NAGBABALIK na nga ang face-to-face event kaya gusto ng event organizer/producer na si Marc Cubales na unang mag-set ng trend upang makabuo ng exciting at memorable event para sa mga wannabe models at beauty pageant contestant.

Kaya naman isinilang ang Cosmo Manila King & Queen 2022, na kung saan nagkaroon ng media presentation kagabi sa Le Reve Event and Pool Party Venue sa Quezon City.

Ayon kay Marc, “We’re back to normal. As a producer, I would like to be the first to produce a sexy pageant competition, a bikini pageant in a very nice venue.

“Higit sa lahat, para makatulong at magbigay ng saya na rin sa mga agent at models ng sexy pageant show.”

Dagdag pa ng movie producer (‘Finding Daddy Blake’ directed by Jay Altarejos), “Yung feeling na nakakapagbigay ng work through producing is good. Maraming masisipag at kilala tayong mga kaibigan na when it comes to production sobrang gagaling at honestly ramdam ko ‘yung dedication nila sa work.

“So deserve nila talaga na bumalik at magkaroon uli ng opportunity na gumawa ng isang dekalidad na pageant tulad ng Cosmo Manila.”

Kaya alamin kung sino ang hihirangin na ‘Cosmo Manila 2022 King & Queen’ sa November 5, 2022, 7PM sa SM Skydome North Edsa.

Ang Cosmo Manila Queen 2022 official candidates ay kinabibilangan ng mga naggagandahan na sina Jane Usison, Khat Gonzales, Claire Ramos, Sahara Cruz, Ver Johansson, Aya Valdez, Jannah Garcia, Milka Gonzales, Anita Gomez, Arianne Villareal, Jasmine Benigno Castro, Airah Graciela, Dimpol Ortega, Mae Burgos, Neah Cassandra Aguilar, Morena Carlos, at Deberly Bangcore.

Samantala, ang makikisig na Cosmo Manila Queen 2022 official candidates ay ang mga sumusunod: Hawkin Madrid, Paul Jiggs Venturero, David Soledad, Christian Villarin, Nash Mendoza, Aaron Moreno, John Zafe, Simon Abrenica, Hanz Vergara, Jovy Angel, Ivan Bonifacio, Ronie Palermo, Curt Del Rosario , RJ Absalud, Allen Ong Molina, at Chadd Solano.

Ang magho-host ng event ay si Michael Bristol, Joy Barcoma, at John Nite, kasama naman sa special guests sina Paul Salas, Kris Lawrence, Sex Bomb New Gen at Batang Mama.

Available ang mga tiket sa SM Tickets. Para sa karagdagang detalye, tumawag sa CP#s 09667088434 at 09602533903.

Part of the proceeds of the show ay mapupunta sa Cosmo Foundation: Gintong Palad & Balikatan Foundation.

Ang ‘Cosmo Manila King & Queen 2022’ ay produce ni Marc Cubales kasama si Ms. Edz Galindez bilang supervising producer, Leklek Tumalad bilang casting director, at Bembem Espanto bilang over-all director.

Nais ding magpasalamat ng Cosmo Manila Queen 2022 sa mga sumusunod na generous sponsors: Beautederm, Dr. Ramon Ramos (President and Chief Executive Officer , Imus Institute Inc and Imus Institute of Science and Technology Cavite), Erase Beauty Care, Bioessence Skin Care Services, Frontrow, Parcero Salon Ni Master Jun, Cubales Water Supply Co., AQ Prime, 90210 BeautyLab QQ, MC Productions, Shai’s D Light Beauty Care, Itel, Edwin Lisa Brows & Aesthetics, Sony Boy Mindo, Dermaworld Center for Age Management, Inc., Calcium Cee , Lueur Lauren International Corp., I-Top View Café & Restaurant, Minas Brokers Logistics, Inc.,TD & Co. Coffee Shop, Victory Central Mall, Alpha Massage & Wellness Theraphy, JM Cubales, at PV Pageant Vote.

