HINDI lang mga European designer bags ang bitbit ni Global fashion icon Heart Evangelista sa kanyang pagrampa sa Paris, kundi pati na ang gawa ng local bag designers ng Pilipinas.

Sa isang rampa ni Heart, bitbit nito ang isang bag na gawa ng isang student named Reese Collins Latonio, a BS Clothing Technology student from University of the Philippines – Diliman.

Pinost ni Heart sa kanyang Instagram ang cream shoulder bag in the shape of a giant bow.

“A bag full of LOVE,” caption ni Heart kunsaan naka-tag sa Instagram account ni Reese.

May shoutout din si Heart sa clothing technology students ng UP Diliman: “Shout out to all the UPD bs clothing tech students. I brought all your gifts with me to Paris.”

Last March ay nagbigay ng talk si Heart sa UP Diliman tungkol sa retail merchandising, the fashion industry, and clothing design with Filipino designer Michael Leyva.

***

PROUD ang mga Sparkle teen stars na sina Marco Masa at Bryce Eusebio dahil sa pagtatapos nila ng kanilang junior at senior high school sa taong ito.

Nakumpleto na ni Marco ang kanyang junior high school at nakuha pa niya ang Athletic and Amazing Attitude Award. Nagawa niya ito habang naging busy siya sa taping ng ‘Black Rider.’

“After vacation, balik ng school, back to work na ulit, back to balancing work and school,” sey ng former child actor na nasa senior high school na sa pasukan.

Si Bryce naman ay natapos na ang senior high school mula sa kanyang alma mater. Nabigyan din ng Special Citation in the Performing Arts si Bryce.

“That every child finds joy and love for learning. My home for 14 years. Thank you so much, my Inocencio Family. I love you all… @inocencioschoolpasig,” caption pa niya.

Sa mga hindi nakakaalam, pamangkin si Bryce ng Kapamilya actor-TV host na si Robi Domingo. First cousin ni Robi ang mother ni Bryce na si Gina Eusebio.

***

KINASAL na ang ‘Stranger Things’ star na si Millie Bobby Brown sa kanyang fiance na si Jake Bongiovi.

Part ng kanilang honeymoon ay ang pagpunta sa Universal Studios Orlando kunsaan suot ni MIllie ang denim shorts with the word “wifey” sa backside at white hat with the words “Wife of the Party.”

Kinasal sila Millie at Jake sa isang secret ceremony.

Sey ng ama ni Jake na si rockstar Jon Bon Jovi: “Millie and Jake quietly said their vows in America last weekend. They’re great, they’re absolutely fantastic. It was a very small family wedding and the bride looked gorgeous, and Jake is happy as can be and, yeah, it’s true.”

(RUEL J. MENDOZA)

HINDI napigilang umiyak ni Joao Constancia nang matanong ang cast ng “Padyak Princess” tungkol sa mga life lessons na natutunan sa kanilang tatay, dahil sa selebrasyon ng Father’s Day sa June 16.

Naging emosyonal nga si Joao na isa sa leading man ni Miles Ocampo sa morning series ng TV5 at APT Entertainment.

Hindi pa man turn ni Joao ang sumagot ay napaiyak na agad siya, at tuluy-tuloy na hanggang sa pagsagot niya.

Ayon sa singer-actor, “Ako lang po kasi mag-isa dito. My whole family is in Macau. When it comes to family talaga, it’s something special and close to me.

“Cause right now, being here by myself in the Philippines, na teaches me how important is talaga to be with your family talaga.”

Pagmamalaki pa ni Joao sa kanyang ama…“When it comes to my father, he is the most giving person in my whole life.

“He’s been supportive with all of my dreams and stuff. The most important lesson that I learned from my Dad is to be greatful of the simple things in life.

“Cause you know, we’re not here every day, we don’t know when we will disappear from earth but just be grateful with everything talaga sa buhay mo. It could be just your friends, family, you know,” dagdag pa ni Joao ‘di pa rin tumitigil sa pag-iyak.

Huling mensahe sa mga magulang, “Mom, dad, I miss you guys.”

