NAMAHAGI ng food packs at hygiene kits si Congressman Egay Erice sa 65 pamilyang naapektuhan ng sunog sa Brgy. 70, Caloocan City para magsilbing liwanag at pag-asa sa kanilang muling pagbangon. Ani Cong. Egay, makatatanggap din sila ng ₱5,000 financial assistance mula sa DSWD at TUPAD mula sa DOLE kung kaya aabot sa kabuuan ₱11,000 halaga ng tulong ang matatanggap ng bawat pamilya. (Richard Mesa)
- October 19, 2025 WordPress timezone: Asia/Manila
Current date: October 20, 2025
Current time: October 20, 2025 5:11 AM Ang Diyaryong Pinagkakatiwalaan
Archive for September, 2025
5 hanggang 9 na bagyo, aasahan pa ngayong ‘ber’ months: Publiko, inabisuhang maging handa sa banta ng kalamidad
ILANG mga bagyo pa ang nagbabanta at inaasahang papasok sa Philippine Area of Responsibility (PAR) ngayong ‘ber’ months.
Ayon sa state weather bureau, nasa 9 na bagyo pa ang binabantayang papasok sa bansa bago matapos ang taon.
Kaugnay ito ng La Niña Alert na inanunsyo ng state weather bureau kung saan inaasahan ang 70% o mas higit pa na posibilidad na pamumuo ng La Niña ngayong buwan ng Oktubre hanggang Disyembre at pwedeng magtuloy-tuloy hanggang Pebrero 2026.
Ayon sa Deputy Administrator ng state weather bureau na si Marcelino Villafuertee, ang posibleng ika-16 na mamuong bagyo ay tatawaging “Paolo” at aabot pa sa 5 hanggang 9 pa na tropical cyclone ang papasok sa PAR hanggang sa magtapos ang taong 2025.
Bagaman hindi naman inaasahan na mas malakas kesa sa mga nauna ang mga paparating na bagyo ay pinaghahandaan pa rin nila ang pagpasok nito upang maiwasan ang mas malalaking epekto na maidudulot nito.
Samantala, pinaalalahanan naman ni Villafuerte ang publiko na palaging maging handa partikular na sa Visayas at Mindanao dahil ito ang kadalasang tatamaan ng mga inaasahang bagyo. ( Vina de Guzman)
Halos 4k prangkisa ng mga PUVs, rerepasuhin – LTFRB
REREPASUHIN ng Land Transportation Franchising and Regulatory Board (LTFRB) ang nasa halos 4,000 prangkisa ng mga pampasaherong sasakyan na pumapasada sa Commonwealth Avenue sa Quezon City.
Ang kanilang aksiyon ayon kay LTFRB chair Teofilo Guadiz ay tugon sa utos ni Acting Transportation Secretary Giovanni Lopez na silipin ang aktwal na operasyon ng 3,972 PUVs na may prangkisa sa naturang ruta.
Ayon kay Guadiz, layon ng pagbusisi sa naturang mga prangkisa na matiyak na nagagamit ng tama ng mga PUVs ang kanilang mga prangkisa para sa kaligtasan at kapakanan ng mga commuters.
Bibigyan naman ng show-cause order at pagpapaliwanagin ang mga prangkisa na matutukoy na hindi aktibo o hindi na bumibiyahe.
(Vina de Guzman)
Lacson: Halos lahat ng senador sa 19th Congress may ‘singit-budget’
NASILIP ni Senador Panfilo Lacson ang mga dokumento na halos lahat ng senador ng 19th Congress ang nagsingit ng daan bilyong piso sa 2025 national budget.
Sinabi ni Lacson na nakita na niya ang listahan ng mga senador sa napakalalaking insertions na maituturing na ‘unprecedented” at mabuti na lamang aniya ay naka ‘for later release (FLR)’ ito o hindi pa nailalabas ang pondo.
Bagama’t wala namang partikular na tinukoy na pangalan si Lacson ng Senador, kaagad niyang iniulat kay Senate President Tito Sotto ang natuklasang mga listahan at patuloy pa rin niya itong pinag-aaralan.
Naniniwala naman si Lacson na divine intervention ang pagkakasunud-sunod na bagyong Crising, Dante at Emong para matuklasan ang mga anomalya sa flood control projects at nagbunsod na rin kay Pangulong Ferdinand Marcos Jr. para paimbestigahan ito at ibulgar noong kanyang State of the Nation Address (SONA).
