- April 7, 2026
Ang Diyaryong Pinagkakatiwalaan
Archive for July, 2025
‘Smurfs’ and ‘Doraemon the Movie’ gets PG rating from MTRCB
GET ready to be pumped up as the Movie and Television Review and Classification Board (MTRCB) approved the public exhibition of the animated fantasy films “Smurfs” and “Doraemon the Movie: Nobita’s Art World Tales,” giving it a PG (Parental Guidance) classification.
Rated PG means the film is generally suitable for children under 13 years old, provided they are accompanied by a parent or supervising adult.
“This ensures that families can enjoy PG-rated films together while promoting responsible viewing,” said MTRCB Chairperson and CEO Lala Sotto-Antonio.
Smurfs features new music by international superstar Rihanna and brings back the beloved blue characters to the big screen in a fresh adventure.
Doraemon the Movie: Nobita’s Art World Tales follows the adventure of Nobita and his friends as they enter the world of paintings and journey to the Kingdom of Artoria, a realm that resembles medieval Europe.
Meanwhile, the American action comedy, “Bride Hard,” has been rated R-13, making it suitable for 13 and above.
It tells the story of a secret agent serving as the maid of honor at her childhood best friend’s lavish wedding, who is taken hostage by mercenaries.
Due to mature themes and frightening scenes, the Australian supernatural horror, “Bring Her Back,” and the South American thriller, “Shaman: The Final Exorcism,” both earned an R-16 (Restricted-16) rating, suitable for 16 and above only.
The MTRCB remains committed to guiding Filipino families through its age appropriate ratings and classifications to help viewers foster a culture of responsible viewing.
(ROHN ROMULO)
Mula sa pinaka-personal na album na ‘Being Ice’: ICE, may pa-back-to-back hugot sa dalawang bagong kanta
MAY pa-back-to-back hugot si Ice Seguerra ngayong Biyernes, July 18, 12:00 AM.Ilalabas na ang dalawa niyang bagong kanta: “Wag Na Lang Pala” at “Nandiyan Ka”, na mula sa all-original album na Being Ice.
For the first time in his career, Ice is releasing a full-length album composed of songs na galing talaga sa puso niya—no covers, no remake, just his own truth.
“I was so afraid to release new songs—lalo na ‘yung ako mismo ang nagsulat,” Ice shares.
“What if people didn’t like it? I am a breadwinner, so parang kailangan yung ginagawa ko, siguradong hit. But now, it feels freeing. I love doing acoustic songs pero sa Being Ice, mas nagkafreedom ako to try bew genre. Finally, kaya ko nang gawin ‘to. And for the first time, maririnig ng tao kung ano talaga ‘yung kwento ko.”
Ang “Wag Na Lang Pala” ay co-written with his wife, Liza Diño-Seguerra, and was born from a personal poem.
Para ito sa mga taong hindi kayang ilabas ang feelings nila dahil natatakot silang masira ang pagkakaibigan. (Friendship over feelings? Oof.)
“Para to sa mga Friendzoned. Hehe!” Pahayag ni Ice.
Samantala, ang “Nandiyan Ka” ay collab nila ni Jonathan Manalo, ang most-streamed Filipino songwriter and producer na may higit 7.9 billion streams at ranked as the 141st top global music producer.
Sabi ng listeners, para raw itong modern version ng “Pagdating ng Panahon.” Pero this time, tungkol sa pag-ibig na andiyan lang pala… ‘di lang natin nakita.
Isang pag-ibig na di masabi. Isang hindi napansin.
Ang ‘Being Ice’ ay produced ng Fire and Ice Music, at distributed ng ABS-CBN Star Music. Ang full album release ay lalabas sa August 8, 2025.
(ROHN ROMULO)
Normal lang na may mga misunderstanding: SHARON, inaming maayos na ang relasyon nila ni KC
PINANOOD namin ang interview kay Megastar Sharon Cuneta ng “Beyond The Exchange” hosted by Rico Hizon na ipinapalabas sa ANC.Inamin ni Sharon sa naturang interbyu na sa ngayon daw ay maayos ang relasyon nila ng panganay niyang si KC Concepcion.
