2020 December 16 Archive - People's Balita

Archive for December 16th, 2020

Mga Senador nais suspendihin ang implementasyon ng RFID system

Posted on: December 16th, 2020 by @peoplesbalita No Comments

Naghain ng isang resolution ang mga senador upang hikahatin ang Department of Transportation (DOTr) na suspendihin ang pagpapatupad ng radio frequency identification (RFID) cashless payment scheme sa mga expressways.

Si Senator Grace Poe na siyang principal author ng nasabing Senate resolution 596 ang nagsabing mula sa 12 million na registered na mga sasakyan, 3 million ang wala pa na mga RFID stickers.

Sa nasabing datus, sinabi rin ni Poe na 6.1 million na mga registered na sasakyan ang nasa Metro Manila, Central Luzon at Calabarzon.

Sinabi naman ni Senate President Vicente Sotto na kanilang pinayagan ang nasabing resolution dahil sa dami ng complaints tungkol sa mga sirang RFID stickers, traffic gridlocks na sanhi ng implementasyon ng pagpapatupad ng DOTr order sa cashless toll transactions at iba pang problema na siyang dahilan upang hindi magkaron ng isang maayos at madaling access sa expressways.

Ang mga senators na umayon sa pag suspendi ng RFID scheme ay sila Sherwin Gatchalian, Nancy Binay, Manny Pacquiao, Imee Marcos, Ramon Revilla, Jr., Francis Pangilinan, Panfilo Lacson, Leila de Lima, Ronald dela Rosa, Joel Villanueva, Risa Honteveros, Richard Gordon, Senate Pro Tempore Ralph Recto, at Majority Leader Joan Miguel Zubiri.

“The DOTr should not implement the RFID system 100 percent until we are sure that it will not inconvenience the public,” wika ni Poe.

Samantala, ang mga motorista ay maaari pa rin na dumaan sa tollways sa Valenzuela City nang hindi nagbabayad ng fees sapagkat suspendido pa rin ang kanilang NLEX permit.

Nagkaron naman ng pagpupulong sila NLEX representatives at Mayor Rex Gatchalian at kanilang napagkasunduan na panatilihin ang suspension order hanggang hindi nagagawa ang system upgrade ng kumpanya ng NLEX hanggang January 30,2021.

“We will reinstate the company’s business permit once the RFID glitches have been fixed,” ayon kay Gatchalian.

Ang Metro Pacific Tollways Corp. (MPTC) na siyang operator ng NLEX ay nangako na maglalagay ng mga intrastructure para sa isang barrier-free tollway system sa mga susunod na tatlong (3) taon, na siyang magiging long-term solution sa traffic gridlocks na sanhi ng mga hindi gumaganang RFID sensors.

Magkaiba ang opinyon ng MPTC officials at ni Gatchalian tungkol sa pagkakaron ng toll barriers na siyang dapat na pumipigil sa mga motorista upang hindi magbayad ng kanilang toll fees.

Ang mga barriers ay nilagay upang tulungan ang mga awtoridad sa pagpapatupad ng transportation regulations tulad ng seatbelt and anti-overloading laws ayon sa MPTC at NLEX officials.

Ayon sa kanila kung aalisin ang barriers, ito ay magbibigay daan sa mga motorista na dumaan sa toll plaza na hindi nagbabayad sa pamamagitan ng pagtatakip sa kanilang RFID stickers.

Subalit sinabi ni Gatchalian na kung aalisin ang barriers kapag rush hours ay magkakaron ng magandang daloy ang traffic.

“We are committed to continuously look for ways to improve our service to the public – providing reliable, safe and convenient expressway travel experience to motorists, host communities and other stakeholders,” saad ni president at general manager J. Luigi Bautista. (LASACMAR)

TOTAL CASHLESS FARES SA PUBLIC TRANSPORT HUWAG ISULONG – DAPAT MAY OPTION ANG MGA PASAHERO!

