2022 February Archive - People's Balita

Archive for February, 2022

Kaya masayang-masaya ang AlDub fans: ALDEN at MAINE, muling nagkasama bilang endorsers at nag-shoot din ng TVC

Posted on: February 11th, 2022 by @peoplesbalita No Comments

MASAYANG-MASAYA at labis ang pasasalamat ng mga fans ng phenomenal love team nina Alden Richards at Maine Mendoza, na after ng huling endorsement nila na isang delivery service, ay muli silang magkasama ngayon.

Naging endorser din sila ng isang selling app, pero photo shoots lamang iyon at minsan silang nagkasama sa monthly live presentation nito.

But this time, ikinatuwa ng AlDub fans nang pagsamahin sila ng Vivo Philippines as their new endorsers at magkasama sila sa shoot ng TV commercial ng Vivo V23 Series 5G.

Magkakaroon sila ng grand digital launch this Saturday, February 12, 7PM as a Valentine’s Day treat sa mga fans nila. Mapapanood ito sa facebook.com live/vivo Philippines.

Marami na raw ang nag-advance orders ng unit na sabi’y may four colors, na makukuha na rin nila this Saturday sa distributor nito.

***

FINALE night na ngayon ng romantic-drama series na I Left My Heart in Sorsogon.

Starring Heart Evangelista (Celeste), Richard Yap (Tonito) at Paolo Contis (Mikoy), may nabuong Team Tonito at Celeste at Team Mikoy at Celeste.

Pero malakas ang clamor ng Team Tonito dahil mas mahal daw talaga ni Tonito si Celeste kaysa kay Mikoy. Nagparaya si Tonito kung ano raw ang gusto ni Celeste, pero siya ay laging magmamahal sa kanya, sundin daw nito kung sino talaga ang mahal niya.

At siguro ay magkakaroon na rin ang linaw sa relasyon nina Sebastian (Mavy Legaspi) na brother ni Celeste at ni Tiffany (Kyline Alcantara), ang anak naman ni Tonito.

Ngayong finale na ng romantic series, tiyak na may time nang mangampanya si Richard next month na tumatakbong Congressman sa North District, ang first congressional district ng Cebu Province.

***

BACK to work na si Kapuso actor Mikael Daez pagkatapos siyang mapanood sa primetime top-rating drama series na Love of My Life na nakasama niya sina Carla Abellana, Rhian Ramos, Tom Rodriguez at si Ms. Coney Reyes.

Si Mikael ang napiling mag-host ng The Best Ka! na magpapakita ng mga kahanga-hanga at mga world’s record-holders na ikaaaliw ninyong panoorin. Magsisimula na itong mapanood sa Sunday, February 20, 3:30 PM sa GMA-7.

Sa ngayon ay napapanood si Mikael sa replay ng Ang Lihim ni Annasandra, sa GMA Afternoon Prime, pagkatapos ng Little Princess.

Very soon ay isang singing competition na iho-host nila ng asawa na si Megan Young.

***

MAS masama ang character ni Aiko Melendez as Kendra, na napapanood muli sa Prima Donnas, ngayong nasa second season na sila ng top-rating afternoon prime last year.

Kung masama na ang character niya noon, mas matindi pa ang character niya ngayon, kaya ang mga televiewers, nagbalik lalo ang galit sa kanya.

Kaya pala nagsabi na agad siya na abangan ang bagong Kendra, dahil makikita na ang pasabog ni Aiko sa transformation ng character niya bilang bagong Kendra, sa tulong ni Bethany (Sheryl Cruz).

Ang Prima Donnas ay napapanood Mondays to Saturdays, 2:30 PM, after Eat Bulaga.

(NORA V. CALDERON)

MANILA HEALTH WORKERS, BUWIS-BUHAY PERO…

Posted on: February 11th, 2022 by @peoplesbalita No Comments

KUMPARA sa ibang siyudad at munisipalidad sa bansa, hindi nabibigyan ng tamang kalinga at malasakit aqng mga barangay health workers ng Maynila.

“Naririnig natin, maayos daw ang honorarium at benefits ng health workers natin, pero kabaligtaran ito. Hindi siya nabibigyang halaga ng city government, pati ang ating mga barangay tanod na palaging nakaumang sa panganib subalit hindi sila nabibigyan ng sapat na honorarium at benepisyo,” sabi ni Atty. Alex Lopez,

Tanong niya, bakit idinadaing ng mga barangay health workers na wala silang natatanggap na honoraria mula sa Manila City hall.

Kung may nabibibigay, ang honoraria ay galing mismo sa sariling pondo ng barangay.

