Binigyan na ng go-signal ang final draft ng single ticketing system sa National Capital Region (NCR) ng Metro Manila Council (MMC) kung saan ang mga Metro Manila mayors ay pumayag ng ipatupad ang programa.

“The Metro Manila mayors gave their go-signal for the implementation of the unified ticketing system. There was a motion for approval. It was duly seconded and there was no objection,” wika ni MMC chairman at Sa Juan mayor Francis Zamora.

Ang MMC ay siyang policy-making body ng Metropolitan Manila Development Authority (MMDA). Ito ay binubuo ng mga mayors sa kalakhang Maynila.

Nagkaroon ng pagpupulong ang technical working group ng MMDA, Land Transportation Office (LTO) at MMC noong nakaraang linggo upang ayusin ang mga detalye ng single-ticketing system.

Ayon kay Zamora, ang single-ticketing system ay ipapatupad ngayon taon posibleng sa darating na unang quarter ng taon.

“Under the single ticketing system, traffic violators will pay a standard amount regardless of the location where the traffic violations were committed,” dagdag ni Zamora.

Matapos ang mahabang konsultasyon sa mga lokal na pamahalaan at sektor ng transportasyon, ang MMA ay mayroon ng final na standards sa mga multa na ipapataw sa mga motoristang mahuhuli.

Sa ganitong paraan ay maiiwasan ang pagbabayad ng iba’t ibang halaga ng multa na ipinapataw ng mga iba’t ibang LGUs sa kalakhang Maynila at ng MMDA.

Kasama sa mga violations na ilalagay sa single ticketing system ay ang disregarding traffic signs, illegal parking, reckless driving, driving ng walang license, driving ng unregistered vehicle, overspeeding, illegal counterflow, number coding violations at obstruction. Ang hindi pagsusuot ng authorized helmets para sa mga motorcycle riders ay kasama rin sa mga violations.

“The STS will establish uniform and clear guidelines for violations like disregarding traffic signs, illegal parking (attended and unattended), reckless driving, driving without a license, driving an unregistered vehicle, overspeeding, illegal counterflow, number coding violations at obstruction,” saad ni Zamora.

Ang mga drivers’ licenses ay hindi na kailangan pa na konpiskahin dahil ang mga licenses ng mga violators ay lalagyan ng tagging ng LTO at MMDA upang hindi na makapag-renew ng kanilang driver’s license hanggang hindi nila nababayaran ang multang ipinataw. Maaaring bayaran ang mga multa sa pamamagitan ng digital wallets o magbayad sa mga rehistradong center ng LTO’s Land Transportation Management System.

Sa pagpapatupad ng STS, mareresolba rin ang mga issues at problems na tinalakay sa petisyon tungkol sa pagpapatupad ng polisiya sa no-contact apprehension. LASACMAR

LUMOBO sa 11.8% ng pamilyang Pilipino (3 milyon) ang “nagutom at walang makain” sa huling tatlong buwan ng 2022, ito kasabay ng pinakamabilis na pagtaas ng presyo ng bilihin sa 14 taon.

Ito ang napag-alaman ng Social Weather Stations (SWS) matapos isapubliko, Huwebes, ang kanilang “hunger rate” survey na ikinasa mula ika-10 hanggang ika-14 ng Disyembre.

“The December 2022 Hunger figure is slightly above the 11.3% (estimated 2.89 million families) in October 2022 and 11.6% (estimated 2.95 million families) in June 2022,” wika nila.

“The 0.5-point increase in Overall Hunger between October 2022 and December 2022 was due to increases in the Visayas and Balance Luzon, combined with decreases in Metro Manila and Mindanao.”

Mindanao: 12.7%

Visayas: 12%

Metro Manila: 11.7%

Balance Luzon: 11.3%

Sa 100 surveys na ginawa ng SWS simula pa noong 1998, Mindanao ang pinakamadalas na mataas ang kagutuman. Nag-top ito sa 38 na surveys.

Mula sa 1.1 milyong pamilya sa Balance Luzon noong Oktubre, umakyat ang numero ng pamilyang nagugutom sa 1.3 milyon noong Disyembre. Umakyat din ito sa Visayas mula 336,000 patungong 576,000.

