Tinutulungan ng mga CX representative ang mga manlalaro sa DigiPlus Merville studio sa pamamagitan ng pagsagot ng kanilang mga katanungan sa iba’t ibang plataporma: BingoPlus, ArenaPlus, and GameZone.
- April 19, 2026
Ang Diyaryong Pinagkakatiwalaan
Archive for August 25th, 2025
Masayang tumutulong ang isang CX representative sa isang manlalaro ukol sa isang withdrawal request–na isang hinaing na pinaka-itinatawag ng mga manlalaro.
DigiPlus, nanguna sa 24/7 CX operational powerhouse
IPINAPAGPATULOY ng DigiPlus Interactive Corporation, ang puwersa sa likod ng BingoPlus, ArenaPlus, at Gamezone, ang pagpapaunlad ng karanasan ng kanilang mga customer, o customer experience (CX), sa pamamagitan ng paghahandog ng 24/7 na suporta sa mga manlalaro, na panibagong mataas na pamantayan sa industriya. Dahil 40 milyon na ang nakarehistrong user sa DigiPlus, patunay lamang ito ng pagpapalawig ng kompaniya ng kaniyang operasyon sa larangan ng serbisyo sa mga customer, at paniniguradong naibibigay ang tulong sa pangangasiwa ng account, suporta sa mga transaksyon, troubleshooting sa mga teknikal na aspekto, at pagpigil ng panloloko o fraud.
Simula noong lumipat sa digital na operasyon sa panahon ng pandemya, mas pinatingkad at lumalago ang komunidad na online ng DigiPlus, dahil sa e-games at iba pang handog sa entertainment. Dahil dinala ang kasabikan at saya ng paglalaro sa mga tahanan, ginawang mas madali, masaya, at aksesibo ng DigiPlus ang paglalaro–kahit kailan, kahit saan.
Habang mas lumalaki pa ang DigiPlus, lumago na sa higit-300 ang miyembro ng customer support team nito, at planong umabot sa 450 sa dulo ng taon. Pinapatunayan ng paglaki na ito ang pangako ng DigiPlus na maghandog ng mataas na kalidad na tulong sa mga manlalaro sa bawat interaksyon. Sa pamamagitan ng implementasyon ng maayos na sistema ng suporta sa mga primary at premium tier, nakabuo na ang DigiPlus ng customer experience framework na hindi lamang nireresolba ang mga isyu kung hindi naghihikayat ng pagkakontento ng mga manlalaro sa iba’t ibang aspeto.
“Malaki ang gampanin ng pagpapalakas ng serbisyo sa mga customer sa pagsiguro na bawat hinaing ng manlalaro ay matutugunan nang mabilis at tama. Ang layunin ay itaas ang antas ng serbisyo at ipangako ang maagap na resolusyon sa mga isyu ng mga manlalaro, na patunay ng aming pangako na mapanatili ang kanilang kasiyahan sa paglalaro,” ani Customer Service Director Carlos Pio Feliciano.
