2022 February Archive - People's Balita

Archive for February, 2022

Mga rehiyon na may mataas na Covid-19 vaccine coverage dapat na tutukan ang pagbibigay ng booster shots —Galvez

Posted on: February 24th, 2022 by @peoplesbalita No Comments

KAILANGANG tutukan ng mga rehiyon na may mataas na COVID-19 vaccine coverage ang pagbibigay ng booster shots.

Sa Talk to the People ni Pangulong Rodrigo Roa Duterte, Lunes ng gabi, sinabi ni vaccine czar Secretary Carlito Galvez Jr. na 12 mula sa 17 rehiyon ng bansa ay maaari nang ikunsidera na mayroong mataas na vaccine coverage.

Ani Galvez, kailangang ituon ng pansin ng mga rehiyon na ito ang pag-aalok ng boosters habang ang natitirang limang rehiyon ay kailangan na subukan na palakasin ang kanilang primary vaccinations.

“We need to direct the 12 regions with high coverage to shift their focus to administering the boosters. Kailangan din po natin ang tulong ng mga pharmacies and medical clinics para po ma-expand ang mga boosters sa tulong ng ating private sector,” ayon kay Galvez.

“Kailangan din po na mag-dedicate tayo ng mga araw sa pagbabakuna ng boosters. At kailangan din po natin ang tulong ng lahat para hikayatin ang ating mga mamamayan na magpa-booster para tuluy-tuloy at may dagdag na proteksyon sa susunod sa future surges,” dagdag na pahayag nito.

Ani Galvez, ang limang rehiyon na nahuhuli na sa COVID-19 vaccinations ay ang Region 5 ( mayroong 69.96% fully vaccinated), CARAGA (69.75%), MIMAROPA (68.56%), Region 12 (61.25%), at BARMM (28.02%).

Sa ngayon, mayroon ng 9,709,375 booster shots na ang naiturok na sa buong bansa.

Target ng pamahalaan na gawing fully vaccinated ang 90 milyong Filipino sa pagtatapos ng Hunyo 2022. (Daris Jose)

Nagpapasalamat sa kanyang ex-fiance: SHARON, nanghina ang tuhod nang malamang kay KIKO na pumanaw na si CHARLIE

Posted on: February 24th, 2022 by @peoplesbalita No Comments

MATAGAL nang na-reveal na “it could have been” Charlie Cojuangco na sana ay naging mister ng Megastar na si Sharon Cuneta at hindi sana sina Gabby Concepcion at Senator Kiko Pangilinan.

At kinumpirma nga ito ni Sharon sa napakahaba niyang Instagram message para sa namayapang businessman/politician.

Si Kiko pa raw ang nag-inform sa kanya na namatay na nga ito last February 22 at talagang nanghina raw ang tuhod niya nang malaman niya.

Sabi ni Sharon, “I had never lost someone I was extremely close to and who was a big part of my life before, much less an ex-fiance, until yesterday.

“So sudden. So unexpected. Too young. It was Kiko who told me of your passing as we were in the car on my way to another campaign yesterday, and I thank God my dear husband understood and comforted me as my knees went weak and I suddenly became too quiet in my state of shock.”

May direct message rin siya kay Charlie at nagpasalamat dahil hindi man daw sila nauwi sa kasalan, naka-gain pa rin siya ng pamilya sa pamilya ng mga ito mula mga magulang hanggang sa mga kapatid.

Sey pa niya, “Though we didn’t make it together, I was so happy when you found Rio (Diaz) and my heart broke for you when you lost her. I found my Kiko and my own happiness too. “I was happy for you when you remarried, and shocked when just a few weeks later, “THAT” happened (I have no business giving details here), and feel for your new wife.”

Alam daw niyang reunited na muli ito sa unang asawa na si Rio (kapatid ni Gloria Diaz) at ipapanalangin daw niya ang mga naulilang anak na sina Claudia at Jaime at ang bago nitong asawa na bigyan ng strength sa kanyang kalungkutan.

***

NAPA-THROWBACK si Matteo Guidicelli kasabay ng ikalawang taong anibersaryo nila ng misis na si Sarah Geronimo.

Sa YouTube channel nito ay nag-upload si Matteo ng video ng U.S. Tour ng concert ni Sarah noong 2013. At that time, special guest ni Sarah si Matteo at siyempre, malamang na okay pa si Matteo sa parents ni Sarah, lalo na sa Mommy Divine nito dahil hindi pa naman sila ang “item” that time.

