2020 October Archive - People's Balita

Archive for October, 2020

Pahayag ni Pope Francis sa same-sex union, taken out of context

Posted on: October 28th, 2020 by @peoplesbalita No Comments

WALANG binabagong batas ng simbahan si Pope Francis sa usapin ng same sex marriage.

Ito ang pahayag nina Veritas Pilipinas anchor priests Fr. Emmanuel Alfonso SJ, Executive director ng Jesuits Communication at Msgr. Pepe Quitorio kaugnay sa mga ulat na pinapayagan ng Santo Papa ang pag-iisang dibdib ng parehong kasarian.

Ipinaliwanag ni Msgr. Quitorio, director ng Media office ng Catholic Bishops Conference of the Philippines (CBCP) na binigyan diin lamang ng Santo papa ang pagbibigay tuon sa karapatan ng mga homosexual bilang bahagi ng pamilya at ng lipunan.

“It is not a change of dogma, or document ng simbahan. Walang binago. Ang sa kanya lang (Pope Francis), bigyan ng atensyon ng civil government kasi may mga problema ‘yang ganyan and they are our brothers and sisters,” ayon kay Msgr. Quitorio.

Sa hiwalay na pahayag sinabi naman ni Fr. Alfonso na ang lahat ay may karapatan na kalingain, igalang at mahalin na siya ring sinasaad sa mga dokumento ng simbahan.

“May karugtong daw yan. Tinanggal na ang ‘this doesn’t mean that I support homosexual act.’ Tinanggal yun. Ganun po talaga yan. Pangalawa, matagal nang turo ng simbahan at ito ang ang mahalaga na ang third sex na matagal na may mga dokumento na ang simbahan na ang people are differently orientated, dapat respetuhin pa rin natin. Respetuhin, kalingain, mahalin. So yun po ang context ng katuruan ng simbahan, hinihingi po na nagbigyan natin ng paggalang ang lahat ng tao anuman ang kanyang kasarian. Pangatlong punto nga natin iba po ang civil union sa mar- riage,” paliwanag pa ng pari.

Iginiit ng pari na ang ipinaliwanag ni Pope Francis ay ang pagkakaiba ng ‘civil union’ sa sakramento ng kasal na tinututlan ng simbahan sa magkapareho ng kasarian, subalit kinakailangan ng proteksyon sa ilalim ng civil law.

Ang kontrobersyal na pahayag ng Santo Papa ay mula sa documentary film na ipinalabas sa Roma, Italya.

“Hindi yan bago, yan ay bahagi ng isang documentary film na nag-premiere nung isang araw sa Roma, Italya. Pinik-up nila ang mga kontrobersyal statement,” dagdag pa ni Fr. Alfonso.

Tiniyak din ni Fr. Jerome Secillano, executive secretary ng CBCP- Permanent Committee on Public Affairs na hindi nababago ang turo ng simbahan sa usapin ng pag-aasawa.

Ipinaliwanag ni Fr. Secillano na bukod tanging Santo Papa lamang ang makapagpaliwanag sa tunay na kahulugan ng “Una Ley de Convivencia Civil” na nagkaroon ng iba’t ibang interpretasyon.

“Church’s law and doctrine on marriage didn’t change anyway. They remain the same. Meaning, marriage is between a man and woman. Our Constitution and existing laws also provide the same; The best interpreter of that remark, however, is the Pope himself!” pahayag ni Fr. Secillano.

Iginiit ng opisyal na hindi madali ang pagbabago ng doktrina ng simbahan lalo’t nag-ugat lamang ito sa panayam ni Pope Francis sa isang film documentary.

“The Pope’s remark may be used by LGBT groups and their sup- porters to advance their agenda. But at the end of the day, it’s still the government that’s responsible for enacting laws on civil-union and the church is expected to remain firm in its support for the traditional definition and meaning of marriage. Having said that, the Church also respects the dignity and recognizes the rights of the LGBT as man- dated by present law legislations in our country’.

AFP chief, nakipagpulong sa mga Muslim Leaders sa NCR

Posted on: October 28th, 2020 by @peoplesbalita No Comments

NAKIPAGPULONG si AFP chief of staff Gen. Gilbert Gapay sa mga NCR-based Muslim Leaders na kinabibilangan ng mga muftis, imams at madrasah officials na ginanap sa Kampo Aguinaldo. Layon ng nasabing dayalogo ay para paigtingin pa ang koordinasyon ng AFP sa mga Muslim religious leaders para labanan ang terorismo sa bansa.

Pinangunahan ni NCR Grand Mufti Dr. Al-Sheick Abdeljabar Macarimbor ng Filipino- Arab Alliance and united Muslim Ummah Federation for Socio-Economic and Peace Development.

