SA opening ng “It’s Showtime” last January 14, wala ngang nagawa si Kim Chiu nang mabanggit ng isa pang host na si Jackie Gonzaga ang salitang “lakambini” na tawag sa kagalang-galang na babae noon.
Sa naturang episode, si Kim na naka-yellow Filipiniana dress ang nagbasa ng opening spiel tungkol sa pagpapalit ng branding ng “It’s Showtime” ngayong 2026.
“Tuloy ang ligaya dahil simula pa lang ng taon. Ito na, what if ayusin natin ang branding natin for this year?” say Kim at sabay tanong sa mga co-host ng, “Kayo ba, ano ba ang branding niyo?”
Tanong ni Darren kay Kim, “Branding mo ba ay pinya?”
Sagot naman ng aktres at TV host, “Hindi, ang branding ko, a-attend ako ng SONA.”
Reaction ni Amy Perez, napakaganda raw ni Kim sa OOTD, sabay napansin ng Kapamilya actress bakit daw pang-Linggo ng Wika ang tugtog.
Sambit naman ni Darren, “Ah, kasi nga bestie, kagalang-galang.”
At bigla ngang humirit si Jackie ng, “Isa kang lakambini.”
“Oh, thank you,” tugon ni Kim.
Pero natigilan siya na pangalan nga ng kapatid niya ang nasabi ni Jackie.
Natatawang sey ni Kim, “Teka, parang mali yon!”
Hagalpakan din ang mga taong nasa studio kabilang na ang mga co-hosts na sina Darren at Amy Perez. Kita naman sa camera ang pagkabigla ni Jackie na huli na nang ma-realize niya ang kanyang nasabi.
Sa kabila nito, tuloy pa rin si Kim sa pagbasa ng kanyang spiel, “All right, eto na, guys! Ang branding ba ninyo ay yung tipong strong-independent-woman na wellness era ang atake, o gusto niyo ba yung unbothered era?”
“Puwede rin yung moisturize era, puwede rin yung I’m-in-my-happy-lane era, o I’m-in-focus-and-flourishing era,” dagdag pa niya.
Singit uli ni Jackie, “Ah, kaya pala mabulaklak,” sabay turo sa mga bulaklak sa dress ni Kim.
Pabirong hirit naman ni Kim sa kanyang co-host, “Huwag ka na lang magsalita.”
Anyway, matatandaan na last December 2, 2025, nang sampahan ni Kim ng kasong qualified theft ang nakatatandang kapatid na si Lakambini ‘Lakam’ Chiu sa Quezon City Prosecutor’s Office.
Hindi na nga napigilan ni Kim na ituloy ang matapos na ma-discover ang significant and serious financial discrepancies sa kanyang negosyo na naging dahilan ng pagkawala ng malaking halaga mula sa kanyang mga negosyo.

