SA isang post sa kanyang IG Account (therealrossanaroces) ibinahagi ng dating sexy star na si Rosanna Roces ang karanasan niya sa taping ng FPJ’s Ang Probinsyano.

Doon lang niya binanggit na habang nagti-taping siya sa Ilocos ay namatay ang kanyang nanay. Sabi ni Osang, nagawa raw niyang itago ang lungkot pero sinabi niya sa mga co-stars niya na namatay ang nanay niya.

Hindi naman daw siya pwedeng umuwi dahil kailangan na naman mag-quarantine kapag siya ay nagbalik.

Dahil sa lungkot, kwento pa ni Osang, ‘di raw niya namalayan na tinatanggal niya ang kanyang pilikmata na ipinakabit niya bago mag-taping.

Sabi pa ng aktres, nasubok ang kanyang katatagan habang nasa taping ng FPJAP dahil matagal siyang nawalay sa kanyang pamilya na bihirang mangyari.

Kahit daw nakaisang taon since namatay ang kanyang ina, fresh na fresh pa ito sa alaala ni Osang.

Sa isang post pa niya ay masaya naman niyang ikinuwento na binigyan siya ng mga damit ni Megastar Sharon Cuneta.

Dahil pumayat na si Sharon kaya hindi na kasya rito ang iba niyang damit at isa si Osang sa mga nakatanggap na ang iba ay hindi pa naisusuot at may tag pa.

Gagamitin daw ni Osang ang damit na bigay ni Sharon sa taping ng bago niyang show na di pa niya pwedeng sabihin ang title.

***

PROUD nanay si Judy Ann Santos sa kanyang anak na si Yohan.

Tatlong medalya kasi ang naiuwi ng bagets sa sinalihan nitong swimming competition.

Wagi si Yohan ng gold medal sa butterfly, silver medal sa freestyle at bronze medal sa backstroke.

“So proud of you, all the while juggling school work, training and college application. You did so well baby girl,” posted ni Juday sa kanyang IG account (officialjuday).

As of this writing ay 55,009 likes na ang post at 267 comments. Kabilang sa mga nag-comment ay sina Beth Tamayo, Dominic Roque, Ryan Agoncillo, at Biboy Arboleda.

(RICKY L. CALDERON)

PERSONAL naming nasaksihan kung paano dinumog ng mga fans at ‘yung ibang tao na nagpunta sa Ayala Mall Cloverleaf ang mini-concert na handog ng mga celebrity endorsers ng BeauteDerm at guest artists, para sa grand opening ng store.

Punung-puno ng mga tao, lalo na sa palibot ng activity center na kung saan ginanap ang ‘Meet & Greet’ event last Sunday, September 11. Nag-uumapaw rin sa bawat floors ng mall na kung saan natatanaw nila ang mga kaganapan sa ibaba.

Inabangan namin ang paglabas ng dalawang social media influencers na first time magsasama sa isang big event, kung saan kitang-kita talaga ang pagsuporta ng kanilang mga fans.

Isa sa unang nag-perform si JC Santos, na patok na patok sa masa ang kanyang mapang-akit na pagkanta. Ang swabe-swabe ng banat niya lalo sa mga kanta ng ‘Apo Hiking Society’, nakaka-inlab, sa totoo lang.

Nagpasiklab din si Buboy Villar sa kanyang pagkanta, na tulad ni JC ay kinagiliwan ng masa.

Pero ang bongga ang dance number nila ni Jelai Andres, isa nga sa pinaka-tinilian lalo ng na kanyang mga fans, na ‘yun iba ay dumayo pa mula sa malalayong lugar, para lang makita siya ng personal.

Pero mas umapaw ang tilian at sigawan sa Ayala Mall Cloverleaf nang lumabas si Zeinab Harake, ang newest brand ambassador ng Beautederm, para sa kanyang pasabog na dance number.

Na ayon kay DJ Chacha, parang Daniel Padilla ang peg, ganun din ang karami ang mga tao at sigawan pag nagmo-mall show.

Magkasunod namang lumabas ang Kapuso couple na sina Ruru Madrid at Bianca Umali, para sa kani-kanilang song numbers.