Sa kabila nito bumaba ito sa Metro Manila mula 558,000 pamilya patungong 399,000. Mula sa 893,000, nabawasan naman ito sa Mindanao sa 738,000.

Saan galing ang 11.8%?

Ang 11.8% hunger rate noong Disyembre 2022 ay resulta ng sumusunod:

moderate hunger: 9.5% o 2.4 milyong pamilya

severe hunger: 2.3% o 599,000 pamilya

Tumutukoy ang “moderate hunger” sa mga isa o ilang beses lang nagutom nitong nakaraang tatlong buwan. “Severe hunger” naman kung ituring ang mga “madalas” o “palaging” gutom sa parehong panahon.

Noong Oktubre 2022, mas konti ang nakaranas ng moderate hunger sa 9.1% (2.3 milyong pamilya). Ganoon din sa severe hunger na nasa 2.2% (573,000 pamilya)

Dumami sa self-rated non-poor

Nitong Disyembre 2022 lang nang lumabas na 51% ng mga pamilyang Pilipino ang tumitingin sa sarili nila bilang mahirap, habang 31% naman ang nasa hangganan nito.

Tanging 19% lang ang nagsabing hindi sila mahirap.

“The rate of Overall Hunger (i.e., Moderate plus Severe) rose among the Non-Poor (Not Poor plus Borderline Poor) from 6.7% in October 2022 to 7.8% in December 2022,” dagdag pa ng SWS.

“However, it fell slightly among the Self-Rated Poor, from 16.0% to 15.7%.”

Isinagawa ang Fourth Quarter 2022 SWS survey gamit ang harapang panayam sa 1,200 katao 18-anyos pataas: 300 mula sa Metro Manila, balance Luzon, Visayas at Mindanao.

Meron itong sampling error margins na ±2.5% para sa national percentages at ±5.7% para sa Metro Manila, Balance Luzon, Visayas at Mindanao. Inisyatibo ito ng SWS bilang serbisyo publiko at hindi kinomisyon ninuman.

SINIMULAN nang ipatupad ng Social Security System (SSS) ang probisyon ng RA 11199 o ang Social Security Act of 2018 na nagtataas ng kontribusyon ng mga mi­yembro upang matiyak ang financial viability ng ahensiya para sa mga manggagawa sa pribadong sektor.

Ayon kay SSS President at Chief Executive Officer Rolando Ledesma Macasaet, na ang naturang batas na sumasaklaw sa mandated contribution increase ay agad na magkakaloob ng benepisyo sa may 13 milyong manggagawa at matitiyak ang viability ng SSS fund para magkaloob sa kanila ng social security protection.

Sa ilalim ng naturang batas, ang SSS ay magtataas ng contribution rate ng 1 percent point kada dalawang taon hanggang sa maabot ang 15 percent sa taong 2025.

Sa ilalim ng bagong contribution rate, ang employers ang aako ng one percent increase, o nangangahulugan na ang kanilang contribution sa ngayon ay 9.5 percent at ang nalalabing 4.5 percent ay ibabawas sa mga empleyado.

“It is the right thing to do for the institution and its members. The contribution hike will benefit the workers with the SSS being able to provide a financially viable social protection system to Filipino workers and their families.It will not be a burden on workers but will be shouldered by employers. Workers earning less than P25,000 per month, who comprise 78 percent of SSS-paying employee members, will not be affected,” pahayag ni Macasaet.

Si Macasaet ay dating President at General Ma­nager ng Government Service Insurance System (GSIS) noong Duterte administration at itinalaga ni Pangulong Bongbong Marcos sa SSS noong January 5.

 “The contribution hike will not be paid by the lowly worker but by financially-stable employers who can afford such adjustments. I am appealing to the PCCI, the ECOP, and the PECI, who we consider our valuable partners in our mission to provide social protection to our workers, to treat the contribution hike not as another operational expense but as a noble investment to ensure the viability of the workers’ pension fund,” dagdag ni Macasaet. (BISHOP JESUS “JEMBA” M. BASCO)