Sabi nga sa comment sa YouTube post na ito ni Matteo, “Crush mo lang siya that time, ngayon asawa mo na.”

Para bang sinasabi ni Matteo sa pagkaka-throwback niya na “ako ang nagwagi” dahil nauwi nga sila sa kasalan ng kanyang dating crush lang.

Sabi rin ni Matteo as caption to her video, “Taking it back to 2013 when I was a guest to Sarah’s concert. After nine years, here we are, now celebrating our 2nd anniversary as a married couple.

“Happy Memories!”

(ROSE GARCIA)

Muhammad in, Johnson out

Posted on: February 24th, 2022 by @peoplesbalita No Comments

NAKATAKDANG palitan si Orlando Johnson ni Shabazz Muhammad bilang import San Miguel Beer sa 46th Philippine Basketball Association 2021-22 Governors’ Cup elimination round.

Martes dumating ng ‘Pinas ang first round pick ng Utah Jazz sa 2013 National Basketball Association Draft na nakapaglaro rin sa Milwaukee Bucks.

Dalawang sabak pa lang si Johnson sa Beermen na tumilapon sa TNT 96-81 noong Pebrero 16, pero rumesbak siya sa pinaglarun niya noong 2015 kontra Barangay Ginebra San Miguel 110-102 nitong Linggo.

Pasabog siya laban sa dating team ng 31 points mula 12 of 19 shooting. May 10 rebounds at 8 assists pa.

Pambawi sa 3 of 22 lang niya kontra Tropang Giga kung saan may 12 markers, 5 boards at 2 feeds lang si OJ.

Sunod na asignatura ng SMB (4-3) ang Phoenix Super LPG (4-3) sa Ynares Center sa Antipolo sa Miyerkoles, Peb. 24. Malamang na ito ang last game ni OJ bago sumalang sa next game si Muhammad. (REC)

Award-winning novel ni Marivi Soliven: SHARON, kumpirmado nang bibida sa Hollywood movie adaptation ng ‘The Mango Bride’

Posted on: February 23rd, 2022 by @peoplesbalita No Comments

KUMPIRMADO na ngang magli-lead si Megastar Sharon Cuneta sa Hollywood movie adaptation ng award-winning novel ni Marivi Soliven na The Mango Bride.

Sa Instagram account ng Megastar pinost niya ang screen shot ng article na nilabas ng Variety.

Caption ni Sharon, “SURPRISE! Hollywood, here come the PINOYS!!” kasama ang mga emojis.

Sa pagpapatuloy niya, “Please pray for this project to succeed. My prayer is that it is able to open doors for ALL OF US in the industry – FINALLY!”

Kalakip ng post ang link kung saan mababasa ang article: https://variety.com/2022/film/news/sharon-cuneta-the-mango-bride-adaptation-marivi-soliven-1235186783/

Naka-tag naman sa IG post ang kanyang pamilya, mga malalapit na celebrity friends, mga taga-FPJ Ang Probinsyano at iba marami pang iba: @frankiepangilinan @mielpangilinan @kiko.pangilinan @bethtamayo21 @annitazo @lorrainerecto @paolorecto @justinenicole___ @egan_aileen @garyvalenciano @john__estrada @mdemesa24 @michaeljohnflores @jay_gonzaga @macherieamour @jhett_tolentino @gabpangilinan @jnpangilinan @detailsink @isabelvsandoval @malusevilla @officialjuday @reginevalcasid @ogiealcasid @popsfernandezofficial @zsazsapadilla @msaiaidelasalas @montesjulia08 @cocomartin_ph @biboy_arboleda_ @deo_endrinal @malousantos03 @imangelaquino @therealangellocsin @iamangelicap @viva_ent @viva_films @draivee @drzteo @deleonphoto @jeff.g.l @_tessalapradez @jokoy

Idi-direk ito ng Filipino-Canadian na si Martin Edralin, ang movie ay iikot sa buhay ng dalawang Filipino women na sina Amparo, na isang socialite na ipinanganak sa wealthy family, at si Beverly, na isang mail-order bride. Magma-migrate sila sa California na madi-discover ang hidden truths as their stories meet and intertwine.

Si Rae Red (“The Woman and the Gun”) ang magsusulat ng screenplay na base sa award-winning novel na na-publish noong 2013 sa English ng Penguin Random House, sa Filipino (translated by Danton Remoto) ng National Book Store at noong 2014 sa Spanish ng Grupo Planeta na may titulong Hace una eternidad, en Manila.

