2022 May 25 Archive - People's Balita

Archive for May 25th, 2022

PDu30, umaasang “less fatal” o hindi nakamamatay ang monkeypox kumpara sa Covid-19

Posted on: May 25th, 2022 by @peoplesbalita No Comments

UMAASA si Pangulong Rodrigo Roa Duterte na hindi magiging “fatal’ o nakamamatay ang monkeypox kumpara sa coronavirus disease 2019 (Covid-19).

Nagkaroon na kasi ng monkeypox outbreak kung saan ay karamihan sa Europa.

Sa kanyang Talk to the People, Lunes ng gabi, hiniling ni Pangulong Duterte kay Department of Health (DOH) Undersecretary Dr. Abdullah Dumama na ipaliwanag kung bakit mapanganib ang monkeypox.

Ayon kay Dumama, ang mortality rate ng rare viral disease ay isang porsiyento lamang.

“Mayroon din pong fatality ito, fatality rate na at least 1 point — ah 1 percent lamang po. Hindi naman ho ito gaanong ganoon ka-virulent at hindi ito nagbibigay ng malalang sakit, mahal na Pangulo ,” ayon kay Dumama.

Kaya nga, umaasa si Pangulong Duterte na ang monkeypox ay hindi nakamamatay katulad ng Covid-19.

Nagbiro naman ang Pangulo na nag-aalala siya sa mga unggoy.

“Sana ‘wag kasi patay lahat ng unggoy dito pagka ganoon , mass execution,” dagdag ng Punong Ehekutibo.

Sa ulat, naitala ang mga kaso ng monkeypox sa iba’t ibang mga bansa tulad ng Portugal, Spain, United Kingdom, at ngayon maging sa United States.

Sinasabing batay sa abiso ng Centers for Disease Control and Prevention o CDC ng Amerika, naipapasa ang monkeypox virus kapag ang isang tao ay nagkaroon ng contact sa virus mula sa hayop, kapwa tao, o maging sa kontaminadong bagay.

Kabilang sa sintomas ng monkeypox ay lagnat, sakit ng ulo, pananakit ng katawan at likod, namamagang kulane, panginginig at pagkapagod.

Sa loob ng isa hanggang tatlong araw (o mahaba pa) matapos na lagnatin, nagkakaroon ng mga rashes ang pasyente.

Karaniwang nagsisimula ang rashes sa mukha at kakalat ito sa iba’t ibang bahagi ng katawan.

Ayon sa CDC, ang incubation period ng monkeypox ay madalas na umaabot ng pito hanggang 14 na araw, o lima hanggang 21 araw.

Tumatagal umano ang naturang sakit sa loob ng dalawang hanggang apat na linggo.

Batay sa pag-aaral ng CDC, isa hanggang 10 katao sa Africa ang namatay dahil sa monkeypox.

Sinabi naman ng DoH na wala pang naitatalang kaso ng monkeypox sa Pilipinas.

Masusi raw na sinusubaybayan ng kagawan ang sitwasyon sa mga bansang mayroon nito

Samantala, nanawagan naman si Pangulong Duterte sa mga magulang at mga anak nito na magpabakuna na laban sa Covid-19.

“To date, about more than 69 million or 76.71 percent of the country’s target population have been fully vaccinated against Covid-19 while over 13.9 million have received their booster shots,” ayon sa ulat. (Daris Jose)

Team Philippines reresbak sa 2023 Cambodia SEAG

Posted on: May 25th, 2022 by @peoplesbalita No Comments

MAITUTURING pa ring tagumpay ang kampanya ng Pilipinas sa katatapos na 31st Southeast Asian Games sa Hanoi, Vietnam.

Ito ay mula sa hinakot na 52 gold, 70 silver at 104 bronze medals ng Pinas para pumuwesto sa fourth place sa overall medal standings bagama’t apektado ng pandemya ang training ng mga atleta simula noong 2020.

