2022 May Archive - People's Balita

Archive for May, 2022

Calabarzon, todo ang suporta kay Leni Robredo

Posted on: May 5th, 2022 by @peoplesbalita No Comments

DAAN-DAANG libong mga taga-suporta ni Vice President Leni Robredo ang dumalo sa kanyang mga people’s rally sa Laguna, Cavite, at Batangas nitong mga nakaraang araw patunay na napakalakas ng kanyang kampanya pagka-Pangulo ilang araw bago ang May 9 national elections.

Ang lahat ng mga tao – kasama ang mga naglalakihang artista ay nanindigan na hindi sila bayad para dumalo sa mga rally. Sa katunayan, ang kanilang mga kongresista at iba pang local leaders ay nanguna rin sa pag-endorso kay Robredo bilang susunod na Pangulo ng bansa.

Ayon mismo sa Commission on Elections (Comelec), ang Region 4-A Calabarzon – Cavite, Laguna, Batangas, Rizal, at Quezon – ay ang rehiyon na may pinakamaraming nakarehistrong botante. Sa datos ng Comelec, mayroon 9,193,096 na botante sa Calabarzon.

Si Congresswoman Sol Aragones ng ikatlong distrito ng Laguna, inanunsyo ang kanyang suporta para kay Robredo noong grand rally sa Sta. Rosa noong April 29.

Higit sa 225,000 katao ang dumalo sa “Tanglaw Laguna Rally”, isa sa mga pinakamalaking people’s rally ni Robredo.

Si Congressman Dan Fernandez ng unang distrito ng Laguna ay umakyat din ng entablado para iendorso si Robredo sa harap ng daan-daan niyang mga kababayan.

Dumalo rin sa people’s rally sina dating Laguna governor Joey Lina, dating San Pedro Mayor Calix Cataquiz, kumakandidato pagka-San Pablo City mayor na si Amante, at dating former Rizal Mayor Rolen Urriquia.

Sa Cavite kung saan higit sa 100,000 katao ang pumuno ng New City of Dasmariñas Football Field noong Linggo, kasama ni Robredo sa entablado sina Cavite 3rd District Congressman Alex Advincula, Cavite 4th District Congressman Pidi Barzaga, Jr., at ang kanyang misis na si Dasmariñas City Mayor Jenny Austria-Barzaga.

Mga barako naman sa Batangas ang nag-endorso kay Robredo kung saan higit sa 280,000 ang dumalo sa “Barako para kay Leni-Kiko” grand people’s rally na ginanap sa Bauan, Batangas noong April 30.Dito ay inendorso ni Batangas 2nd District Congressman Raneo “Ranie” Abu si Robredo.

PDu30, pinayuhan ang mga Muslim na manatiling modelo ng “goodwill, compassion”

Posted on: May 5th, 2022 by @peoplesbalita No Comments

NANAWAGAN si Pangulong Rodrigo Roa Duterte sa Filipino-Muslim community na hindi lamang maging modelo ng Islamic faith, kundi maging ng “goodwill and compassion for all of humanity”.

Sa kanyang Eid’l Fitr message, binati ni Pangulong Duterte ang mga Filipinos-Muslims sa buong mundo ng Eid Mubarak (blessed feast) at ang wish niya sa mga ito ay makabuluhang selebrasyon.

Umaasa naman ang Punong Ehekutibo na ang mga Muslim ngayon ay “refreshed” at mayroong “renewed strength” sa panahon ng “festive conclusion” ng holy month ng Ramadan.

“May this event inspire you to remain models not only of the Islamic faith, but also of goodwill and compassion for all of humanity,” ayon sa Pangulo sabay sabing “I thus join you in giving thanks to the Almighty for this blessing and for sustaining you during your month-long fast.”

Sa kabilang dako, batid naman ng Pangulo na napanatili ng pananampalataya ang bansa simula Marso 2020 nang sumipa ang Covid-19 pandemic.

“Let us therefore be truly grateful for the constant guidance and provision we have received all throughout this whole ordeal,” dagdag na pahayag nito.

Nauna rito, sa bisa ng Proclamation No. 1356 idineklara ng Malakanyang na regular non-working holiday sa buong bansa, ngayong araw, Mayo 3 bilang bilang pagdiriwang ng Eid al-Fitr o ang pagtatapos ng buwan ng Ramadan.