Posted on: December 16th, 2020 by @peoplesbalita No Comments

Dahil panahon ng pandemya ay marami ang nagsusulong ng cashless transaction para maiwasan ang skin contact at pigilan ang hawaan ng COVID-19. Ok yan! Pero nilinaw ng World Health Organization na wala silang opisyal na pahayag na nakukuha ang virus sa palitan ng pera. Pero sabi nga mas ok na doble ingat tayo. Samantala, yung one meter social distance at pagsuot ng facemask, yun naman ang minimum health standard. Pero kamakailan pinaikli ng DOTr ang distansya sa pagitan ng mga pasahero sa public transport.

At may iba pang pag relax ng health protocols na ginawa. Ang tanong – kung nire-relax ang ilang health protocols, bakit pagdating sa cashless transactions ay lalong hinihigpitan lalo na sa tollways. Mukhang iba ang polisya?

Ang posisyon din ng Lawyers for Commuters Safety and Protection (LCSP) ay WALANG LEGAL NA BATAYAN ang mga tollway operators na hindi tumanggap ng cash dahil ang PISO AY LEGAL TENDER SA PILIPINAS. Ang salapi o barya na ini-issue ng Bangko Sentral ng Pilipinas ay ang opisyal na currency sa bansa.

Bakit hindi tatanggapin sa tollways? Maaring sabihin nila na may karapatan ang toll operators na pumili ng paraan ng pagbayad dahil ang nire-represent naman ng cashless transaction ay piso. Kayat hindi ang piso ang tinatangihan kundi yung mode of payment lang.

Pero kailangan pa ba natin pumunta sa husgado para i-settle yang legal question na yan? Di ba’t mas simple na panatiliin ang cash lanes at gandahan ang sebisyo ng RFID para ma-enganyo ang mga motorista mag RFID agad?

Bagama’t sinasabi ng mga nagsusulong ng cashless transaction na dapat tayo humabol sa ibang bansa pagdating sa teknolohiya –HINDI NAMAN NILA ONE HUNDRED PERCENT INALIS ANG CASH TRANSACTION! Bakit kaya? Dahil paano kung nag-offline, na hack ang system at iba pang aberya, paano? Dapat flexible sa technology systems – ganun din sa public transport.

Okay na isulong ang cashless, pero huwag naman totally alisin ang option ng mga pasahero na magbayad ng cash.

Hayaan na ang tao ang pumili ng gagamiting paraan ng pagbabayad ng toll fee nang sa ganun ay binibigyan natin ng sapat na panahon ang mga motorista at pasahero na mag-adapt sa bagong sistema lalo pa nga at ang dami pang problema dito. At para may flexibility naman kung sakaling may aberya.

Kampanya ni Saso inantala ng ulan

Posted on: December 16th, 2020 by @peoplesbalita No Comments

NAURONG ang pagkorona sa bagong reyna ng 75th US Women’s Open Golf Championship nitong Linggo dahil sa serye nang pagbuhos ng ulan sa Cypress Creek at Jackrabbit course ng Champions Golf Club sa Houston, Texas.

Ipinahayag ng United States Golf Association (USGA) agronomists , na inabot ng 78 pulgada ang tubig sa golf course sa 24 na oras na buhos ng ulan na lalo pang nagpaputik dito, na unang naranasan na rin ng mga sa third round noong Sabado.

Sa 54-hole total 217 at one-over tapos ng five holes, kabbuhulan sa walong nasa ika-32 puwesto si Yuka Saso ng Pilipinas. Uno-dos-tres pa rin sina two-day leader Hinako Shibuno ng Japan (-3 209), opening day leader American Amy Olson (-3 2010) at Ji Yeong2 Kim ng South Korea at Moriya Jutanugarn ng Thailand (-1 212).

Itutuloy ang mga laro sa Lunes ng alas-8:00 nang umaga (alas-7:00 nang gabing oras sa Maynila). Ito na ang ikatlong beses na naurong ang pagkorona sa reyna sa araw ng Lunes, at unang pagkakataon namang ginanap ang paligsahan ng Disyembre mula sa Hunyo dahil sa pandemya. (REC)

60 milyong Filipino, makikinabang sa libreng bakuna laban sa COVID

Posted on: December 16th, 2020 by @peoplesbalita No Comments

TINATAYANG aabot sa 60 milyong Filipino ang libreng mabibigyan ng gobyerno ng bakuna laban sa COVID -19 sa sandaling dumating na ito sa bansa sa unang quarter ng susunod na taon.

