HALOS 17,000 mga Russian troops na ang napatay sa Ukraine sa ngayon ayon sa isang Ukrainian General Staff.

Sinira umano ng mga pwersang Ukrainian ang 123 sasakyang panghimpapawid ng Russia, 127 helicopters, 586 tanks, 1,694 armored vehicles, 1,150 sasakyan, 66 UAVs, 73 fuel tankers at pitong bangka.

Ayon sa pinakabagong update mula sa Ukrainian General Staff hindi raw bababa sa 302 Russian artillery systems, 95 multiple rocket launcher systems, at 54 air defense systems ang nawasak din.

Ang nasabing mga datos ay ayaw namang kumpirmahin ng Russia.

Ang digmaan ng Russia sa Ukraine ay sinalubong ng pang-internasyonal na pagkondena, kasama ang European Union, US, at UK, bukod sa iba pa na nagpapatupad ng matitinding pinansiyal na parusa sa Moscow.

Hindi bababa sa 1,119 sibilyan na rin ang nasawi sa Ukraine at 1,790 ang nasugatan, ayon naman sa mga pagtataya ng UN.

Pero nagbabala ang UNA na ang tunay na bilang ay malamang na mas mataas pa raw.

Mahigit sa 3.82 milyong Ukrainians ang tumakas din sa mga kalapit na bansa, na may milyun-milyong higit pang lumikas sa loob ng bansa, ayon sa UN refugee agency.

TARGET ng Department of Education (DepEd) na taasan ang bilang ng enrollment sa hanay ng mga mag-aaral na may kapansanan.

Ito ang inihayag ng DepEd sa isang online webinar kasama ang National Council of Disability Affairs, araw ng Lunes.

Ito’y alinsunod na rin sa pagdiriwang ng 18th Women with Disability Day, kung saan nakiisa ang DepEd sa Department of Labor and Employment, Department of the Interior and Local Government, at iba pang stakeholders sa pagsusulong ng “3E’s to Empowerment” para sa mga kababaihan na may ‘special needs,’ partikular na para sa kanilang pantay na partisipasyon sa edukasyon, trabaho at eleksyon.

Sinabi ni Annalyn Aquino, DepEd Senior Education Program Specialist of Student Inclusion Division-Bureau of Learning delivery, ang pagpapataas sa enrollees para sa mga mag-aaral na may kapansanan ay isa sa ‘key objectives’ ng departamento. Bumaba kasi ang bilang ng mga mag-aaral na may kapansanan sa panahon ng pandemiya.

Makikita sa pinakahuling data na mula 152,420 kababaihang mag-aaral na nag-enroll para sa school year 2019-2020, bumaba ito sa 38,914 enrollees para sa school year 2021-2022.

“Ang nakikita nating rason  is that learners with disabilities are not being properly tagged in the Learner’s Information System (LIS), especially our learners with disabilities who are in mainstreamed classes,” ayon kay Aquino.

Aniya, nauwi pa ito sa serye ng orientation para sa “receiving teachers, school heads, and supervisors”, para tugunan ang usapin ng ‘proper tagging’ sa mga mag-aaral.

Maliban sa pagpapataas sa enrollment ng mga mag-aaral, pinaigting naman ng DepEd ang pagsisikap nito na taasan ang bilang ng mga eskuwelahan na may programa para sa mga mag-aaral na may kapansanan.

Sa ngayon, may 13,408 eskuwelahan sa bansa ang mayroong Special Education Program (SPED).

“Gusto nating palawakin ‘yung kapasidad ng ating SPED centers by converting it into an inclusive learning resource centers,” ang pahayag ni Aquino.

Sa kabilang dako, layon din ng DepEd na pataasin ang ‘items’ para sa mga SPED teachers, at maging ang pagtatatag ng data indicators kabilang na ang completion rate, survival rate, at school leaver rate.

Kinilala naman ni Aquino ang mahalagang gampanin ng pagsasabatas ng RA 11650 o “Act ensuring inclusive education for learners with disabilities would bring, saying it could relevantly intensify and help speed up the DepEd’s efforts and targets for learners with special needs.” (Daris Jose)