2021 November Archive - People's Balita

Archive for November, 2021

Banggaan nina CINDY at KYLIE sa kanilang first movie, kaabang-abang; dedma na lang kahit pinagtatapat

Posted on: November 20th, 2021 by @peoplesbalita No Comments

PINAG-UUSAPAN at marami talaga ang nag-react nang lumabas ang trailer ng My Husband My Lover ang bagong pelikula ni McArthur C. Alejandre.

Mapangahas nga ang pelikulang sinulat ng award-winning writer na si Ricky Lee at tampok ang apat na hottest stars ng henerasyong ito, Marco Gumabao, Adrian Alandy, Cindy Miranda at Kylie Verzosa.

Ang My Husband My Lover ang latest na pelikula ni direk Mac, ang direktor ng mga blockbuster adult drama gaya ng The Annulment at In Your Eyes at ng mga high-rating TV series na Endless Love, Stairway to Heaven at Marimar.

Ito rin ang pangalawang beses na magsasama sa isang proyekto si Kylie at Marco. Ang kanilang unang project ay ang original series ng VIVAMAX na Parang Kayo Pero Hindi.

Mas kaabang-abang nga kung paano nagbago ang chemistry nilang dalawa mula sa kanilang unang proyekto lalo na sa maiinit nilang eksena, idagdag pa ang ‘tatluhan scene’ nila kasama si Adrian, na sobrang intense at medyo nahirapan siyang gawin, at maayos naman niyang naitawid. Tiyak na aabangan ito ng manonood.

Kaabang-abang din ang magiging banggaan nina Cindy at Kylie, pati na ang nakakalokang dialogues na ibabato nila sa isa’t-isa, na for the first time ay nagkasama na rin ang dalawang matatapang na sexy actress ng Vivamax na parehong sinusubaybayan at pinapanood lalo na nga mga kalalakihan.

Puwede nga silang maging magkaribal na parehong beauty queen na abala na ngayon sa paggawa ng mga sexy films. Ang maganda lang sa Viva Films, pareho silang nabibigyan ng chance na mag-shine sa kani-kanilang showbiz career, kaya dedma na lang kung sila’y paglabanin.

Samantala, sa pelikula, masaya ang buhay mag-asawa nina Alice (Kylie) at Noel (Marco). Si Alice ay matagumpay sa kanyang career at masunurin siyang misis sa kanyang matalino at mabait na mister na si Noel. Ngunit si Alice ay isa ring wild partner pagdating sa kama sa kanyang kalaguyo na si Dennis (Adrian).

Walang problema sa kanyang buhay may-asawa at ang alam lang ni Alice ay gusto niyang manatili ang asawa niya at ang kalaguyo niya sa kanyang buhay. Maayos ang lahat hanggang sa malaman ni Alice na siya ay buntis. At dahil hindi niya alam kung sino ang ama ng kanyang dinadala, napilitan siyang umamin kay Noel tungkol sa kanyang relasyon kay Dennis. Nagdesisyon si Noel na makipaghiwalay kay Alice, at nangako naman si Dennis na aalagaan si Alice at ang kanyang anak. Nakahanap ng bagong ka-relasyon si Noel kay Loida (Cindy), isang abogada.

Si Dennis naman ay naging mabuting mister kay Alice at tatay sa kanyang anak, kahit alam niyang hindi ito sa kanya nang lumabas ang DNA result. Sa kasamaang palad, nagkasakit ang bata at maagang pumanaw, dahilan para aminin ni Alice kay Noel ang katotohanan. Ang muling pagkikita ng mag-asawa ay nauwi sa mainit na pagtatalik na nauw sa “bawal” na relasyon. Nabaliktad na ang sitwasyon at si Noel na ang naging kalaguyo ni Alice. At mas magiging komplikado ang sitwasyon sa pagdating ng kani-kanilang partner upang angkinin ang sa alam nilang sa kanila.

Panoorin kung ano ang kahihinatnan ng mga komplikadong relasyon at pagsasama sa My Husband My Lover, streaming online sa November 26 sa VIVAMAX Philippines, Hong Kong, Taiwan, Thailand, Malaysia, Indonesia, Singapore, Japan, South Korea, Macao, Vietnam, Brunei, Maldives, Australia, New Zealand, the Middle East at Europe. At nagsimula na noong November 19, available na ang Vivamax sa USA and Canada.