“The entire Filipino nation should have the full opportunity to join their Muslim brothers and sisters in peace and harmony in the observance and celebration of Eid’l Fitr, subject to the public health measures of the national government,” ang nakasaad sa proklamasyon.

Ang Eid’l Fitr ay ipinagdiriwang ng Muslim community tatlong araw matapos ang isang buwan na Ramadan fasting.

Nadedetermina ang Eid’l Fitr gamit ang lunar-based Islamic calendar sa pamamagitan ng sighting ng crescent moon sa Islamic month of Shawwal.

Ipinagdiriwang ang Eid’l Fitr bilang regular holiday sa bisa ng Republic Act 9177 bilang pagkilala sa Islamic heritage ng Pilipinas. (BISHOP JESUS “JEMBA” M. BASCO)

P11 BILYON HALAGA NG ILLEGAL DRUGS TINURN OVER NG NBI SA PDEA

Posted on: May 5th, 2022 by @peoplesbalita No Comments

AABOT sa halagang P21 bilyong ilegal na droga ang itinurn over ng National Bureau of Investigation (NBI) sa Philippine Drug Enforcement Agency (PDEA).

Ayon kay NBI OIC-Director ERIC B. DISTOR ang nasabing hakbang ay alinsunod sa kautusan ng Regional Trial Court sa ilalim ng Fourth Judicial Region ng Infanta, Quezon.

Sa nasabing kautusan, ang NBI sa pamamagitan ng kanilang Forensic Chemistry Division (FCD) na may kustodiya ng mga ilegal na droga ay nagturn over sa PDEA noong April 11 at 26, 2022, ng kabuuang timbang na 1,855.0 kilograms ng ilegal na droga.

Sinabi ni Distor na noong Marso 15, 2022, nasabat ng mga pinagsamang operatiba ng NBI sa pangunguna ng Task Force Against Illegal Drugs (NBI-TFAID) ang mahigit isang (1) tonelada ng hinihinalang iligal na droga na nagkakahalaga ng P11 Bilyon sa Barangay Comon, Infanta, Quezon.

Binigyang-diin ni DISTOR na bukod sa mga operatiba ng TFAID, kasama sa operasyon ang mga ahente ng NBI-Research and Analysis Division (RAD) at Lucena District Office (LUCDO), sa pakikipag-ugnayan sa PNP Infanta, Quezon at PDEA Lucena.

Ang operasyon ay nagresulta rin sa pagkakaaresto sa sampung (10) mga salarin habang nasa akto ang pagbibiyahe ng mga hinihinalang iligal na droga sakay ng tatlong (3) commuter van.

Iginiit ni Distor na kasunod ng pagkakasamsam ng iligal na droga, ang 10 naarestong Subject ay iniharap para sa Inquest proceedings sa Office of the Prosecutor of Infanta, Quezon para sa Paglabag sa RA 9165 o kilala bilang Comprehensive Dangerous Drugs Act of 2002. (GENE ADSUARA )

Makikita sa virtual statue na hawak ang baby bump: Kabogera sa Met Gala na si RIHANNA ‘di nakadalo dahil sa pagbubuntis

Posted on: May 5th, 2022 by @peoplesbalita No Comments

TILA nag-retire na raw sa paggawa ng pelikula si Direk Carlitos Siguion-Reyna.

Unforgettable ang mga nagawa niyang mga pelikula sa ilalim ng Reyna Films tulad ng Hihintayin Kita Sa Langit, Saan Ka Man Naroroon?, Kung Mawawaka Ka, Ikaw Ka Pang Ang Minahal, Inagaw Mo Ang Lahat Sa Akin, Ligaya Ang Itawag Mo Sa Akin, Tatlo Magkasalo, Ang Mga Lalake Sa Buhay Ni Selya, Kahapon Dalawang Bata at Abot-Kamay Ang Pangarap.

Paborito namin ay ang unang pelikula niya na Misis Mo, Misis Ko na pinalabas noong 1988 na bida sina Dina Bonnevie, Edu Manzano, Jackie Lou Blanco, Ricky Davao at Jaclyn Jose.