(ROHN ROMULO)

EXCITED na ang mga netizens na mapanood ang “Mano Po Legacy, The Flower Sisters” na magiging tampok sina Aiko Melendez, Beauty Gonzalez, Thea Tolentino at si Angel Guardian as the Chua sisters.  

Nagpatikim na kasi ang GMA Network at Regal Entertainment sa pamamagitan ng full trailer ng serye dahil napapanood na ang ilan sa mga aabangang eksena.  Masasabing ang serye rin ang may pinakamalaking cast kaysa sa first three episodes na ipinalabas nila.

Ito na rin daw ang pinaka-fierce na sibling rivalry sa GMA Telebabad series, na maglalaban-laban dito ang four Chua Sisters sa isang ama.  Bawat isa sa kanila ay may ambisyon at pangarap na magiging sanhi ng banggaan at tunggalian sa kanila.

Una na ngang aabangan ang bangayan nina Lily (Aiko) at Violet (Beauty).  Sa trailer kita agad ang katarayan ni Violet at ang mahinahon namang pagsasalita ni Lily pero may lalim ang hugot niya.  Lalong gugulo ang awayan sa pagpasok ng dalawa pa nilang mga kapatid, sina Dahlia (Thea) at Iris (Angel).  Malaki ring katanungan kung sinu-sino pa ang ibang characters na papasok sa serye?

Ang “Mano Po Legacy, The Flower Sisters” ay may world premiere na on Monday, October 31, at ipapalit sa “What We Can Be” na nasa finale this week na ang collaboration ng GMA Network at Quantum Films starring Miguel Tanfelix, Ysabel Ortega at Yasser Marta, na napapanood after ng “Start-Up PH.”

                                                            ***

TIYAK na ikatutuwa ng mga bagets viewers and old-alike, ang balitang tapos na tapos na ang taping ng “Voltes V: Legacy” ni Direk Mark Reyes, at mapapanood na this 2023.

Sabi ay papalitan nito ang top-rating historical fantasy portal series ng GMA Network, ang “Maria Clara at Ibarra” nina Barbie Forteza, Julie Anne San Jose at Dennis Trillo.

Itinatanong naman ng mga netizens kung ano iyong Instagram post ni Direk Mark na “Este Evi” with a caption na “This #sanggre #encantadia, #soon “noellayonflores @suzidoctolero.

Ibig daw bang sabihin, ito na ang next project ni Direk Mark after “Voltes V: Legacy,” ang “Sang’gre”  na sabi’y muling mabubuo ang mga Sang’gre ng “Encantadia,” na sina Kylie Padilla, Sanya Lopez, Gabbi Garcia at Glaiza de Castro?

Pero sa “Sang’gre” ay si Bianca Umali raw ang mangunguna sa mga bagong Sang’gre.  Maalaalang after gawin ni Bianca ang “Legal Wives,” nagsimula na siyang mag-aral ng Martial Arts, at wala ring bagong teleseryeng ibinigay sa kanya ang network.

***

AFTER magpasalamat ng cast at production staff ng “Start Up PH” sa executive producer ng original K-drama series, ngayon naman ay nagpapasalamat sila sa mga netizens and loyal viewers ng serye nina Alden Richards, Bea Alonzo, Yasmien Kurdi, Jeric Gonzales at Ms. Gina Alajar. 

Tinawag nila itong Dreamers, nang magkaroon sila ng cast party last October 17, dahil tapos na tapos na ang taping nila ng serye. At ngayon nga ay umabot na ito sa 100 Million ang Tiktok views and counting pa ito gabi-gabi after ng “Maria Clara at Ibarra” sa GMA-7.

Ginawa rin ang cast party na pa-birthday treat nila kay Bea na umalis for Madrid, Spain kinabukasan, October 18, with her family, para bisitahin at ayusin na ang ownership ng apartment na binili niya bago siya nagsimulang mag-taping sa GMA.

Dalawang projects ang sisimulan ni Bea pagkabalik niya from Spain.

 (NORA V. CALDERON)

Sinabi pa ni Herlene na magta-Tagalog daw siya sa mga gagawing interviews sa kanya sa naturang pageant.

MULING nagpakilig ang JulieVer loveteam sa social media.