“Bakit po hanggang ngayon, wala silang natatanggap, kailangan po ng honoraria ang ating mga frontliner, tulad ng barangay health workers. Ilang taon na ang Covid-19, wala pa rin,” sabi ng mayoralty candidate ng PFP.

Nalulungkot siya, sabi ni Lopez na napag-iiwanan ang health frontliners ng Maynila.

“Bakit ang Quezon City, may honoraria at kahit ang maliliit na bayan, pero bakit wala sa Maynila?” tanong ni Atty. Lopez.

Kung ang ibang bayan at lungsod ay nabibigyan ng sapat na benepisyo ang mga nagtataya ng buhay laban sa Covid-19, bakit hindi magawa sa Maynila.

“Napakalaki ng pondong pumapasok sa lungsod. Napakarami pong pera, umutang pa nga ng bilyon-bilyong piso, nakakalungkot po, talagang hindi ko maintindihan kung saan dinadala ang pera ng Manilenyo,” sabi ni Atty. Lopez. (Bishop Jesus “Jemba” M. Basco)

South Korea planong payagan ang mga COVID-19 positive na bumoto sa halalan

Posted on: February 11th, 2022 by @peoplesbalita No Comments

NAGHAHANAP na ng paraan ang parliamento sa South Korea para payagan ang mga mamamayan nila na nagpositibo sa COVID-19 na makaboto.

Isasagawa kasi ang presidential election sa nasabing bansa sa Marso 9.

Kasabay ng nasabing halalan ay nahaharap sa hamon ang kanilang gobyerno dahil sa paglobo ng kaso ng Omicron coronavirus variant.

Plano rin ng election watchdog na maglatg ng proposal sa National Assembly na baguhin ang Public Official Election Act na nagpapayag ng in-person voting ng COVID-19 patient mula ala-6 ng gabi ng Marso 5 at 9.

Sa kasalukuyan kasi ay ipinagbabawal ang mga nagpositibo ng COVID-19 na bumoto.

LTFRB: Walang magaganap na pagtaas ng pamasahe

Posted on: February 11th, 2022 by @peoplesbalita No Comments

MULING idiin ng Land Transportation Franchising and Regulatory Board (LTFRB) na walang mangyayaring pagtaas ng pamasahe ngayon panahon ng pandemya kahit na tumataas ang presyo ng produktong gasolina.

Naghain ng petition sa LTFRB ang mga drivers ng public utility vehicles (PUVs) para sa pagtaas ng pamasahe dahil sa tuloy-tuloy na pagtaas ng presyo ng krudo sa loob ng magkakasunod na anim (6) na linggo.

Ayon kay LTFRB chairman Martin Delgra na nagaalinglangan ang Department of Transportation (DOTr) na pagbiyan ang petisyon na inihain ng mga drivers dahil siguradong mahihirapan ang mga pasahero.

“What we are doing is we’re addressing the concerns of transport operators without having much more negative impact on commuters. We are looking at another round of financial assistance to help PUV drivers and operators to cope with higher fuel prices,” wika ni Delgra.

Noong nakaraang Martes, ang mga kumpanya ng mga langis ay nagtaas ng presyo sa loob lamang ng sunod-sunod na anim na linggo. Tumaas ang gasoline ng P1.05 kada litro at ang diesel naman ay tumataas ng P1.20 kada litro, samantalang ang kerosene ay tumaas ng P1.25.

Sa kabilang dako naman, inutusan ng LTFRB ang ES Consortium na magpaliwanang kung bakit ang mga drivers at conductors ay hindi pa nabibigyan ng kanilang sayod na umabot na ng P20 million. Isa ang ES Consortium sa mga nagbibigay ng libreng sakay sa mga pasahero sa EDSA Carousel.

Sinabi ni Delgra na nakapagbigay na ng P1.6 billion para sa mga sahod at sweldo ng mga drivers at conductors ang pamahalaan sa ilalim ng programang “Libreng Sakay” para sa EDSA Carousel.

“The agency disbursed P672.69 million to ES Consortium while Mega Manila Consortium received P559.52 million under the DOTR’s service contracting program, which aimed to help transport workers affected by the pandemic,” saad ni Delgra.

Ang Mega Manila Consortium ay nakapagbigay na ng mga sayod at sweldo sa kanilang mga drivers at conductors samantalang ang ES Consortium ay nanatiling walang binibigay na sahod at sweldo.

Naghain na ng formal complaint ang mga drivers at conductors ng ES Consortium sa Department of Labor and Employment (DOLE).

“The employer should be the one answerable here as the LTFRB could not intervene in labor issues of their company,” dagdag ni Delgra.