Ang pag-arte na raw ang gustong gawin ni Direk Carlos at misteryoso ang kanyang role sa GMA Afternoon Prime teleserye na Apoy Sa Langit.

Nag-enjoy daw si Direk Carlo na maging artista lang for a change. Sumusunod na lang daw siya sa kanilang direktor na si Laurice Guillen.

“I’ve attended one of Direk Laurice’s acting workshop noon. Kung ano ang mga natutunan ko sa workshop, I apply it in my scenes. Sa totoo lang, masarap palang umarte na lang. And working with Direk Laurice for the first time, it’s something to look forward to,” sey pa niya.

Si Direk Laurice daw ang nag-suggest na subukan si Direk Carlos sa role na Edong. Naalala raw kasi ni Direk Laurice nang minsang mapanood siya sa isang stageplay si Direk Carlos at mahusay ito. Kaya bagay daw sa rito ang gumanap na isang sinister charater sa teleseryeng dinidirek niya.

***

BUMALIK na sa trabaho ang comedian na si Joey Paras pagtapos bumuti na ang kalagayan nito.

Kung matatandaan ay naospital dahil sa sakit sa puso si Joey noong kasagsagan ng pandemya. Maraming kaibigan ni Joey ang tumulong sa kanya financially para sa kanyang pagpapagamot at sa iba pang gastusin niya kung sakaling maoperahan siya.

Nagpapasalamat si Joey na hindi natuloy ang pagpapa-angioplasty surgery niya dahil wala naman daw nakitang bara sa kanyang coronary arteries. Nagkakahalaga pa naman daw ng P750,000 ang angioplasty surgery.

Nagpalakas na lang si Joey at ngayon ay parang hindi siya naospital dahil masigla na ulit ang katawan niya. Pero maingat na raw si Joey at change of lifestyle na raw ang ginagawa niya. Maingat na raw siya sa kanyang kinakain at makikinig na raw siya sa katawan niya kapag kailangan na nitong magpahinga.

Dahil nagbalik na siya sa trabaho, sinama siya sa comedy segment ng All Out Sundays kunsaan kasama niya si Eugene Domingo.

***

KANYA-KANYANG drama ang suot ng mga dumalo sa Met Gala 2022 na ginanap noong May 2 sa Metropolitan Museum of Art in New York City.

Ang tinaguriang “the Oscar of Fashion” ang may theme sa taong ito na “Gilded Glamour “. Inspired ang fashion sa mga TV series na Bridgerton, The Gilded Age at Downton Abbey na puno ng opulence, excess and fame.

Ang mga naging hosts for this year ay ang mag-asawang Ryan Reynolds at Blake Lively, Oscar winner Regina King at Tony Award winner Lin-Manuel Miranda. Ang Vogue editor-in-chief Anna Wintour, designer Tom Ford at Adam Mosseri ang mga honorary chairpersons.

Ang kabogera parati ng Met Gala na si Rihanna ay hindi nakadalo dahil nasa ika-third trimester na ito ng kanyang pagbubuntis. Pero hindi pa rin nawala ang presence niya dahil sa virtual marble statue niya sa venue.

Sa digital realm lang makikita ang statue ni Rihanna kunsaan hawak niya ang kanyang baby bump na lumabas sa cover ng Vogue,

Pinost ni Rihanna sa kanyang Instagram ang video ng kanyang virtual statue at nilagyan niya ng caption na: “shut down the met in marble! what’s more gilded than that? Lol! Thank you @metmuseum and @voguemagazine for this historic tribute! y’all bad for this one!”

(RUEL J. MENDOZA)

LTFRB: 7,870 slots binuksan para sa TNVS

Posted on: May 5th, 2022 by @peoplesbalita No Comments

Binuksan ng Land Transportation Franchising and Regulatory Board (LTFRB) ang mahigit na libong karagadagan slots para sa transport network vehicle service (TNVS).

Naglaan ng 7,879 slots ang LTFRB para sa karagdagan slots ng TNVS upang lumakas ang operasyon ng TNVS at ng mabiyan ng tamang serbisyo ang mga pasahero.

“We opened 7,870 slots for accredited transport network companies (TNC) such as Grab, Angkas and Joyride,” wika ng LTFRB.

