matuto sa kanya? Kaya sobrang masaya ako and really, really grateful.”

            Nagsimula nang mapanood ang “Apoy sa Langit,” last Monday, May 2, 2:30 PM sa GMA Afternoon Prime, Mondays to Saturdays, after “Eat Bulaga.”

                                                            ****

            TINUTUTUKAN ngayon ang isa sa love teams from GMA’s Sparkles’ Sparkadas from GMA Artist Center, sina StarStruck 7’s runner-up na si Allen Ansay, at si Prima Donnas’ Sofia Pablo, na nauna kay Allen pumasok ng showbiz.

           Noong may pandemic, pansamantalang nawala ang character ni Sofia sa serye dahil wala pa siyang 15 years old noon, pero nagpatuloy ang friendship nila ni Allen, dahil sa vlog nilang dalawa.  Now, 16 years old na si Sofia, balik-love team sila ni Allen, at pinagtambal nga sila sa katatapos na afternoon prime drama, pero nasundan agad ito ng isa pang mini-series, ang “Raya Sirena,: na gumaganap na mermaid si Sofia, at best friend naman niya si Allen.

            Excited si Allen na muli silang magkatambal ni Sofia, kahit may isa pang leading man ito, si Saviour Ramos, na gumaganap namang isang merman.  Biruan nga raw sa set nila sa Batangas, magpapakita ba ng katawan niya si Allen kahit hindi naman siya sireno, dahil tao ang character niya?  Aminado si Allen na naiinggit siya kina Sofia at Saviour dahil may mga exciting scenes daw ang dalawa underwater.  Pero naaawa rin siya sa kanila dahil hirap silang kumilos sa suot nilang mga buntot.  Pero kung magkakaroon ba ng twist ang story at maging merman din siya, papayag ba siya?  “Opo, game na game ako, para maranasan ko naman ang ibang role,”  Marami kasing nakakapansing Allen is becoming more good-looking, hot young actor today.

            Ang “Raya Sirena” napapanood every Sunday, 3:05 PM sa GMA-7.

(NORA V. CALDERON)