Ayon kay Presidential Spokesperson Harry Roque, sa kanyang pagkaka- alam ay para sa 60 milyong mga Filipino ang free vaccine na inilalaan ng pamahalaan kabilang dito ang mga pulis at mga nasa militar ganundin ang mga frontliners at mga mahihirap.

Aniya, prayoridad ang mga lugar sa tinaguriang epicenters gaya ng Metro Manila, CALABARZON, Cebu at Davao gayung dito aniya talagang matinding kumalat ang sakit.

Tiniyak naman ni Sec. Roque na mayroon din namang mga mabibiling bakuna sa botika para sa mga may kakayahang makabili ng pangontrang vaccine sa virus.

Sa kabilang dako, wala namang pilitan ang pagtuturok ng bakuna subalit naniniwala silang mayorya pa rin ng mga Pilipino ang nais magpa-vaccine at base na rin ito sa isinagawang survey.

“Hindi po ito sapilitan. Iyong gusto lamang, kasi iyong 60 million, hindi naman iyan para sa lahat sa atin, 110 million Filipinos po tayo. So, kung ayaw wala pong pipilitin, pero sa tingin ko naman po, sang-ayon naman sa SWS survey 66% ay gusto ng bakuna,” ani Sec. Roque. (Daris Jose)

Wedding nina Jessy Mendiola at Luis Manzano magaganap mid- year of 2021

Posted on: December 16th, 2020 by @peoplesbalita No Comments

Siyempre pa ay very proud mama si Kapuso actress Coney Reyes nang i-tagged niya ang anak na si Pasig City Vico Sotto sa kanyang Instagram post to let the whole world know that her son is one of the People’s Choice Awardee.

“Congratulations, son! I’m so proud of you! @vicosotto #People Asia #PeoplesChoice Awardee #ThankYouLord #GloryToGod

“Healing the world by serving others. From battling the pandemic; to bringing opportunities to countless Filipinos in search for greener pastures, these People of the Year awardees continue to spread a contagion of hope,” wrote People Asia on its social media page.

Ang mga kasamang awardees ni Mayor Vico ay sina Eric Francia, Dr. Gerardo ‘Gap’ Legaspi, Ana Marie Pamintuan, Cavite Governor Jonvic Ramulla, Chaye Cabal-Revilla, Cesar Romero, Rep. Mikee Romero and Tommanny Tan.

Meanwhile, thankful din si Coney na tapos na ang kanilang lock-in taping ng GMA telebabad series nilang “Love of my Life,” with Carla Abellana, Rhian Ramos, and Mikael Daez, at muli na silang mapapanood simula sa huling Lunes ng December, sa December 28.

*****

Ngayong alam na ng buong mundo ang engagement nina Luis Manzano at Jessy Mendiola, nasa preparation na sila ng pagpapakasal. Napili ng dalawa ang mid-year of 2021. Ang concern lamang daw nila ay ang safety ng kanilang parents. Gusto nilang present ang kani-kanilang parents sa araw ng kanilang kasal, dahil it’s once-in-a-lifetime moment of exchanging “I do’s”

Dasal nilang mawala na ang pandemic threat to their health by the time they get married. Sa ngayon ay wala pang detalye kung kailan talaga ang kasalan, at kung saan magaganap ang ‘wedding of the year.’

*****

Congratulations to Asia’s Multimedia Star Alden Richards, for making history with the first-ever virtual reality concert in the Philippines sa pamamagitan ng “Alden’s Reality: The Virtual Reality Concert.”

Hindi pinagsawaang panoorin ang concert ni Alden na nagkaroon ng three timeslots, twice last December 8 and once last December 9, with GMA Network’s sold-out show enabled Alden’s supporters mula sa iba’t ibang lugar sa mundo, to celebrate with him as he marked his 10th anniversary in the intertainment industry.