Mariin naman na tinangi ni Delgra ang alegasyon na ang LTFRB ay nakikipagsabwatan sa mga transport consortium kung kaya’t hindi nababayaran ng sahod ang mga drivers at conductors.

Sinabi naman ni LTFRB executive director Kristina Cassion na hindi nila mapipilit ang mga transport operators na magbayad ng sweldo at ang kanila lamang magagawa ay mabigyan ng kaukulang sanctions ang mga ito.

Inamin naman ng ES Consortium kung bakit naaantala ang pagbibigay ng sahod sa mga drivers at conductors at ayon sa kanila ito ay dahil na rin sa pabago-bago ng alert level status sa Metro Manila at ang pagkakaron ng bureaucracy sa loob ng consortium. LASACMAR

DepEd, nire-require ang mga hindi bakunadong guro, personnel na magpakita ng negatibong COVID test results habang may onsite reporting

Posted on: February 11th, 2022 by @peoplesbalita No Comments

KAILANGAN munang magpakita ang mga unvaccinated teaching at non-teaching personnel ng negatibong resulta ng coronavirus test bago pa payagan ang mga ito na makapasok sa school premises para sa onsite reporting.

Sa pagsisimula ng rollout ng expansion phase ng limited face-to-face classes ngayong buwan, pinaalala ng DepEd sa mga guro at iba pang personnel ang pangangailangan na sumunod sa national policies na sinusunod ng lahat ng public institutions kabilang na ang guidelines hinggil sa unvaccinated individuals.

“If they don’t want to, they don’t have to because vaccination remains voluntary,” ayon kay Education Secretary Leonor Briones.

“But if they go to school, and we have said that time and again, they need to show [negative] result of RT-PCR [Reverse transcription polymerase chain reaction] or antigen so we can also protect those who are vaccinated,” ayon sa Kalihim.

Sa panahon ng face-to-face classes, sinabi ng DepEd na tanging ang mga guro na bakunado lamang laban sa coronavirus disease (COVID-19) ang pinapayagan ang magpartisipa.

Tinukoy ang Department Order 11, s. 2020, muling inulit ni Cabral na ang kumbinasyon o pinagsama-samang Skeleton Workforce, Work-From-Home, 2-Week o Weekly Rotation, at Work Shifting arrangements ay maaaring i-adopt para sa mga hindi bakunadong guro at personnel. (Daris Jose)

Obiena tama ang pagpayag

Posted on: February 11th, 2022 by @peoplesbalita No Comments

MABUTI at sumang-ayon na si 2020+1 Tokyo Olympian men’s pole vaulter Ernest John Obiena sa mediation ng Philippine Sports Commission (PSC) para sa gusot niya sa Philippine Athletics Track and Field Association (PATAFA).

Ito ang naging tugon niya sa mga senador sa mahigit limang oras na hearing ng Senate Committee on Sports at Senate Committtee on Finance para sa dalawang partido na dinaluhan din ng mga magulang ng reigning World Athletics No. 5 at Asian record holder noong Lunes.

Ugat ng iringan ni Obiena at PATAFA na pinmumunuan nina chairman Rufus Rodriguez at president Philip Ella Juico ang mali umanong paggamit ng pondo ng atleta na mula sa kaban ng bayan o PSC.

Bago ang pagsang-ayon, dalawang ulit tinanggihan ng kasalukuyang kampeon sa Universiade, Athltics Championships at Southeast Asian Games ang mediation na gusto ni PSC Chairman William Ramirez para matapos na rin ang bangasan sapul pa noong Nobyembre na sumisira sa imahe ng bansa bansa sa international sports community.

Para sa OD, tama ang iyong pagbabago ng pasya EJ.

May isang tama, may isa ring mali. Pero gaya nang giniit ni Chairman Ramirez na magpaka-ama sana si Juico at si EJ magpakaanak.

Maging maginoo rin ang dalawa, magpatawaran upang matapos na ang gusot at para sa kapakanan ng PH sports.

***

Salamat po sa ating mga boss sa pagpapabalik upang makapagsulat na muli ako sa People’s BALITA mula sa limang buwang pagtigil. Salamat po uli.

JENNYLYN, proud na proud sa ipinakita ang 26 weeks na baby bump

Posted on: February 11th, 2022 by @peoplesbalita No Comments

NASA ika-26th week na nang kanyang pagbubuntis si Jennylyn Mercado kaya pinagmalaki nito ang kanyang baby bump sa social media.

Dahil pa-third trimester na si Jen, wala na raw itong cravings at puwede na siyang kumilos dahil matibay na ang kapit ng kanilang magiging baby girl ng mister na si Dennis Trillo.