Dumaraan ang mga kinatawan sa masusing pagsasanay sa komunikasyon na sumasaklaw sa mahahalagang larangan gaya ng kaalaman sa produkto, mga teknik sa komunikasyon, pagresolba ng alitan, at teknikal na troubleshooting. Pangunahing prayoridad nila ang pagpapanatili ng transparency sa mga manlalaro at ang pagbibigay-alam sa kanila sa bawat hakbang ng proseso ng paglutas ng kanilang problema.”Hindi natatapos ang aming pagtutok sa kahusayan pagkatapos lamang ng paunang pagsasanay,” dagdag ni Feliciano. “Nagbibigay kami ng tuloy-tuloy na mga materyal sa pagkatuto upang matiyak na ang aming mga CX representative ay nananatiling maalam sa pinakabagong mga update sa plataporma, mga kagamitan, at mga uso sa industriya. Tinitiyak nito na handa silang tugunan ang mga bagong hamon.”Sa pamamagitan ng pamumuhunan sa makabagong teknolohiya, patuloy na pagsasanay, at makabago at digital na solusyon, aktibong pinalalago ng DigiPlus ang isang customer-first culture na nakaugat sa tiwala, kasiyahan, at katapatan sa brand. Sinasalamin ng 24/7 CX operational powerhouse ang pangako ng kompanya na natatanging serbisyo at ang pangunguna nito nito sa larangan ng digital entertainment.Para sa mga manlalarong nangangailangan ng suporta at tulong, maaaring makipag-ugnayan sa mga sumusunod na linya 24/7:BingoPlus – bingoplus.ph | cs@bingoplus.vip | (02) 8539 0282ArenaPlus – arenaplus.ph | cs@arenaplus.vip | (02) 8539 0285GameZone – gzone.ph | cs@gamefun.pro | (02) 8539 0286
Swiss tennis star Roger Federer kabilang na sa billionaires list ng Forbes
KASAMA na sa billionaires list ng Forbes magazine si tennis legend Roger Federer.Base sa estimate ng Forbes na mayroong kabuuang yaman ang 20-time Grand Slam Champion na $1.1 bilyon.
Galing ang yaman ng 44-anyos na retired Swiss tennis star sa kaniyang clothing at shoe company.
Bukod pa dito ang ilang mga sponsorship at endorsement ng mga sports brand.
Bagama’t retirado na ay maglalaro ito sa isang exhibition game sa Shanghai Masters na tinaguriang “Roger Federer and Friends Celebrity Doubles Match”.
Alex Eala haharapin ang ranked 15 na si Clara Tauson sa round 1 ng US Open
MAHAHARAP sa malaking hamon sa unang round ng US Open si Pinay tennis star Alex Eala.Sa isinagawang draw ay makakaharap nito si Clara Tauson ng Belgium.
Si Tauson ay world ranked 15 kung saan sa edad na anim na taon ay nagsimula na itong maglaro ng tennis.
Ikinokonsidera rin siya bilang pinakamagaling na tennis player ng Denmark.
Mayroon ng 33 panalo at 17 talo sa 2025 ang 22-anyos na si Tauson.
Umabot ito sa third round ng US Open noong 2021, 2023 at 2024.
Habang ang 20-anyos na si Eala ay nasa ranked 70 kung saan mayroon itong 26 panalo at 18 na talo ngayong season.
Ito ang unang pagsabak ni Eala sa US Open at unang pagkakataon na magkaharap ang dalawa.
LIBRENG 2 LITRO NG GASOLINA SA MGA TRICYCLE DRIVER SA NATIONAL HEROES DAY
NABIYAYAAN ng libreng 2 litro ng gasolina ang may 100 tricycle driver na itinuring ng mga bayani sa mismong araw ng paggunita ng National Heroes Day sa bansa sa Agosto 25, 2025.
Kaya naman bilang gantimpala at pagsaludo sa bagong bayani ng lansangan, hindi lamang sa maayos na pagseserbisyo sa kanilang mga pasahero at maihatid na ligtas sa kanilang patutunguhan kundi may mga kuwento rin ng katapatan tulad ng pagsasauli nila ng gamit na pitaka, pera, dokumento at cellphone kaya pinagkalooban sila ng Kapatirang Tau Gamma Phi, Rosario Municipal Grand Council ng libreng 2 litro ng gasolina.
“Ramdam namin ang bawat pagod at pawis na nararanasan ng isang tricycle driver sa pang-araw-araw nilang pamamasada para sa kanilang pamilya. Maraming salamat po sa inyong lahat”, mensahe ni Vryce Velasquez, Chairman ng Tau Gamma Phi.