Hindi malilimutan ng mga nanood ang heartfelt rendition ni Alden ng “God Gave Me You” at sa pagpi-perform niya ng latest single niyang “Goin’ Crazy” showing kung gaano na siya kahusay as a performer on stage.

A day after the concert, ang latest single naman ni Alden na “Goin’ Crazy” ng GMA Musical and FlipMusic Productions, also topped iTunes Philippines and is currently included in Apple Music’s “Absolute OPM Playlist.” (Nora V. Calderon)

Bagong album ni Taylor Swift na “Evermore”, umani ng bonggang review mula sa Rolling Stone magazine

Posted on: December 16th, 2020 by @peoplesbalita No Comments

Thankful si Alfred Vargas na nagkaroon siya ng pelikula sa Metro Manila Film Festival.

Una niyang MMFF entry ay ang Bridal Shower in 2004 na dinirek ni Jeffrey Jeturian at ang huli ay ang Banal in 2008 na dinirek ng the late Cesar Apolinario.

Isang taon na raw natapos ang latest MMFF official entry na Tagpuan na kinunan sa New York, Hong Kong at dito sa Manila. Dahil sa COVID-19 pandemic, hindi natuloy ang dapat na summer MMFF kunsaan official entry ang Tagpuan.

“September 2019 pa namin natapos yung movie. Kaya ready na sana ito ipalabas last April pero nagkaroon ng pandemic. Panay ang dasal namin na sana ma-release na namin ito kasi ang ganda ng movie. Nataon naman na isa ang Tagpuan sa napili for the 2020 MMFF,” sey ni Alfred.

Bilang producer ng movie under Alternative Vision Cinema, wish ni Alfred na kumita ang movie sa pagpapalabasan nitong streaming platform.

“Lahat naman ng producer yun ang gusto. Para siyempre, may pang-produce ka ulit ng bagong project. I feel positive sa movie namin at ibang klaseng love story ito,” diin ni Alfred.

Isa pang wish ni Alfred ay manalo ng award ang dalawang co-stars niyang sina Iza Calzadon at Shaina Magdayao.

“I’ve worked with Iza ilang beses na at magaling pa rin siya. Nagulat ako kay Shaina. This is my first time working with her at ang husay niya. Sana ay manalo silang dalawa.”

*****

Kinabog ni Kiray Celis ang mga nagtatamis-tamisan na couples sa social media dahil sa pag-post nito ng mga pinadala sa kanyang regalo ng non-showbiz boyfriend niyang si Stephan Estopia sa lock-in taping ng Owe My Love.

Hindi kasi nagkasama ang dalawa noong first anniversary nila dahil bawal lumabas si Kiray sa lock-in taping nila.

Kaya nagpadala na lang si Stephan ng bouquet of roses at chocolates para sa kanyang ladylove.

“Aba aba aba! May paandar naman pala! Nagulat ako may tumatawag. Delivery daw sa baba ng taping namin galing daw kay Stephan Estopia. Ayyysuuus naman! Thank you daddy! Super understanding mo. First anniv natin asa work ako. Pero iniintindi mo tapos sinurpresa mo pa ako. Thank you. Ikaw na! Hanggang simbahan na ‘to. Chos!” post ni Kiray sa Instagram.

Nagpa-deliver naman si Kiray ng cake kay Stephan.

“Wala na ‘kong masasabi sa kabaitan mo, sa pag-aalaga mo, sa pagmamahal mo, sa pag-iintindi mo. Saludo ako sa ‘yo. Salamat sa lahat dad. Worth it lahat ng nangyari sa buhay ko kasi binigay ka ni Lord sa ‘kin. Sobra akong nagpapasalamat sa Kanya kasi nakilala kita. Bonus na lang ‘yung naging akin ka,” post pa ni Kiray sa IG.

*****

Umani ng bonggang review mula sa Rolling Stone magazine ang bagong album ni Taylor Swift na “Evermore”.

