2022 February Archive - People's Balita

Archive for February, 2022

Disqualification cases vs BBM, ibinasura ng Comelec First Division

Posted on: February 12th, 2022 by @peoplesbalita No Comments

WALA nang hadlang sa pagtakbo sa pagkapangulo ni dating Sen. Bongbong Marcos.

Ito’y makaraang ibasura ng Commission on Elections (Comelec) First Division ang lahat ng natitirang disqualification cases na isinampa laban sa kanya.

Sa 44-pahinang resolusyon na pinonente ni Commissioner Aimee Ferolino ng First Division at sinang-ayunan ni Commissioner Marlon Casquejo, ibinasura ng poll body ang tatlong natitirang petisyon dahil sa kakulangan ng merito.

At upang maalis ang pagdududa kung ang kabiguang maghain ng income tax ay isang krimen na kinasasangkutan ng mor turpitude, tinukoy ng poll body ang pronouncement ng Supreme Court (SC) sa kaso ng Republic of the Philippines vs. Ferdinand R. Marcos II at Imelda R. Marcos.

Ang pasya ng high tribunal dito na ang kabiguang maghain ng tax return ay hindi krimen na kinasasangkutan ng moral turpitude. (Daris Jose)

PBA balik-aksiyon na sa Araneta

Posted on: February 12th, 2022 by @peoplesbalita No Comments

Mga laro :

(Araneta Coliseum)

3:00 pm – Meralco vs NLEX

6:00 pm – Magnolia vs TNT

ABALA ang TNT sa 46th Philippine Basketball Association (PBA) 2021-22 Governors Cup elimination round restart bago tulungan ang Gilas Pilipinas sa first window ng 2023 International Basketball Federation (FIBA) World Cup Asian Qualifiers sa buwang ito sa bansa.

Kahapon ay naglaro si Jayson Castro sa Tropang Giga (2-2) ang Magnolia (3-0), alas-6:00 ng gabi sa Araneta Coliseum sa Cubao, Quezon City.

Bago hininto ang hostilidad ng import reinforced conference dahil sa pagsirit ng COVID-19 noong Enero 5, umalpas ang TNT kontra Rain or Shine noong Disyembre 26 sa bisa ng 95-92 panalo.

Nasa landas din ng Tropa ang Phoenix Super LPG sa Linggo, Pebrero 13, San Miguel Beer sa Miyerkoles, Peb. 16 at Barangay Ginebra San Miguel sa Biyernes, Peb. 18.

Didribol naman ang Gilas Pilipinas sa FIBA window sa Big Dome rin kung saan makakatapat ang South Korea, New Zealand at India.

Buo na ang lineup ni coach Vincent Reyes sa pagbabalik sa team nina Jeth Troy Rosario at Kib Montalbo na galing sa mga pilay. Malamang na kabisado na rin ng bagong import na si Aaron Fuller ang TNT sa pangalawang salang.

Makakatuwang nina Fuller at Castro sina Mikey Williams, Kelly William ar Roger Ray Pogoy.

Dagdag naman sa Pambansang Manok Hotshots ang mga bagong saltang sina Adrian Wong na galing free agency nang pakawalan ng RoS at James Laput.

Sasandal pa rin ang Magnolia kina Mike Harris, Paul John Lee, Ian Sangalan, Mark Barroca, Jiovanni Jalalon at Calvin Abueva. (CEC)

DOTr: 61.60% completed ang LRT 1 Cavite Extension

Posted on: February 12th, 2022 by @peoplesbalita No Comments

PINAGBIGAY alam ng Department of Transportation (DOTr) na may 61.60 % overall ng kumpleto ang pagtatayo ng Light Rail Transit Line 1 Cavite Extension.

Natapos na ang paglalagay at pagtatayo ng viaduct para sa Phase 1 ng LRT 1 Cavite Extension na siyang magpapatunay na malapit ng mangyari ang pagsasakatuparan ng pangarap para sa mga pasahero mula sa Cavite, Paranaque at Las Pinas.

“20 years ago, the government had a vision of putting Cavite extension for the LRT -1 line. This was just a dream 20 years ago. Completing the milestone plays a huge part in addressing mobility, connectivity and convenience for Cavite and southern part of Metro Manila,” wika ni DOTr Secretary Arthur Tugade.