Ramdam na ramdam namin ang pagmamahal nila kay Ruru, na lalong sumikat dahil sa ‘Lolong’ at nagsimula na ring mapanood ang ‘Running Man PH’ sa GMA, perfect siya mag-close ng event.

Aliw-aliw din kami kay Boobay na bukod sa magaling komedyante at magaling ding kumanta. Samantala, ang nag-open ng successful event ng Beautederm ay ang X-Factor UK finalist na si Maria Laroco, na halimaw nga sa pagbirit ng mga rock songs.

Infairness, sulit na sulit ang pumila at bumili nang magaganda at pinagkakatiwalaang produkto ng Beautederm, dahil may special seats sila at nagkaroon ng chance sa meet and greet, and course makapag-picture sa kanilang idolo at plus pa ng ibang stars.

Umulan din ng mga freebies na binibigay at binabato ng mga stars na nag-perform. Iba talaga ang saya ng mga nakakakuha ng products, na pwede nilang i-try pagdating sa kani-kanilang bahay.

Nakaka-touch din ‘yung ibang mommies na dala-dala ang mga kids, nakipagsiksikan at matiyagang naghintay dahil gustong makita ang hinahangaang social media stars. Na for sure, pinag-ipinunan nila, para makapunta sa event at makalapit sa mga celebrity endorsers.

Iba talaga magmahal ang mga nanay, lahat ay gagawin, para kaligayahan ng mga anak. Priceless ‘yun para sa kanila, at kaya nilang magsakripisyo sa ibang bagay. Kitang-kita namin ang saya nila, lalo na sa kanilang kakaibang experience, na mananatili sa mga kuha nilang mga larawan.

Congratulations Ms. Rhea Anicoche-Tan, sa isa namang matagumpay na grand opening at tulad ng nasa kanta… “sa Beautederm, gaganda ang buhay mo…” and at the same marami talagang napapasaya.

***

LAST September 7, nagbukas na ang SOCMED House (Ang Bahay ni Direk Miah), ang reality show ng KSMBPI (Kapisanan ng mga Social Media Broadcasters ng Pilipinas, Inc.) na puwedeng balik-balikan sa kanilang Facebook page at sa KRTV YouTube channel.

Aminado sina Direk Jeremiah Palma, na peg nila ang PBB (Pinoy Big Brother), na kung saan 10 housemates ang mapipili every week at titira sa isang condo unit sa Kyusi, na kung saan dadaan sila sa mga challenges, workshops at training.

Sa unang batch, siyam lang nakapasok sa bahay na sina Cristina Campuspos Abaigar (Noveleta, Cavite, 19), Princess Stephanie Mongit (Pasay City, 18), Johnson Baronia (Trece Martires, Cavite, 26), Clint Kenneth Benamer (Tanza, Cavite, 31), Ruel Carreon (Caloocan City, 43), Kriszle dela Cruz Teope (Quezon City, 35), Matthew Gabriel Canilang (San Pedro, Laguna, 19), Marvin Escueta (Quezon City, 34), at Rechelle Ann Vargas Lorsano (Quezon City, 17).
Ayon kay Dr. Michael Aragon, mga ordinaryong tao ang pinili nila na gustong mag-artista at hindi rin sila namimili basta lang nasa legal na edad ay puwedeng sumali o mag-apply sa reality show.

Magkakaroon ito ng four batches, na kung saan pipiliin ang grand winner after na makapasok na ang lahat ng housemates, at ang mananalo sa online voting ay magiging bida sa movie na ipo-produce ng KSMBPI, na ang advocacy ay makatulong talaga sa movie industry, lalo sa mga indie filmmakers.

Say pa ng founding chairman, “lahat silang 40 housemates ay kasama sa pelikula, kaya lahat sila ay winner na rin. Sa ranking na lang sila magkakaiba at roles na mapupunta sa kanila.”

After ng reality show, wala silang papirmahin o ima-manage dahil conflict of interest ‘yun. Ang aim lang nila ay mag-train for free at wala talagang kapalit.

“This is what advocacy is all about. We will not sign up anybody. So, kung may magka-interes na i-manage sila, they can do so. Pakakawalan namin sila.”

Ang hiling lang ng organisasyon, na kung sino man ang maging matagumpay sa mga pumasok sa Socmed House, ay mag-‘pay it forward’ at tumulong din sa mga nangangarap, pero walang kakayanan para suportahan ang kanilang ambisyon.