Bilang tugon ni Silangan TODA President Christiaan Buhain, nagpaabot naman ito ng pasasalamat dahil malaking ginhawa ito sa kanila na magagamit nila ito sa maghapong pamamasada. (Gene Adsuara)
‘Class suit’ vs contractors ikakasa
Pinag-aaralan ng Lawyers and Commuters Safety and Protection (LCSP) na magsampa ng “class suit” laban sa mga sangkot sa maanomalyang mga flood control projects sa bansa lalo na sa Metro Manila.
Ito ayon sa LCSP ay upang mabigyan ng hustisya ang kahirapan, abala, at perwisyo sa mga motorista at pasahero ng mga pagbaha dahil sa umano’y malawakang korapsyon sa mga flood control projects na nagresulta sa bilyong pisong “ghosts projects”.
“Kapag may matinding baha ay damang-dama ng mga motorista at commuters ang epekto nito. Kapag baha lalong tumitindi ang trapik. Maraming sasakyan na inabutan ng baha sa kalsada, ito ay nasisira kaya’t gastos na katakut-takot sa mga motorista at kapag nawala ang baha ay sira-sira naman ang mga kalsada at ga-palangganang mga butas naman ang dadaanan kahit wala ng baha,” ayon kay Atty. Ariel Inton, founder ng LCSP.
Aniya, kalbaryo rin sa mga commuters ang sobrang hirap nang pagsakay at ma-stranded sa mga kalsada at maari pang magkasakit ng leptospirosis kapag minalas malas pa. ( Daris Jose)
Tangos-Tanza Navigational Gate,
SA kabila ng high tide na umabot sa 1.9 metro, nanataling passable ang mga kalsada sa buong Lungsod ng Navotas matapos maayos na ang Tangos-Tanza Navigational Gate, kaya hindi muna ito pinapadaanan ng DPWH sa mga bangka para mahukay at matanggal muna ang mga burak at duming naipon sa ibaba nito. Ayon kay Mayor John Rey Tiangco, inaasahan maibaba ang gate sa August 30, 2025 at maaari na aniya itong madaanan ng mga sasakyang pandagat. (Richard Mesa)
DOKUMENTARYONG FOOD DELIVERY; FRESH FROM WEST PHILIPPINE SEA, KINATATAKUTAN NG TSINA – GOITIA
PILIT na hinaharang ng Tsina ang pagpapalabas sa dokumentaryong “Food Delivery: Fresh from West Philippine Sea” dahil salamin ito ng pakikibaka ng mga Pilipino at paglalantad na ayaw makita sa buong mundo.Ayon kay Chairman Emeritus Dr. Jose Antonio Goitia, ang dokumentaryong “Food Delivery: Fresh from the West Philippine Sea” ay hindi lang basta pelikula kundi salamin ng ating pakikibaka bilang mga Pilipino, pagpapakita ng sa isang ama na pumapalaot sa dagat, mga inang nag-aabang ng pagkain sa hapag, at mga anak na umaasa sa kinabukasan ng bansang iiwan natin. Tungkol ito sa atin, sa buong sambayanang Pilipino. Kaya’t ito ang kinatatakutan ng Tsina.
“Hinaharang nila ang palabas na ito dahil inilalantad nito ang mga bagay na ayaw nilang makita ng mundo. Ipinapakita nito ang kanilang kasinungalingan. Ipinapakita kung paano nila binabalewala at inaabuso ang ating mga mangingisda. Hindi ito nagaganap sa malalayong lugar, kundi dito mismo, sa ating karagatan na sa batas at sa kasaysayan ay atin,” ayon kay Goitia.
Ipinaalala ni Goitia na malinaw na ang desisyon ng Hague Tribunal noong 2016: na atin ang West Philippine Sea. Walang saysay ang “nine dash line” ng Tsina at pilit nila itong binabale-wala.
Kamakailan, mariing kinondena ni Defense Secretary Gilberto Teodoro ang patuloy na pananakot ng Tsina sa Ayungin Shoal. Nandoon ang kanilang coast guard, militia, at maging mabibigat na armas na lahat ay ginagamit para gipitin ang BRP Sierra Madre at ang ating mga sundalo na garapal at lantad na paglabag sa international law.