Nagpapasalamat si Jen na kahit nagkasakit sila ni Dennis, hindi naapektuhan ang kanilang baby. Wala na rin daw sakit ang mga kasama nila sa bahay kaya nakakagalaw na ng maayos si Jen.

Kapansin-pansin na glowing si Jen sa pagbubuntis niya. Hindi lang daw dahil girl ang pinagbubuntis niya, kundi hindi siya nakakaranas ng stress at happy ang pregnancy niya.

Paano naman, asikasong-asikaso siya ni Dennis parati. Hindi nga raw muna tumatanggap ng projects si Dennis for TV and movies dahil gusto niyang personal na mabantayan si Jen hanggang sa ipanganak nito ang kanilang baby girl.

***

PINAG-ISA na ni Rocco Nacino ang pag-celebrate ng wedding anniversary nila ng misis niyang si Melissa Gohing at ang nalalapit na Valentine’s Day.

Noong nakaraang January 21 ang first wedding anniversary nila Rocco at Melissa. Pero hindi raw sila nakapag-celebrate dahil nagkaroon ng surge ng Omicron variant kaya nasa bahay lang sila.

Kaya sa isang exclusive beach resort sa Batangas dinala ni Rocco si Melissa kasama ang kanilang tatlong fur babies para sa isang relaxing Valentine/Anniversary vacation week.

Sa kanyang Instagram, pinost ni Rocco ang video ng kanilang pagbiyahe hanggang sa makarating sila sa naturang resort. Special ang suite nila dahil pinalagyan pa ito ng aktor ng kanilang mga photos at lahat ng kailangan para sa double celebration nila.

Bago sila nagtungo sa resort, sinigurado ni Rocco na negative sila ni Melissa sa COVID-19.

“Valentine’s day is coming! So that means, hubbies and boyfriends, galawang breezy nanaman tayo! Giving you guys a tip kung paano kiligin si misis o si gf sa @acuaverdebeachresort!

“They’re game to help you with surprises, dinner by the beach (like ours in the video!), and customize a fun stay at the resort! Book your stay, let them know what you have in mind, make sure you’ve topped up your RFID, pass by Acuatico resort for your antigen tests(1,200 only per person), and if you get a negative result, you’re good to check in at Acuaverde beach resort!

“Your furbabies will enjoy the pup menus for them! And, their executive chef will be cooking something up to make it extra special on Valentine’s day so make sure to avail that special package! Enjoy lovebirds!” caption pa ng aktor.
Chillax lang daw muna si Rocco dahil nakunan na ang mga eksena niya para sa GMA primetime teleserye na First Lady na magpi-premiere on Valentine’s Day, February 14.

***

NA-ANNOUNCE na ang official nominees para sa 94th Academy Awards or the Oscars sa pamamagitan ng kanilang YouTube channel.

Nanguna sa pinakamaraming nominations ay ang dark western film na The Power of the Dog with 12 nominations. Sunod naman with 10 nominations ay ang science-fiction epic na Dune.

Ang iba pang makakalaban nila for Best Picture ay Belfast, CODA, Don’t Look Up, Drive My Car, King Richard , Licorice Pizza, Nightmare Alley at West Side Story.

Ang live ceremony ng Oscar Awards ay sa March 27 sa Dolby Theatre in Hollywood, Los Angeles, California.

Narito ang iba pang nominees:

Best Actor: Javier Bardem (Being the Ricardos); Benedict Cumberbatch (The Power of the Dog); Andrew Garfield (tick, tick … BOOM!); Will Smith (King Richard); Denzel Washington (The Tragedy of Macbeth)

Best Actress: Jessica Chastain (The Eyes of Tammy Faye); Olivia Colman (The Lost Daughter); Penélope Cruz (Parallel Mothers); Nicole Kidman (Being the Ricardos); Kristen Stewart (Spencer)

Best Supporting Actor: Ciarán Hinds (Belfast); Troy Kotsur (CODA); Jesse Plemons (The Power of the Dog); JK Simmons (Being the Ricardos); Kodi Smit-McPhee (The Power of the Dog)

Best Supporting Actress: Jessie Buckley (The Lost Daughter); Ariana Debose (West Side Story); Judi Dench (Belfast); Kirsten Dunst (The Power of the Dog); Aunjanue Ellis (King Richard)

Best Director: Kenneth Branagh (Belfast); Drive My Car (Ryûsuke Hamaguchi); Paul Thomas Anderson (Licorice Pizza); Jane Campion (The Power of the Dog); Steven Spielberg (West Side Story)

Best International Feature: Drive My Car (Japan); Flee (Denmark); The Hand of God (Italy); Lunana: A Yak in the Classroom (Bhutan); The Worst Person in the World (Norway)
(RUEL J. MENDOZA)

17-M tickets ni-request ng mga fans para sa FIFA World Cup Qatar 2022

Posted on: February 11th, 2022 by @peoplesbalita No Comments

UMAABOT sa kabuuang 17 million na mga tickets ang hiniling umano ng mga football fans mula ng buksan ang bentahan ng tickets para sa nalalapit na FIFA World Cup Qatar 2022.

