TULAD ng nakaugalian na ng kanilang pamilya ay sa bahay-bakasyunan nila sa Batangas sinalubong nina Judy Ann Santos at Ryan Agoncillo, with kids Yohan, Lucho and Luna, ang Bagong Taon.

Kasama ang halos buong pamilya nila on both sides, tulad ni Mommy Carol Santos ni Judy Ann at ilang piling kaibigan, ilang araw namalagi sa Batangas ang grupo.

At tulad rin na ng nakasanayan niya, si Judy Ann mismo ang nagluto at naghanda ng mga putaheng kanilang pinagsaluhan sa media noche at mismong New Year’s Day.

Pero bago siya sumabak sa pagluluto, may paandar si Juday; nag-target practice muna siya sa malawak nilang beachfront na bahay at dahil sanay naman si Juday sa mga action scenes sa mga projects na nagawa na niya in the past (tulad ng ‘Basta’t Kasama Kita’ at sa guesting niya sa ‘FPJ’s Ang Probinsiyano’), isang kalabit lang ni Juday sa baril ay tinamaan niya agad ang bull’s eye!

Kaya naman bonggang hiyawan at malakas na palakpakan ang naging reaksyon ng mga kasama ni Juday dahil sa husay niyang bumaril.

Nasa Instagram account niya ang video n may caption na, “Wait lang bub… tirahin ko lang to sandali bago ko magluto.”

“Bub” ang term of endearment nina Juday at Ryan sa isa’t-isa.

***

NAGING bahagi ng buhay ni Mark Bautista sa nakaraan ang pamosong kuwento na lumuwas siya ng Maynila mula Cagayan de Oro para mag-audition sa ‘Star For A Night’ sakay ang isang cargo vessel dahil wala silang pera ng kapatid niya para bumili ng tiket sa eroplano.

At tulad ng alam nating lahat, nagtagumpay si Mark at isa na sa maituturing na pinakasikat at pinakamahusay na male balladeer sa Pilipinas.

At nitong Bagong Taon, sa Siargao nagbakasyon si Mark at sa kanyang pamamasyal sakay ang isang barko ay may nadaanan siyang cargo ship na kapareho ng sinakyan nila noong hindi pa siya sikat.

Kaya naman nagbalik-tanaw si Mark kanyang pinagdaanan sa kanyang Facebook page kalakip ang larawan ng cargo ship at caption na…

“Nagflash back sakin upon seeing this cargo ship (2nd slide) ganito sinakyan namin ng brother ko noon for 2 and half days going to Manila (dahil mahal ang plane ticket )just to audition for the singing contest (Star For A Night) and now it’s more than 20 years and it made me question-what if i didn’t take that chance? what if i didn’t risk chasing my dream? It would’ve been a different story by now but thinking about it now, masasabi ko lang it was the best decision i made & i couldn’t be anymore grateful. God really works in so many ways that’s fit and good for you. ”

***

BONGGA ang mga Hari ng Kapuso at Kapamilya Network dahil pareho silang sinalubong ng isang acting award ngayong Bagong Taon.

Parehong nagwaging Best Actor sina Dingdong Dantes at Piolo Pascual sa katatapos lamang na 2022 TAG Awards Chicago.

Wagi si Dingdong bilang Best Actor para sa GMA mini-series na ‘I Can See You: AlterNate’ at win naman si Piolo para sa ‘Flower of Evil’ ng ABS-CBN sa awards night na ginanap nito lamang December 31.

Mula sa TAG MEDIA, ang nabanggit na award giving body ay kumikilala at nagpapahalaga sa mga achievement ng mga celebrity at influencer sa larangan ng entertainment, entrepreneurship at social media.

(ROMMEL L. GONZALES)

PARANG kailan lang, ang 6-year old na nakilalang si Trudis Liit, si Kapuso young actress Jillian Ward, ay magiging isang beautiful debutante na on February 23, 2023.  

Sa ngayon ay plantsado na pala ang mga paghahanda, pero ayaw pang i-divulge ng bida ng GMA inspirational-medical drama series na “Abot-Kamay na Pangarap” na si Dra. Analyn Santos, kung ano ang theme at ang magiging kaganapan sa kanyang coming debut.

Sino kaya ang magiging special escort niya?

“Basta ang gusto ko po lamang is to have fun at ma-invite ko lahat ng mga mahal ko sa buhay at mga kasamahan ko sa industriya,” wika ni Jillian sa isang interview sa kanya sa “24 Oras.”

“Nagpapasalamat din po ako sa mga sumusubaybay sa akin sa aming GMA Afternoon prime series. And I’m happy working with veteran actors na kasama ko, like Sir Richard Yap, Sir Dominic Ochoa and Tita Carmina Villarroel, who’s my nanay Lyneth sa serye.