Ipinapakita sa dokumentrayo hindi lang ang tapang ng ating mangingisda at sundalo ang makikita, kundi ang sakit at pangungulila ng kanilang pamilya. Mga ina at anak na naghihintay, nagdarasal, at umaasa, mga totoong tao na nawawalan ng kabuhayan at dangal.
Sinabi rin ni Secretary Teodoro na ang mga tsismis tungkol sa diumano’y “gentleman’s agreement” ay walang katotohanan at hindi kailanman magkakaroon ng kasunduan na isusuko natin ang ating karapatan.
Ngunit lampas sa batas at ruling, ipinaalala ni Goitia ang mas masakit na katotohanan. “Isipin ninyo ang isang ama na walang maiuwi dahil pinalayas siya ng banyagang barko mula sa dagat na kanya naman sa batas. Isipin ninyo ang isang batang nagtatanong kung bakit hindi na makapangisda ang kanyang tatay. Isipin ninyo ang pamilyang nagugutom hindi dahil walang pagkain, kundi dahil may kapitbahay na makapangyarihan na kinuha ang hindi kanila. Iyan ang mukha ng labang ito. At iyan ang pinapakita ng pelikulang ito.”
Ayon kay Goitia, mahalaga ang Food Delivery dahil magsisilbing ng boses ang mga kadalasang pinatatahimik, mukha at kuwento ang mga istatistika.
Nanawagan si Goitia sa bawat Pilipino na ituring ang pelikulang ito hindi bilang aliwan, kundi bilang paninindigan. “Kapag pinanood ninyo ang dokumentaryong ito, hindi lang kayo nanonood. Kayo ay kumakampi sa ating bayan. Kayo ay nagtatanggol ng ating soberanya. Kayo ay nagsasabing: ang Pilipinas ay hindi ipinagbibili, at ang ating karagatan ay hindi pwedeng angkinin.”
Sa huli, malinaw ang mensahe ni Goitia: “Ito ay higit pa sa pelikula. Ito ay sigaw para sa dignidad. Ito ay laban para sa katarungan. Ito ay katotohanan ng isang maliit na bansa na humaharap sa isang higante na nagkukunwaring kaibigan ngunit traydor pala. Maaring mas marami silang barko at armas, ngunit hawak natin ang katotohanan. At ang katotohanan, kailanman, ay hindi matatalo. Ang West Philippine Sea ay atin, at walang pananakot, walang kasinungalingan, at walang panlilinlang ang makakapagbago nito.” (Gene Adsuara)
LTO INILAGAY SA ALARM STATUS ANG 19 RIDERS NA SANGKOT SA DRAG RACING
INILAGAY ng Land Transportation Office (LTO), sa ilalim ng pamumuno ni Department of Transportation (DOTr) Secretary Vince Dizon, sa alarm status ang 19 motorsiklo na sangkot sa ilegal na karera sa isang bypass road sa San Rafael, Bulacan.Ayon kay LTO Chief, Assistant Secretary Atty. Vigor D. Mendoza II, ipinatawag ang lahat ng rehistradong may-ari ng mga naturang motorsiklo sa pamamagitan ng magkakahiwalay na show cause order na inilabas ng ahensya sa pamamagitan ng Intelligence and Investigation Division.
Nakumpiska ang 19 motorsiklo at batay sa ulat ng pulisya, ang mga indibidwal na sangkot ay nagsasagawa ng ilegal na motorcycle exhibition nang walang suot na helmet, walang dalang lisensya, at gumagamit ng motorsiklo na walang nakalagay na plaka.
Lalong ikinagalit ni Asec. Mendoza ang ulat na kabilang sa ilegal na karera ang hindi bababa sa 12 menor de edad, kabilang na ang mga batang pitong taong gulang.