Nagwagi ang The Mango Bride ng highest literary prize sa bansa, ang Grand Prize ng Carlos Palanca Memorial Awards.

Magsisimula ang production ng pelikula bago matapos ang 2022.

Sa naging pahayag ni Sharon sa Variety, “I wanted to do ‘The Mango Bride’ because it’s the best way to connect to a global audience by putting some of the best Filipino talents and stories together to tell an emotional and uplifting story like this.”

Pag-amin pa ni Mega, “I have long been a fan of Marivi Soliven’s writing, from ‘Suddenly Stateside,’ her collection of light essays about living in the U.S., to ‘The Mango Bride.’ She captures the Filipino migrant and Filipino American experience skilfully.“

Congratulations and goodluck Sharon!

(ROHN ROMULO)

Gilas Pilipinas nasa training bubbles na para sa FIBA World Cup Asian Qualifiers

Posted on: February 23rd, 2022 by @peoplesbalita No Comments

NASA training bubbles na ang Gilas Pilipinas ilang araw bago ang pagsisimula ng FIBA World Cup Asian Qualifiers na magsisimula ngayong linggo.

Pinangunahan ni coach Chot Reyes at ang 13 manlalaro nito para sa torneo na magsisimula sa Pebrero 24 hanggang 28.

Kabilang sa bubbles sina B. League players Thirdy Ravena at Dwight Ramos, naturalized player Ange Kouame, Juan Gomez de Liano, Will Navarro, Jaydee Tungcab, Tzaddy Rangel, Lebron Lopez, Robert Bolick, Poy Erram, Kelly Williams, Gab Banal at Kib Montalbo.

Kumpleto ring nasa bubbles na ang coaching staff ni Reyes na sina Jong Uichico, Josh Reyes, Marc Pingris at Nedad Vucinic at mga team officials.

Sisimulan ng Gilas ang laro sa Pebrero 24 laban sa South Korea at susundan kontra sa India sa Pebrero 25.

DND, lalagda ng kontrata sa pagbili ng 32 ‘Black Hawk’ helicopters

Posted on: February 23rd, 2022 by @peoplesbalita No Comments

NAKATAKDANG tintahan ni Department of National Defense (DND) Secretary Delfin Lorenzana ang isang kontrata para sa pagbili ng 32 karagdagang S-70i “Black Hawk” combat utility helicopters mula PZL Mielec ng Poland, Martes ng tanghali.

“Bukas po ng hapon, Mr. President, ay pipirmahan ko ‘yung kontrata para sa karagdagang 32 ‘Black Hawk’ helicopters,” ang sinabi ni Lorenzana kay Pangulong Rodrigo Roa Duterte sa Talk to the People ng huli, Lunes ng gabi.

Sa oras na mai-deliver na aniya ang aircraft, sinabi ni Lorenzana na “this will increase the fleet to around 48 units, including the 16 earlier delivered to the Philippine Air Force (PAF).”

“Puwede na po nating i-retire ‘yung ating lumang ‘Huey’ helicopters,” dagdag na pahayag nito.

Katulad ng mga naunang biniling military equipment para sa nagpapatuloy na Armed Forces of the Philippines Modernization Program, sinabi ni Lorenzana na ang assets na ito ay multi-functional at maaaring gamitin para sa surveillance at disaster response.

Ipinalabas naman ni Lorenzana ang Notice of Award para sa PZL Mielec ng Poland kaugnay sa 32 “Black Hawk” helicopters noong nakaraang Disyembre 28.

Idinagdag pa nito na ang proyekto, nagkakahalaga ng P32 bilyong piso, ay nanggaling sa initial logistics support package at training para sa piloto at maintenance crew.

“The delivery of these helicopters will start on CY (Calendar Year) 2023 (five units) while the remaining ones will be delivered in three batches as follows: CY2024 – 2nd batch (10 units); CY2025 – 3rd batch (10 units); and CY2026 – last batch (seven units),” ayon sa Kalihim.

Kinompleto naman ng PAF ang pagbili sa 16 Black Hawk helicopters, mula rin sa Polish aerospace manufacturer, na nagkakahalaga ng USD241 million (P11.5 billion).

Ang first batch ng anim na helicopters ay idineliver noong Nobyembre 2020, sinundan ng second batch na lima noong Hunyo ng nakaraang taon na pormal na tinanggap at tinurn over at pina-bendisyunan noong Oktubre 13, 2021.

