DREAM come true pala ni Kapuso actress Bea Alonzo na makatambal muli ang Kapuso Drama King na si Dennis Trillo. 

After two decades na una silang nagtambal, si Bea raw ang nag-request na si Dennis sana ang susunod niyang makatambal.

Kaya, official announcement na ng GMA Network sa “24 Oras” last Thursday, January 12, na ang next project ni Bea sa GMA, after ng K-drama adaptation ng “Start-Up PH,” with Asia’s Multimedia Star Alden Richard, ay ang drama anthology titled “Love Before Sunrise,” na isang collaboration ng GMA Network with VIU Philippines.

Bale second collaboration na ito ng GMA at VIU, mauuna nang ipalabas ang “The Write One” na first ever project naman together nina Ruru Madrid at Bianca Umali.

Wala pang announcement kung sinu-sino ang bubuo sa cast at kung sino ang magdidirek ng “Love Before Sunrise.”

Definitely, tatapusin muna ni Dennis ang taping ng “Maria Clara at Ibarra” na kasalukuyang napapanood ngayon every night sa GMA-7 after ng “24 Oras,” bago siya mag-taping ng bagong project.

***

BY March, 2023, mapapanood na ang “Voltes V Legacy” sa GMA Primetime, at tiyak na ikatutuwa ito ng matagal nang naghihintay, youths and adults, na mahilig sa ganitong mga TV presentations.

Pero may mga nag-comment din dahil ang tagal-tagal na raw itong ibinabalita, pero hindi pa rin daw ipinalalabas.

Pero nang magkaroon ito ng showing ng mga teasers last December 31, sa GMA New Year’s countdown, umabot na ito sa milyung-milyong viewers.  Kaya nagpasalamat si Director Mark Reyes sa mga netizens:

“We have show now like “Maria Clara at Ibarra,” creating milestones for us.  #VoltesV is something that may not be that successful but, at least, it’s a first necessary step.  If we don’t go out there and face this challenge and this maddening crowd, we’ll never get anywhere, ‘di ba?

“Here, pinagkagastusan ng network, pinayagan ng Japan, may blessing ng Japan, pinaghirapan namin, hindi namin minadali.  And here we are, we’re working on it for almost four years so give us a chance to see what we’ve done.

“So hopefully, it’s not only the Philippines that’s the market of this, but globally.  We market this to the world na wow, proudly 100 percent Filipino made.”

Dagdag pa ng GMA Network, “Alam nyo ba na ang CGI ng #VoltesVLegacy, 100% gawang Pinoy?  Nakakabilib, di ba?

***

NAPAKASWERTE naman ni Kapuso actress Faith da Silva.

Sa loob ng isang araw, tatlong beses siyang napapanood ng mga netizens, sa tatlong GMA shows, kaya labis-labis naman ang pasasalamat niya.

Pumasok na siya muli bilang co-host sa morning variety show na “TikToClock” with Pokwang, Rabiya Mateo and Kuya Kim, from 11:15am to 12noon.

Isa rin si Faith sa mga co-hosts ng longest-running noontime show na “Eat Bulaga,” from 12nn to 2:30pm.  Then at 3:25 pm, napapanood naman siya sa afternoon prime series na “Unica Hija” with Kate Valdes.

Kaya happy ang mga kapwa Kapuso niya sa blessings na dumarating sa kanya.

Kaya nagpasalamat naman si Faith: “Happy to be back on @tiktoclockgma,  Thank you @gmanetwork for this opportunity.  Akalain nyo yun? I’m officially a host, mapapanood ninyo ako mula Lunes hanggang Biyernes.”

(NORA V. CALDERON)

KAKAIBANG family bonding ang handog ni Senadora Imee Marcos at kanyang panganay na si Borgy Manotoc, sa isang bagong vlog na libreng mapapanood sa kanyang opisyal na YouTube channel, in-upload na ito kahapon, Biyernes, Enero 13.

Para sa espesyal na vlog entry na ito, magpapahinga muna sina Sen. Imee at Borgy sa kanilang masaya at nakatatawang mga adventures dahil pag-uusapan nila ang mga basics ng paggawa ng batas na mahalagang malaman ng bawat Pilipino.

Sa tulong ng ang social media personality na si Juliana Parizcova-Segovia, ipinakita ng Senadora kay Borgy ang proseso kung paano gumawa ng batas gamit ang step-by-step procedure kung paano gawin ang Pinoy breakfast staple na longganisa bilang isang relatable na metaphor.

Dahil halos 500 panukalang batas na ang kanyang nai-akda sa Senado, ipinaglalaban ni Imee ang mga kababaihan; ang gender equality; kultura at sining; ang kahirapan at gutom at pati na rin ang kapakanan ng mga magsasaka at mangingisda na ilan lamang sa mga adbokasiya na malapit sa kanyang puso.

Nais lagyang ng konting wit at kasiyahan ng vlog upang mapa-simple ang konsepto ng pagsusulat ng batas para sa mas maintindihan ng mga loyal YouTube subscribers ni Sen. Imee ang isa sa mga trabaho niya sa Senado, sa isa sa
kanyang pinaka-enlightening at informative vlog entries to date.