Limitado ang naging preparasyon ng mga Pinoy athletes sa loob ng dalawang taon matapos magkampeon noong 2019 Manila edition bunga ng ipinatupad na lockdown, community quarantine restrictions at mahigpit na health and safety protocols sa bansa dahil sa COVID-19 pandemic.

Kumolekta ang mga Pinoy athletes ng 149 golds, 117 silvers at 121 bronzes nang pagharian ang SEA Games noong 2019.

Kagaya ng inaasahan, inagaw ng host Vietnam ang overall crown nang magposte ng 205 golds, 125 silvers at 116 bronzes kasunod ang Thailand (92-103-136) at Indonesia (69-91-81).

Nasa ilalim ng Pilipinas sa fifth place ang Singapore (47-46-73) at sixth-placer Malaysia (39-45-90).

Tampok sa fourth-place finish ng Pinas ang limang gintong medalyang hinakot ni two-time world champion Caloy Yulo sa men’s artistic gymnastics.

Inangkin ni Yulo ang mga golds sa men’s all-around event, floor exercise, vault, high bar at rings habang may silver siya sa men’s team event at parallel bars.

Dinuplika ng 22-anyos na Batang Maynila ang five-gold haul ni gymnast Rolando Albuera noong 1979 SEA Games sa Jakarta, Indonesia.

Nag-ambag naman ng dalawang ginto si Fil-Am Aleah Finnegan sa women’s team at women’s vault

Tumumbok din ng dalawang gold si billiards queen Rubilen Amit sa women’s 9-ball at 10-ball events.

Ipinagpatuloy naman nina Tokyo Olympics gold medalist Hidilyn Diaz, World No. 6 pole vaulter Ernest John Obiena at Tokyo Olympics bronze medal winner Eumir Felix Marcial ang dominasyon sa kanilang mga events.

Kapwa sinikwat nina Diaz at Obiena ang ikalawang sunod nilang SEA Games gold, samantalang muling naghari si Marcial sa men’s middleweight division sa ikaapat na dikit na pagkakataon.

Ngunit ang ikinabigla ng lahat ay ang kabiguan ng Gilas Pilipinas men’s 5-on-5 team sa Indonesia sa gold medal match.

Samantala, kumpiyansa si Philippine Sports Commission (PSC) chairman William ‘Butch’ Ramirez na muling lalaban para sa overall crown ang mga Pinoy athletes sa 2023 SEA Games sa Cambodia.

PDu30 sa kaibigan na si Putin: Huwag idamay ang mga sibilyan

Posted on: May 25th, 2022 by @peoplesbalita No Comments

HINIKAYAT ni Pangulong Rodrigo Roa Duterte ang kanyang “kaibigan” na si Russian President Vladimir Putin na magsagawa ng pag-iingat na huwag madamay ang mga sibilyan sa kanilang pag-atake.

Ito’y sa gitna ng alalahanin ukol sa tumataas ng bilang ng mga namamatay na sibilyan dahil sa giyera sa pagitan ng Russia at Ukraine.

Sa kanyang Talk to the People, Lunes ng gabi, hiniling ni Pangulong Duterte sa Russian Embassy in the Philippines na ipaabot ang kanyang mensahe kay Putin, sabay sabing obligasyon ng Russian leader na tiyakin ang kaligtasan ng mga inosente.

‘Yung embassy ng Russia, kung nakikinig, I am not picking a quarrel with anybody. I said Putin is a friend of mine. But…it is your moral obligation to see to it na the civilians, the innocent ones, children, the elderly, mga babae… Vulnerable masyado sila at walang — hindi sila marunong magtago, nandiyan lang sa bahay nila,” ayon sa Pangulo.

Maaari aniyang bigyan ng babala ni Putin ang mga sibilyan na bakantihin ang kanilang mga tahanan at lumipat sa mas “safer grounds.”