(ROHN ROMULO)

30 kompanya, pasok sa loan program ng DTI para sa 13th month pay

Posted on: November 20th, 2021 by @peoplesbalita No Comments

Aabot na sa 30 ang naaprubahang application sa loan program ng Department of Trade and Industry (DTI) para sa 13th month pay ng mga empleyado.

Ayon kay DTI Secretary Ramon Lopez, nasa P500 million ang inilaan ng kanilang kagawaran para sa loan program na ito.

Ang naturang halaga ay kayang makapagpautang sa 1,000 kompanya.

Sa ngayon, 100 kompanya na ang nag-apply sa programa kung saan 30 dito ay aprubado na.

Sinabi ni Lopez na walang interest ang pautang na ito sa mga kompanya pero mayroon lamang management fee na 4 percent.

RODERICK, ‘di sumama ang loob na ‘di nakapasok ang comeback film na ‘Mudrasta’ sa ‘MMFF’

Posted on: November 20th, 2021 by @peoplesbalita No Comments

Roderick Paulate na hindi nakapasok sa festival ang comeback film niya Mudrasta from TREX Entertainment Productions. Hindi naman kasi alam ni Kuya Dick na ipinasok pala as entry ang movie kung saan leading man niya si Tonton Gutierrez and kasama rin ang kaibigan niyang si Carmi Martin.

Since comeback movie niya ang Mudrasta, mas gusto ni Kuya Dick na mas maraming tao ang makapanood nito. Kaya he is looking forward na maipalabas ito ‘pag mas maraming tao na ang pwedeng ma-accommodate sa mga sinehan.

As of now ay kokonti pa rin naman ang mga nanonood ng sine. Maski si Kuya Dick ay medyo alanganin pa rin ang desisyon kung manonood na siya sa sinehan although he is looking forward to it.

Kuya Dick is running for councilor sa District II of Quezon City. Gusto niya na muling makapagsilbi sa kanyang mga kasamahan sa distrito.

Nine years din naman siyang naging konsehal at hindi man siya pinalad magwagi as vice mayor, nakabalik naman siya sa showbiz which he enjoyed naman.

He recently won as Best Supporting Actor sa comedy series sa Star Awards for TV para sa One of the Baes.

He is looking forward na makabalik sa konseho para magsulong ng mga batas na makatutulong sa mga tao.

Sa kanyang paglilibot sa mga barangay, it warmed Kuya Dick’s heart nang malaman na the people remembers the kind of service he gave noong konsehal pa siya. At kung paano siya nakatulong sa marami in his own little way.

“Iba talaga pag nasa puso ang pagsisilbi at tapat ka sa tungkulin mo,” sabi ni Kuya Dick.

***

NATUTUWA si Dimples Romana sa magandang response ng mga tao first two episodes ng Viral Scandal.

“Ang kwento ng ‘Viral Scandal is something na pinag-uusapan natin at nangyayari sa society natin ngayon. It is very current kaya dapat lang mapag-usapan.

“Lahat ng issues happening in our society ay nasa palabas na ito kaya mas lalong nae-excite ang mga viewers,” sabi ni Dimples.

Sabi pa ni Dimples, very powerful ang message na hatid at matapang din ang show at production team sa paglalahad nito.

Kakaiba ang kwento ng Viral Scandal which everybody can relate.

Pinuri at pinag-usapan din ang mahusay na acting ng mga artista like Jake Cuenca, Charlie Dizon, Jameson Blake, at Joshua Garcia.

Sa mga susunod na episodes, dapat abangan ng viewers kung ano ang kahihinatnan ni Rica sa pagkalat ng kanyang video scandal. Panoorin kung ano ang gagawin niya at ng kanyang pamilya sa pang-aalipustang maririnig nila sa mga tao.

Subaybayan ang Viral Scandal gabi-gabi ng 9:20 PM sa Kapamilya Channel, A2Z, TV5, Kapamilya Online Live, Jeepney TV, iWantTFC, WeTV iflix. Para sa viewers sa labas ng Pilipinas, mapapanood ito sa The Filipino Channel sa cable at IPTV.