May 7,000 na bagong slots ang binuksan at inilaan sa Metro Manila, 230 slots sa Central Luzon, 500 naman sa Bicol at 150 sa Western Visayas.

Ang mga interesadong kumpanya sa Metro Manila ay maaaring mag fill up ng registration form sa website ng LTFRB at social media pages nito. Bibigyan sila ng kaukulang reference number at e-mail confirmation tungkol sa oras at petsa ng kanilang pagrehistro sa central office ng LTFRB sa Quezon City.

Samantalang, ang mga aplikante sa Central Luzon, Bicol at Western Visayas ay puwede naman mag fill up ng kanilang application form sa mga regional offices ng LTFRB. Ang mga nasabing slots ay ibibigay ng first-come, first-serve basis lamang.

Ang mga aplikante ay kinakailangan na mag file ng formal offer ng evidence limang (5) araw bago ang nakatakdang araw ng hearing na may nakaakibat na mga dokumento na nagpapatunay ng existence ng garage at financial capability at may 5R photograph ng bawat unit na gagawing TNVS. Kailangan din ang registration sa Department of Trade and Industry (DTI), certificate ng rehistro sa Bureau of Interna Revenue o ebidensiya ng filing. Kinakailangan din na mag submit ng certificate ng accreditation mula sa accredited na TNC at clearances mula sa National Bureau of Investigation (NBI) at Philippine National Police (PNP) ng kanilang authorized driver.

“They also need to include an affidavit of publication, copies of the publication and an affidavit of attestation of the documents they would file,” dagdag ng LTFRB.

Ginawa ng LTFRB ang hakbang na ito matapos na humiling ang ridehailing platform na Grab sa LTFRB na magbukas ng panibagong slots para sa TNVS units upang mabawasan ang kakulangan ng mga sasakyan.

Noong June 2019, ang LTFRB ay nagbukas ng 10,000 na bagong slots para sa mga TNVs. LASACMAR

Exclusive interview, ia-upload before election… VICE GANDA, tinawag na susunod na Pangulo si VP LENI

Posted on: May 5th, 2022 by @peoplesbalita No Comments

ANG mga hari at reyna pa rin talaga ng Kapuso network ang unang nagpapabalik ng face-to-face presscon ng GMA Networks.

Ang bagong sitcom at magsisilbing comeback ni Marian Rivera at the same time, comeback din ng team-up nila ni Dingdong na “Jose & Maria’s Bonggang Villa” ang unang f2f presscon ng GMA-7 talaga.

Yes, meron na rin one or two pero all are small interview lang unlike this one. Dasurv naman bilang comeback nga nina Dong at Yan.

Siyempre, much-awaited at much-anticipated talaga ang pagsasama nilang itong muli sa matagal na rin nilang wini-wish na sitcom. Matagal na nasabik ang mga DongYan fans na mapanood silang muli kaya sure na ang dami na talagang nag-aabang.

***

WALANG-DUDA na mabilis at posibleng inihabol talaga ni Vice Ganda ang exclusive interview niya kay Vice President Leni Robredo na mai-upload niya sa kanyang YouTube account, ilang araw bago ang election sa May 9.

Ipinakilala niya na talaga itong, “ang susunod na Pangulo ng Republika ng Pilipinas.”

Hanga raw si Vice kung paano nabuhay muli ang volunteerism sa mga campaign rally ng Kakampink. Dahil naranasan nga niya ito ng dalawang beses na. Una sa Pasay.

Sey niya, “Maganda ang vibes. Positibo ‘yung mga tao. Maraming mga tao talaga na pumupunta ro’n para boluntaryong magbigay ng suporta do’n sa mga makikinig at pupunta.”

May mga kakilala rin daw siyang nagpunta sa rally sa Pasay at lahad pa ni Vice, “Late na, e. Grabe, ang lala. Para na talaga kayong magkakakilala. Kahit hindi mo kilala o alam ang pangalan o saan galing.”

At sa kabisihan din naman ng schedule ngayon ni VP Leni, talagang naglaan ito ng oras sa interview nila ni Vice na naganap sa bonggang customized van ng Unkabogable Phenomenal Star.

***

ANG Kapuso comedienne/actress na si Pokwang ay diretsahan nang nanawagan sa kanyang dalawang sinusuportahan ngayong election na sina VP Leni Robredo at Senator Kiko Pangilinan.