Inilarawan ng Punong Ehekutibo kung paano hawakan ng mga militar ang giyera bilang “ruckus” at umapela rito na kontrolin ang kanyang mga sundalo.

“The way they are handling the war everyday, pati ‘yung mga civilian, binobomba…Putin kaibigan ko man siya. You are in control of everything. Anyway, you really started the ruckus there. Higpitan mo ang mga sundalo mo. Nagwawala eh ,” dagdag na pahayag nito.

Aniya ang problema ng inflated oil prices ay hindi mareresolba hangga’t hindi natatapos ang Russia-Ukraine war.

“You have to solve the war between Ukraine and Russia before we can talk of even returning to normalcy. Sa pagka ngayon it’s a bleak picture because mukhang ayaw pa ni Putin hintuan ‘yung giyera,” ayon sa Punong Ehekutibo.

Samantala, nilinaw naman ni Pangulong Duterte na hindi niya kinokondena si Putin kundi ibinabahagi lamang niya ang kanyang sentimyento.

“I am not condemning President Putin. I am just sharing my sentiment which is also the sentiment of every human being na nandito sa kuwartong ito . It’s not the way how to fight a war,” dagdag na pahayag nito.

Sa kabila ng pagkukumpara sa kanilang dalawa ni Putin, sinabi ni Pangulong Duterte na iba siya rito (Putin) dahil naaawa siya mga insodenteng sibilyan na nadadamay sa giyera.

“Maraming nagsasabi na pareho daw kami ni Putin nagpapatay. Alam mo gusto ko lang malaman ninyong Pilipino na pumapatay talaga ako. Sinabi ko ‘yan sa inyo noon pa. Pero ang pinapatay ko kriminal. Hindi ako pumapatay ng bata o matanda. Magkaiba ang mundo namin ni — ‘yung nangyayari ngayon sa Russia pati sa Amerika,” anito. (Daris Jose)

Ads May 25, 2022

Posted on: May 25th, 2022 by @peoplesbalita No Comments

Tulong medikal at Bayanihan E-Konsulta ni Robredo, ititigil na simula June 1

Posted on: May 25th, 2022 by @peoplesbalita No Comments

ITITIGIL na ng Office of the Vice President (OVP) ang kanilang medical assistance at Bayanihan E-Konsulta programs simula sa Hunyo 1.

Dahil dito ay hindi na rin tatanggap pa ng anumang aplikasyon para sa medical at burial assistance ang nasabing tanggapan.

Ito ay upang magbigay daan sa maayos na transition at pag-turnover ng programa sa susunod na mauupong bise presidente ng bansa.

Samantala, taos-puso namang nagpaabt ng pasasalamat ang opisina ni Vice President Leni Robredo sa lahat ng nakiisa sa inisyatibo sa paghahatid ng kinakailangang tulong medikal sa mga Pilipino lalo na ngayong panahon ng COVID-19 pandemic.

Tiniyak naman nila na magpapatuloy sila sa pagbibigay ng mga update sa lahat hinggil sa mga susunod pa nilang magiging hakbang. (Daris Jose)

Summer filmfest entry sana pero naudlot dahil sa pandemya… Movie nina JANINE at PAULO, maipalalabas na rin sa mga sinehan

Posted on: May 25th, 2022 by @peoplesbalita No Comments

MATAPOS subukan tumakbo bilang senador nitong 2022 election, nagbabalik si Dr. Carl Balita sa isang bagay na mahal niya – hosting a TV show.

Sa presscon ng Entrepinoy Revolution na ginawa noong May 23 sa opisina ng SMNI (ang bago niyang tahanan), binanggit niya na he is launching an entrepreneurial revolution.

“Perfect opportunity occurs after major crises like wars and pandemics,” sabi niya.

Sa programang Entrepinoy Revolution, ibabahagi ang mga tagumpay at lessons mula sa mga microenterprises sa pamamagitan ng kwento ng mga nagtagumpay sa larangang ito.