Sinasabing inabot lamang ng 20 araw ang sales period na nagtapos ngayon kung saan ang pinakamaraming mga request ay nagmula sa host country na Qatar.

Mabentang mabenta rin ang mga tickets mula sa mga bansang Argentina, Brazil, England, France, India, Mexico, Saudi Arabia, UAE at Amerika.

Ang may pinakamarami umanong demand sa tickets ay ang Dec. 18 sa Lusali Stadium na umabot sa 1.8 million requests na siya namang nakatakda ang final competition.

Sa darating na March 8, 2022 malalaman ang kumpirmasyon sa mga tickets request kung pagbibigyan ang mga fans.

Social amelioration programs ng DSWD pinapa-excempt sa spending ban sa halalan

Posted on: February 11th, 2022 by @peoplesbalita No Comments

ITINUTULAK ni House Ways and Means Committee chairman Joey Sarte Salceda na gawing exempted ang lahat ng emergency financial assistance programs ng Department of Social Welfare and Development (DSWD) sa spending ban dahil sa eleksyon.

Sa kanyang liham kay DSWD Sec. Rolando Bautista, hiniling ni Salceda na i-petition nito sa Comelec na gawing exempted ang lahat ng aid transactions ng kagawaran mula sa prohibition sa ilalim ng Comelec Resolution 10747.

Kakaiba aniya ang panahon ngayon akay hindi kakayanin ng bansa kung bumagal ang pagbibigay ng emergency at crisis aid, partikular na ang Assistance for Individuals in Crisis Situation, pati na rin ang 4Ps at iba pang social amelioration programs.

Kung magaroon kasi aniya nang delay sa mga ito ay tiyak na babagal din ang recovery ng bansa mula sa epekto ng pandemya.

Nakasaad sa Resolution 10747 ng poll body na ang DSWD at iba pang kagawaran ng pamahalaan na may kaparehong function ay sakop ng public spending ban mula Marso hanggang Mayo 2022.

Pero ayon kay Salceda, mayroon namang exemption clause ang naturang prohibition, na maaring magpahintulot sa disbursement ng mga pondo sa mga social amelioration programs upang sa gayon ang implementation ng mga ito ay hindi maudlot.

Johnson, 3 iba pa gigil na sumabak

Posted on: February 11th, 2022 by @peoplesbalita No Comments

ATAT nang sumalang ang apat na mga bagong import sa kabuuang 12 mga masisilayan sa pagsisimulang muli ng 46th Philippine Basketball Association (PBA) 2021-22 Governors’ Cup elimination round ngayong Biyernes, Pebrero 11 sa Araneta Coliseum, Quezon City.

Ang grupo na mga bagong reinforcement ay sina Orlando Johnson ng San Miguel Beer, Jamel Artis ng NorthPort, Shawn Glover ng Blackwater at Donald Tankoua ng Phoenix Super LPG.

Dati nang sumalang sa Barangay Ginebra San Miguel sa katulad na conference noong 2015 si Johnson na pakay maituloy ang tatlong ragasa ng Beermen pagkaraang matigil ng torneo noong Enero 5 dahil sa paglobo ng impeksiyon ng COVID-10 sa bansa.

“Nakakapag-practice na siya sa amin noon pang February 1. Shooter pa rin si Johnson,” ani Beermen team manager Gelacio Abanilla nitong Martes. “Naiinip na nga raw siya atat nang maglaro.”

Tulad ni Johnson, beterano ng National Basketball Association (NBA) si Artis na rerelyebo sa injured na si injured Cameron Forte at walang naipanalo sa apat na sabak sa Batang Pier.

Kakakampanya lang sa Iceland, si Glover muna ang aako sa trabaho nang pinahingang si Jaylen Bond makalipas na mabokya sa limang laro ang Bossing sa season-ending tourney.

Si National Collegiate Athletic Association big man Donald Tankoua ng San Beda Red Lions naman ang papalit sa may mild hamstring na si Paul Harris sa Fuel Masters. (CEC)