Naniniwala kasi si chief of staff na mahalaga na magkaroon ng magandang ugnayan sa pagitan ng AFP at ng nasabing grupo.

Una ng hiniling ni Gapay na makapulong ang mga Muslim leaders dito sa Metro Manila.

Binigyang-diin ni AFP chief sa nasabing pulong ang posisyon nng AFP na protektahan ang Madrasah o Madaris mula sa terrorist exploitation.

Ang Madrash o Madaris ay isang educational institution na nagtuturo ng Islamic studies at Arabic literacy.

Siniguro ni Gapay na magpapatuloy ang kanilang engagement sa grupo para mapalakas pa ang kanilang partnership sa isa’t isa.

Magugunitang unang nag-“reach out” si Gen. Gapay sa mga muslim leaders matapos niyang linawin na Hindi niya ibig sabihin na nagtuturo ng terrorismo ang mga madrasah o muslim schools sa kanyang pahayag na babantayan ng AFP ang mga ito.

Sa pagpupulong sa Camp Aguinaldo, nagpasalamat si Gen. Gapay sa pakikiisa ng muslim community sa adhikain ng AFP na mapigilan ang mga lawless elements na naghahasik ng terrorismo.

Kabilang pa sa mga nakipagpulong kay Gen. Gapay sina: Grand Imam Alem Maguid A. Tahir; Aleem Ahmad Kudarat; Aleem Abubacar Talib Manamping; Datu Umbria P. Mama; Aleem Hanip Sarip; Aleem Aliasgar Abolais; Mohammad Alioden Manalinding; Aleem Nashroden Alamada; Alihasan Taha; Aleem Khalid H. Matling; Aleem Abdulhamid Mustapha; Hismam H. Sedic; Abdul Malik Calauto; Almanzor I. Hajishaq; Abobacar T. Manampen; Sherwina Ali; Secretary to the NCR Grand Mufti Alex Y. Lebria; Bai Rohaniza Sumndad- Usman.

Carly abala sa gym

Posted on: October 28th, 2020 by @peoplesbalita No Comments

KAHIT hindi pa nagbabalik ang Philippine SuperLiga (PSL) women’s indoor volleyball dahil sa pitong buwang Covid-19, todo pakondisyon niya si Carlota ‘Carly’ Hernandez ng Marinerang Pilipina Lady Skippers.

Pinaskil sa Instagram story nitong isang araw, ang kondisyong porma at hubog ng katawan ng 21-anyos, 5-5 ang taas na dalagang taga-Sta. Rosa, Laguna sa isang hindi lang sinabing pangalan at lugar ng gym.

May gym equipments ginagamit ng former University Athletic Association of the Philippines (UAAP) buhat sa FEU Lady Tamaraws para mapanatili ang kaseksihan.

Katulad ng ilang atleta, tutok din si Hernandez sa kanyang pagwo-workout para sakaling magbalik na ang liga’y hindi na mahihirapang maghabol sa kanyang wastong porma. (REC)

‘OPLAN Kaluluwa’ ikinasa na ng PNP bago ang All Souls and All Saints Day

Posted on: October 28th, 2020 by @peoplesbalita No Comments

PINAGANA na ng Philippine National Police (PNP) ang OPLAN kaluluwa kahit nasa pandemiya pa ang bansa.

Ito ay bahagi ng preemptive measure sa mga sementeryo na dinagsa na ng publiko bago ang pagsasara sa Oktubre 29 hanggang Nobyembre 4.

Paliwanag ni PNP Chief, Gen. Camilo Cascolan, hindi mapipigilan ang publiko sa pagdalaw sa puntod ng kanilang mahal sa buhay kaya asahan na may mga magbibiyahe kaya inatasan na niya ang Highway Patrol Group na tiyakin ang kaligtasan ng motorista.

Inalerto na rin ni Cascolan ang kaniyang mga regional at provincial directors upang matiyak ang kapayapaan sa kanilang mga nasasakupan lalo na’t inaasahan ang maraming lalabas para sa maagang pagdalaw sa sementeryo.

Inatasan na rin ang Barangay Enforcement Teams at marshall upang magsekyur ng paligid.

Para sa mabilis na pagdulog sa pulisya sakaling maitala ang hindi inasahang pangyayari, ipinatayo na rin ni Cascolan ang mga assistance desk sa lahat ng strategic areas ng mga highway kasama na ang paligid ng sementeryo.

At para naman sa mabilis na responde, pinaalerto na rin ni Cascolan sa chief of police ang Barangay Peacekeeping Action Teams na siyang magroronda sa kanilang nasasakupan.

PSL beach volleyball dinagsa ng suporta

Posted on: October 28th, 2020 by @peoplesbalita No Comments

SANGKATERBA ang mga suporta sa 6th Philippine SuperLiga o PSL Challenge Cup beach volleyball tournament 2020 sa Nobyembre 26-29 sa Subic Freeport.