“My goal is to link services of government and other NGOs to help entrepreneurs grow their business,” sabi pa ni Dr. Carl na ipinahayag na dapat matutunan nating mga Pinoy na mag-invest sa pagnenegosyo.

Nais din ng programa na makatulong sa mga existing entrepreneurs na mapalago pa ang kanilang negosyo.Kabilang sa s egments ng programa ay NegosYou, Grow Negosyo, Kalye Negosyo at Sala Pinoy.

Welcome na welcome din kay Dr. Carl ang pagkakaroon ng bagong tahanan sa SMNI.

“I feel at home here and I share the vision of the network,” pahayag pa ng host ng Entrepinoy Revolution na magsisimula sa Biyernes, 4:30 to 5:30 p.m.

***

FINALLY ay maipapalabas na rin ang Ngayon Kaya, ang movie nina Janine Gutierrez at Paulo Avelino for TREX Entertainment at WASD Films.

Ito ay dinirek ni Prime Cruz, ang director ng Ang Manananggal sa Unit 23 B, Can We Still Be Friends?, at One More With Feelings at mula sa script ni Jen Chuaunsu.

Pwede na ninyong mapanood ang trailer ng Ngayon Kaya sa Facebook page ng TREX Entertainment.

Dapat sana ay entry ang Janine-Paulo film sa naudlot na Summer MMFF noong 2020 na ‘di natuloy dahil sa pandemya.

Pero basta maganda ang pelikula, it is worth the long wait. Sabik ang tao na makapanood ng magandang movie.

Maganda ang trailer ng movie at kitang-kita ang chemistry nina Janine at Paulo. Solid ang combination nilang dalawa. Kapwa Gawad Urian top acting winners sina Janine at Paulo. Kaya expect na mahusay ang performance nilang dalawa.

Una nilang ginawa ang movie bago sila nagsama sa ABS-CBN serye na Marry You, Merry Me kung saan nagsimula ang tsismis na may something sa kanilang dalawa.

Showing na ang Ngayon Kaya sa June 22 in your favorite cinemas.

***

AFTER a year of absence, nagbabalik sa music scene si Jace Roque.

Nagpahinga habang ina-address ang mentsl health issues pero he is happy to say na he is over the hump.

Aminado si Jace na his mental health was affected by the pandemic. Nawalan siya ng outlet to keep himself busy. But to celebrate his return to the music ay naglabas siya ng two songs.

One is titled “Di Para Sa Iyo”, which is his first ever Tagalog song. Very personal daw ang hugot niya sa kanta.

“After loving someone 100 percent, di ka pala niya ganoon kamahal. Kaya ang message ng song is love yourself more. Sa pagkakataong ito, sarili ko naman ang pipiliin ko,” wika ni Jace.

He has another composition titled “Be Someone” na mensahe naman ay in one’s journey in life dapat sundin mo ang gusto mo, at wag magpaapekto sa expectations ng tao sa iyo.

By December ay ilalabas niya ang kanyang mini-album composed of four songs.

Thankful si Jace dahil kahit nawala siya ay nanatili ang suporta ng kanyang fans who were all excited sa kanyang music comeback.

(RICKY CALDERON)

Bicam laban sa pag-abusong sekswal at iba pa, niratipikahan ng Kapulungan

Posted on: May 25th, 2022 by @peoplesbalita No Comments

MGA ULAT ng bicam laban sa pag-abusong sekswal sa mga kabataan sa online, pagrepaso ng edukasyon sa Pilipinas at pagpapalakas sa sistemang pinansyal sa agrikultura, niratipikahan ng kapulungan

Niratipikahan nitong Lunes ng kamara, ang ulat ng bicameral conference committee sa mga magkakasalungat na probisyon ng House Bill 10703 at Senate Bill 2209, na magpapalakas sa pangangalaga ng mga kabataan laban sa pag-abusong sekswal at pagsasamantala sa online.