Dagdag pa ni Tugade na ang pagtatapos ng Phase 1 viaduct ay pagpapakita sa bayan na ang proyekto ay totoo at parating na upang matapos.

Naantala ng mahigit kumulang na 20 taon ang pagtatayo ng nasabing 11.7 kilometro na rail line kung saan ito ay ginagawa ngayon bilang isang joint-project ng DOTr, Light Rail Transit Authority (LRTA) at Light Rail Manila Corp. (LRMC).

Mayron itong walong (8) estayon na magdudugtong sa Baclaran sa Paranaque patungong Bacoor, Cavite. Ang walong estasyon ito ay ang Redemptorist, NAIA Avenue, Asia World, Ninoy Aquino at Dr. Santos sa Paranaque, Las Pinas at Zapote sa Las Pinas City at Niog sa Bacoor.

Ang P69.4 billion LRT 1 Cavite expansion project ay isang public-private partnership (PPP) venture na pinayagan ng National Economic Development Authority (NEDA) noong November 2013 na may layunin na magdagdag ng 11.7-kilometer Baclaran-Bacoor, Cavite segment mula sa dating 18. kilometer train line.

Ang unang phase ng extension ay may pitong (7)-kilometro na may limang (5) estasyon sa pagitan ng Redemptorist Church sa Baclaran at Dr. Santos sa Paranaque. Samantalang ang tatlong (3) estasyon ay inaasahang matatapos ngayon 2022.

Kapag natapos ng tuluyan, ang LRT 1 Cavite extension, ito ay inaasahan ng DOTr na magkakaron ng 800,000 na pasahero mula sa dating 500,000.

Ang travel time mula Bacoor hanggang Central Station sa Taft, Manila ay magiging 45 na minuto na lamang at mula Bacoor ay isang (1) oras at 10 minuto naman papuntang estasyon ng Roosevelt sa Quezon City kahit na rush hours.

Ang LRMC consortium na binubuo ng Metro Pacific Investments Corp.’s Metro Pacific Light Rail Corp., Ayala Corp.’s AC Infrastructure Holdings Corp., at Macquarie Infrastructure Holdings (Philippines) PTE Ltd. ay siyang nanalo ng kontrata para sa pagtatayo ng LRT-Cavite extension project. LASACMAR

12 drug suspects timbog sa buy bust sa Caloocan, Malabon, Valenzuela at Navotas

Posted on: February 12th, 2022 by @peoplesbalita No Comments

ARESTADO ang labing dalawang hinihinalang drug personalities sa magkahiwalay na buy bust operation ng pulisya sa Caloocan, Malabon at Valenzuela at Navotas Cities.

Ayon kay Caloocan police chief Col. Samuel Mina Jr, alas-4:15 ng madaling araw nang magsagawa ang mga operatiba ng Station Drug Enforcement Unit (SDEU) sa pangunguna ni P/Major Deo Cabildo ng buy bust operation sa Pili St., Brgy., 178 na nagresulta sa pagkakaaresto sa dalawang High Value Individual (HVI) na sina Rommel Bobiles alyas “Dyosa”, 33 at Michael Ayuson, 38.

Nakumpiska sa kanila ang tinatayang nasa 50 grams ng hinihinalang shabu na may standard drug price P340, 000.00 at buy bust money na isang P500 bill at 40 pirasong P1,000 boodle money.

Dakong alas-3:25 naman ng madaling nang masakote ng mga operatiba ng Malabon Police SDEU sa ilalim ng pangangasiwa ni P/Col. Albert Barot sa buy bust operation sa P. Aquino Avenue, harap ng Paradise Village Brgy. Tonsuya sina JC Christopher Dagoy, 35, Sarah Jane Malate, 31, at Alfredo Cruz Jr, 32.

Narekober sa mga suspek ang tinatayang nasa 18 grams ng hinihinalang shabu na may Standard Drug Price Php122, 400.00 at P500 marked money.

Sa Valenzuela, alas-5 ng madaling araw nang madakma ng mga operatiba ng Valenzuela Police SDEU sa pangunguna ni P/Lt. Doddie Aguirre sa buy bust operation sa BSOP Bukid, Brgy., Karuhatan sina Vincent Guzman alyas “Bunso”, 19 at Jumer Guzman y, 31.

Ani PCpl Christopher Quiao, nakuha sa kanila ang tinatayang nasa 4 grams ng hinihinalang shabu na may standard drug price P27,200, P300 marked money, P140 cash at dalawang cellphones.