Samantala, noong Linggo, September 11, nag-exit na ang Batch 1 ng mga housemates na kung saan pinamalas nila ang kanyang pag-arte and soon ipakikilala na ang Batch 2 na papasok sa Socmed House.

(ROHN ROMULO)

IPINAHAYAG na ng Manunuri ng Pelikulang Pilipino ang mga nominado para sa 45th Gawad Urian.

Ang mga nominado sa Best Picture ay Big Night, Ang Historya ni Ha, Kun Maupay Man It Panahon, On The Job: The Missing 8, at Walang Kasarian ang Digmang Bayan.

For Best Director, magkakalaban sina Joselito Altarejos (Walang Kasarian ang Digmang Bayan), Lav Diaz (Ang Historya ni Ha), Lawrence Fajardo (A Hard Day), Carlo Francisco Manatad (Kun Maupay Man It Panahon), Erik Matti (On The Job: The Missing 8) at Jun Robles Lana (Big Night!).

Except for Miss Charo Santos-Concio, na nominado para sa Kun Maupay Man It Panahon, parang puro first timers sa Urian ang mga finalists sa Best Actress namely Donna Cariaga (Rabid), Elora Espano (Love and Pain in Between Refrains), Kim Molina (Ikaw at Ako at ang Ending) at Yen Santos (A Faraway Land).

Exciting naman ang labanan for Best Actor sa pagitan nina John Arcilla (On The Job; The Missing 8), Christian Bables (Big Night!), Paolo Contis (A Faraway Land), John Lloyd Cruz (Ang Historya ni Ha), Dingdong Dantes (A Hard Day), Francis Magundayao (Tenement 66), at Shogen (Gensan Punch).

Best Supporting Actress contenders naman sina Dolly de Leon (Ang Historya ni Ha), Lotlot de Leon (On The Job: The Missing 8), Eugene Domingo (Big Night!), Jay Valencia Glorioso (Rabid), Mae Paner (Ang Historya ni Ha), at Shella Mae Romualdo (Arisaka).

Sa Best Supporting Actor category, nominado sina John Arcilla (Big Night! at A Hard Day), Ronnie Lazaro (Gensan Punch), Sandino Martin (Walang Kasarian ang Digmang Pambayan), Dante Rivero (On The Job: The Missing 8), at Dennis Trillo (On The Job: The Missing 8).

Ang Manunuri ang oldest critics group sa bansa at siyang nagbibigay ng Gawad Urian taon-taon. Sila ay binubuo nina Gary Devilles (Chair), Shirley Lua, Gigi Alfonso, Laurence Marvin Castillo, Butch Francisco, Mike Rapatan, Anne Frances Sangil, Nic Tiongson, Roland Tolentino, at Tito Genova Valiente.

Ang mga nominado para sa Best Short Film at Documentary ay ipapahayag sa September 16. Ang awards night na gagawin online ay gaganapin sa October 27, 2022.

***

PINAG-UUSAPAN nang husto ang katatapos lang na PBA Philippine Cup Game 7 last Sunday, September 4 kung saan tinutukan ng basketball aficionados ang matinding labanan ng San Miguel Beermen at TNT Tropang Giga.

The match scored record-high viewership para sa TV 5 at OneSports Channel. Napuno rin ang Araneta Coliseum.

Ayon sa Nielsen NUTAM Overnight Data, ang PBA Game 7 telecast sa TV5 at OneSports ay nakakuha ng “cumulative unduplicated reach” of 6.9 million viewers and a combined ratings of 6.85 average minute rating (AMR), placing Top 6 Program of the Day across all channels.

Umapaw din ang tao na nanood sa Araneta Coliseum kung saan may 15, 195 gate attendance para sa do-or-die Game 7 match kung saan napuno ng hiwayan ng mga PBA fans ang venue.

Nakatutuwang makita ang excitement ng mga sports fans sa iba’t-ibang bahagi ng bansa. At kung titignan ang high viewership rating ng TV5 at OneSports, at ang full gate attendance ng Araneta Coliseum, maasahan natin na mas lalo pang magiging matagumpay ang next PBA conference at mas marami pang sports fans ang manonood.

(RICKY CALDERON)