(RICKY CALDERON)

70 milyong COVID-19 doses, naiturok na ng Pilipinas- Galvez

Posted on: November 20th, 2021 by @peoplesbalita No Comments

IBINALITA ng gobyerno na may 31,868,120 Filipino ang ganap na nabakunahan, bahagi ng kabuuang 70,677,771 vaccine doses na naiturok “as of Monday.”

Dahil dito, sinabi ni Vaccine czar Sec. Carlito Galvez Jr. na kumpiyansa ang pamahalaan na 54 milyong Filipino ang makatatanggap ng one dose bago matapos ang buwan ng Nobyembre.

“With our current pace and the eagerness of all sectors of society to hit and sustain a daily jab rate of 1.5 million, we are confident that by the end of November, half of our target population will be fully vaccinated,” ayon kay Galvez.

Idinagdag pa nito na ang COVID-19 supply inventory ay umabot na sa 124,914,000, kung saan mas maraming doses ang inaasahan na ide-deliver sa bansa sa mga darating na araw.

“More than 16 million doses are still expected to arrive this November, which means that by the end of this month, we would be receiving 140 million doses since February. These will be crucial as we carry out a more aggressive vaccination rollout nationwide,” ani Galvez.

“The best Christmas gift that we can give to ourselves, our families, our friends and co-workers, and everyone in the community is to have ourselves vaccinated. Get the COVID 19 jab now so we can have a better and safer Christmas,” dagdag na pahayag ni Galvez.

Samantala, hinikayat naman ni Galvez ang publiko na suportahan ang nalalapit na 3-day national vaccination drive, na tinawag na “Bayanihan, Bakunahan National Vaccination Days” mula Nobyembre 29 hanggang Disyembre 1.

Ang nasabing event — sama-samang pagsisikap ng national government, local government units at pribadong sektor ay naglalayon na bumuo at panatilihin ang layunin ng bansa na makapagbakuna ng1.5 milyong doses kada araw. (Daris Jose)

Curry muling bumida sa Warriors

Posted on: November 20th, 2021 by @peoplesbalita No Comments

Kapwa nakabangon sa kani-kanilang kabiguan ang league-leading Golden State Warriors, Utah Jazz at Los Angeles Clippers matapos talunin ang kani-kanilang kalaban.

Sa New York, nagsalpak si Stephen Curry ng 37 points tampok ang season best na siyam na three-point shots sa 117-99 pagdaig ng Warriors (12-2) sa Brooklyn Nets (10-5).

May 2,900 career 3-pointers si Curry ngayon para dumikit kay Ray Allen na may NBA record na 2,973 triples.

Nagmula ang Golden State sa kabiguan sa Charlotte Hornets noong Linggo na pumigil sa kanilang seven-game winning streak.

Nag-ambag si Andrew Wiggins ng 19 points.

Tumipa si James Harden ng 24 points para sa Nets kasunod ang 19 markers ni Kevin Durant.

Sa Salt Lake City, naghulog si Bojan Bogdanovic ng season-high 27 points para igiya ang Jazz (9-5) sa 120-85 pagpapatumba sa Philadelphia 76ers (8-7).

Nagtala si Fil-Am guard Jordan Clarkson ng 20 points para sa Utah.

May 18 points si Shake Milton sa panig ng 76ers na nahulog sa kanilang pang-limang dikit na kamalasan.

Sa Los Angeles, humataw si Paul George ng 34 points para pangunahan ang Clippers (9-5) sa 106-92 paggupo sa San Antonio Spurs (4-10).

Ads November 20, 2021

Posted on: November 20th, 2021 by @peoplesbalita No Comments

PDu30, pumalag sa isyu na kinokontrol siya ni Sen Bong Go

Posted on: November 20th, 2021 by @peoplesbalita No Comments

TUWIRANG sinabi ni Pangulong Rodrigo Roa Duterte na hindi siya kailanman kinokontrol ni Senator Christopher “Bong” Go.

Ito ang tugon ni Pangulong Duterte sa naging pahayag ni presidential aspirant at dating Army officer Lieutenant General (ret.) Antonio Parlade Jr. na si Go ay bahagi ng problema ng bansa at kino-kontrol nito ang mga desisyon ng Chief Executive.

Sa kanyang Talk to the People, Lunes ng gabi, sinabi ng Pangulo na “hindi at walang kinokontrol” si Go na kahit sinuman.

“Kailangan ko is Bong actually, hindi sa lahat, because Bong is the chairperson sa Senate committee on health and demography,” giit ng Punong Ehekutibo.