Nauna rito, natimbog din ng kabilang team ng SDEU sa pangunguna ni PLTJoel Madregalejo sa buy bust operation sa Bukid ext. Brgy., Balangkas alas-2 ng madaling araw sina Francisco Espinosa alyas “Bobo”, 53, at Dean Oliver Jeciel, 27.

Sinabi ni PCpl Pamela Joy Catalla, narekober sa mga suspek ang nasa 7 grams ng hinihinalang shabu na may standard drug price P47,600, P500 buy bust money, P700 cash at cellphone.

Nakuhanan naman ng nasa 1.2 grams ng hinihinalang shabu na nasa P8,160 ang halaga sina Jyette Railey Avila alyas “Dayet”, 18, Jacqueline Espinosa, 35, online seller, at 17-anyos na binatilyo matapos madakip sa buy bust operation ng Navotas Police SDEU sa Tawiran 5, Brgy. Tansa 1, Navotas City dakong alas-5:10 ng madaling araw. (Richard Mesa)

“THE LOST CITY” REVEALS BIG GAME SPOT AND PAYOFF POSTER

Posted on: February 12th, 2022 by @peoplesbalita No Comments

BULLOCK. Tatum. Are they taken? Are they took-en?

Find out in Paramount Pictures’ new comedy adventure The Lost City, starring Sandra Bullock, Channing Tatum & Daniel Radcliffe. Check out the film’s newly launched Big Game Spot and main poster below. The Lost City opens exclusively in Philippine cinemas April 22.

YouTube: https://youtu.be/-nn29xvqa4M

About The Lost City

Brilliant, but reclusive author Loretta Sage (Sandra Bullock) has spent her career writing about exotic places in her popular romance-adventure novels featuring handsome cover model Alan (Channing Tatum), who has dedicated his life to embodying the hero character, “Dash.” While on tour promoting her new book with Alan, Loretta is kidnapped by an eccentric billionaire (Daniel Radcliffe) who hopes that she can lead him to the ancient lost city’s treasure from her latest story. Wanting to prove that he can be a hero in real life and not just on the pages of her books, Alan sets off to rescue her. Thrust into an epic jungle adventure, the unlikely pair will need to work together to survive the elements and find the ancient treasure before it’s lost forever.

The Lost City is directed by Adam Nee and Aaron Nee, with screenplay by Oren Uziel and Dana Fox and Adam Nee & Aaron Nee, story by Seth Gordon. The film is produced by Liza Chasin, Sandra Bullock, Seth Gordon; executive produced by JJ Hook, Dana Fox, Julia Gunn, Margaret Chernin.

The cast is led by Sandra Bullock, Channing Tatum, Daniel Radcliffe, Da’Vine Joy Randolph, Oscar Nuñez, Patti Harrison, Bowen Yang.

The Lost City is distributed in the Philippines by Paramount Pictures through Columbia Pictures. Follow us on Facebook at www.facebook.com/paramountpicsph/; Twitter at www.twitter.com/paramountpicsph/; Instagram at www.instagram.com/paramountpicsph/ and YouTube at https://www.youtube.com/channel/UCsZ7igjHZB-5k8DDM7ilVJw.

Connect with #TheLostCity and tag paramountpicsph

(ROHN ROMULO)

Ads February 12, 2022

Posted on: February 12th, 2022 by @peoplesbalita No Comments

Opensa Depensa CEC Claravall rarampa Rise Up, Shape Up

Posted on: February 12th, 2022 by @peoplesbalita No Comments

BIBIDA sa Philippine Sports Commission (PSC) Rise Up Shape Up ang isa sa mga Gintong Gawad 2021 awardee na si Dr. Drolly Claravall sa webisode ngayong Sabado, Perbrero 12.

Kinilala bilang PSC Gintong Gawad awardee sa “Makabago at Natatanging Produktong Pang-Isport” ang doktora dahil sa imbensiyon niyang ergonomically designed handheld massage tool na nakadisenyo para gayahin ang galaw ng mga kamay at daliri ng isang massage therapist habang dinaraos ang isang taktika sa masahe.

Nakuha ang ideya ni Dr. Claravall nang dumalo sa seminar patungkol sa “blading and taping sports injuries” sa University of the Philippines noong Hulyo 2017. Ang blading technique ang ginagamit ng handheld massage tool kumpara sa kamay at daliri ng isang tao sa pagmasahe sa muscle at body pains.