Kapag naisabatas, ang sinumang lalabag sa batas ay pagbabayarin mula P200,000 hanggang P2-milyon, at papapatawan ng parusang pagkabilanggo.

Bukod dito, ang mga sindikato at malawakang paglabag ninoman ay mabibilanggo at pagbabayarin ng multang P5-milyon hanggang P20-milyon.

Sa ilalim ng batas, ang Philippine National Police at National Bureau of Investigation ay magkatuwang na makikipag-ugnayan sa mga ahensiya ng mga dayuhang nagpapatupad ng batas, para sa mabilis na palitan ng mga impormasyon, mga nakagawian, at magkasanib na imbestigasyon.

Lilikha rin ng Congressional Oversight Committee upang mamonitor at matiyak ang epektibong pagpapatupad, kabilang na ang pagrerekomenda ng karampatang lehislasyon at mga panukalang administratibo, at iba pa.

Niratipikahan din ang mga ulat sa bicameral conference committee ng mga sumusunod: 1) HB 6134 at SB 2494, na nagpapalakas sa sistemang pinansyal para sa agrikultura, pangingisda at kaunlaran ng mga kanayunan sa Pilipinas, at 2) HB 10308 at SB 2485, na lilikha sa Congressional Oversight Committee on Education, na magrerepaso sa kalagayan ng edukasyon sa Pilipinas at magrerekomenda ng mga makabagong reporma sa polisiya. (BISHOP JESUS “JEMBA” M. BASCO)

Siya pa rin ang nag-iisang brand ambassador ng ‘Beautederm Home’… MARIAN, ayaw pag-usapan ang ‘dream house’ nila ni DINGDONG dahil isi-share din ‘pag tapos na

Posted on: May 25th, 2022 by @peoplesbalita No Comments

SI Marian Rivera-Dantes pa rin ang nag-iisa at official brand ambassador ng Beautéderm Home sa muling pagre-renew ng Kapuso Primetime Queen ng kanyang partnership sa Beautederm for another 30 months.

Nagkaroon nga ng grand celebration of love and friendship sina Marian at Rhea Anicoche-Tan, ang President and CEO, na kung saan nag-marka na naman sila ng another amazing milestone.

Ang historic partnership sa pagitan ng Beautéderm Home at ni Marian ay nangyari noong 2018, na kung saan ni-launch ang ‘Reverie’ – an exquisite line of home scents that originally consisted of soy candles and air purifiers as well as room and linen sprays.

Ang Reverie ay mula sa pinaghalong name nina Ms. Rhea o Rei at ang maiden name ni Marian na Rivera; and the concept of the brand’s desired effect to its users – to drift away, dream, and relax while basking in the extraordinary, sweet, and beautéful scents of love by Beautéderm Home.

Originally, ang Reverie line ng Beautéderm Home ay ang Into The Woods (Bamboo Scent), Smells Like Candy (Cherry Scent), Time To Bloom (Fresh Rose Scent), Something Minty (Eucalyptus Scent), and Rest & Relaxation (Lavender Scent) – all created from formulation to individual packaging in very close collaboration with Marian.

Last year, nag-introduce ng two additional scents na Matcha To Love and Take Me Away.

Para sa 2022, nag-level up ang Beautéderm Home levels sa pag-i introduce ng brand-new, essential products under the Reverie line na di magpapango ng bawat bahay, magpo-protect din ito from germs, bacteria, and viruses as well.

Ang first of the new products ay Pour Tout Faire – a 3-in-1 multi-purpose spray that deodorizes, disinfects, and protects as it is formulated to eliminate unpleasant odors; to instantly disinfect surfaces as it destroys bacteria and viruses upon contact; and to effectively protect.

May two variants ito, ang Fresh & Vibrant and Clean & Calm, Pour Tout Faire is ideal for sanitizing and freshening the air; for linens and all surfaces; and it may be applied to the skin and on clothes while being 100% safe for children and pets.

