2022 February Archive - People's Balita

Archive for February, 2022

Gilas Pilipinas naging puspusan na ang ensayo 1 linggo bago ang FIBA World Cup Asian Qualifiers

Posted on: February 16th, 2022 by @peoplesbalita No Comments

NAGING puspusan na ang ginawang pagsasanay ng Gilas Pilipinas para sa FIBA World Cup Asian Qualifiers na gaganapin sa Pebrereo 24 hanggang 28 sa Araneta Coliseum sa Quezon City.

Ayon kay Gilas coach Chot Reyes na idinagdag nila si Francis “Lebron” Lopez na siyang pinakahuling napili ng Samahang Basketball ng Pilipinas na makasama sa national team.

Isinagawa ang ensayo ng national basketball team a Moro Lorenzo Gym sa Ateneo de Manila University campus.

Nakasama na ang 18-anyos na si Lopez sa Gilas Pilipinas noong FIBA Asia Cup qualifiers noong Hunyo sa Clark Pampanga.

Nakasama na rin ng Gilas bilang assistant coach si dating Gilas Pilipinas player Marc Pingris.

Valentine’s Day spending ng mga Pilipino nakikitang makakatulong sa ekonomiya ng bansa

Posted on: February 16th, 2022 by @peoplesbalita No Comments

NANINIWALA ang ilang mga ekonomista na makakatulong sa ekonomiya ng Pilipinas ang pagiging romantic ng mga Pilipino, lalo na ngayong Valentine’s Day.

Sa isang panayam, sinabi ng ekonomista na si Ser Percival Peña-Reyes na maaring tapatan ng Valentine’s Day spending ng mga Pilipino ang halaga ng mga ginastos noon namang Pasko.

Base kasi aniya sa pre-pandemic data, ang middle income market ay binubuo ng 15 million katao, at 30 percent dito ay inaasahan na gagastos ng average P2,000 para lamang sa Valentine’s Day.

Ayon kay Peña-Reyes, kapag ipunin ang P2,000 sa 30 percent ng middle income market, aabot din ito ng P9 trillion.

Dahil sa global health crisis sa ngayon, nakikita niyang gagastos ang mga Pilipino sa mga tokens nang kanilang pagmamahal tulad ng pagbili ng kotse, tsokolate, at mga bulaklak.

Salamat sa inyong pagtitiwala

Posted on: February 16th, 2022 by @peoplesbalita No Comments

LABIS pasasalamat ni Senate President Vicente “Tito” Sotto III sa patuloy na pagtitiwala sa kanya matapos makakuha ng mataas na performance rating batay sa December 2021 survey ng Social Weather Stations (SWS).

“Nakakatuwa po ang patuloy na tiwala na ibinibigay ng ating mga kababayan sa aking kakayahan bilang senador. Nakakaalis po ng pagod ang masigasig na pagsuporta ng taumbayan sa mga aksyon at desisyon ng Senado na aking pinamumunuan. Maraming salamat po,” pahayag ni Sotto.

Si Sotto, tumatakbo sa pagka-bise presidente, ay nakalikom ng net satisfaction rating na +52 sa pinakahuling survey ng SWS noong Disyembre. Tinalo niya si Vice President Leni Robredo na may 23% at pumangalawa siya kay Pangulong Rodrigo Duterte bilang pinagkakatiwalaang opisyal ng gobyerno sa bansa.

Nakakuha si Duterte ng net satisfaction rating na +60 habang bumagsak naman ang net satisfaction rating ni Robredo.

“Ang tiwala ng ating mga kababayan ay nagsisilbing inspirasyon sa aking kampanya para maging bise presidente ng ating bansa. Hindi madali ang laban na ito, pero kukuha ako ng lakas ng loob mula sa pagmamahal at suporta na ibinibigay sa akin ng aking mga kababayan,” ayon kay Sotto. (Daris Jose)

AIRLINES PINAALALAHANAN, TANGING DOKUMENTADONG PASAHERO ANG ISASAKAY

Posted on: February 16th, 2022 by @peoplesbalita No Comments

NAGPAALALA si Bureau of Immigration (BI) Commissioner Jaime Morente sa mga airlines na siguraduhin na tanging mga karapat-dapat na mga dayuhan ang papayagang sumakay sa kanila patungo sa Pilipinas

Sinabi ni Morente na responsibilidad ng isang airlines na siguraduhin na ang mga karapat-dapat na mga dayuhan lamang ang pasasakayin at makapasok sa bansa kasunod ng bagong resolusyon ng Inter-Agency Task Force on the Management of Emerging Infectious Diseases (IATF).

