INAPRUBAHAN ng senado sa huling pagbasa ang panukalang batas na nagdedeklara sa Agosto 30 kada taon bilang National Press Freedom Day.

Ipinasa ng mga senador ang Senate Bill 670 bilang pagkilala kay Marcelo H. Del Pilar na ikinokonsidera bilang father of Philippine Journalism.

Nakakuha ito ng kabuuang 19 at walang kumuntra ganun din ang nag-abstain.

Sa nasabing panukalang batas ay nag-aatas sa Department of Educataion (DepEd) , Commission on Higher Education (CHED) at Technical Education and Skills Development Authority (TESDA) na magkonsulta sa office of the President para makapag-organisa ng mga aktibidad na lumalaban sa anumang karahasan laban sa mga mamamahayag.

NAKATUTOK ang 10-point “Bilis Kilos” economic agenda ng presidential aspirant na si Manila City Mayor Francisco “Isko Moreno” Domagoso sa buhay at kabuhayan ng sambayanang Pilipino.

Sa isang pulong balitaan, sinabi ng alkalde ng Maynila na ito ang tututukan ng kanyang administrasyon sakali mang siya ang palarin sa pagka-pangulo sa halalan sa darating na Mayo.

Ayon kay Mayor Isko, napakalaki nang epekto ng pandemya sa buhay ng mga mamamayan partikular na sa trabaho at presyo ng mga bilihin.

Sakop ng kanyang magiging guiding principles sa pagpapabuti sa human at economic growth ng Pilipinas ang mga programa para sa pabahay, edukasyon, kalusugan, turismo, imprastraktura at agrikultura, labor and employment, digital information and industry 4.0, good at smart governance.

Aabot sa 1.3 percent ng gross domestic product ang ilalaan sa housing kada taon para makapagtayo ng nasa 1 million disaster-resilient housing units kabilang na ang mga vertical housing projects sa loob ng anim na taon para sa nasa 4.5 million katao.

Tataasan din niya ang “budget-to-GDP ratio” ng edukasyon mula sa kasalukuyang 3.17 percent sa 4.3 percent.

Magkakaroon din ng upgrade sa technical at vocational programs para mahasa ang mga Pilipino sa mga uri ng trabaho sa hinaharap gayong inaasahan na gagawing automatable ang 50% ng mga trabaho sa gobyerno.

Asahan din aniya na magkakaroon ng mas maraming trabaho sa ilalim ng kanyang magiging administrasyon sa pamamagitan nang pagbibigay nang mas marami pang oportunidad sa mga micro, small and medium enterprises, na bibigyan ng hanggang P30 billion na credit availability para sa kanila.

Para mapabuti ang health care system sa bansa, target ni Moreno sa unang 1,000 araw niya kung sakali bilang pangulo na makapagtayo ng karagdagang 107,000 na mga ospital.

Balak din niyang gawing “one doctor per 1,000” Pilipino ang ratio sa buong bansa sa pamamagitan nang pagkakaroon ng 10,000 medical student scholars kada taon.

Target din niya na magkaroon ng sustainable tourism culture sa pamamagitan nang pagtayo ng tourism highways at tourism circuits sa bansa.

Isa rin sa kanyang magiging prayoridad ang pagtatayo ng marami pang power plants, ito man ay conventional at renewable, para matiyak ang pagkakaroon ng stable at affordable na supply ng kuryente para makahikayat ng mas marami pamng foreign investments.

Kasabay nito ay papalakasin niya ang digital infrastructure ng bansa sa pamamagitan nang pagkompleto sa isang national firber backbone, na kokonekta sa mga paaralan, opisina ng gobyerno at iba pang industriya.

Mahalaga rin kasi aniya ito lalo pa at nais niyang itaas budget ng gobyerno para sa research and development, mula sa 0.16 percent ng GDP patungo sa global standard na 2 percent.

Para sa mga magsasaka, sinabi ni Moreno na papababain niya ang cost ng agricultural production, magtatayo ng mga irrigation systems, at pagatatag ng Department of Fisheries and Aquatic Resources.

Simula kahapon, ang “No vax, no ride” na polisia ng Department of Transportation ay hindi na pinatutupad sa mga pampublikong transportasyon sa Metro Manila dahil bumalik na sa Alert Level 2 ang national capital region (NCR).

Ayon sa DOTr, ang “no vax, no ride” na polisia ay hindi permanenting ipatutupad sa NCR lalo na at bumalik na sa Alert Level 2 ang status ng NCR. Ipapatupad lamang ito kung may Alert 3, 4, 5 status ang NCR na ang Inter-Agency Task Force For the Management of Emerging Infectious Disease (IATF) lamang ang siyang makakapag tukoy.

“As mentioned, the no vaccine, no ride policy shall only be implemented while NCR is under Alert Level 3 or higher. Once we de-escalate to Alert Level 2, the policy shall automatically be lifted,” wika ni DOTr assistant secretary Goddes Libiran.

Nilinaw naman ni DOTr Secretary Arthur Tugade na hindi panghabangbuhay ang pagpapatupad nito at kung nasa Alert Level 2 na ang NCR, ito ay awtomatikong aalisin at hindi na ipapatupad.

Nagkaron ng limitasyon sa pagsakay para lamang sa mga mga fully vaccinated na mga pasahero upang maiwasan ang pagkalat ng COVID-19 virus lalo na ang Omicron variant.

Ang taong matatawag na fully vaccinated ay yoon dalawang linggo ng nakalipas ng sila ay nababakunahan matapos ang ikalawang bakuna ng kanilang two-dosed vaccination series tulad ng Pfizer o Moderna na bakuna, o di kaya ay pagkatapos ng dalawang linggo matapos silang maturukan ng single-dose ng Johnson & Johnson.

Pinalalahanan din ni Tugade ang publiko na sumunod sa mga health protocols na pinatutupad ng pamahalaan tulad ng pagsusuot ng face mask at pagsunod sa social distancing

Noong nakaraang linggo, nagdesisyon ang pinagsanib na puwersa ng DOTr, Department of Interior and Local Government (DILG) at Department of Labor (DOLE) na ang walang bakuna at may isa (1) lamang na bakuna na mga essential workers ay hindi puwedeng makasakay sa mga pampublikong transportasyon simula Feb. 25 kahit na kung ang kanilang trabaho ay isang essential na matatawag.

Ginawa ng pamahalaan ang ganitong paraan upang masiguro na ang mga taong fully vaccinated na ay ligtas sa paggamit ng pampublikong transportasyon. Naitala sa datus na ang mga workers na walang bakuna laban sa COVID-19 ay siyang madaling tamaan at magkaron ng sakit.

Samantala, mananatili pa rin na 70 porsiento ang kapasidad ng pampublikong transportasyon sa gitna ng COVID-19 sa NCR o MM. Dagdag ng DOTr na kung ano ang kapasidad ng pampublikong transportasyon noong Alert Level 3 ay ganon pa rin sa Alert Level 2. Ang IATF lamang ang may karapatang magsabi at magutos kung itataas ang bilang ng kapasidad ng mga public utility vehicles na tumatakbo. LASACMAR