PASABOG ang rebelasyon ni Chariz Solomon tungkol sa dinanas niyang physical, verbal, at sexual abuse noong bata pa siya.
Nangyari ito sa programang ‘I-listen With Kara David.’
Six years old pa lamang si Chariz nang nagtrabaho sa Japan ang ina niya matapos mahiwalay sa ama ni Chariz.
Apat silang magkakapatid na naiwan sa kanilang kasambahay pero later on ay umalis din.
Dahil dito ay napunta ang magkakapatid sa kanilang mga kamag-anak.
“Gaano kahirap na lumaki na, technically, wala sa tabi mo yung nanay at tatay mo,” ang tanong ni Kara ay Chariz.
Sinagot ito ni Chariz ng, “Natatandaan ko lang is malungkot ako. Tapos sa school, lagi kong sine-share na wala akong parents.
“Tapos, parang napatawag pa yung guardians ko kasi bakit daw ganoon yung sinasabi ko.
“Alam kong malungkot lang ako. Tapos, sa bahay, alam kong hindi ako masaya.”
At ibinahagi na ni Chariz ang mga pang-aabuso sa kanya ng mga pinagkakatiwalaang kamag-anak.
Grade III raw siya nang mangyari ang lahat.
“Hindi ako lumaki sa masayang environment.
“Meron kasing verbal abuse, merong physical abuse.
“Tapos, hindi nila alam na naiintindihan ko yung ginagawa nila sa akin.
“Mayroon ding time na naranasan ko rin yung sexual abuse.
“Hindi ko alam kung alam ng iba kong relatives.”
Humingi rin ng tawad kay Chariz ang relative niyang nang-abuso sa kanya.
Lahad pa ni Chariz, “Alam mo yung, ‘Totoo bang nangyari ito?’
“May ganoong coping mechanism. Hindi mo alam kung talagang nangyari yon.
“Grade III ako noon. Tapos nag-sorry sa akin, thirteen na yata ako.
“Doon ko na-realize, ‘Ay, totoo siyang nangyari.’”
Malaki raw ang naging epekto nito sa emotional at mental health ni Chariz at umabot sa puntong sinasaktan niya ang sarili upang pansamantalang mamanhid mula sa mga sakit na dinanas niya.
“Hindi talaga ako proud dito, pero nag-self-harm ako noong bata ako.
“Parang eleven ako noon nang nag-self harm ako.
“Hindi ko naman gustong mamatay. Yung feeling na, ‘Hindi puwedeng may masamang mangyari sa akin kasi kailangan ako ng mga mahal ko, hindi muna.’ Yung ganun.
“Paglaki ko, inisip ko kung bakit ko yun ginawa. “Tapos naisip ko, ‘Ah, gusto kong lumabas siya as physical pain.
“Yung nararamdaman ko inside na hindi ko malabas, masigaw,” pagbabahagi pa ng Sparkle artist.
Naging bayolente rin daw siya sa ibang tao.
“Naging violent ako, may phase akong ganun. Naging angry ako, naging bully ako, at hindi ako proud dun.
“Yung parang naging defensive ka, konting ano lang sa iyo nung classmate mo e, galit ka na agad, gulpihan na agad, yung ganun.
“Hindi ako proud dun. Pero noong ina-access ko na yung sarili ko, parang nagkaroon din ako ng time na isiping baka kasalanan ko.
“Tapos may time na, ‘Bakit mo ginawa yun, e alam mo namang masama yon?’
“Noong nagkaroon ako ng forgiveness sa sarili ko, sabi ko, ‘Kasi siguro bata pa ako noon. Siguro kasi hindi ako nagkaroon ng maayos na environment sa bahay.
Nagsilbing hugutan ng lakas ang mga sinapit niya para kay Chariz.
“Ang natutunan ko, marami talagang bagay na hindi natin makokontrol. But you can work your way around it.
“Totoo yung, ‘When life gives you lemons, you make it sweet.’
“Mayroon kang power. I have the power to change my life, my future, my present.
“Don’t let it, like, have control over your life the bad things. Because bad things will happen. There is no light if there’s no darkness.
“Doon pumapasok si Lord. Trust your God.
“Bad things will happen, it will.
“Pero you have to be strong and know and acknowledge your strengths, and you choose happiness as much as possible.”

(ROMMEL L. GONZALES)

INAMIN ni Snooky Serna na may mga pagkakataon noon na hindi niya ramdam ang ilang niyang naging ka-love team sa showbiz.
“‘Yung mga loveteam noon, may mga guys ako na kasama noon na hindi ko naman feel. Hindi ko naman crush. I mean, parang hindi ako inspired to be love-teamed with,” sey ni Snooky.
Pero dahil sa trabaho, kinailangan daw itong gawin ni Snooky.
“Pero we would have to… how do you say that? Parang make sinungaling, pretend that we were in love with each other,” patuloy niya.
Katunayan, may mga pagkakataon pang napares umano si Snooky sa aktor na pareho nilang ayaw sa isa’t isa.
“Meron pa talagang, we did not like each other at all. May ganu’n. But I had to do it because it was part of my job. Pero ang hirap. Bordering on hate mo na nga. Inis na inis akong kasama,” sey ng aktres, pero hindi na nagbigay pa ng pangalan.
Kasama si Snooky sa upcoming series na “House of Lies” na mapanonood na sa Enero 19 sa GMA Afternoon Prime.

***

PARA kay Mike Tan, desisyon nila ng kanyang non-showbiz wife na maging pribado o hindi mag-post sa social media ng tungkol sa kanilang pamilya.
“It’s our choice. It’s my choice and also choice ng asawa ko,” diin ni Mike Tan.
Sa kabila ng pagiging nasa showbiz, sinabi ni Mike na “very private” ang buhay niya dahil non-showbiz naman ang kanyang kabiyak.
“Pinag-usapan, even before the wedding, even nung kami palang dalawa, kasi hindi rin naman public figure ‘yung asawa ko. So sa amin, huwag na lang,” sabi niya.
Kinasal ang “House of Lies” actor sa non-showbiz girlfriend noong 2018, at mayroon na silang dalawang anak ngayon.

***

NA-FINALIZE na ang divorce nila Nicole Kidman at Keith Urban noong nakaraang Jan. 6.
According to court records, “a parenting plan has been set in place, and both parties have agreed to waive their right to spousal support. Both have agreed that there won’t be any child support, either.”
Si Nicole ang magiging primary parent ng two daughters nila ni Keith na sina Sunday Rose, 17, and Faith Margaret, 14.
Keith gets “parenting time” every other weekend.
Noong September 2025, nag-file si Nicole ng divorce after 19 years of marriage kay Keith.
According to TMZ: “They had been living apart since the beginning of summer and it seemed their joint appearances and social media posts dried up around that time, too.”
The Oscar-winning actress was “holding the family together through this difficult time since Keith has been gone.”
According to TMZ, the Australian-American country singer moved out of their family home and was living in a different residence in Nashville.

(RUEL J. MENDOZA)