NAGBITIW sa kanilang puwesto ang apat na senior aides ni British Prime Minister Boris Johnson.

Kasunod ito sa pressure dahil sa mga kontrobersiyang kinakaharap ni Johnson.

Kinabibilangan ito nina director of communications Jack Doyle, policy head Munira Mirza, chief of staff Dan Rosenfield at senior civil servant Martin Reynolds.

Hihintayin muna ni Rosenfield ang kaniyang kapalit bago tuluyang umalis sa puwesto.

Magugunitang 17 mga members of parliament ang nagsumite ng letters of no confidence laban kay Johnson.

MAGKAKAROON ng en banc meeting ang Commission on Election (Comelec) sa Feb.9 .

Sinabi ni Comelec Spokesperson James Jimenez magsisilbing isang organizing meeting para sa bagong commission en ban na ito at sa bagong listahan ng mga komite.

“That’s where they will discuss the compositions of the divisions siguro magkakaroon ng assignment of cases (maybe there will be an assignment of cases),” sabi ni Jimenez .

Ayon pa kay Jimenez, kung may anumang kaso na naiwan, ang mga iyon ay itatalaga, isa-shuffle, at iba pa sa Pebrero 9.

Sa kasalukuyan, mayroong ilang umiiral na komite tulad ng campaign committee na pinamumunuan ni Commissioner Rey Bulay habang ang steering committee ay nananatili kay Commissioner Marlon Casquejo.

Sa kabilang banda, ilan pang mga committee ay kailangang i-reassigned tulad ng overseas voting committee at  campaign finance committee.

Kaugnay naman sa disqualification case ng presidential aspirant Ferdinand ‘Bongbong’ Marcos Jr, binanggit ni Jimenez na hindi siya sigurado kung saan ang paniwala na hindi na makakaboto si Casquejo sa pinagsama-samang disqualification cases ni ng dating senador  kapag nailipat siya sa ibang dibisyon dahil may awtoridad ang poll body na amyendahan ang sarili nitong mga patakaran sa anumang binigay na oras.

Sinabi ni dating Comelec Commissioner Rowena Guanzon na sinadyang ipagpaliban ni Commissioner Aimee Ferolino ang paglalabas ng ponencia ng kaso ni Marcos  para hindi sila  makaboto ni Casquejo.

Kung paano naman itutuloy ang kaso,  ipinaliwanag ni Jimenez  na kapag tatlong komisyoner ang gumawa ng desisyon, ito ang pangunahing desisyon na kumokontrol. Ngunit binanggit niya na ang pangunahing desisyon kung minsan ay nauuwi sa minorya, kapag ang dalawa pang komisyoner ay gumawa ng hindi pagkakaunawaan, ngunit ito pa rin ang pangunahing desisyon.

“Sometimes the dissent becomes the main opinion, especially if more if more justices side with the dissent rather than with what the original position was…”I haven’t seen that happen in the Comelec, to be honest,” sabi ni  Jimenez.

“I’m saying that’s one possible way of doing it, but in general, you’re looking at waiting for the main decision because no other opinion is controlling. So whether or not lumabas yung dissent, or lumabas yung separate opinion, whether it’s concurring or whatever, it really, it really has to bow before the main decision. It’s the main decision that ultimately controls the outcome,” dagdag nito

Ang Comelec ay kasalukuyang binubuo nina Acting Chair Socorro Inting, Commissioner Casquejo, Ferolino, at Bulay.

Kung sakaling wala pang bagong appointees ang Comelec, magkakaroon ng “guest” commissioner ang isang dibisyon para punan ang tatlong puwang dahil dalawa na lang ang commissioner sa isang dibisyon. GENE ADSUARA

MALAYA na ang National Capital Region (NCR) mula restriksyon sakali’t ilagay ito sa ilalim ng Alert level 1.

Ang pahayag na ito ng Malakanyang ay kasunod ng posibleng paglalagay na sa mas mababang alerto ang Kalakhang Maynila subalit depende sa kalalabasan ng datus na nakatakdang pag aralan ng IATF.

Ayon kay Acting Presidential Spokesperson at Cabinet Secretary Karlo Nograles, na kapag naisailalim na sa alert level 1 ang isang lugar, dito na iiral ang tinatawag na new normal na halos lahat ay maari ng gawin tulad ng indoor at outdoor capacity sa mga gatherings at establisyemento habang papayagan narin ang intrazonal at interzonal movement ng lahat, kasama na ang mga bata at may mga comorbidities.

Ngunit, mananatili lamang aniya ang patuloy na pagtalima sa mga health protocols.

Bago sumapit ang Feb. 16, 2022, nakatakdang talakayin ng IATF ang posibleng paglalagay sa NCR sa Alert level 1. (Daris Jose)

NANINIWALA ang World Health Organization (WHO) na malapit ng manahimik ang Europa laban sa COVID-19.

