INANUNSYO ng Estados Unidos na tutulong ito para palakasin ang kakayahan ng Philippine maritime law enforcement agencies  sa pamamagitan ng pagbibigay ng $7.5 million, o mahigit  ₱430 milyong halaga ng karagdagang tulong.

Inihayag ito ng White House sa kahalintulad na araw ng pagbisita ni  US Vice President Kamala Harris sa Palawan, ang lalawigan na malapit sa “hotly contested Spratly Islands.”

“The funding will strengthen the agencies’ capabilities to counter illegal fishing, improve maritime domain awareness, and provide search and rescue support, including in the disputed South China Sea,” ayon sa Estados Unidos.

Sinabi pa ng Estados Unidos na ang kanilang Trade and Development Agency, “pending Congressional notification,” ay makatutulong sa Philippine Coast Guard (PCG) sa pag-upgrade at pagpapalawig ng  vessel traffic management system nito para sa pinahusay na  maritime safety at environmental monitoring.

Tinawag naman ng White House  ang  pagbisita ni Harris sa  Palawan na  “historic,”  si Harris kasi ang pinakamataas na ranking US official na bumisita sa lalawigan, kilala bilang  “last ecological frontier” ng Pilipinas.

Makakadaupang palad naman nito ang mga miyembro ng  PCG at talakayin ang umiiral at  future partnerships na may kinalaman sa ahensiya.

Samantala, sinabi naman ng Washington  na maglulunsad ang  United States Agency for International Development ng bagong inisyatiba  kabilang na ang “grant to a local organization” para suportahan ang traditional livelihoods at  mapanatili ang  fishing practices sa bansa.

Layon din nito na palakasin ang food security at isulong ang pangangalaga sa  marine ecosystems sa  South China Sea na sinasabing vulnerable sa  ‘development  at climate change.’

Maliban sa pakikipagpulong sa PCG, si Harris ay nakatakdang bumisita sa  village ng Tagburos kung saan nanggaling ang  kalahati ng  fish supply ng  Puerto Princesa.

Nakatakda naman niton makapulong ang mga  local leaders at mga residente para pag-usapan ang epekto ng “illegal, unregulated, and unreported fishing.” (Daris Jose)

NAKATAKDANG  magpakalat ng non-uniformed policemen ang Philippine National Police sa mga matataong lugar tulad ng divisoria, tiangge, plaza at iba pa bilang bahagi ng pagpapanatili sa seguridad lalo na ngayong papalapit na ang holiday season.

Ayon kay PNP Spokesperson PCol. Jean Fajardo, ito ay bukod pa sa itatalagang kapulisan sa mga police assistance desk sa iba’t ibang lugar.

Aniya, ang naturang non-uniformed policemen na ipapakalat ng pambansang pulisya ay mga pulis na nakasuot ng civilian na ihahalo sa mga tao para mag-obserba sakaling mayroon mang mamataang mga indibidwal may kakaibang ikinikilos.

Ang mga ito aniya ang magrereport ng mga insidente sa mga unipormadong mga pulis upang agad itong maaksyunan at upang hindi na rin aniya mabuking ang mga intel operative na ipinakalat ng pulisya.

Samantala, kaugnay nito ay muli ring nagbigay babala sa publiko si Fajardo hinggil naman sa naglipanang mga modus ng mapagsamantalang loob ngayong papalapit na ang kapaskuhan.

Aniya, dapat na mas mag-ingat ngayon ang publiko dahil sa inaasahang mas maraming mananamantalang manloloko at magnanakaw ngayon lalo na’t ito ang panahon ng bigayan ng christmas bonus ng mga empleyado.

Kabilang sa mga modus na dapat bantayan ay ang mga naglipanang fake money modus, palit-pera modus, basag-kotse modus, at marami pang iba.

Dahil dito ay muling nagpaalala ang tagapagsalita ng pambansang pulisya sa palaging pagiging mapagmatyag, at gayundin ang pag-iwas sa pagsasapubliko ng mga detalye kung saan sila pupunta o kung aalis man ang mga ito dahil posible aniya itong samantalahin ng mga masasama at mapagsamantalang loob.

Kung maalala, una nang sinabi ng Col. Fajardo sa Bombo Radyo Philippines na tulad sa nakalipas na paggunita sa araw ng mga patay ay magpapatupad din ang pambansang pulisya ng maagang deployment ng mga pulis partikular na sa mga areas of convergence kung saan tinatayang nasa 85% ng kabuuang pwersa nito ang idedeployment upang masiguro na hindi makakalusot ang mga mapagsamantalang loob na nagbabalak na gumawa ng masasamang gawain.