Aniya, palaging nasa tabi niya si Go dahil ginagampanan lamang nito ang kanyang tungkulin.

“Para may matanungan tayo kaagad,” dagdag na pahayag ng Pangulo.

Sa kabilang dako, kalmadong sinagot ni Go ang paratang na ito ni Parlade laban sa kanya.

“Nasagot na mismo ni Pangulong Duterte na walang nagko-kontrol sa kanya. Siya mismo ang nagsabi na hindi naman sya magiging Pangulo kung pinapaikot lang siya ng ibang tao. Tanging siya ang gumagawa ng kanyang magagandang desisyon at tumutulong lang ako mula pa noon,” ani Go.

Natural lamang aniya na bilang matagal na siyang naging assistant ng Pangulo na umabot pa ng mahigit dalawang dekada ay tumutulong lang siya sa pag-implementa nang tama ng mga desisyon ng Punong Ehekutibo na nakakabuti sa bayan.

Marami aniyang mga desisyon at isa na rito ay ang pagtaas ng suweldo ng mga uniformed personnel na nakabuti sa morale ng lahat ng kasapi ng AFP, PNP, BFP, BJMP at Coast Guard.

“Tanungin natin ang mga kasama nya sa AFP, PNP, etc. Alam nila kung paano ako tumulong na maipatupad ang desisyon na ito ni Pangulong Duterte para sa kapakanan ng mga sundalo, pulis, bumbero at iba pa,” ayon kay Go.

“Ayaw ko nang makipagsagutan kay Gen. Parlade dahil nirerespeto ko siya. Sa katunayan, isa rin ako sa nagrekomenda na maging Undersecretary siya. Alam naman nila ang katotohanan. Mainit na ang pulitika. Pero hayaan natin ang taumbayan ang humusga,” dagdag na pahayag nito.

At katulad nga aniya ng kanyang sinasabi na mas kailangang tutukan ang pagtulong sa kapwa Pilipino habang ang lahat ay unti-unting bumabangon mula sa krisis na ito.

“Basta ako, uunahin ko palagi ang makakabuti sa gobyerno at sa bayan. Serbisyo lang ako at ipaglalaban ko palagi ang interes at kabutihan ng bawat Pilipino,” giit ni Go. (Daris Jose)

4 pang siyudad target ng PBA

Posted on: November 20th, 2021 by @peoplesbalita No Comments

Puntirya ng pba na dalhin ang liga sa iba’t ibang siyudad sa loob ng National Capital Region (NCR) gayundin sa ilang kalapit na probinsiya.

Sa Pasig City ang magsisilbing venue ng opening games ng PBA Season 46 Governors’ Cup ngunit plano ng PBA management na dayuhin ang apat pang cities.

Kinakausap na ng PBA ang local government units (LGU) ng Pasay City, Quezon City, San Juan City at Antipolo City para pagdausan ng mga PBA games.

Nasa mas maluwag na quarantine alert na ang NCR at mga kalapit na probinsiya kaya’t magandang pagkakataon ito para muling makabisita ang liga sa iba pang lugar.

Sinabi ni PBA commissioner Willie Marcial na target ng liga na dalhin ang liga sa iba’t ibang lugar upang mabigyan ng pagkakataon na makapanood ang mga basketball fans sa oras na pahintulutan na ang live audience.

Nakaabang pa ang PBA sa approval ng Inter-Agency Task Force (IATF) kung papayagan na ang live audience sa mga venues lalo pa’t nakababa na sa Alert Level 2 ang NCR.

“We are hopeful for that,” ani Marcial.

Ilan sa mga posibleng pagdausan ng mga PBA games ang Smart Araneta Coliseum sa Quezon City, Mall of Asia Arena sa Pasay City, The Arena sa San Juan City at ang Ynares Sports Center sa Antipolo City.

Bilang panimula, aarangkada ang Governors’ Cup sa Ynares Sports Arena sa Pasig City matapos aprubahan ni Pasig City Mayor Vico Sotto ang pagdaraos ng mga laro doon.

Sa oras na makumpleto na ang lahat ng imports, inaasahang ihahayag na ng PBA ang magiging official opening date ng Governors’ Cup.

Nauna nang itinakda ng PBA na sa Nobyembre 28 ang plano nitong pagbubukas ng kumperensiya.

