REUNITED sina Sanya Lopez at Rocco Nacino sa inaabangan na GMA primetime teleserye na First Lady.

Unang nagtambal sina Sanya at Rocco sa Encantadia noong 2016 at nasundan ito ng Haplos noong 2017.

Nagkaroon ng fans ang tambalan nila Sanya at Rocco at umasa silang magkakatuluyan ang dalawa, pero biglang lumitaw ang non-showbiz girlfriend ni Rocco na misis na niya ngayon na si Melissa Gohing. 

Sa First Lady, gaganap si Rocco bilang si Mayor Moises Valentin. Guest role lang daw ang paglabas ng aktor sa First Lady.

Sa lumabas na photos ng dalawa, may kilig pa rin sa netizens ang tandem nila kaya nabuo noon ang DanQuil at RocSan fandom.

***

BUKAS na ang Miss Universe Philippines sa pagtanggap ng mga bagong magiging contestants para sa taong 2022.

Ang anunsyo ay inihayag sa social media noong nakaraang Martes kasama ang listahan ng mga kinakailangang katangiang ng aspiring beauties.

Dapat ay nasa edad 18 hanggang 28 ang applicant sa pagsapit ng Miss Universe Philippines coronation night sa April 30. Dapat ay isang Filipino citizen at may pasaporte, wala pang asawa at walang anak.

Isang ikinatuwa ng marami ay walang height requirement na hinihingi.

“Follow the footsteps of your favorite Miss Universe Philippines queens and start a queendom of your own,” ayon pa sa caption ng MUP.

Maaaring makuha ang application form sa Instagram bio ng Miss Universe Philippines at ipadala sa contact@missuniverseph.com.

Tatanggapin ang application hanggang 11:59 pm ng Feb. 15.

Si Beatrice Luigi Gomez ang reigning Miss Universe Philippines, na nakapasok sa Top 5 ng international pageant noong nakaraang December sa Israel.

***

ISANG major college course na si Taylor Swift sa New York University or NYU.

Sa Clive Davis Institute ng NYU puwedeng i-take up ang naturang kurso na ayon sa syllabus ng class ay “students will develop an understanding and appreciation for Taylor Swift as a creative music entrepreneur.”

Kasama rin sa syllabus ang “legacy of pop and country songwriters that have influenced the pop star, plus a study of the way her creativity and songwriting have made her a durable presence in a quickly evolving music industry.”

Ayon pa sa music writer and musician na si Jason King na siya ring umuupong chair ng kurso: “Students gets to understand how to contextualize her culturally, and get students to think more deeply about her and her music through the lens of gender, feminism, race, and class, and other categories related to identity, and that deeper thinking is what this program is all about.”

Naimbitahan din si Taylor na maging guest sa isang lecture ng kanyang course.

Nagsimula ang class noong Jan. 26 at tatagal hanggang March 9 sa NYU.

(RUEL J. MENDOZA)

MAY nakahalungkat ng Facebook post dati ng komedyante na si Juliana Parizcova Segovia na gumawa ng parody video ni Angelica Panganiban, with Darryl Yap as director.

Nahuhusgahan si Juliana ng mga netizens dahil sa parody video niya kunsaan, walang duda naman na kinokontra niya sa kanyang content ang mga naging pahayag ni Angelica in-terms of choices sa dapat piliin ngayong election.

May Facebook post si Juliana noong October 8, 2021 kunsaan, nakasuot ito ng pink na gown at may hashtag pa na “Let Leni Lead 2022” at naka-tag pa sa @bise_leni.  At ang caption niya, “Trust the magic of new beginnings. Pink is not just a color, it’s an attitude.”

Ilan sa mga comments sa komedyante at tinawag itong cloutchaser, pera-pera.

“Magkano?”

“Pera-pera na lang? aano

“Sino ba talaga teh? Hirap sayo lagi kang nakikihype. Pati nung kay Brenda sa PBB naki-cry ka for her to get out. Pa-relevant masyado. #cloutchaser”

“Walang wala na yata si akla kaya kahit dignidad binenta na din. Kawawa ka naman.”

Pero itinanggi nito na bayad o nagpabayad siya. Kaya may nag-comment pa rin na, “Perfect example ng Shunga for Free. Buti pa mga DDS/Apologist nag Bagong Buhay na may character development, ito si Accla di na nga bayad Tanga pa For Free.”

Naku, sa panahon pa naman ngayon, nawawala talaga ang kredibilidad ng walang paninindigan o stand na totoo.

***

NGAYONG pandemic, parang nauso sa mga celebrities ang nagpapakasal na surprise na lang.

Ilan na rin ang bigla na lang malalaman sa kanilang mga social media accounts na kasal na pala sila.

Ang latest nga, ang Kapuso actor na si Kristoffer Martin sa kanyang eight years girlfriend at ina ng kanyang anak na si AC Banzon.

Ikinasal ang dalawa sa Capas, Tarlac noong February 3 at ang naging Presiding officer ay si Mayor Reynaldo L. Catacutan. Taga-Olongapo talaga sina Kristoffer pero, tatay raw kasi ng bestfriend ng actor ang Mayor kaya rito na rin sila nagpa-civil wedding.

Bilang na bilang lang ang present sa wedding, mostly are their best friends at ang limang taong anak nila na si Precious Kristin.  Wala ang mga magulang nila dahil takot pa rin sa COVID-19 pero may blessing naman daw ng mga ito ang pagpapakasal  ng mga anak.