Banggit pa ni Ate Shawie ay bising-bisi raw ang anak niya sa itinayong jewelry business.
“KC’s okay. She’s now quietly focusing on her jewelry business. She studied at the Gemological Institute of America to really learn the craft—on top of her business degree.
“She still wants to do projects in entertainment, but it’s not her top priority anymore,” banggit pa ng megastar.
Aminado pa rin naman si Sharon na hindi pa raw ganun ka-solido ang relasyon nila ng anak niyang si KC.
May mga misunderstanding pa rin naman daw sila.
“I don’t think it’s ever been less than solid. There have just been misunderstandings and disagreements along the way. You’re raising a human being, not a carbon copy of yourself. You can’t expect her to have your exact thoughts or choices.
“But she’s a good kid. We’ve had clashes, yes, but KC always tells me, ‘Mom, just trust in the way you raised me.’ And that always gives me peace,” pag-amin pa ng premyadong aktres.
***
ISA sa mga artistang hindi pinalad na manalo nung katatapos na eleksiyon ay ang sexy star na si Mocha Uson.
Tumakbong kunsehal sa ikatlong distrito ng Maynila si Mocha under sa partido ni Manila Mayor Isko Moreno.
Pero nabigo mang maging kunsehala ay magsisilbi pa rin sa Maynjla si Mocha. Ibinalita mismo ni Mayor Isko ang pagtatalaga niya sa TV at social media personality na bilang tagapaghatid ng balita sa pinamumunuan niyang lungsod.
Pormal na itong inaanunsyo ni Yorme sa Facebook post niya last Friday, July 11.
“Makakasama na natin si Mocha Uson sa ‘Yorme’s Hour’ tuwing Biyernes upang maghatid ng mga kaganapan at balita tungkol sa minamahal nating Lungsod ng Maynila,” sey pa ng nagbabalik na mayor sa Maynila.
Banggit pa ni Yorme na ang programa niyang ito ay ang magsisilbing tulay para maihatid nang maayos sa lahat ng taga-Maynila ang mga programang gusto niyang ma-implement.
“Ito ay isang programa ng Pamahalaang Lungsod ng Maynila sa ilalim ng Manila Public Information Office (MPIO), alinsunod sa pinirmahan nating Executive Order No. 7: ‘An Order Mandating the Adoption of an Open Governance Policy.’ ” lahad pa ng Mayor Isko.
Samantala, hindi umubra ang sipag ng panganganpanya ni Mocha sa mga taga-District 3 at kahit kabilang siya sa Yormes Choice ay kinulang ang boto niya para mapabilang sa anim na nanalong kunsehal.
Hindi rin naman matatawag na baguhan sa pulitika, dati nang nagsilbi bilang assistant secretary ng Presidential Communications Operations Office (PCOO) ng administrasyon ni dating Pangulong Rodrigo Duterte si Mocha, huh!
***
SPEAKING of politics, ito ang tema ngayon kubg kaya lalon tinutukan at gumaganda ang “Batang Quiapo” ni Coco Martin.
Kung kaya walang dudang ang serye pa ring ito ang most watched among the primetime shows sa Pilipinas.
Dito lang sa amin sa Tondo, lahat halos ng mga kapitbahay namin ay tutok na tutok sa mga kaganapan sa buhay ni Tanggol, huh!
Sa totoo lang din naman kahit anong programa ang itatapat mo sa BQ ay tiklop.
Ang latest ay itong ” Sang’re” ay balitang nag-last taping na raw at hindi pa alam kung mag-resume pa ito.
Balita pa sa amin ng isang kaibigang GMA insider na ang pinaplanong programa na “Hari ng Tondo” ang itatapat daw sa “Batang Quiapo”.
So, Quiapo vs. Tondo na parehong nasa Maynila na pinamunuan ni Yorme Isko.
Balitang si Ruru Madrid daw ang magiging bida ng “Hari ng Tondo.”
Minsan na ring tinalo ni Coco ang “Lolong” noon ni Ruru, huh!
Pero ngayon daw ay paghahandaan at mas pagagandahin nang husto ang itatapat nila sa BQ.
Ayon pa sa source namin ay isa si Dingdong Dantes sa makakasama ni Ruru.