At bilang special treat to honor the partnership renewal of Beautéderm Home and Marian, maglalabas ang Reverie ng special limited-edition soy candle box set that includes three new scents which include Inviting Cherimoya, Irresistible Vanilla, and Tempting Pear and Melon.

“I am truly overjoyed that my relationship with Beautéderm Home lasted for this long and I’m excited as I look forward to many more years with this brand that is very dear to my heart,” sey ni Marian.

“We have worked so hard in developing these new products and I am so proud to introduce and present them to everyone.”

Pahayag naman ni Ms. Rhea tungkol sa nabuong relasyon nila ni Marian, “Marian is an extremely valued member of the Beautéderm family and I am so happy to have her onboard as the brand ambassador of Beautéderm Home for another 30 months and hopefully more years in the future,”

Dagdag pa niya sa tinuturong na baby sister, “Marian and I are really like sisters. She’s my baby sister as she is the sweetest and the kindest, and one of the most professional ambassadors that we have. What I love about her is that her love for me is wholeheartedly extended to my staff and to all of our resellers and distributors. I truly celebrate Marian and her solid partnership with Beautéderm Home. But more than that, I am grateful for her sincere and loyal friendship.”

Samantala, natanong si Marian kung ginagamit na ba niya ang mga Beauterderm Home products sa napababalitang ‘dream house’ na pinatayo nila ni Kapuso Primetime King Dingdong Dantes.

Sagot ni aktres/tv host, “‘wag na muna ‘yun. Kasi pag buung-buo na, hindi naman kami magmamadamot na i-share ‘yun sa mga tao. At pagpasok nila doon, ang Beautederm Home ang makikita nila.”

Dagdag pa ni Marian na tungkol naman kay Ms. Rei, “may sasabihin lang ko kay Ms. Rei, kayong mga press people, alam n’yo yan, walang dahilan para hindi siya mahalin.

“So more on sa mga artist niya. Wala dahilan para hindi siya mahalin, alam natin kung gaano siya ka-generous at ka-transparent na tao at kung gaano siya ka-lovable!”

Nagpapasalamat naman si Marian dahil sa two episodes pa lang sitcom nila ni Dingdong ay bongga na ang ratings ng Jose and Maria’s Bonggang Villa na napanonood tuwing Sabado ng gabi sa GMA-7.

(ROHN ROMULO)

‘No CCTV, no business permit policy’ dapat ipatupad ng LGUs sa mga establisyemento – DILG

Posted on: May 25th, 2022 by @peoplesbalita No Comments

HINIMOK ng Department of the Interior and Local Government (DILG) ang mga local government units (LGUs) na magpasa ng ordinansa para iobliga ang mga business establishment na mag-install ng closed-circuit television (CCTV) systems bago ang isyuhan ng business permits o ang “No CCTV, no business permit policy.”

Partikular na tinukoy ng DILG na dapat na ipatupad ang naturang polisiya sa mga establisyemento na may malaking bilang ng mga customers na nasa risk at hazard-prone.

Ayon kay DILG Secretary Eduardo Año, ang concurrent chairperson din ng National Peace and Order Council na kasabay ng muling pagbabalik ng mga tao sa kanilang pre-pandemic ways, mahalagang iprayoridad ng mga LGU ang kaligtasan ng publiko at ang CCTVs ay isang pamamaraan na magagamit ng mga LGU para tiyakin ang seguridad ng publiko, maiwasan ang anumang krimen at matukoy at mahuli ang mga perpetrators.

Ilan aniya sa mga establisyemento na kailangang maglagay ng CCTV ay ang financial establishments gaya ng bangko, pawnshops, money lenders, at money remittance services at business establishments na may mga branches gaya ng shopping malls, shopping centers, supermarkets, wet markets at medical facilities tulad ng hospitals, clinics at laboratories at iba pang business establishments.