Naging open sa publiko ang nangyari sa relationship ni Kristoffer sa kanyang non-showbiz girlfriend. After niyang lumantad na may 4 years old na silang anak, kasunod nito ay kesyo hiwalay na sila at ang pag-amin naman niya ng relasyon nila ng co-star sa Babawiin Ko Ang Lahat sa Akin na si Liezel Lopez.

Pero siguro nga, ‘yung seven years na relationship nila ng Misis na ngayon plus may anak pa sila, ending, nag-break din agad sina Kristoffer at Liezel at nagkabalikan sila ni AC. At months after, ‘eto na at nagpakasal na.

Sana lang ay totoong may forever na nga sa kanilang dalawa at mas maging matatag pa sila ngayong mag-asawa na.

(ROSE GARCIA)

MARRIED na ang Kapuso actor na si Kristoffer Martin sa kanyang non-showbiz girlfriend na si AC Banzon.

Naganap noong gabi ng February 3 sa Capas, Tarlac ang civil wedding ng dalawa. Kinasal sila ng mayor ng Capas na si Hon. Reynaldo Catacutan.

Witness sa kanilang pag-iisang dibdib ay ang kanilang 5-year old daughter na si Pre.

Sa mga pinost na photos sa Instagram acount ng Sparkle GMA Artist Center, makikitang mas emotional si Kristoffer kesa sa kanyang misis.

Sa pinost naman ng GMA Network, pinakita ng newly-weds ang suot nilang wedding rings.

Wala namang naganap na proposal drama si Kristoffer kay AC tulad sa nauuso ngayon at mukhang dumiretso na sila sa pagpapakasal.

Dumaan sa maraming pagsubok noong nakaraang taon ang relasyon nina Kristoffer at AC. Kabilang na rito paghihiwalay nila at makarelasyon ni Kristoffer ang

StarStruck 6 alumna na si Liezel Lopez. Nag-break din sila noong July 2021.

December 2021 nang muling makitang kasama ni Kristoffer si AC at ang kanilang anak na si Pre. Namasyal sila sa Manila Ocean Park.

Patunay lang na kahit dumaan sa maraming pagsubok ang kanilang relasyon, sa bandang huli ay sila pa rin ang “meant to be”.

Kung magkakaroon ng church wedding, hintayin na lang natin kung kelan ito.

***

PUMANAW sa edad na 91 ang veteran actress na si Rustica Carpio noong nakaraang February 2 sa kanyang bahay sa Cavite.

“We wish you farewell in your journey to eternity. You’d never be forgotten. Rest in peace, Tita Rustica Carpio,” post pa ng pamangkin ni Carpio na si Nessea sa Facebook.

Hindi lang film and TV actress si Carpio. Isa rin siyang author, playwright, scholar, literary critic, and book editor. Nagsilbi rin siya bilang dean ng College of Languages and Mass Communication sa Polytechnic University of the Philippines at Pamantasan ng Lungsod ng Maynila.

Nakuha ni Carpio ang kanyang master’s degree at the Manuel L. Quezon University, and completed her doctorate degree in literature at the New York University.

Naging board member din si Carpio ng MTRCB from 1996 to 1998 and a member of the Optical Media Board from 1998 to 2000.

Nakatrabaho ni Carpio sa pelikula, TV at entablado ang mga National Artists na sina Lamberto Avellana, Daisy Hontiveros-Avellana, Severino Montano, Rolando Tinio, Ishmael Bernal at Fernando Poe Jr.

Bilang aktres, nagwagi ng ilang parangal si Carpio, kabilang na rito ang Gawad Urian best actress para sa pelikulang Lola na dinirek ni Brillante Mendoza noong 2009. Nanalo rin ng ilang international awards si Carpio mula sa Fajr International Film Festival in Iran, and the Las Palmas International Film Festival in Spain.

Ang iba pang pelikulang ginawa ni Carpio ay Nunal sa Tubig, Hubad na Bayani, Pinagbuklod ng Pag-ibig, Aliw, Nang Bumuka Ang Sampaguita, Bona, T-Bird at Ako, Moral, Sisa, Rizal sa Dapitan, Damong Ligaw, Totoy Mola, Tarima, #WalangForever at Ano Ang Kulay Ng Mga Nakalimutang Pangarap.  Lumabas din siya sa mga teleserye na Aryana, 100 Days To Heaven at Amaya.

***

OPISYAL nang nag-retire sa paglaro ng football ang tinaguriang “greatest quarterback of all time” na si Tom Brady.

After 22 years na paglaro ni Brady sa NFL (National Football League), magre-retire na ito para mag-focus siya sa kanyang pamilya at iba pang bagay.

“There is a physical, mental, and emotional challenge EVERY single day that has allowed me to maximize my highest potential. And I have tried my very best these past 22 years. There are no shortcuts to success on the field or in life. This is difficult for me to write, but here it goes: I am not going to make that competitive commitment anymore. I have loved my NFL career, and now it is time to focus my time and energy on other things that require my attention,” post na official statement ni Brady on Instagram.

Malaki ang pasasalamat ng 44-year old quarterback sa kanyang misis, ang supermodel na si Gisele Bundchen at ang tatlo nilang anak (Jack, Benny, Vivi) dahil nagsilbi raw silang inspirasyon niya tuwing football season.

“Our family is my greatest achievement. I always came off the field and home to the most loving and supportive wife who has done EVERYTHING for our family to allow me to focus on my career. Her selflessness allowed me to reach new heights professionally, and I am beyond words what you mean to me and our family. Te amo amor da minha vida.”

Naglaro for 20 years si Brady for the New England Patriots tapos ay lumipat siya sa Tampa Bay Buccaneers in 2020.

(RUEL J. MENDOZA)