Sa totoo lang mas bagay talaga kay Ruru na gamay na gamay na ang aksyon maging Tondo Boy.
Fina-finalize na raw ngayon ang casting na makakasama pa rin daw ang isang sikat na senior star.
(JIMI C. ESCALA)
‘Careful’, OVP nakapagtala ng 34 pct budget utilization sa first half ng 2025- spokesperson
SINABI NG Office of the Vice President (OVP) na naging maingat sila sa naging paggasta sa pondo nito na nagresulta ng 34% budget utilization rate sa first half ng 2025.
Iyon ay sa kabila ng kailangan ng ahensiya na “bilisan” ang paggasta nito para sa second half ng taon.
Ayon kay OVP spokesperson Ruth Castelo, kailangan aniya na ang ahensiya ay “to be careful so there will be no issues thrown against us.”
“We intend to use up the entire budget allotted to us. We still have time and we are going to speed up the action on our funds,” aniya pa rin sabay sabing “We need to speed up utilizing the fund but we do not want to carelessly utilize the fund.”
‘We are just being careful,” aniya pa rin.
Sa ulat, tinapyasan ng House Committee on Appropriations ng P1.3 bilyon ang P2.037 bilyong panukalang pondo ng OVP, matapos na kuwestiyunin ng mga ito ang paggamit nito ng pondo sa nakalipas na mga taon.
“While the OVP had to halt some projects — including its burial and medical assistance programs — due to its reduced funding this year, the agency will retain its free bus ride program and livelihood assistance projects,” ayon kay Castelo.
“The OVP’s “Libreng Sakay” program is being offered in select routes in Metro Manila, Cavite, Bacolod, Cebu, Davao and Tacloban,” aniya pa rin.
“We are currently studying increasing the hours from 4 a.m. to 10 a.m… We are still studying, looking into the best possibility if we can allow that,” ang sinabi ni Castelo.
“This is also going to be a very dependable mode of transport… especially with the looming or forthcoming gasoline prices,” anito.
Inilunsad ang serbisyo sa Tacloban “because we have been consistently asked” makaraang humingi ng tulong ang mga tao doon sa OVP, ang sinabi ni Castelo nang tanungin kung bakit pinalawak ng OVP ang “Libreng Sakay” operations nito sa balwarte ni House Speaker Ferdinand Martin Romualdez, kalaban sa pulitika ni VP Sara.
Ang bus ng OVP sa Tacloban ay nagsisilbi bilang shuttle service na tumatakbo pabalik-balik mula sa city center patungong relocation site para sa mga biktima ng Yolanda.
Iniugnay naman ni Castelo ang 85.5 percent budget utilization rate ng OVP noong 2024 sa mahirap na pagsusuri ng ilang benepisaryo.
“There were a lot of challenges in implementing the programs of the OVP,” ayon kay Castelo, ang ahensiya aniya ay may hiwalay na “manual of operation” para sa bawat proyekto.
“It takes a lot of time in assessing and qualifying the would-be beneficiaries of the program,” aniya pa rin, tinukoy ang livelihood assistance program ng OVP.
Samantala, noong nakaraang linggo ani Castelyo ay binigyan ng 60 araw ng Commission on Audit ang OVP “to submit the corrections or whatever remedial actions” na napuna ang financial submissions nito sa state auditing firm.
“I’m not sure if she will attend the budget hearing but we have competent staff to defend why we need this kind of money,” ang pahayag ni Castelo. (Daris Jose)
PBBM, aprubado ang pagsasapribado ng North-South Commuter Railway ops
OKAY kay Pangulong Ferdinand Marcos Jr., ang plano ng gobyerno na isapribado ang operations and maintenance (O&M) ng big-ticket North-South Commuter Railway (NSCR) project, na ngayon ay nasa ilalim ng konstruksyon.
Sa katunayan, inaprubahan ni Pangulong Marcos, chair ng Economic Development Council (dating National Economic and Development Authority Board) sa isinagawang miting, araw ng Martes, Hulyo 15, ang O&M ng NSCR sa ilalim ng public-private partnership (PPP) arrangement.