Sinorpresa ni Taylor ang kanyang fans sa pag-drop ng 9th studio album niya last December 12. Kasalukuyang namamayagpag pa sa album charts ang album niyang Folklore na ni-release last July. Nakakuha ang naturang album ng six nominations sa Grammy Awards 2021.

Ayon sa review ng Rolling Stones: “Swift and her team had even more freedom to do whatever they wanted, and it reflects back in the music. She’s working here again with Aaron Dessner, Jack Antonoff, and Bon Iver’s Justin Vernon, and although Folklore’s moody, “indie”-inspired sound is still the dominant feature of Evermore, there’s room for more variety and experimentation this time around.

“It’s a refreshing change of pace: Swift’s usual approach to dabbling in new genres or sounds is to go balls-to-the-wall, but on Evermore, she’s just as good at curating these more detailed production flourishes, all with the same contouring and meticulousness as she does with her best lyrics.

“No doubt Swift is still the master of writing a spiteful kiss-off, but the songs of Evermore are a welcomed step in a more mature direction, the result of months and months of her getting lost in the woods and questioning her way forward. By the time you’re reading this, she may have already found the answer.” (Ruel J. Mendoza)

ZAMBOANGA VALIENTES HARI SA AUSTRALIA 3X3

Posted on: December 16th, 2020 by @peoplesbalita No Comments

NAGSYUT ang Zamboanga Valientes ng Pilipinas ng 4-1 panalo-talong kartada sa loob lang ng isang araw para pagharian ang Open division ng Basketball Act 3×3 Christmas Street Hustle 2020 sa Belconnen 3×3 Outdoor Courts-42 Oatley sa Canberra, Australia nitong Sabado, Disyembre 12.

Ginimbal ng Chavacano dribblers ang niresbakang eliminations tormentor Black Buckets sa finals 14-7. Sumubasob sa third game sa elims sa overtime ang PH squad, 14-16, na naging unang Pinoy cage team na nagwagi sa isang isang torneo ng basketbol sa nasabing bansa.

Pinagtutumba rin ng Valientes ang Orange Buckets sa semifinals, 16-11; MC Africa sa quarterfinals, 16-1; Orange Buckets , 11-8; at White Buckets, 15-8, sa unang dalawang salang sa eliminasyon.

Sina former Maharlika Pilipinas Basketball League (MPBL) player Eric Miraflores, dating National Capital Region Athletic Association (NCRAA) mythical team member Chris Concepcion, 18-year-old prospect Adam Compton at Sudanese-Australian Duom Dawam ang mga bumubuo sa koponan

Ang anak ng may ari ng Zamboanga Valientes na si Cory Navarro na si dating Philippine Youth team member Junnie Navarro ang nag-coach sa team.

Inanyayahan ang Valientes sa isa pang Las Vegas 3×3 tournament 2021 sa Nevada dahil sa tagumpay na ito sa Down Under. (REC)

Pringle lider sa BPC

Posted on: December 16th, 2020 by @peoplesbalita No Comments

NAMUMUNO sa Best Player of the Conference (BPC) si Stanley Wayne Pringle Jr. ng bagong koronang hari sa 45th Philippine Basketball Association (PBA) 2020 Philippine Cup bubble na Barangay Ginebra San Miguel sa Angeles, Pampanga.

Magkakaroon ang propesyonal na liga ng special awards ceremony na aprubado na ng PBA board sa darating na Enero 2021 upang bigyang pagkilala ang top player sa isang komperensya lang sa taong ito dahil sa Covid-19.

Pararangalan din sa All-Filipino tourney bukod sa BPC, ang mga magiging na Outstanding Rookie, Most Improved Player, Sportsmanship Award at Special Team Awards.

Mga katunggali Pringle para sa top individual award sina Bobby Ray Parks Jr. ng TNT, Matthew Wright at Calvin Abueva ng kjapuwa ng Phoenix Super LPG, Christian Jaymar Perez ng Terrafirma, at Christian Standhardinger ng NorthPort.