Ang last batch na lima naman ay dineliver noong Nobyembre 8, 2021, at pormal na tinanggap ng PAF noong Disyembre 3.

Isa sa paunang anim na units na dineliver ay nag- crashed noong Hunyo 24, 2021 habang nagsasagawa ng night-flying exercise.

“The lack of transport planes and helicopters have never been more acute during the pandemic and in the aftermath of Typhoon Odette. This was exacerbated by our aging Hueys that have become uneconomical to maintain. The 12 brand-new ‘Black Hawk’ bore the brunt of the work during these critical times,” ayon kay Lorenzana.

Ang PAF S-70i units ay nagdadala ng relief supplies at rescue personnel sa mga lugar na sinalanta ng bagyong Odette noong nakaraang Disyembre.

Ginagamit din ito para magdala ng Covid-19 vaccines sa mga geographically isolated areas. (Daris Jose)

Saso giniit ang pagiging Pinay

Posted on: February 23rd, 2022 by @peoplesbalita No Comments

NAGING Japanese citizen simula nitong Enero si Ladies Professional Golf Association Tour star Yuka Saso.

Pero habang-buhay pa ring giniit ng reigning world women’s golf No. 7 na may dugong Pinoy siya na ‘di niya kalilimutan.

Klinaro ito ng 20-taong-gulang na isinilang sa San Ildefonso, Bulacan na Fil-Japanese Lunes sa isang press conference sa Solaire Resort and Casino sa Parañaque City nitong Lunes.

“I’ll be forever Filipino and Japanese,” wika ng 2021 US Women’s Open champion sa unang pagbabalik ng ‘Pinas dalawang taon mula nang tumira sa pamilyang nasa Tokyo at magpirmi sa Estados Unidos upang maglaro sa LPGA Tour. “And the main reason in choosing Japanese citizenship is the passport.”

Binunyag ng dalaga na Hapones ang ama at Pinay ang ina, na pangunahing niyang dahilan sa pagpapalit ng pasaporte ang mas komportbleng paglalakbay saan mang panig ng daigdig kung Japanese passport kesa sa Philippines ang bitbit.

“The ease of travel, like I said earlier, the time management is very important for us athletes and that makes our — as a team, the time management [is] easier because we travel a lot,” paliwanag ni Saso.

Bago nag-Japanese citizen, matagal na kinatawan ni Saso ang ‘Pinas sa iba’t ibang mga kumpetisyon na nagsimula sa pagiging junior golfer pa lang.

Pinakamalaki sa mga paligsahang dala niya ang ‘Pinas ang 32nd Summer Olympic Games 2021 sa Tokyo Olympics at ang 18th Asian Games 2018 sa Indonesia.

Sinimulan naman niya ang pagkakabit ng Land of the Rising Sun flag sa kanyang mga kasuotan nang lumahok sa Hilton Grand Vacations Tournament of Champions sa Florida noong Enero 20-23.

“I still have my Philippine passport, it’s just that for my career I had to do that,” panapos niyang bulalas. (REC)

FACE SHIELD HINDI NA GAGAMITIN SA KAMPANYA AT ELECTION DAY

Posted on: February 23rd, 2022 by @peoplesbalita No Comments

HINDI na kailangan na gumamit ng face shields sa panahon ng kampanya at election day sa mga lugar sa ilalim ng Alert Level 1 hanggang 3 ayon sa New Normal Manual ng Commission on Elections (Comelec).

Pinaalalahanan din ng poll body nitong Lunes ang publiko na mahigpit na sundin ang mga karaniwang protocol bago, habang, at pagkatapos nilang lumahok sa mga botohan sa Mayo 9.

Para sa mga lugar sa ilalim ng Alert Levels 3, 2, at 1, sinabi ng Comelec na ang paggamit ng mga face shield ay boluntaryo, batay sa Memorandum ng Executive Secretary na may petsang 15 Nobyembre 2021, sa Protocols on the Use of Face Shields

Para sa mga botante na may temperaturang 37.5 degrees Celsius, dapat silang dalhin sa mga medical personnel na naka-deploy sa lugar ng botohan. Kung susuriin na may lagnat, maaaring pumunta ang mga botante sa Isolated Polling Places (IPP) para bumoto.

Hinihiling din sa publiko na obserbahan ang physical distancing ng hindi bababa sa isang metro.