Anyway, grabe naman ang pasalamat ni Joao sa TV5 at APT Entertainment dahil isa siya sa mga napiling ka-partner ni Miles bukod kay Jameson Blake sa “Padyak Princess”, na huli siyang napanood sa “Can’t Buy Me Love”.

“Super-blessed because again, I’m one of the leading men dito sa show namin, and coming from all my other past projects, this is…honestly, hindi pa nagsi-sink-in sa akin masyado na ‘wow, Joao, kasama ka na dito sa ‘Padyak Princess,’ bida ka na dito,’” pahayag pa ni Joao.

Magsisimula na ang “Padyak Princess” ngayong Lunes, June 10, 11:15 a.m. bago mag-“Eat Bulaga” sa TV5. Kasama rin dito sina Ara Mina, Ces Quesada, Christian Vasquez, Cris Villanueva, Yayo Aguila, Gillian Vicencio, Jem Manicad, Karissa Toliongco, Kira Balinger, David Remo at Miel Espinoza.

Mayroon ding same day catch-up episodes ang TV series sa BuKo channel at 7:30 p.m.

(ROHN ROMULO)

ISANG ABS-CBN insider ang nakapagsabi sa amin na nakatakdang i-produce ni Ai Ai delas Alas ang pagbabalik ng pelikulang “Ang Tanging Ina”.

Kumbaga ang comedy concert queen daw mamuhunan para sa bagong installment ng pelikula na pumatok nang husto sa mga sinehan noon.

Kasalukuyang makikipag-usap daw si Ai Ai sa mga bosing ng Star Cinema.

Sa report naman ng ABS-CBN news last Thursday ay inamin na raw ni Ai Ai na siya ang magsisilbing co-producer.

“Ako ‘yong magpo-produce. Kumbaga, partnership with Star Cinema. Nagtanong din ako sa Star Cinema kung magkano magagastos sa ganito, sa ganyan,” lahad naman ni Ai Ai.

Ayon pa rin daw sa aktres na hindi lang daw siya ang interesado pati raw ang mga naging anak niya sa movie.

“Actually, kinakausap ko na ang ‘yong mga anak ko, go naman sila. ‘Yong mga ‘Tanging Ina’ na anak ko kasi may chat group kami,” pagmamalaki pa ni Ai Ai. Pagbabalita pa ng Ms. A na tuwang-tuwa raw ang mga anak niya nang ibalita sa mga Ito ang nakatakdang pagpo-produce ng “Ang Tanging Ina”.

“Sinabi ko sa kanila, ‘kapag ba ginawa natin ito, go kayo?’ Sabi nila: ‘Oo Mama, go kami diyan.’ Sabi ko, ‘O sige, try natin, hahanap ako ng producer tapos gawin natin.’”kuwento pa rin ni Ai Ai.

Ang tinutukoy niyang mga “anak” ay sina Marvin Agustin, Nikki Valdez, Carlo Aquino, Heart Evangelista, Alwyn Uytingco, Marc Acueza, Shaina Magdayao, Serena Dalrymple, Jiro Manio at Yuuki Kadooka.

Sana lang matutuloy ang planong ito ni Ms. Ai Ai delas Alas.

***

SPEAKING of paggawa ng movie, may mga suhestiyon ngayon na dapat pangunahan ng mga sikat nating mga artista ang paggawa ng pelikula.

Kumbaga, kung nais daw na bumalik ang sığla ng pelikulang Pilipino ay dapat ‘yung mga sikat na may box office appeal ang mangunguna sa pag-produce ng movie.

May Balita rin na bukod kay Ai Ai ay may balak ding gumawa ng pelikula ang Star for All Seasons bago tuluyang pumalaot muli sa mundo ng pulitika..

Mukhang decided na raw kasi si Ate Vi na tatakbong gobernador ng Batangas this coming 2025.

May suhestiyon pa rin ang netizens sa grupong tatag na AktorPH na sana raw unahing gawan ng paraan na bumalik sa panonood sa mga sinehan ang tao.

Ang nangyayari ay tuwing Metro Manila Film Festival lang kasi nanonood ang tao, paano naman ang mga pelikulang pinalalabas bago mag-Pasko?

Kumbaga, kahit may kalidad ay nangamote pa rin sa takilya, huh!

(JIMI C. ESCALA)