Ito ay dahil sa maraming mga bansa ang nagpatupad ng pagpapaluwag na ng COVID-19 restrictions.

Ayon kay WHO Europe Director Hans Kluge na dahil sa mataas na vaccination rates at ang pagtatapos ng winter ganun din ang hindi gaanong makapaminsalang Omicron variant ay malaki ang posibilidad na hindi na magtatala ang Europa ng mataas na bilang ng kaso ng COVID-19.

Kahit na mayroong mataas na kaso ng COVID-19 ang naitala ay hindi naman mataas ang bilang naitatakbo sa pagamutan.

Nanawagan ito sa mga bansa na maigtingin ang kanilang pagpapabakuna laban sa COVID-19.

BAGSAK sa kulungan ang dalawang lalaki matapos makuhanan ng patalim at shabu sa isinagawang anti-criminality operation ng mga awtoridad sa Valenzuela City.

Kinilala ang naarestong mga suspek na sina Danilo Dela Paz, 53, construction worker ng Obando, Bulacan at Christopher Joseph, 43 ng Woodland, Malanday.

Base sa ulat ni PSSg Carlos Erasquin Jr. kay Valenzuela police chief Col. Ramchrisen Haveria Jr, dakong alas-11:30 ng gabi, nagsasagawa ng anti-criminality operation (Oplan Bakal) ang Sub-Station 6 pangunguna ni PSMS Roberto Santillan sa ilalim ng pangangasiwa ni PLT Armando Delima, kasama ang mga tanod ng Brgy., Malanday nang sitahin at beripikahin nila ang mga suspek na nag-iinuman sa loob ng 3SML Eatery/KTV Bar sa kahabaan ng Mc Arthur Highway, Malanday.

Sa halip na makinig, mayabang na sumigaw umano ang mga suspek at hindi sumunod kay PSMS Santillan na naging dahilan upang arestuhin ang mga ito dahil sa paglabag sa Art. 151 of RPC.

Nang kapkapan, narekober ni PSMS Santillan kay Dela Paz ang isang transparent plastic sachet ng hinihinalang shabu, patalim, coin purse, ID at P160.00 cash habang nakuha naman ni B/T Jeffrey Viray kay Joseph ang isang patalim at tatlong transparent plastic sachets ng hinihinalang shabu.

Nahaharap ang mga suspek sa kasong paglabag sa RA 9165, Article 151 of RPC at BP 6 in relation to Omnibus Election Code of the Philippines. (Richard Mesa)

TINIYAK  ng Commission on Elections (Comelec) nitong Huwebes na ang kanilang paghahanda para sa halalan sa Mayo ay hindi mahahadlangan ng pagreretiro ng tatlong senior officials .

Ayon kay Comelec Spokesperson James Jimenez, ang nasabing preparasyon  ay matagal nang ginagawa at natugunan na sa nakaraang buwan

“Remember that when running the elections, you’re talking about setting in motion preparation that was put in place while there were six of them. Now, we are at the stage where we are implementing these processes. A lot has gone from level of policy to level of operations. That’s what we are doing now,” sabi ni Jimenez sa virtual press briefing.

Nagpahayag din ng kumpiyansa si Jimenez na makakayanan ng mga natitirang opisyal — acting chair Socorro Inting at Commissioners Marlon Casquejo, Aimee Ferolino, at Rey Bulay — ang mga hamon.

“They have to have a quorum at all times. Because if a matter is elevated to them, they’re going to have a quorum to get things done. That’s the challenge. But in terms of getting things going, there is no problem,” dagdag pa nito

Dagdag pa ni Jimenez, hindi maglalabas ng apela ang poll body para sa agarang appointment ng mga bagong commissioner.

“We trust that the executive is aware of the timelines we are dealing with, and the demands on the new appointees when they do come. We will leave it to the discretion of the appointing authority,” ayon pa kay Jimenez.

Nitong Lunes, sinabi ng Malacañang na may shortlist na si Pangulong Rodrigo Duterte  sa posibleng appointees na maaring pumalit sa tatlong nagretirong opisyal na sina Chairperson Sheriff Abas,  Commissioners Rowena Guanzon at Antonio Kho Jr.

Samantala, idinagdag ni Jimenez na  naghahain siya ng resignation bilang tagapagsalita ng Comelec upang bigyan ng pagkakataon si Inting na  pumili ng sinumang nais niyang italaga sa posisyon.

“I do it every time there is a change in chairmanship whether it’s’ actual chairmanship or acting chairman, I offer my resignation as spokesperson,” ani Jimenez.

Gayunman, tatanggapin pa rin nito ang nasabing posisyon kung siya ay muling  pipiliin. (GENE ADSUARA)