Batay sa ulat ng Philippine National Police–Highway Patrol Group (PNP-HPG), umabot sa 12 katao ang inaresto habang 12 menor de edad, na nasa edad pito hanggang 16, ang na-turn over matapos ang operasyon sa Mabalas-Balas–Galas–Maasim Bypass Road noong Agosto 17.
Batay pa sa ulat ng pulisya, isa sa mga tumatakas na motorista ay nakabangga ng isang menor de edad habang sinusubukang makalayo sa operasyon ng lokal na pulisya at ng HPG.
Sa inilabas na SCO na pirmado ni LTO-IID Chief Renante Melitante, inaatasan ang mga may-ari na magpaliwanag kung bakit hindi sila dapat papanagutin sa mga paglabag tulad ng Duty to Have License, Reckless Driving, Failure to Wear Protective Helmet, Driving a Motor Vehicle without a License Plate, at Improper Person to Operate a Motor Vehicle.
Inaatasan ang mga rehistradong may-ari na humarap sa LTO Central Office sa Quezon City sa Agosto 27.
“Ang hindi pagdalo at hindi pagsusumite ng nakasulat na paliwanag ay ituturing ng Tanggapan bilang pagtalikod sa inyong karapatan na marinig, at ang kaso ay dedesisyunan batay sa ebidensyang hawak ng ahensya,” nakasaad sa SCO. (PAUL JOHN REYES)
Agarang aksyon at hindi panghuhusga ang kailangan para tugunan ang adolescent pregnancy crisis
Sa isang privilege speech, nanawagan si Kabataan Partylist Rep. at Assistant Minority Leader Atty. Renee Louise Co na magkaroon ng isang komprehensibong aksyon upang tugunan ang nakakaalarmang pagtaas ng adolescent pregnancy rates sa bansa.
“adolescent and unwanted pregnancies are not a question of individual moral failing—it is a systemic crisis, a systemic failure.” pahayag ng mambabatas.
Inihayag pa nito ang mahigit sa 500 nakababata o young women na nanganganak araw araw sa Pilipinas, ayon na rin sa POPCOM data na naglalagay sa bansa sa isa sa may pinakamataas na adolescent birth rates sa ASEAN.
Iginiit ng mambabatas na mayorya sa adolescent pregnancies ay dulot ng violence at hindi ng kagustuhan o choice.
Aniya, batay na rin sa datos ng popcom, mahigit sa kalahati ng youth pregnancy cases ay kinabibilangan ng incestuous rape ng ama, tiyuhin o ibang nakakatandang kaanak na tumaas pa nitong nakalipas na pandemic.
“Sa halip na proteksyon, ang tahanan mismo—na dapat ay isang kanlungan kung saan tayo ligtas—ay nagiging kulungan ng pang-aabuso para sa maraming batang babae. This cycle of poverty and dependency is not accidental—it is maintained by systems that favor big business who exploit vulnerable women and young mothers in need of jobs and services. Corporate profit stands to benefit the most from the Adolescent Pregnancy epidemic,” dagdag ni Co.
Panahon na aniya para basain na ang ganitong uri ng cycles of neglect at exploitation.
Bukod sa paghihigpit sa implementasyon ng mga batas ukol sa VAWC, dapat umanong ioverhaul ang tugon ng estado sa violence against women and children.
Tulad aniya ng pagpapalawig sa pagkakaroon ng youth access sa reproductive health services, counseling, safe and democratic spaces, at clinics na hindi namamahiya sa mga naghahanap ng tulong.
Kaya naman muling isasampa natin ang Adolescent Pregnancy Prevention Bill sa 20th Congress. Wala na tayong oras para magpaligoy-ligoy. Every day we hesitate, another Sunshine is pushed deeper into the shadows. The future of our nation cannot shine while half of our youth are left in the dark,” pagtatapos ni Co. (Vina de guzman)