Matatandaang, Pebrero 2023, inanunsyo ng Department of Transportation (DOTr) ang balak nitong ilipat ang O&M ng NSCR kasama ang Metro Manila Subway Project (MMSP) sa private sector sa pamamagitan ng competitive bidding.
Ang kabuuang tinatayang gastos ng O&M contract ay P229.32 billion, ayon sa Department of Economy, Planning and Development (DEPDev).
Ang buong NSCR ay147.26-kilometer elevated railway line, naglalayong pagaanin ang byahe sa tatlong rehiyon sa Luzon gaya ng Central Luzon, Metro Manila, at CALABARZON.
Ang proyekto ay nasa advanced stages ng konstruksyon na may pre-operations na inaasahang magsisimula sa March 2026 hanggang July 2027.
Sinabi ng DEPDev na “the concession period for partial operations of NSCR Phase 1 —from Clark International Airport (CIA) to Valenzuela involving 13 stations— is targeted to commence in December 2027 until September 2028.”
Samantala, ang concession period para sa partial operations ng Phase 2 —mula Nichols na may karagdagang segments mula Alabang hanggang Calamba, kabilang ang 32 stations— inaasahang tatakbo mula October 2028 hanggang December 2031.
Ang ‘full operations’ ay inaasahan na magsisimula sa Enero 2032. ( Daris Jose)
Bawal ang Street Gangs sa Valenzuela
PINANGUNAHAN ni Mayor WES Gatchalian, kasama si TAFFGIP Action Officer Councilor Ghogo Deato Lee, ang press conference hinggil sa “Bawal ang Street Gangs sa Valenzuela” na ginanap sa Gen. T. De Leon National High School kung saan tinalakay ang City Ordinance No. 1262, Series of 2025 (An Ordinance Prohibiting the Creation and Operation of Street Gangs, the Recruitment of Minors for Violent Gang Activities, and Other Acts that Disrupt Public Peace and Order), gayundin ang Resolution No. 3467 (A Resolution Declaring Members of Identified Street Gangs as Persona Non Grata) sa lungsod. (Richard Mesa)
VP Sara, hindi lang basta ‘spare tire’ ni PBBM- OVP
SINABI ng Office of the Vice President (OVP) na hindi lang basta “spare tire” ni Pangulong Ferdinand Marcos Jr., si Vice President Sara Duterte.Tugon ito ni OVP spokesperson Ruth Castelo nang tanungin hinggil sa pagtukoy kay VP Sara bilang isang “spare tire” kay Pangulong Marcos.
“All of us here think that the vice president—not necessarily VP Sara Duterte—all VPs are looked at as spare tires. But if you really think about it, the Vice President should be as prepared as the President,” ayon kay Castelo.
“Should anything happen to him, who assumes the responsibility? It’s the Vice President,” aniya pa rin.
Binigyang diin ni Castelo na ang mandato ni VP Sara ay kahalintulad ng sa Pangulo, gaya ng nakasaad sa 1987 Constitution.
Dahil dito, sinabi ni Castelo na ang pigilan ang suporta o pagpopondo sa Office of the Vice President (OVP) ay magiging malaking kasiraan ng serbisyo para sa bansa.
“Keeping her out of the loop or not being able to provide funds for her projects and programs is a great disservice to the country because if anything happens, the VP is forced to assume the position of the President,” ani Castelo.
“…and the services now being delivered by the VP through her office [are] a way of preparing herself just in case anything happens from now until 2028,” aniya pa rin. ( Daris Jose)
PBBM umaasang mapapatakbo na ang subway stations: Inagurasyon ng MMSP sa 2028 inaasahan
NAGPAHAYAG ng kumpiyansa si Pangulong Ferdinand R. Marcos Jr. na bahagyang mapatatakbo ang subway stations ng Metro Manila Subway Project (MMSP) sa 2028.Matapos inspeksyunin ang Camp Aguinaldo subway station sa Quezon City, sinabi ni Pangulong Marcos na masaya siyang makita ang progreso ng nagpapatuloy na construction work ng MMSP.