Nagkataon na rin aniya na nagsasagawa na rin sila ng kanyang mga tauhan tungkol sa anomalya sa flood control projects.
Hindi na rin aniya sana nangyari ang mga ganitong anomalya kung mismong ang mga mambabatas ay nag-self restraint o nabawasan ang kanilang ‘greed’ dahil tila nawili na rin umano sila.
( Daris Jose)
Mayor Magalong nagbitiw bilang ICI adviser
KINUMPIRMA ng Malacañang ang pagbibitiw ni Baguio City Mayor Benjamin Magalong bilang special adviser ng Independent Commission for Infrastructure (ICI) na nag-iimbestiga sa anomalya sa flood control projects.
Sinabi ni Presidential Communications Office (PCO) Secretary Dave Gomez na ‘It is unfortunate Mayor Magalong resigned”.
Tumanggi naman si Gomez na kumpirmahin kung tinanggap na ni Pangulong Ferdinand Marcos Jr. ang pagbibitiw ni Magalong.
“The demand of the Filipino people from the Independent Commission on Infrastructire is higher than any one person. The commission, made up of distinguished professionals with unassailable integrity, has hit the ground running on day 1. The palace respects the autonomy of the commission. Let’s allow them to do their job and deliver on their mandate,” dagdag ni Gomez.
Sa liham ni Magalong kay Pangulong Marcos, sinabi nitong kaya siya nagbitiw sa puwesto ay para hindi masira ang integridad ng ICI.
“The Palace’s pronouncements concerning my designation, which run contrary to the terms of my appointment, have undermined the role and mandate entrusted to me,” pahayag ni Magalong.
Nauna nang sinabi ni Palace Press Officer Atty. Claire Castro na pinag-aaralan ng legal team ni Pangulong Marcos kung may conflict of interest si Magalong sa ICI.
“Combined with circumstances that already cast doubt on the independence of the Independent Commission for Infrastructure, it has become clear that my continued service is no longer tenable,” dagdag ni Magalong.
Matatandaan na kinukwestyun ng labor group ang maanomalyang konstruksyon ng tennis court sa Baguio City kung saan nakuha ng St. Gerrard Construction ang kontrata na pag-aari ng mag-asawang Curlee at Sarah Discaya na sentro ngayon ng imbestigasyon. ( Daris Jose)
KASINUNGALINGANG KONSTITUSYUNAL ANG PAGSISI KAY PBBM -GOITIA
BINATIKOS ni Chairman Emeritus Dr. Jose Antonio Goitia ang mga paratang ni Arnedo S. Valera ng Esquire, na si Pangulong Ferdinand “Bongbong” Marcos Jr. ang dapat sisihin sa kontrobersiya sa budget.Ayon kay Chairman Emeritus Dr. Jose Antonio Goitia ito ay hindi lamang uri ng malaking panlilinlang kundi hayagang kasinungalingan laban sa ating Konstitusyon dahil ang Kongreso ang tunay na may kagagawan na nakalahad sa Konstitusyon.“Nasa Mababang Kapulungan o sa House of Representatives nagsisimula at natatapos ang lahat ng appropriation bills. Ang Kongreso ang gumagawa, nagdedebate, at nagpapasa ng budget — kasama ang lahat ng insertions. Kung may anomalya, sila ang dapat unang managot. Ang pagsisi lahat sa Pangulo ay hindi lang mali, kundi insulto sa prinsipyo ng separation of powers,” ayon kay Goitia.Paliwanag naman ni Goitia sa veto na ito ay panangga laban sa mali. Kung basta na lang i -veto ang bilyun-bilyong proyekto nang walang sapat na basehan, magiging abuso iyon at paralisado ang mga komunidad na umaasa sa budget. Ang tunay na lider ay maingat at matalino, hindi pabigla-bigla ng mga desisyon.Tinutulan din ni Goitia ang impeachment dahil ito ay para lang sa matinding pag-abuso, pagtataksil sa bayan, o tahasang paglabag sa Konstitusyon. Ang pagpirma sa budget na dumaan sa tamang proseso ay hindi pasok dito. Kung gagamitin ang lohika ng mga kritiko, lahat ng Pangulo mula 1987 dapat nang na-impeach. Iyan ay hindi batas, iyan ay ilusyon ng mga pulitiko.Hindi rin umano sagot ang pagbibitiw dahil ito ay personal na desisyon at ang legal na paraan ay impeachment.Tungkol naman sa Independent Commission, hindi ito pantakip, kundi pagbibigay ng linaw at hustisya.Dinepensahan din ito ni Goitia, ang pagbubuo ng komisyon dahil mas may malinaw na kapangyarihan ang Pangulo sa ilalim ng Administrative Code na bumuo ng fact-finding bodies.(Gene Adsuara)
MALAWAK NA TANIMAN NG MARIJUANA NA MAY HALAGANG ₱3.4-M, WINASAK NG PDEA
NAWASAK ng mga awtoridad ang isa na namang malakihang taniman ng marijuana sa kabundukan ng Barangay Licungan, Sugpon, Ilocos Sur noong Setyembre 22, 2025, bandang alas-dos y medya ng hapon.