Nabatid ng OD kay PSL chairman Philip Ella Juico, na maayos ang team owners meeting sa nakaraang Lunes at kumpiyansa siyang magiging ligtas at maaksyong torneo sa harap ng Coronavirus Disease o Covid-19.

May go signal na ang PSL sa Inter-Agency Task Force (IATF) for Emerging Infectious Diseases kamakailan para maging unang volleyball league na makabalik sa ilalim ng new normal.

Kaugnay nito, bumalangkas ang liga ng isang medical commission na pangungunahan ni Dr. Raul Alcantara para magpatupad ng health at safety protocols katuwang ang Subic Bay Metropolitan Authority (SBMA) at IATF.

“We formally presented our program to the team owners last Monday and we got an overwhelming response,” patuloy ni Juico.

Dinugtong pa ng dating tagapangulo ng Philippine Sports Commission o PSC, “All of our teams are very supportive and are confident that we could come up with a competitive tourney without risking the health and safety of players, coaches, league officials, media and other stakeholders.

After all, we have a set of health and safety guidelines that took us five months to develop and was in coordination with our medical commission headed by Dr. Alcantara, the IATF and the DOH (Department of Health),” sambit pa ng opisyal.

Bukod sa PSL teams na Petron, Cignal, Chery Tiggo, F2 Logistics, Generika-Ayala, Sta. Lucia, Marinerang Pilipina at PLDT Home Fibr, nag-anyaya rin ang liga ng iba pang commercial teams para sa three-day tourney.

“We have been getting a lot of feedback from various stakeholders knowing that this could be the last volleyball tournament of the year,” panapos na pahayagni Juico. “We are open to the idea of welcoming teams outside the PSL so we could come up with a competitive and exciting tournament.”

Good luck na lang sa inyo PSL. (REC)

FDCP LEADS PHILIPPINE DELEGATION TO BUSAN INTERNATIONAL FILM FESTIVAL 2020

Posted on: October 28th, 2020 by @peoplesbalita No Comments

FOUR films, one film project, and 10 production companies are among the representatives of Philippine Cinema in the 25th Busan International Film Festival (BIFF) in South Korea.

“Death of Nintendo” by Raya Martin, “Cleaners” by Karl Glenn Barit, “How to Die Young in Manila” by Petersen Vargas, and “Kids on Fire” by Kyle Nieva are part of the BIFF Official Selection.

Sheron Dayoc’s “6th Finger” is the only Filipino project in Busan this year while 10 production companies are part of the Philippine Pavilion spearheaded by the Film Development Council of the Philippines (FDCP).

The FDCP is also the organizer of the Philippine Cinema Night as well as the sponsor of the webinar “Screen Talk: Asian Production Bounces Back” featuring FDCP Chairperson and CEO Liza Diño as one of the speakers.

“The Busan International Film Festival has been a crucial plat- form for the global track of the Filipino film industry. This year, the FDCP continues to be one with the BIFF in promoting Asian Cinema especially amid the COVID- 19 crisis,” said Diño.

The BIFF, which runs from October 21 to 30, has limited film screenings in Busan while the pro- grams and events concurrent with the festival have been migrated online.

Of the 192 films in the BIFF Official Selection, the Philippines is represented by two full-length features and two short films.

The four Filipino titles have one screening each at the Busan Cinema Center.

“Death of Nintendo” by Raya Martin, a Philippines-United States production that had its world premiere in Berlinale 2020, is part of the A Window on Asian Cinema section together with Karl Glenn Barit’s “Cleaners,” which had its international premiere in Busan on October 21.

Both coming-of-age films were selected for A Window on Asian Cinema to demonstrate different visions and styles of filmmakers from Asia. “Death of Nintendo” will be shown at the Haneulyeon Theater on October 27.

The two Filipino shorts, “How to Die Young in Manila” by Petersen Vargas and “Kids on Fire” by Kyle Nieva, are in the Asian Short Film Competition of the Wide Angle section for short films, experimental films, and documentaries that show a vast range of cinematic viewpoints and a marked vision.

“How to Die Young in Manila” will have its world premiere on October 28 while “Kids on Fire” will be shown on October 29. Both shorts, which also deal with the struggles and issues concerning the youth, will be screened in Cinema 2. (Rohn Romulo)

SANYA, aminadong fan ni GABBY kaya kinikilig

Posted on: October 28th, 2020 by @peoplesbalita No Comments

KINIKILIG na umamin si Kapuso actress Sanya Lopez, sa interview sa kanya ng GMANetwork.com, na hindi pa niya nami-meet nang personal ang magiging leading man niya sa upcoming romcom series nila na First Yaya.