“Masasabi ko naman napakagandang trabaho ang kanilang ginagawa. Sana matapos natin ito hanggang Valenzuela. Baka matapos natin ito, (20)28. Baka puwede nang i-inaugurate (ng) 2028,” ayon sa Pangulo sa isinagawang pag-inspeksyon sa CAMP AGUINALDO STATION OF THE METRO MANILA SUBWAY PROJECT na Metro Manila Subway Project in Camp Aguinaldo Station in Quezon City.
“Basta tingnan natin. Lahat naman ay naga-agree na kailangang bilisan ng mabuti, nang husto dahil ang ating mga commuter, para naman mas maging maginhawa ang kanilang pag-commute,” aniya pa rin.
Winika ng Pangulo na simula na maging operational ang MMSP, ang travel time mula Valenzuela City patungong Ninoy Aquino International Airport (NAIA) sa Pasay City ay magiging 40 minuto na lamang mula sa karaniwang byahe na dalawa’t kalahating oras.
“Ito ay isang malaking proyekto na ginagawa natin sa ilalim ng Department of Transportation para sa ating mga commuters. Ito ‘yung ating Subway Project napapabuti natin hanggang itong phase na ito hanggang Valenzuela.
Ngayon, pagka nabuo na ito, ang travel time mula sa Valenzuela hanggang sa airport ay sa kasalukuyan mga dalawang oras ‘yan eh – dalawang oras at kalahati. Kaya mababawasan ‘yan mga 40 minutes na lang,” ayon sa Pangulo.
Sa kabilang dako, pinuri naman ng Pangulo ang Japan, partner ng Pilipinas para sa konstruksyon ng subway, para sa “doing a very good job.”
“So patuloy nating ginagawa napakaimpressive talaga ito kung titignan niyo. Isipin niyo kung gaano kabigat ‘yung engineering na dinadala nila dito,” ayon sa Chief Executive.
“The Japanese do that the best. I think in the whole world, it is recognized that the Japanese are one of the top when it comes to heavy engineering and construction work such as this,” anito pa rin sabay sabing “Kaya I think we have picked the right partner and I am very happy to see the progress that’s being made.”
“Kaya I urge everyone to keep going, and we look forward to the day when we can say na nasakyan na natin ‘yung subway sa Pilipinas. We have taken the tube to go to work,” ang sinabi pa rin ng Pangulo.
Ang MMSP, kauna-unahang underground railway system ng bansa, ay isang 3-km. at 17-station rail line na magkokonekta sa Valenzuela City sa hilagang bahagi nito patungong Pasay City, sa katimugang bahagi, na may ‘spur line’ sa NAIA Terminal 3.
Ang kauna-unahang Tunnel Boring Machine (TBM) ng contract package (CP) 103 ng MMSP ay ilulunsad mula sa Camp Aguinaldo station tungo sa Ortigas station, kasunod ng tunnel alignment sa ilalim ng Barangay White Plains, Corinthian properties at Meralco compound. ( Daris Jose)
PBBM, nagbigay ng 50% fare discounts sa mga seniors, PWDs sa MRT, LRT
PINANGUNAHAN ni Pangulong Ferdinand Marcos Jr. ang opisyal na paglulunsad ng 50% diskwento sa pasahe para sa mga senior citizen at Persons with Disability (PWDs) sa LRT-1, LRT-2, at MRT-3.
Isinagawa ang paglulunsad sa MRT-3 Santolan-Annapolis southbound station.
Kasunod ito ng paglulunsad ng 50% train fare discount para naman sa mga estudyante noong nakaraang buwan, naglalayon na tuparin ang direktiba ni Pangulong Marcos na pagaanin ang financial burden ng mga mananakay.
Sa kabilang dako, ang proyektong ito ay magtataas sa fare discount ng 30% mula sa statutory discount na 20%.
Matatandaang sinabi ng Pangulo na nakapagsilbi na ang mga senior citizen sa bansa at nagtrabaho sila ng buong buhay nila kaya dapat lamang na bigyan sila ng gobyerno ng kaunting benepisyo gaya ng matamasa ng mga senior citizen ang malaking diskwento sa pasahe.
Karamihan din aniya sa mga senior citizen ay kakaunti na lamang ang hawak na pera kaya pag-aaralan ng pamahalaan ang malaking diskuwento para sa kanila. ( Daris Jose)