Sa kasalukuyan, tanging ang mga fully vaccinated na mga dayuhan ang papayagan na makapasok, kasunod ng pagpapakita nila ng kanilang mga dokumento.

Sinabi ni Atty Carlos Capulong, BI port operations chief na nararapat lang na siguraduhin ng mga airlines na sinusunod ng mga pasahero ang mga kinakailangang dokumento dahil sila rin ang responsible kung hindi makakapasok ang kanilang customer sa ating bansa.

“This is a joint effort by different government agencies, as well as the airlines who are the first to evaluate documents presented by travelers,” ayon kay Capulong. “The airlines have been very helpful and cooperative with these policies that we are duty-bound to impose,” dagdag pa nito.

Ang isang banyaga na hindi papayagang makapasok ay kinakailangang sumakay sa susunod ng flight pabalik sa kanilang bansa habang pananagutin din ang airlines sa hindi pagsunod sa alituntunin. (GENE ADSUARA)

Del Rosario pumangatlo, ginantimpalaan ng P106K

Posted on: February 16th, 2022 by @peoplesbalita No Comments

PALABANG sumalo sa pangatlong posisyon si Pauline Beatriz Del Rosario kay Mohan Du ng China sa kahahambalos na Dare the Bear Women’s Championship upang mapremyuhan ng tig-$2,069 (P106K) sa Black Bear Golf Club sa Parker, Colorado.

Nagposte ang 23-year-old Pinay shotmaker buhat sa Las Piñas ng mga linyang six-over par 76, three-over par 73 at even par 70 para maka-two-under 219, tulad ng Chinese na may mga tinipang mga round na 71-74-74.

Pinamayagpagan ang 54-hole, 46-player event na kickoff leg sa taong ito ng East Coast Women Pro Golf Tour (dating National Women’s Golf Association), ni Alyaa Abdul na may last round 70 pa-217, one stroke edge sa kapwa Amerikanang si Alexandra Swayne. (CDC)

Pinoy, sugatan sa drone attack sa paliparan sa Saudi Arabia – Embassy

Posted on: February 16th, 2022 by @peoplesbalita No Comments

KABILANG ang isang Pinoy sa mga nasugatan sa drone attack sa Abha airport sa Saudi Arabia na nangyari noong araw ng Huwebes, Pebrero 10

Ito ang kinumpirma ng embahada ng Pilipinas sa Saudi Arabia ngayong araw subalit hindi na tinukoy pa ang pagkakakilanlan ng naturang Pinoy na ngayon ay nasa stable na ang kalagayan at ginagamot sa isang ospital na sinusuportahan naman ng kaniyang employer.

Ayon sa embahada, nakikipag-ugnayan na ang Philippine Consulate General sa Jeddah sa apektadong Filipino national para magbigay ng tulong.

Base sa ulat, nasa 12 katao ang nasaktan matapos na maharang ang shrapnel mula sa explosive-laden drone sa pamamagitan ng air defense dahil pa rin sa nagpapatuloy na sigalot sa pagitan ng Saudi led coalition at ng Houti rebels group na nakabase sa Yemen.

Para sa mga Pinoy na nasa Saudi Arabia, inaabisuhan ang mga ito na manatiling mapagmatyag at i-monitor ang inilalabas na mga security advisories.

Pinas, nakatanggap ng mahigit na 9K inbound tourists simula ng muling magbukas ang borders ng bansa- DOT

Posted on: February 16th, 2022 by @peoplesbalita No Comments

NANANATILING kumpiyansa ang Department of Tourism (DOT) na mas tataas pa ang tourist arrivals kasunod ng muling pagbubukas ng borders ng bansa noong nakaraang linggo.

“As of February 14,” ang actual inbound tourist arrivals mula sa visa-free countries ay umabot sa 9,283.

Ipinakita rin sa data ng DOT na sa nasabing bilang na ito, 4,209 ang mga balikbayan habang ang 5,074 ay foreign tourists.