Inalala ni Dr. Claravall ang hirap at sakit na nararanasan ng isang kliyente matapos ang gamutan gamit ang blading technique kaya nakita ang oportunidad na magdisenyo ng kanyang sariling gamit habang nasa isip na ang kagamitan ay dapat na magagamit sa lahat sa parte ng muscle fibers.

Naisip din niya ang specifically designed na Amazing Touch tool para sa lahat ng mga edad, atleta man o hindi.

“We, at the PSC do not only look after the training and development of athletes and Philippine Sports. We also ensure the holistic well-being of our athletes, coaches, trainers, and sports enthusiasts, and that means also being on the lookout for products, tools, and services that will keep them at their optimum condition,” bigkas Huwebes ni PSC Women in Sports oversight Commissioner Celia Hicarte-Kiram. “I am glad that the person behind this ingenuity is a woman.”

Isang multi-talented at inspiring sports woman si Claravall, nagsilbing pangulo ng Faculty Federation and Associate Professor sa Isabela State University-City of Ilagan, Regional Director ng Philippine Athletics Track and Field Association (PATAFA) simula 2009 at sports therapist ng Philippine National Team Elite at Master Athletes.

Lumahok din siya sa maraming lokal at internasyonal competitions bilang atleta na pinakahuli ay sa 2020 Asian Masters Championship sa Kuching, Malaysia sa women’s hammer throw sa Kuching. Nanalo siya ng bronze medal sa 2019 Asian Masters Championships.

Pakikiramay bumuhos sa pagpanaw ni Johanna Lim Uy national underwater hockey member ng bansa

Posted on: February 12th, 2022 by @peoplesbalita No Comments

BUMUHOS ang pakikiramay sa pagpanaw ni Johanna Lim Uy ang miyembro ng Philippine national underwater hockey team sa edad 41.

Kinumpirma ng Philippine Sports Commission ang pagpanaw ng 41-anyos na atleta.

Ayon sa PSC na kasama niya ang 67-anyos na ina ng nasawi matapos na hindi sila makalabas ng kanilang bahay na nasusunog.

Nagwagi ng dalawang silver medals si Uy sa women’s 4×3 at women’s 6×6 events ng underwater hockey competition noong 2019 Southeast Asian Games.

[HORROR STORY] ANG LIBING Kuwento ni: Rey Ang

Posted on: February 12th, 2022 by @peoplesbalita No Comments

KALIMITAN ay madaling-araw na kung makauwi si Max mula sa pinapasukang convenient store sa bayan ng Lucban, Quezon. Mabuti na lamang at may nagagamit siyang electronic bike na nagsisilbi niyang service pagpasok at pag-uwi.

Sa palagiang pag-uwi ng madaling-araw ay nasanay na si Max na bagtasin ang Mabini Street patungo sa kanilang bahay sa Barangay Kulapi nang walang takot kahit pa hitik ng mga matatandang punung-kahoy ang magkabilang gilid nito at wala ring masyadong kabahayan.

Tahimik na binabagtas ni Max ang kahabaan ng kalsadang iyon nang bigla siyang makaramdam ng matinding kilabot. Hindi mawari ni Max kung bakit bigla siyang nangalisag gayong wala naman siyang iniisip na katatakutan ng mga sandaling iyon. Ang tanging nasa isip niya ay makauwi na at makapagpahinga.

Tukso sapagkat bigla pang huminto ang minamaheno niyang e-bike nang siya ay mapatapat sa isang makitid na daan patungo sa tumana. Liblib at madilim ang bahaging iyon ng kalsada.

“Na-lowbat pa ang e-bike ko!” bulong ni Max sa sarili. Ang pinagtataka lang niya ay sapat pa ang baterya ng e-bike bago siya umalis sa convenient store. Lagi kasi niyang sinisigurado na hindi siya mabibitin sa daan, lalo na nga at alanganing oras siya umuuwi.

Walang ibang pagpipilian si Max kundi ang akayin na lamang ang kaniyang e-bike at magkalakad pauwi sa kanilang bahay na sa tantiya niya ay makukuha niya ng 20 minuto.

Tahimik na tinunton ni Max ang kalsada. Malinis na malinis ang daan. Walang ibang sasakyang dumaraan. Wala ring ilaw ang mga poste. Tanging ang liwanag na lamang ng buwan ang tumatanglaw sa daan.