Pinangunahan ng Sugpon Police Station, katuwang ang Philippine Drug Enforcement Agency – Ilocos Sur Provincial Office (PDEA ISPO) at ang Ilocos Sur Police Provincial Office – Provincial Drug Enforcement Unit (ISPPO-PDEU), ang operasyon na nagresulta sa pagkakakumpiska at pagsira ng tinatayang 17,450 puno ng ganap nang hinog na marijuana.
Ang mga halamang ito, na may halagang humigit-kumulang ₱3,490,000.00 batay sa pagtataya ng Dangerous Drugs Board (DDB), ay nadiskubre at binunot mula sa kabuuang lawak na halos 2,700 metro kwadrado na sumasakop sa limang natukoy na taniman sa kabundukan ng naturang bayan.
Walang nahuling indibidwal sa isinagawang operasyon. Gayunpaman, nakatakdang ihanda ang kaukulang kaso laban sa mga hindi pa nakikilalang nagtanim para sa paglabag sa Section 16, Article II ng Republic Act 9165 o ang Comprehensive Dangerous Drugs Act of 2002.
Binigyang-diin ni PDEA Regional Office I Regional Director, Atty. Benjamin G. Gaspi, na ang sunod-sunod na mga operasyon sa pagpuksa ng marijuana ay bahagi ng pinaigting na kampanya ng ahensya laban sa iligal na pagtatanim ng droga sa kabundukan ng Hilagang Luzon. Muling nananawagan ang ahensya ng pakikipagtulungan mula sa publiko sa pag-uulat ng mga taniman ng marijuana, sapagkat nananatiling mahalaga ang pagbabantay ng komunidad sa laban kontra ilegal na droga.
(PAUL JOHN REYES)
2025 skilled workers graduates, binati ni Mayor Tiangco
PERSONAL na binati ni Mayor John Rey Tiangco ang 234 bagong skilled workers na nagsipagtapos mula sa Navotas Vocational Training and Assessment (NAVOTAAS) Institute nitong Setyembre 25, 2025 para sa kanilang pagpupursige at determinasyon na matuto kung saan malugod naman silang tinanggap ng Pamahalang Lungsod ng Navotas.
(Richard Mesa)
WPP status ng mag-asawang Discaya atbp, di’ pa pinal at ‘provisional’ pa lamang – DOJ
BINIGYANG linaw ng Department of Justice na nasa ‘provisional acceptance’ pa lamang ang status ng mga dating opisyal ng Department of Public Works and Highways at mag-asawang Discaya sa kanilang Witness Protection Program.
Batay sa opisyal na pahayag ng kagawaran na ipinadala ni Justice Assistant Sec. Mico Clavano, nilinaw rito na tanging proteksyon pa lamang ang saklaw sa ganitong uri ng probisyon.
Ibig sabihin layon sa programa na maseguro ang kaligtasan ng mga tatayong testigo o mga indibidwal na sangkot sa maanomalyang flood control projects.
Kung kaya’t itinuturing bilang ‘protected witnesses’ ang mga naisama sa naturang ‘Witness Protection Program’.
Partikular, kabilang na rito ay sina former DPWH Officials Brice Ericson Hernandez, Jaypee Mendoza, Henry Alcantara, Roberto Bernardo, at pati ang mag-asawang Pacifico at Sarah Discaya.
Habang ibinahagi naman ng kasalukuyang kalihim ng kagawaran na si Secretary Jesus Crispin ‘Boying’ Remulla ang pinagkaiba nito sa pagiging state witness.
Kanyang binigyang diin na ang pagiging isang probisyonal ay hindi nangangahulugang awtomatikong testigo ng testigo.
(Daris Jose)