Ang panawagan nito, ipanalo na raw talaga nila ang laban ngayong election. Inamin ni Pokwang na dahil na rin sa pagiging all-out supporter niya sa kampanya ng Kakampink, talagang todo na at bugbog na bugbog na raw siya sa mga pambabash na natatanggap.

Na ultimo ang mga anak nila na walang kamuwang-muwang ay idinadamay sa mga panlalait at pang-aalipusta ng mga supporter naman ng kalabang partido.

Sey ni Pokwang sa kantang tweet, “Ipanalo na natin ito ha mam @lenirobredoat sir @kikopangilinan

“Sobrang bugbog na po kmi sa mga bashers pero ok lang kahit anong hagupit nila basta yayakap ako ng mahigpit kay God kasi para sa kanila lahat ng ito, mura, lait pati mga anak na walang muang damay na.”

(ROSE GARCIA)

Inamin na di kinaya nang laitin ng Pangulo ang Diyos… SHARON, naging emosyonal ang speech at nabanggit sina BBM at SARA

Posted on: May 5th, 2022 by @peoplesbalita No Comments

NAGING madamdamin nga at speech ni Megastar Sharon Cuneta sa naganap na peoples rally nina Sen. Kiko Pangilinan, at Vice-President Leni Robredo sa Sta. Rosa, Laguna.

Ayon kay Sharon Cuneta naging kaibigan niya noon at ka-close ang presidential candidate na si ex-Sen. Ferdinand “Bongbong” Marcos Jr.

“Among the Marcos children, I would consider Bongbong the closest I had become to. Si BBM hindi ko iniwan. Hindi ko siya iniwan that whole time.

“Hindi nangangahulugang agree ako sa mga nalaman ko na unti-unti namulat ang mata ko dahil kilala ko ang pamilya personally.

“Hindi naman ganoong ka-close. Pero kilala ko sila. I did not leave Bongbong during all those years after People Power. He was my friend.”

Tungkol naman kay Inday Sara Duterte, “I met Sara when she was nine years old. Ever since she was nine years old, she has been a Sharonian.

“And Sara has been like my sister. Sara is my friend. She was like my sister. I hope after elections, I hope we can still be friends.”

Aminado naman si Mega na ang turing niya kay Pangulong Rodrigo Duterte ay parang tatay na.

Pero hindi niya kinaya nang mapanood ang isang speech na kinakalaban ng Pangulo ang ating Diyos.

Bulalas ni Sharon, “When Tatay…once I saw on YouTube, he said who is this stupid God? Para akong binuhusan ng kumukulong tubig at meyelong tubig nang sabay. Kasi kapag Diyos na ang kinalaban mo, sino pa ang Diyos mo.”

Tungkol naman sa mga iboboto niyang sa May 9 National Election, “Ang pipiliin ko yung kilala ko na, yung alam ko na. This time ayoko na mabulag, ayoko na namulat na ako.

“Iba ang pagmamahal. Iba ang pagli-lead ng bansa. Ibang usapan yun, dahil marami akong nakitang gutom. Marami akong nakitang nangangailangan when the pandemic hit us.”

Para naman sa mga kabataan, lalo yung first time voter.

“You’re young, you’re smart, you’re woke, you know fake news, you know what’s real. You know how to find out the truth,” sabi ni Mega.

“It is so easy in this day and age. Do your research. Convince those na hindi pa namumulat ang mata na ito dapat ang gobyerno natin. Ipaglaban natin ito.”

At sa May 9, wag sayangin ang karapatang bumoto para sa kinabukasan ng ating mahal na Pilipinas. Vote wisely, ika nga!

(ROHN ROMULO)

Iglesia ni Cristo (INC), opisyal na inendorso ang BBM-Sara tandem

Posted on: May 5th, 2022 by @peoplesbalita No Comments

OPISYAL na ng Iglesia ni Cristo (INC) ang tambalan nina presidential candidate Ferdinand “Bongbong” Marcos Jr. at vice presidential bet Sara Duterte-Carpio para sa 2022 national elections.

Inanunsiyo Martes, Mayo 3 ng INC ang kanilang susuportahang kandidato para sa dalawang mataas na posisyon sa gobyerno apat na araw bago ang nakatakdang pagtatapos ng campaign period sa Mayo 7.