Pagkatapos ay magpapatuloy sila sa Voters’ Assistance Desk upang makakuha ng presinto at sequence number; tumuloy sa lugar ng botohan; i-sanitize ang mga kamay sa sanitation station bago pumasok sa lugar ng botohan; ibigay ang kanilang numero ng presinto at sequence number at bumoto.

Samantala, ang National Citizens’ Movement for Free Elections (Namfrel) ay nakiisa sa panawagan ng iba pang stakeholders para sa paghirang ng mga karampatang at tapat na kalalakihan at kababaihan sa tatlong bakanteng posisyon — Chairperson at dalawang Komisyoner — sa Comelec.

“The 2022 National and Local Elections are less than three months away, and will be conducted under extreme safety and health challenges; an open process will help reinforce public trust to the Comelec as an institution; a transparent appointment process, with focus on qualifications and suitability for the job, will help dispel concerns that the Comelec as a constitutional body will be composed of individuals that only come from the President’s hometown, or who are inside the President’s inner circle,” dagdag ng grupo

Sinabi ng Namfrel na bilang tagapangasiwa ng proseso ng halalan sa Pilipinas, “dapat palakasin ang Comelec, at dapat mag-imbita ng tiwala at paggalang ng sambayanang Pilipino.”

Sinabi nito sa pamamagitan ng pagtiyak na magiging bukas at transparent ang proseso ng appointment, mag-iiwan ang Pangulo ng pangmatagalang pamana ng isang malakas, independyente, at kapani-paniwalang Comelec.

Ang Comelec ay kasalukuyang binubuo nina acting chairperson Socorro Inting, Commissioners Marlon Casquejo, Aimee Ferolino at Rey Bulay. GENE ADSUARA

PDU30 ipinagmalaki na natupad na niya ang pangako sa PNP at AFP

Posted on: February 23rd, 2022 by @peoplesbalita No Comments

IPINAGMAMALAKI ni Pangulong Rodrigo Duterte na natupad niya ang pangako nito sa mga kasundaluhan at kapulisan gaya ng pag-doble ng kanilang sahod.

Sa kanyang Talk to the People nitong Lunes ng gabi, sinabi nito na mula ng pagkaupo niya ay tiniyak niya na aayusin ang kalagayan ng mga sundalo at kapulisan.

Ilan sa mga dito ay ang pagkakaroon ng ngayon ng mga upgrades sa armas ng mga kapulisan at kapulisan.

Nagkaroon din ang bansa ng mga bagong air assets at maging ang naval assets ng bansa.

Napagtanto niya kasi na mula noong maupo bilang alkalde ng Davao ay mahalaga ang pagkakaroon ng magandang relasyon sa kapulisan at kasundaluhan.

Noong 2018 ay nagsimula ng itaas ng gobyerno ang sahod ng mga kapulisan at sundalo sa bansa. (Daris Jose)

Maraming bansa nagkondena sa pag-angkin ng Russia sa 2 breakaway region ng Ukraine

Posted on: February 23rd, 2022 by @peoplesbalita No Comments

DUMARAMI pa ang mga bansa na nagkondena sa tila pag-angkin na ni Russian President Vladimir Putin sa dalawang breakaway region ng Ukraine, ang Donetsk at Luhansk.

Ilan sa mga bansa na naglabas agad ng kanilang pagkondena ay ang United Kingdom, Germany at France.

Ayon sa nasabing mga bansa na ang hakbang na ito ni Putin ay isang paglabag sa International Law at isang malaking hamon sa diplomatic effort para sa mapayapang pag-aayos at political solution sa kasalukuyang kaguluhan.

Hinikayat nila ang Russia na bawiin ang naging desisyon nito.

Magugunitang inanunsiyo ni Putin na matagal na niyang pinag-isipan na killalanin bilang bahagi nila ang nasabing breakaway region ng Ukraine.

Matapos ang naganap na anunsiyo na ito ni Putin ay nagdiwang ang mga tao sa Donetsk at Luhansk kung saan nagsilabasan sila sa kanilang bahay at nagsindi pa ng fireworks.

Sa panig naman ng US ay agad na tinawagan ni US President Joe Biden si Ukrainian President Volodymyr Zelenskyy at tiniyak nito na nasa likod pa rin nila ang Amerika at mga kaalyadong bansa.

Nagbigay din ng update si Biden sa Ukrainian President na kanilang inaayos na ang sanctions na ipapataw sa Russia.