Maya-maya pa ay napakunot ang noo ni Max nang matanawan ang grupo ng mga taong nagpu-prusisyon papalapit sa kanyang direksiyon.

Nagtaka si Max kung saan patungo ang prusisyong iyon sa gayong oras. Huminto si Max at hinintay na makalapit sa kaniya ang prusisyon.

Ganoon na lamang ang hilakbot ni Max nang dumaan sa harap niya ang prusisyon. Lahat ng mga taong kabilang sa nasabing prusisyon ay nakabihis ng puting T-shirt. Ngunit, walang mukha ang mga ito! At ang mas nakapanghihilakbot, tila echo na umaalingawngaw sa kanyang pandinig ang pagtangis ng mga taong nasa prusisyon.

Sa takot ay tila itinulos si Max sa kanyang kinatatayuan. Nabitawan rin niya ang hawak niyang e-bike.

Ipinikit na lamang ni Max ang mga mata at nagsimulang umusal ng maiksing panalangin. “D-Diyos ko, tulungan mo ako! Nama-maligno ako!”

Pagkaraan ng ilang saglit ay naglakas loob si Max na imulat ang kanyang mga mata, upang mamangha ulit sa kaniyang makikita. Siya ay wala na sa gitna ng kalsada, kundi nakatayo sa gilid ng altar mayor ng Simbahan ng Lucban, malapit sa convenient store na kanyang pinapasukan.

Lalong nakadama ng panghihilakbot si Max nang makita ang mga tao sa loob ng simbahan. Ang kanyang mga magulang, kapatid, ka-trabaho, kaibigan…nakatayo sa harap ng isang kabaong at umiiyak! Lahat sila ay nakaputing t-shirt.

Tumulo ang luha ni Max. Unti-unti ay nag-flashback sa kanya ang pangyayari. Nasawi siya sa aksidente matapos mabangga ang sinasakyang e-bike sa parte ng kalsada kung saan ito tumirik kangina.

At ang prusisyon na kanyang nakasalubong ay prusisyon pala mismo ng kaniyang libing!

Naging malinaw na kay Max ang lahat.

Lumapit si Max sa kabaong. Nang silipin niya ito ay nakita niya ang kanyang sarili. Nakapikit at wala nang buhay.

Wala nang ibang magagawa si Max kung hindi tanggapin ang katotohan, at magkaroon na siya ng katahimikan.

WAKAS

Sen. Win, Bistek laglag sa senatorial lineup ng Lacson-Sotto tandem

Posted on: February 12th, 2022 by @peoplesbalita No Comments

NILILINIS na nina Senador Panfilo Lacson at Senate President Vicente Sotto III ang kanilang senatorial line up para sa darating na eleksyon.

Sa isang tweet sinabi ni Lacson na tanggal na sa line-up si Sen. Win Gatchalian at dating QC Mayor Herbert Bautista na may iba na umanong piniling suportahan na prinisipyo at adbokasiya.

Si Gatchalian at Bautista ay kasapi ng Nationalist Peoples Coalition kung saan si Sotto ang national chairman na hindi dumalo sa proclamation ng Lacson-Sotto Tandem sa Cavite, subalit present naman sa kandidatura ng Marcos-Duterte tandem sa Bulacan.

Sinabi naman ni Sotto na inaalam pa nila kung kapanalig pa nila sila Sen. Richard Gordon at dating Vice-President Jejomar Binay na kapwa wala sa kanilang rally.

Sa ngayon ang kanilang ini-endorso ay sina Senators Joel Villanueva, Migz Zubiri; dating senators Loren Legarda at JV Ejercito, Gringo Honasan at Chiz Escudero.

Gayundin sina dating PNP Chief Guillermo Eleazar, dating Congressman Monsour Del Rosario, Dra. Nikita Padilla, Raffy Tulfo at dating Agriculture Secretary Manny Piñol.

Nauna nang sinabi ni Sotto na mayroon silang usapan na pwedeng makasama sa kanilang senatorial line-up basta wala silang hayagang i-eendorso sa pagkapangulo at pangawalang pangulo.

Sinabi naman ni Gatchalian na nirerespeto niya ang desisyon ng tambalang Lacson at Sotto at bagamat wala siya sa line up ng dalawa ay mataas pa rin ang respeto niya sa dalawa. (Daris Jose)