Usap-usapan na rin noon pang buwan ng Pebrero na ang BBM-Sara tandem ang ii-endorso ng INC matapos na isagawa ang proclamation rally nina Marcos at Duterte sa largest indoor arena sa buong mundo, ang Philippine Arena sa Bulacan na pagmamay-ari ng INC.

Maliban pa sa Marcos-Duterte tandem, inendorso din ng INC ang mga senatorial bets na sina dating PNP chief Guillermo Eleazar, Actor na si Robin Padilla, Jinggoy Estrada, Joseph Victor Ejercito, Senator Miguel Zubiri, Francis Escudero, dating VP Jejomar Binay, House Speaker Alan Peter Cayetano, Senator Sherwin Gatchalian, Mark Villar at Senator Joel Villanueva.

Ang INC ay kilala sa practice nito na “bloc voting” kung saan ang mga miyembro ng simbahan ay inaasahang iboboto ang kanilang inendorsong kandidato. (Daris Jose)

Ads May 5, 2022

Posted on: May 5th, 2022 by @peoplesbalita No Comments

PDU30, tuluyan nang tinuldukan ang E-sabong

Posted on: May 5th, 2022 by @peoplesbalita No Comments

TULUYAN nang tinuldukan ni Pangulong Rodrigo Roa Duterte ang E-sabong kasunod ng reKOmendasyon ni Interior Secretary Eduardo Año.

“The recommendation of Sec. Año is to do away with e-sabong,” ayon kay Pangulong Duterte sa kanyang Talk to the People, araw ng Martes.

“And I agree with it, E-sabong will end by tonight…or bukas,” dagdag na pahayag nito.

Nauna rito, nagsagawa ng mahigpit na pagsusuri ang Department of the Interior and Local Government (DILG) sa bagay na ito.

Inatasan kasi ni Pangulong Duterte si Sec. Año na magsagawa ng survey sa industriya.

“Given its network within the local units, and gather feedback in both cities and provinces regarding its operations,” ayon sa Pangulo.

“The recommendation is on my table now, so ‘pagdating doon, basahin ko and maybe by Monday, malaman natin kung ituloy natin o hindi,” ang naging pahayag ng Pangulo nito lamang weekend nang magsagawa siya ng inspeksyon sa OFW Hospital sa Pampanga.

“‘Pag-aralan ko ‘yan ngayong gabi. I will read it all over again, and I would like to see the dimension,” pagpapatuloy nito.

Sa nasabi pa ring event, sinabi ng Pangulo na dapat lamang na ipagpatuloy ang operasyon ng E-sabong sa ilalim ng Philippine Amusement and Gaming Corporation (PAGCOR), para sa isang ahensiya upang magkaroon ng centralized data ukol sa gaming operations.

“Sabi ko sa kanila it must be under PAGCOR. Lahat ng sugal dito sa Pilipinas PAGCOR kasi may control ako. Isang opisina lang tawagan ko kung meron ba nito o wala at anong nangyari dito, so I can have an answer without going to different offices to ask,” anito.

Samantala, agad nang ipasasara ngayong araw ng Department of Interior and Local Government (DILG) ang lahat ng iba’t ibang klase ng operasyon ng E-sabong sa Pilipinas.

Ito ay matapos na ipag-utos ni Pangulong Rodrigo Duterte ang pagpapatigil ng naturang sugal na talagang talamak ngayon sa bansa.

Ipinahayag ni DILG Usec. Jonathan Malaya na ang kautusan na ito ng pangulo ay immediately executory at ngayon ay inatasan na rin aniya ni DILG Sec. Eduardo Año ang Philippine National Police (PNP) at ang lahat ng local goverment unit (LGU) upang agad na ipatupad ito sa iba’t ibang panig ng bansa.

Kabilang aniya sa mga operasyon na kanilang agad na ipatitigil ay ang mga studio live show kung saan ginagawa ang physical sabong, at mga betting station ng E-sabong.

Para kay Malaya, panahon na para ipatigil ang nasabing sugal bagama’t malaki ang natatanggap na kita ng pamahalaan dito dahil marami na aniyang nalululong dito na magdudulot lamang ng kapahamakan. (Daris Jose)