Sinabi ni Tourism Secretary Bernadette Romulo-Puyat na tinitingnan nila ang gradual pace sa pagdagsa ng mga turista sa bansa na makatutulong aniya sa pagbangon ng local tourism scene.

“International travel and tourism saw an unprecedented decline in visitor arrivals amid the pandemic; the reopening of Philippines’ borders to visitors from visa-free countries will surely help in improving our numbers,” ayon kay Puyat.

“We at the DOT are excited to see a revival in our local tourism and will continue to support our partners in achieving this goal,” dagdag na pahayag nito.

“Tourists from the US make up the largest chunk of foreign tourists from February 10 to 14 with 2,227 arrivals; followed by 661 from Canada; 404 from Australia; 344 from the United Kingdom; 189 from South Korea, 169 from Japan; and 168 from Germany.” aniya pa rin.

Binigyang diin pa ng Kalihim na ang kahandaan ng bansa sa pagdagsa ng foreign travelers ay masasabing mahigit sa 90% ng kanilang target na tourism workers sa buong bansa ay fully-vaccinated.

“The DOT’s goal has since shifted to providing fully vaccinated workers with booster shots, which will not only give them extra protection against the virus but will also add to the confidence of local and foreign tourists as they make their way to the country’s many breathtaking destinations,”ang pahayag ni Puyat.

“As of February 11,” may kabuuang 323,206 indibiduwal o 93.09% ng s nationwide target ng DOT na 353,075 tourism workers sa iba’t ibang tourism-related industries ay fully vaccinated laban sa Covid-19.

Sa naturang bilang, 57,347 o 17.74% ang nakatanggap ng kanilang booster shots.

Samantala, pinaalala naman ng DOT na ang fully vaccinated tourists ay required na mag-presenta ng proof of vaccination na inaprubahan ng Inter-Agency Task Force for the Management of Emerging Infectious Diseases o World Health Organization, at maging ng negatibong RT-PCR test result na ginawa 48 na oras bago pa ang departure mula sa bansang kanilang pinagmulan. (Bishop Jesus “Jemba” M. Basco)

30,400 vaccination sites sa buong bansa, gusto pang madagdagan ng DOH

Posted on: February 16th, 2022 by @peoplesbalita No Comments

HANGAD ng Department of Health (DoH) na dagdagan pa ang inoculation sites sa buong bansa.

Sa kasalukuyan kasi ayon kay National Vaccination Operations Center (NVOC) Health Usec. Myrna Cabotaje, ay may 30,400 lamang ang operational na mga vaccination site sa buong bansa.

Ani Cabotaje sa kanilang nakikita na maaaring maging additional vaccination area ay ang mga botika, klinika at mga malalaking company clinic.

Magugunitang, kabilang ang ilang mga piling pribadong pharmacy sa mga nakiisa sa ikinasa kamakailan na Resbakuna sa botika ng pamahalaan.

Samantala, alam na ng lahat na nakapagbibigay ng proteksyon kontra Covid-19 ang bakuna kaya naman tiwala ang NVOC na maging ang mga batang limang taong gulang pababa ay dapat na ring maturukan ng vaccine.

Binigyang halimbawa ni Cabotaje ang Estados Unidos, kung saan ongoing na ang pagbabakuna nila sa mga batang 2 hanggang 5 taong gulang.

Kumpiyansa naman si Cabotaje, na pahihuntulutan din ng ating mga eksperto ang pagbabakuna sa mga nasa age group na ito kapag mayroon nang vaccine maker ang nabigyan ng emergency use authorization o EUA para dito.

Ayon naman kay Philippine Medical Association (PMA) President Dr Benito Atienza, mahalagang mabigyan ng proteksyon laban sa virus ang lahat ng mga bata lalo nat nakapagtala ang bansa ng nasa 400 kabataang nahawaan ng Covid-19.

Nangyari aniya ito dahila karamihan ng mga batang nasa dalawa hanggang limang taong gulanga ay hindi pa nakatatanggap ng bakuna. (Daris Jose)

1 patay, 14 sugatan sa banggaan ng 2 tren sa Germany

Posted on: February 16th, 2022 by @peoplesbalita No Comments

PATAY ang isang katao at sugatan ang 14 na iba pa sa nangyaring banggaan ng dalawang pampasaherong tren sa Munich, Germany.

Naganap ang insidente sa S-Bahn urban rail station ng Ebenhausen-Schaeftlarn, southwest of Munich.