Aalamin ang basics ng lawmaking at mag-subscribe sa https://www.youtube.com/c/ImeeMarcosOfficial/featured

(ROHN ROMULO)

KUNG sa totoong buhay, probinsyano talaga si Allen Ansay at aminadong hindi siya magaling magsalita ng english, sa kanyang kauna-unahang pagbibida sa GMA Primetime series, ang “Luv is Caught in His Arms,” isang rich/conyo kid ang character na ginagampanan niya.

Pero ang pagiging probinsyano sa totoong buhay pala ang mukhang mas nagpa-inlab kay Sofia Pablo kay Allen.

Sina Sofia at Allen na kilala bilang “Team Jolly” ang mga bida sa serye na collaboration ng network with Wattpad Webtoon Studios na magsisimula ng mapanood sa Lunes, January 16.

Sabi namin sa kanila, mukhang sila na talaga or may M.U.

“Ano lang po talaga, pambata lang na kilig and siyempre, guided din po ni Mom ko. At saka siyempre, alam niyo naman po, ang mga probinsyano, medyo mahigpit sa mga ganyan,” sey ni Sofia.

Kinuwento rin ni Sofia na dati raw, nagtataka si Allen kung bakit daw nagbe-beso or kiss kapag bumabati rito, sanay raw kasi ito na bless o mano lang.

Feeling din ni Sofia, na-impress din siya kay Allen sa pagiging probinsyano nito. Ibang-iba raw kasi sa mga boys sa Manila.

Sey niya, “Feeling ko po, kaya rin po ako sa kanya natutuwa, ‘yung innoncence niya hindi niya alam na nakakatawa pala siya. Hindi siya aware na ‘yung sinasabi niya, nakakatawa. 

Bukod dito, pareho raw supportive at masasabing “boto” na sa kanila ang mga mommy nila sa kanilang dalawa.

Lahad ni Sofia, “Sabi po ng mommy niya, ‘Ikaw lang ang pwedeng jowain ni Allen!” 

Kahit na mukhang in-love naman talaga sa isa’t-isa sina Sofia at Allen na mga bida ngayon sa bagong primetime series ng GMA-7, ang  “Luv is Caught in His Arms” na magsisimula ng umere sa Lunes ng gabi, alam daw nila na marami pa silang pwedeng pagdaanan both as a loveteam and even sa personal.

Pero ngayon pa lang, hoping na sila na forever.

***

DAHIL bukod sa mga awards na nakuha ng pelikulang “Deleter” ay ito na ang record-breaking number 1 sa box-office sa 2022 Metro Manila Film Festival, binigyan ng isang thanksgiving party/presscon ng VIVA ang cast at director ng Deleter sa Greyhound Thai Restaurant sa Rockwell.

Siyempre, present dito ang pinakabonggang star ng pagtatapos ng 2022 at pagsisimula ng taong 2023 na si Nadine.

Isa nga sa mga tanong na ibinato sa kanya ay kung ano raw ang pakiramdam nito na siya ang tumalo kay Vice Ganda sa pagiging number 1 sa MMFF?

“Ano ba naman ‘yung tumalo?,” ang tila nahiyang reaksyon ni Nadine.

Pero ipinaliwanag dito na consistent kasi sa mga nakaraang MMFF, ang pelikula ni Vice ang palaging nagta-top 1 sa box-office.

Sabi na lang niya, “Hindi ko po alam. Kasi, kapag inisip ko po ang mga ganyan, parang unreal siya sa akin. Parang nangyayari ba ‘to? Para siyang panaginip.  Kasi nga I guess, hindi rin sanay. Parang bago rin kasi. Tapos ang ganda rin po talaga ng mga nangyayari sa Deleter kaya ang hirap din pong i-digest.”

Nang dahil sa Deleter, tatlo agad ang bagong title na naidagdag kay Nadine. Tila tanggap na nito na siya na ang bagong “Horror Queen” pero pakiusap niya lang, ‘wag lang siyang matype-cast.

Bukod dito, si Nadine rin ang bagong Box-Office Queen at Best Actress ng MMFF.

Wala raw talaga siyang naging expectation sa mga nangyayari lalo na nga at hindi naman daw originally intended ang Deleter sa MMFF.

“Wala po talaga, hindi po namin siya inintend na MMFF. Parang nasabi na lang po sa amin na ilalagay sa MMFF, parang last two days ng shoot namin, hindi po talaga.”

Sa isang banda, inamin ni Nadine na ngayon daw, na-realize na niya na ang pag-arte, pagiging artista talaga ang gusto niyang gawin. Dati raw, talagang inisip na niyang mag-quit.

“Para rito talaga ‘ko, pero may mga times na ayoko ng umarte, ayoko ng mag-artista. Gusto ko na lang mag-business or outside showbiz. I guess, ito lang talaga ‘yung para rito talaga ‘ko and mas na-realize ko pa siya na gustong-gusto ko siyang gawin. 

“Before sige, gawan natin ng project. Pero ngayon, mas passionate ako ngayon.”