Aminado rin si Sanya na certified fan siya ni Gabby Concepcion, kaya siya kinikilig, dahil hindi niya in-expect na darating ang chance na iyon sa kanya.

“Yung kilig na tulad sa isang fan, ang kilig ko sa kanya,” paliwanag ni Sanya.

“And iyon pong sinasabi ng director namin, si Direk LA Madredejos, huwag ko munang alisin iyon, ‘yung parang fan ako ni Mr. Gabby Concepcion, kasi iyon po daw ang gusto niyang ma-catch kapag nagkita na kami kapag nagsimula na ang lock- in taping namin ng teleserye.”

Sa simula ng story vice-president ng bansa si Gabby, at later on magiging president. Magiging yaya ng mga anak niya si Sanya as Yaya Melody. Makakasama nila sa cast sina Pancho Magno, Cassy Legaspi, JD Domogoso at si Ms. Pilar Pilapil.

Mapapanood ito sa primetime telebabad ng GMA Network.

Sa ngayon ay naghahanda na ang production staff sa pagsisimula ng lock-in taping na io-observe nila lahat ng health protocol requirements, para sa buong cast at production crew na magtatrabahong kasama nila. (NORA V. CALDERON)

Abueva, balik laro na matapos tanggalin ng PBA ang suspension

Posted on: October 28th, 2020 by @peoplesbalita No Comments

TINANGGAL na ng Philippine Basketball Association (PBA) ang suspension ni Calvin Abueva.

Sa inilabas na kalatas ng liga, maaari ng makasama ng Phoenix Super LPG si Abueva sa kanilang laro simula nitong araw ng Lunes.

Isinaad pa dito na aktibong lumahok si Abueva sa mga counselling program.

Bago ang nasabing desisyon ay nagkaroon ng pag-uusap ang PBA sina Super LPG team manager Paolo Bugia at coach Topex Robinson.

Kasama sa pagpupulong sina PBA Commissioner Willie Marcial, deputy commissioner Eric Castor at technical officer Mauro Bengua.

Inilahad pa ni Marcial na sakaling maulit muli ni Abueva ang pangyayari ay masususpendi rin ito at papatawan ng mas mabigat na multa.

Umaasa si Marcial na may natutunan ng aral si Abueva sa pangyayari.

Magugunitang noong nakaraang Hunyo 2019 ay pinatawan ng indifinite suspension si Abueva matapos ang banggaan nila ni TNT import Terrence Jones at ang nobya ni Ray Parks.

PBA player na unang nagpositibo sa COVID-19, nag-negatibo na sa antigen test

Posted on: October 28th, 2020 by @peoplesbalita No Comments

NAGNEGATIBO na COVID-19 sa isinagawang antigen test ang manlalaro na naunang nagpositibo sa virus.

Ayon kay PBA Deputy Commissioner Eric Castro, na hinihintay pa ang resulta ng RT-PCR swab test ng manlalaro mula sa Blackwater.

Itinuturing na kahalintulad din ng nangyari sa isang referee na Carly abala sa gym KAHIT hindi pa nagbabalik ang Philippine SuperLiga (PSL) women’s indoor volleyball dahil sa pitong buwang Covid-19, todo pakondisyon niya si Carlota ‘Carly’ Hernandez ng Marinerang Pilipina Lady Skippers. naunang nagpositibo sa COVID- 19 at matapos ang antigen test ay nagnegatibo na ito.

Maging ang mga close contact ng referee ay nagnegatibo rin sa COVID-19.

GILAS PILIPINAS, NAKAHANDA NA SA FIBA ASIA CUP 2021 QUALIFIERS

Posted on: October 28th, 2020 by @peoplesbalita No Comments

NAKAHANDA ang Gilas Pilipinas sa kanilang pagsabak sa mga laro ng FIBA Asia Cup 2021 qualifiers sa Manama, Bahrain.

Isasagawa ng nasabing bansa ang “bubble” type game sa group A at D.

Kasama kasi sa Group A ng Pilipinas ang South Korea, Indonesia at Thailand habang sa Group D naman ay binubuo ng Bahrain, Iraq, Lebanon at India.

Ang desisyon na maglaro sa Nobyembre 2020 at Pebrero 2021 qualifying windows sa bubbles ay napagdesisyunan noong Setyembre.

Bukod kasi sa Manama ay napili rin ang Doha at Amman bilang host cities.

Magiging host ng Group B and E ang Doha, Qatar, na binubuo ng China, Japan, Chinese Taipei at Malaysia ang Group B habang ang Group E naman ay binubuo ng Qatar, Iran, Syria at Saudi Arabia.

Habang ang Amman, Jordan ay gaganapin ang Windows 2 game ng Group F at Group C kabilang ang Jordan, Kazakhstan, Pales- tine at Sri Lanka.