Base sa inisyal na imbestigasyon ay nadiskaril ang isang tren kaya ito bumangga sa kasalubong na pampasaherong tren.

Kaagad na dinala sa pagamutan ang mga nasugatang biktima.

Sinasabing mayroong sakay na 95 na pasahero ang dalawang tren.

Patuloy pa rin ang ginagawang imbestigasyon ng mga otoridad sa insidente.

Opensa Depensa Ni CDC

Posted on: February 16th, 2022 by @peoplesbalita No Comments

MAGBABALIK-TANAW sa isa sa naging sikat na karibalan sa Philippine basketball ang San Miguel Corporation-Philippine Sportswriters Association (SMC-PSA) Annual Awards Night.

Pararangalan ang mga alamat ng sport na sina Robert Jaworski Sr. at Ramon Fernandez ng Lifetime Achievement Award sa Marso 14 gala night sa Diamond Hotel sa Ermita, Manila dahil sa kanilang malaking kontribusyon sa pinakamamahal ng mga Pinoy na laro.

Ang eksklusibong karangalan ay isa lang sa mga espesyal na parangal na ibibigay ng pinakamatagal na media organisasyon sa okasyong mga ihahatid ng Philippine Sports Commission (PSC), Philippine Olympic Committee (POC), at Cignal TV.

Katuwang din ang MILO, 1Pacman, Philippine Basketball Association (PBA), Rain or Shine, ICTSI, Chooks To Go, Smart, Philippine Racing Commission (Philracom) at MVP Sports Foundation.

Unang nagkasama sina Jaworski at Fernandez sa star-studded Toyota franchise na nagsimula sa Manila Industrial and Commercial Athletic Association (MICAA), bago binitbit ang kanilang husay at talento sa PBA bilang ilan sa mga founding member.

Sa tulong ng dalawang star player, nanalo ang Tamaraws ng siyam na kampeonato sa Asia’s pioneering pro league, pero nabuwag ang team bago magsimula ang 1984 season.

Naghiwalay sina Fernandez at Jaworski sa isang episode kalaunan ay nagsilang sa kanilang hindi malilimutang hardcourt rivalry.

Gayunman para sa kanilang mga sarili, ang tinaguriang Big J at El Presidente ay naging mas malaki sa buhay.

Nagtanim ng binhi ang 75-anyos na si Jaworski na nakilala sa ‘Never-Say-Die’ spirit ng Barangay Ginebra San Miguel. Bilang karismatikong playing-coach nito, hinatid niya ang prangkisa sa apat na kampeonato bago pormal na nagretiro sa paglalaro noong 1998.

Maraming naitalang rekord sa liga ang 68 anyos na si Fernandez na kasalukuyang Philippine Sports Commission commissioner, at pa ng apat na MVP awards, tatlo post-Toyota days at nanalo ng 11 dagdag na kampeonato sa paglalaro sa Tanduay at San Miguel Beer na may isang grand slam noong 1989.

Nagretiro si Fernandez bilang all-time leader ng liga sa scoring, rebounding, blocked shots, free throws, at career minutes.

Makalipas ang ilang taon, ibinaon ng dalawang magkatunggali ang tunggalian at pinagtagpi-tagpi ang mga bagay-bagay na pinasimulan ng yumaong maalamat na coach na si Virgilio ‘Baby’ Dalupan sa likod ng pangmatagalang ‘Jaworski to Fernandez pass’ para sa 132-130 panalo sa buzzer noong 1989 PBA All-Star game .

Makalipas ang isang taon, nagtulungan ang mga dating teammate bilang coach-player sa silver medal finish ng Pilipinas noong 1990 Beijing Asian Games, na minarkahan ang unang pagkakataon na nagpadala ang bansa ng all-pro team sa mga internasyonal na kompetisyon.

Ang mga naunang nakatanggap ng Lifetime Achievement awards ng sportswriting community sa bansa ay kinabibilangan nina Dalupan, billiards icon Efren ‘Bata’ Reyes, ang yumaong dating ambassador at basketball project director Eduardo ‘Danding’ Cojuangco, Jr. 1973 Philippine men’s basketball team, Filomeno ‘Boy’ Codinera, at Gintong Alay project director Jose Romasanta.

Saludo po sa inyo ang OD.