Magkakalaban naman para sa Outstanding Rookie award sina Meralco guard Aaron Black, Roosevelt Adams ng Blackwater at Arvin Tolentino ng Ginebra. (REC)

12 HIGH-END AMBULANCE, HANDA NG IPAMIGAY SA MAYNILA

Posted on: December 16th, 2020 by @peoplesbalita No Comments

HANDA ng ipamigay ang labindalawang “high-end” Ambulance na binili pa ng lokal na pamahalaang lungsod ng Maynila sa Estados Unidos.

Pinangunahan ni Manila Mayor Isko Moreno Domagoso at Vice Mayor Maria Sheilah “Honey” Lacuna-Pangan ang pagpapasinaya sa labindalawang ambulansiya kasabay ng pagbabasbas nito sa pamumuno ni Quiapo Church Monsignor Hernando Coronel.

Ayon kay Domagoso, dapat ay unang quarter pa lamang umano ng taon 2020 dumating ang mga nasabing ambulansiya ngunit naantala umano ito dahil na rin sa kinakarap na pandemya ng bansa gayundin sa Amerika kung saan binili ang mga nasabing sasakyan.

Aniya, ang mga nasabing ambulansiya ay may mga high-tech equipment at machines na maaaring makatugon at makatulong sa mga pasyente sa oras ng “emergency” lalo na ang mga nag-aagaw buhay.

Dagdag pa ng Alkalde, naglaan ang lokal na pamahalaang lungsod ng halos P300 milyon umano ang inilaan ng lokal na pamahalaan sa mga nasabing ambulansiya na bahagi ng pagpapalakas sa atensyong medikal para sa mga Manilenyo.

Napag-alaman naman Alkalde na ang anim na ambulansiya ay dadalhin sa anim na pampublikong ospital ng Maynila kabilang na ang Ospital ng Maynila, Ospital ng Tondo, Sta. Ana Hospital, Ospital ng Sampaloc, Gat Andres Bonifacio Memorial Medical Center, at Justice Jose Abad Santos General Hospital. Habang ang natitirang anim na ambulansiya naman ay nasa Manila City Hall kung saan nasa pangangalaga ito ni Manila Disaster Risk Reduction Management Office (MDRRMO) Director Arnel Angeles upang gamitin sa kanilang rescue and emergency operation sa oras na may naganap sa buong Maynila.

Iginiiit ni Domagoso na ang paggamit sa mga nasabing ambulansiya ay libre at walang bayad kung saan sa loob nito ay may kumpleto itong equipment at machine gayundin may medical professional na nakasakay dito. (GENE ADSUARA)

Donaire, negatibo sa confirmatory test; umaasang tuloy ang Rodriguez bout

Posted on: December 16th, 2020 by @peoplesbalita No Comments

Umaasa si dating four-division world champion Nonito “The Filipino Flash” Donaire na matutuloy na ang sagupaan nila ni Puerto Rican boxer Emmanuel Rodriguez.

Ito’y makaraang lumabas ang resulta ng kanyang confirmatory test na nagnegatibo ito sa COVID-19.

Ayon kay Donaire, kinailangan niya at ng kanyang asawa at manager na si Rachel na sumailalim sa isa pang test dahil duda sila sa lumabas sa inisyal na COVID-19 test.

“We asked for a confirmatory test to make sure I was positive. They said NO. So I had to pay to get one done,” saad ni Donaire sa Twitter.

Nakatakda sanang harapin ni Donaire si Rodriguez para sa bakanteng WBC crown sa Disyembre 19 sa Mohegan Sun Arena sa Connecticut.

Ngunit matapos na magpositibo sa deadly virus, sinasabing umatras si Donaire sa laban at posibleng palitan ng isa pang Pinoy na si Reymart Gaballo (23-0, 20 KOs) sa Showtime main event.

Huling tumuntong sa ibabaw ng ring si Donaire (40-6, 26 KOs) noong Nobyembre 2019 kung saan natalo ito sa kamay ni Japanese superstar Naoya Inoue sa bantamweight final ng World Boxing Super Series.