Pinakita kasi ni Rayver Cruz na very supportive boyfriend siya sa pagpayag nitong maging modelo sa bagong collection ng clothing line ni Julie Anne San Jose na Mundane Club.

Sa Instagram account ng naturang clothing brand, cc-post ang photo shoot ni Rayver para sa latest collection ng brand. Suot nito ang “JOEY” na classic camisa de chino with linen walking shorts.

Sinuot nga ni Rayver ang ensemble noong magbakasyon ito kasama ang pamilya ni Rodjun Cruz sa Bohol kamakailan.

Clothing business ni Julie Anne ang Mundane Club kunsaan kasosyo niya ang kanyang sister. Sa latest collection nila, binigyan nila ito ng names na mula sa characters ng American comedy series na Friends. Bukod sa JOEY na para sa men’s line, ang women’s line nila ay may mga pangalan na RACHEL. MONICA at PHOEBE.

Natuwa ang JulieVer fans sa pagpayag ni Rayver na maging model sa clothing brand ni Julie. Panay din naman ang post ni Rayver sa kanyang social media accounts ng kanyang mga photos na suot ang mga damit na bagay na bagay sa kanya.

***

BINIGYAN ng send-off party si Herlene “Hipon Girl” Budol ng Binibining Pilipinas dahil lilipad na ito for Uganda para sa ‘Miss Planet International 2022’.

Sinabi pa ni Herlene na magta-Tagalog daw siya sa mga gagawing interviews sa kanya sa naturang pageant.

“Magta-Tagalog po ako para hindi ko po palalimin yung mga English ko. Kasi baka mapahiya ko po ang buong Pilipinas. Doon pa tayo sa… play safe po tayo sa Tagalog,” sey ni Herlene na may makakasamang interpreter niya sa pageant.

Thankful siya dahil hindi niya inakala na mararating niya ang sumali sa isang national beauty pageant at ngayon magiging representative pa siya ng Pilipinas sa isang international beauty pageant.

Kung meron daw siyang dapat pasalamatan sa narating niya ngayon, iyon ay ang kanyang lola na pumanaw noong nakaraang June. Ang kanyang Lola Bireng ang naging pangalawang ina ni Hipon Girl at ito raw ang parating nag-uudyok sa kanya na sumali sa mga beauty pageants.

Hindi na raw naabutan ng kanyang lola ang pagiging first runner-up niya sa Binibining Pilipinas. Kung buhay raw ito ngayon, tiyak daw na masayang-masaya ito dahil naging Miss Philippines ang apo niya.

“Para pa rin sa kanya ito. Kasi siya yung nangarap sa akin. Sasabihin niya, ‘Ang apo ko pang-international.’ Baka nga siya ang nagdala sa akin dito,” naiiyak na pahayag pa ni Hipon na magbibida rin sa GMA teleserye na Magandang Dilag.

***

IBA talaga kapag nagpasabog si Taylor Swift dahil tiyak na malakas!

Muling nag-set ng record ang multi-Grammy winner na si Taylor dahil sa pag-debut ng kanyang 10th studio album na Midnights noong nakaraang October 21.

Agad-agad na naging “most-streamed album in a day” ang Midnights ayon sa Spotify.

Nagpasalamat agad si Taylor sa mga abangers ng kanyang bagong album via social media. Nag-tweet it ng: “How did I get this lucky, having you guys out here doing something this mind blowing?! Like what even just happened??!?!”

Bukod pala sa pagiging “most-streamed album in a day” ang Midnights, na-break din ni Taylor ang record as “most-streamed artist in a single day in Spotify history!”

Tinawag nga ng maraming music critics na isang “Lyrical Mastermind” si Taylor dahil sa 13 songs na sinulat niya for Midnights. Ang first single na n-release na may kasama ng music video ay ang “Anti-Hero” na si Taylor din ang nagdirek.

Sa extended version ng album, may additional na seven new songs pa ang dinagdag ni Taylor. Lahat daw ng songs ay nasulat niya noong magkaroon ng pandemya in 2020.

(RUEL J. MENDOZA)