“Sila po ang natatanungan ko kung tama ang ginagawa ko sa eksena.  I’m nervous but super grateful po ako sa kanila, mahirap po kasing mag-memorize ng medical terms.”

Ang tinutukoy ni Jillian ay ang challenging role niya bilang isang young genius doctor na nakaramdam din ng panghahamak dahil may ayaw maniwalang isa na siyang doctor.

Since extended pa ang “Abot-Kamay na Pangarap,” na napapanood Mondays to Saturdays sa GMA-7, after ng “Eat bulaga,” may sorpresa kaya kay Jillian ang top-rating afternoon show sa debut niya?

                            ***

CONGRATULATIONS sa “Voltes V: Legacy”  team ni Director Mark Reyes, dahil umani sila ng million viewers nang ipalabas nila ang Ultraelectromagnetic Megatrailer nang ipalabas ito sa “Kapuso Countdown to 2023” last December 31 sa GMA Network.

Na-excite din ang viewers nang makita sa trailer si Kapuso Drama actor Dennis Trillo, na siya palang gumaganap sa role ni Ned Armstrong, at anak niya ang Armstrong brothers na ginagampanan nina Miguel Tanfelix, Matt Lozano, Radson Flores at Raphael Landicho.

Napanood din sa trailer ang iba pang cast na sina Carla Abellana, Ysabel Ortega, Martin del Rosario, Epy Quizon at Albert Martinez.

Nothing to worry ang mga fans ni Dennis, dahil hindi ito mag-overlap sa top-rating historical fantasy portal series nilang “Maria Clara at Ibarra,” dahil sa kanilang timeslot papalit ang “Voltes V Legacy,” sa first quarter of 2023.

                                             ***

LIVE ang New Year presentation ng “Eat Bulaga” last January 2, na dinaluhan nina Tito Sen, Vic Sotto, Allan K, Jose Manalo, Wally Bayola, Paolo Vallesteros, Ryan Agoncillo at Maine Mendoza.

Wala si Joey de Leon dahil on vacation siya with his family abroad.  Happy ang mga viewers ng EB, dahil matagal na pala nilang request kung pwedeng ibalik ang mga dating segments ng longest-running afternoon show.

Kaya ngayon ay muling napapanood ang segment nilang “Pinoy Henyo,” ang “Bulagaan” segment ni Miss Dizon (Ryzza Mae Dizon) at ibabalik din nila ang “Juan for All All for Juan” segment sa barangay.

(NORA V. CALDERON)

MARAMI ang natuwa na makita ang bagong larawan ni Kris Aquino, na unti-unti na ngang bumubuti ang kalagayan habang patuloy na nagpapagamot sa Amerika.

Kahapon, January 3, ay pinost ni Batangas Vice Governor Mark Leviste sa kanyang Instagram account ang mga photos nila ni Kris, kasama ang mga anak na sina Joshua at Bimby.

Dahil nasa Amerika ang pamilya ni VG Mark, kaya dinalaw na rin niya ang kaibigang TV host at makikita nga ang improvement sa kalusugan nito.

May caption ng post ng, “Spending the first day of the year with the Queen [yellow heart, sparkle emojis]”

Patuloy namang ipinagdarasal ng mga netizens ang tuluyan ng paggaling ni Kris at pinasalamatan din nila si Mark sa pagbisita at pagbabahagi ng mga bagong larawan ng TV host.

Sa tulong ng Diyos at kung ipagkakaloob ay tuluyang makaka-recover at gagaling si Kris, manalig lang tayong lahat.

***

NANAWAGAN siya at narinig naman.

“Gusto kitang maging kumare, bilang ninang ng ipapanganak pa lang na anak ko,” panawagan ni Whamos, katuwang ni Anjanette sa kanilang joint social media vlog na Whamonette.

Matagal na palang sinusundan ng mag-asawa ang mga posts ni Bataan District 1 Representative Geraldine Roman.

“Gustung-gusto ko ang mga sinasabi niya, pati na ang mga payong ibinibigay niya,” natutuwang inilahad ni Whamos sa kanilang malaganap na vlog.

Ipinakiusap pa niya sa kanyang followers na i-tag si Cong Geraldine upang makarating dito ang kanyang panawagan.

Nakarating nga at dininig naman ni Cong Geraldine ang hiling ng mag asawa. Naganap ang kanilang masayang pagtatagpo at ito naman ang kwentong hatid sa atin ni Rep. Roman sa kanyang You Tube vlog, Geraldine Romantik. Mapapanood ito ngayong ika-pito ng gabi (Enero 4).

Abangan kung paano sila naging mag-kumare at kumpare sa isang masaganang bagong taon.

(ROHN ROMULO)