Five months na last December 6 ang baby boy nila Max Collins at Pancho Magno na si Skye Anakin.

Sa video post ni Pancho sa Instagram, pinakita niya ba marunong nang mag-smile si Skye tuwing kinakausap

nila ito.

“Hi Everyone! I’m 5 months old today,” simpleng caption ni Pancho sa video.

Si Skye rin ang dahilan kung bakit hindi nagmamadaling bumalik sa trabaho si Max dahil gusto niyang makita ang development nito bukod sa enjoy siyang maging hands-on mom.

“Gusto niya talagang magsalita, ang cute lang to see the changes. Nagre-respond na siya, before hindi pa masyado. Ang bilis lang ng development. He’s already interactive even when he was two months pa lang,” ngiti ni Max.

May sinusunod daw na daily routine sina Max at Pancho sa pag-alaga kay Skye.

“Usually sa umaga pinapaliguan namin siya, and then magna-nap siya, and kaming dalawa ni Pancho, inaaliw lang namin siya buong araw. In between the whole day I’m breastfeeding. Kapag medyo fussy siya we play lullabies.”

Sinilang ni Max si Skye via water birth noong nakaraang July 6.

*****

Simula noong makabalik si Miss Universe 2018 Catriona Gray mula sa Colombia, tuluy-tuloy ang pagsama nito sa mga relief operations ng Philippine Red Cross.

Noong nakaraang December 5, lumipad si Catriona to

Camarines Sur and Catanduanes kasama ang PRC para mag-distribute ng cash grants at shelter tool kits sa mga pamilya na naapektuhan ng magkakasunod na bagyo noong nakaraang buwan.

“Traveled with @philredcross to typhoon-affected areas like Cam Sur and Catanduanes to be present in the giving of a multipurpose cash grant and shelter tool kits. And I want to say thank you to all of our donors, locally and abroad, who have come together to give to our typhoon-affected kababayans. It’s one thing to call for awareness and donations on my platforms, but a completely different thing to be present in person when the aid is given,” post ni Queen Cat sa IG.

000

Sa pag-guest ni Justin Bieber sa show ni Ellen DeGeneres, sinabi nito na gusto nila ng kanyang misis na si Hailey Baldwin na magkaroon sila ng maraming anak.

“I am going to have as many as Hailey is wishing to push out! I’d love to have myself a little tribe. But, yeah, it’s her body and whatever she wants to do. I think she wants to have a few,” sey ni Bieber.

Ang tanong ay kelan nila sisimulan ang magkaroon ng first baby?

“It’s not that we’re waiting, but Hailey still has some things she wants to accomplish as a woman, and I think she’s just not ready yet. And that’s okay,” diin pa ni Justin.

Nakareserba nga raw ang likod ni Justin kunsaan niya ipapa-tattoo ang family picture nila kapag may baby ba sila ni Hailey.

Hindi nga raw nakauwi ang mag-asawa last Thanksgiving sa pamilya ni Justin sa Canada dahil sa pandemic, kaya si Hailey na raw ang nagluto ng turkey at nag-hire si Justin ng chef para mabuo ang kanilang Thanksgiving dinner. (Ruel J. Mendoza )

Nakakatuwa ang Instagram post ni Pasig City Mayor Vico Sotto matapos niyang bumisita sa taping ng “Daddy’s Gurl” ng M-Zet Productions na pag-aari ng ama niyang si Vic Sotto sa Rainforest AdVenture Experience Park.  Simula nang payagang mag-taping na nang live ang sitcom na nagtatampok kina Vic at phenomenal star Maine Mendoza, doon na nila ito ginagawa para mahangin at hindi tulad sa studio na aircon.

Pero pinansin ng mga netizens ang post ni Mayor Vico na “binisita ko sila para maningil ng fees.” (with peace sign emoji)

Kasama sa cast ang brother niyang si Oyo Sotto kaya sabi pa ni Mayor Vico: “first time to see Kuya Oyo since March!!!

“Actually, nung una nahihiya yung mga empleyado ng LGU na singilin ang M-Zet Productions ng fees, dahil alam nilang kay Papa ‘yun.  Pero nung nalaman ko ito, ang sabi ko, MAS LALONG DAPAT singilin pag kamag-anak ko!! Ma-check nga bukas kung bayad na sila…”

Ang “Daddy’s Gurl” ay napapanood tuwing Saturday evening, after ng “Magpakailanman.”

*****

Congratulations kay Kapuso Primetime Queen Marian Rivera-Dantes, pasok kasi siya sa list ng 100 Digital Stars ng Forbes Asia, kasama ang ilang international stars tulad ng BLACKPINK at BTS, at sina Rebel Wilson, Hugh Jackman, Twice, Lee Min-Ho, Chris Hemsworth, at marami pang iba na nagsilbing magandang ehemplo sa social media sa gitna ng Covid-19 pandemic.  May 23 million followers na si Marian sa Faceboook at 10 million naman sa Instagram.

Labis ang pasasalamat ni Marian sa kanyang mga social media followers na tiyak na tataas pa ngayon dahil may bago siyang business venture, na ii-expand niya ang flower business niyang Flora Vida, sa Flora Vida  Home na pwedeng mag-order ng gusto ninyong home furnishings at pagpapagawa ng mga furnitures, dahil matagal na niyang pinag-isipan ang business na ito.  In fact, ready na siyang igawa kayo ng mga home furnitures dahil may mga pamilya na sa Paete, Laguna na gagawa nito.  Kahit ang kanyang mga telang gagamitin sa ipagagawa niyang furnitures ay na-order na ni Marian sa Europe kung saan doon siya na-inspire na pumasok sa furniture business, nang minsang bumisita sila roon ng husband niyang si Dingdong Dantes.

Sa ngayon, hindi man makagawa ng teleserye si Marian dahil ayaw niyang umalis sa bahay at iwanan ang mga anak na sina Zia at Ziggy, thankful naman siya sa GMA Network dahil pinayagan siyang sa bahay nila gawin ang taping ng mga spiels ng mga bagong episodes ng OFW documentary na “Tadhana” at si Dingdong ang nagdidirek sa kanya.

*****

Marami nang mga sumusubaybay sa GMA Afternoon Prime na “Magkaagaw,” ang excited na sa nalalapit na pagbabalik ng serye na nagtatampok kina Sheryl Cruz, Sunshine Dizon, Klea Pineda and Jeric Gonzales.

Lalong na-excite ang mga netizens nang ipasilip na nila ang mga behind-the-scenes photos nina Sheryl at Jeric mula sa kanilang lock-in taping.  Ayon kay Sheryl, maingat sila sa paghahanda ng ilang maiinit na eksena sa serye. “in all respect with the creativity and the creative writing of our writers in GMA-7, they stayed true naman to the plot of Magkaagaw, at sa totoo lang mas naging daring, kaya dapat nila itong abangan.” (Nora V. Calderon)