Samantala, Ynares din ang magiging venue ng kauna-unahang PBA 3×3 tournament na tatakbo mula Nobyembre 20 hanggang 21.

Warner Bros. Unveils A New Poster for ‘The Matrix Resurrections’, Reteams Neo and Trinity

Posted on: November 20th, 2021 by @peoplesbalita No Comments

WARNER Bros. has unveiled a fresh new poster for The Matrix Resurrections showcasing its tagline, “Return to the source“ and reteams Neo and Trinity.

Keanu Reeves and Carrie-Ann Moss starred as the faces of the original Matrix trilogy that was released from 1999 to 2003. Now, the two are reuniting for a reboot helmed by Lana Wachowski, the first entry into the series she directed without her sibling, Lilly.

Together with Reeves and Moss, Jada Pinkett Smith also reprises her role as Niobe from the previous films. They are joined by newcomers Yahya Abdul-Mateen II, Jessica Henwick, Jonathan Groff, Neil Patrick Harris, Priyanka Chopra Jonas, and Christina Ricci.

Set two decades after the events of The Matrix Revolutions, the fourth film in the series will continue to focus on Reeves’ lead character Neo, though he is now living a seemingly ordinary life in San Francisco under his birth name, Thomas A. Anderson, and appears to have no memory of the events of the previous movies.

That is, until Morpheus offers him a red pill which reopens his mind to the life-changing truth that is the Matrix. While Laurence Fishburne won’t be back in the role, Abdul-Mateen will take over as a younger version of Morpheus.

The promotional poster itself highlights the two main returning characters, Neo (Reeves) and Trinity (Moss), dressed in their leather ensembles with a hint of the series’ signature digital rain in the background.

The new poster chooses to put the focus squarely on the series’ two original characters, who look just as sleek and stylish as they did 22 years ago in the first installment.

The first trailer for The Matrix Resurrections offers a bit of insight into the nature of Neo and Trinity’s relationship at the outset of the film. They appear to run into each other early on, but have no memory of one another, even though they think they might.

Right now, much of the film’s plot remains a mystery, but perhaps that’s just the way Warner Bros. wants it, saving all the surprises for when the film premieres on December 22 in theaters and on HBO Max. (source: screenrant.com)

(ROHN ROMULO)

Mga politikong ginagamit ang ‘TUPAD’ sa kampanya, tukuyin – DOLE

Posted on: November 20th, 2021 by @peoplesbalita No Comments

Hinikayat kahapon ni Department of Labor and Employment (DOLE) Secretary Silvestre Bello III si Senador Panfilo Lacson na ibigay sa kanila ang pangalan ng mga politiko na sinabi niyang gumagamit sa TUPAD program para pilitin ang mga benepisyaryo na lumahok sa kanilang mga caravan.

“As soon as Sen. Lacson can give me the names of the politicians involved. Please assure the senator that whatever info he will share will be treated with extreme confidentiality,” pangako ni Bello.

Una nang sinabi ni Lacson nitong Lunes na ang TUPAD, o Tulong Panghanapbuhay sa Ating Disadvantaged/Displaced Workers (TUPAD), ay pinagsasamantalahan ng ilang mga politiko.

Ipinapangahas umano ng mga ito sa mga benepisyaryo na hindi makukuha ang kanilang ayuda kung hindi sasama sa kanilang mga caravan.

Binanggit ng DOLE na lubhang nakakabahala ang naturang ulat lalo pa nga’t una nang nadiskubre ang anomalya sa distribution nito sa ikalawang distrito sa Quezon City. Matatandaang nadawit sa sinasabing ‘tinapyas’ na ayuda ang pangalan ni QC 2nd District Congresswoman Precious Hipolito Castelo.

Ibinulgar ng mga benepisyaryo na kinakaltasan ng tanggapan ng kongresista ang kanilang ayuda mula sa TUPAD program.

Nagsasagawa na ng imbestigasyon ang DOLE ukol dito.

Iginiit ng ahensya na hindi nila kinukunsinti ang naturang mga aktibidad at aalamin ang buong pangyayari.

Labis din nilang ikinalungkot kung bakit ang benepisyo para sa mahihirap ang siyang pinagsasamantalahan ng ilang tiwali sa pamahalaan. (Gene Adsuara)