111 milyong Pinoy naserbisyuhan ng PhilHealth

NASA 111 milyong Pinoy sa buong bansa ang naserbisyuhan na ng PhilHealth.

Ang ulat ay isinagawa sa ipinatawag na virtual press conference ng mga opisyal ng PhilHealth sa pangunguna ni President and CEO Atty. Dante Gierran, VP Dra. Shirley Domingo, EVP and COO Atty. Eli Dino Santos, SM Rex Paul Recoter, Dra. Mary Antonette Remonte at iba pang matataas na opisyal ng state insurer ng bansa.

Nagbigay ng update ang mga opisyal ng PhilHealth hinggil sa implementasyon ng Universal Health Law.

Si Atty. Gierran ang siyang nagbigay ng welcome remarks sa lahat ng dumalo, nakiisa at sumusuporta sa PhilHealth.

Inilatag naman ni Dra. Domingo ang main ­objective ng PhilHealth na paglingkuran ang bawat isang mamamayang Pilipino sa pamamagitan ng pagkakaloob ng serbisyong medical o pagpapagamot sa mga may karamdaman.

Ayon kay Dra. Domingo, “All Filipinos are gua­ranteed equitable  access to quality and affordable health care goods and service and Protected Against Financial Risk”.

Ayon pa kay Dra. Domingo, RA 11223 o Universal Health Care Act ay nagbibigay ng legal basis para sa payment scheme.

Aniya, marami silang “lesson learned” na natutunan ngayong panahon ng pandemya at higit nilang pinagbubuti ang kanilang serbiyo sa publiko.

Hinggil naman sa pagbabayad sa mga pribadong hospital ay pinama­madali na ng PhilHealth ang kanilang mga claims at may mga pag-uusap na siyang ginagawa upang hindi na magkaroon pa ng problema sa hinaharap.

Isa sa isinusulong ngayon ng PhilHealth ay malunasan ang severe malnutrition sa mga kabataan sa bansa. (Daris Jose)

ate insurer ng bansa.