Nanawagan na rin ang NBA sa kanilang hanay para isama sa kanilang panalangin para sa recovery ang isang dating veteran NBA player na nag-aagaw buhay dahil sa COVID-19.

Una rito marami ang nagulat sa inilabas na larawan ni Cedric Ceballos kung saan nasa ICU siya at naka-intubate o oxygen mask habang nasa ika-10 araw na sa ospital.

Si Ceballos na ngayon ay nasa 52-anyos na ay dating naglaro sa Phoenix Suns, Los Angeles Lakers, Dallas Mavericks, Detroit Pistons at Miami Heat.

Gumanda ang career ni Ceballos noong nasa Lakers pa siya sa pagitan ng 1994-1995 season at napasali pa siya sa unang pagkakataon sa All-Star team.

Nagkampeon din siya sa 1992 NBA Slam Dunk Contest at sumali sa “The Amazing Race” kasama ang dating Phoenix Suns All-Star na Shawn Marion.

Si Ceballos ay second cousin ng NBA legend na si Kobe Bryant.

Sa kanyang mensahe habang nasa ICU, nanawagan din siya ng dasal para sa kanyang madaliang paggaling kasabay nang paghingi nang paumanhin sa kanyang mga nasaktan.

“On my 10th day in ICU, COVID-19 is officially kicking my but(t), I am asking ALL family, friends, prayer warriors healers for your prayers and well wish for my recovery. If I have done and anything to you in the past , allow me to publicly apologize. My fight is not done….. Thx,” ani Ceballos sa Twitter message

Nagpatikim na si eight-division world champion Manny Pacquiao sa posibleng pagtakbo nito sa Presidential Election sa susunod na taon.

Naglabas ng post si Pacquiao sa kanyang mga social media accounts kung saan ikinuwento nito ang kanyang naging karanasan.

Naging halimbawa nito ang kanyang sarili na dumaan sa matitinding pagsubok bago makamit ang tinatamasang tagumpay.

“When I was young, my biggest fear was not kno­wing if our family could survive without another meal. The fee­ling of seeing your mother and siblings not having food was tragic and I wish no kid have to go through that. Yes, it made me into who I am today, but it took years for me to overcome that nightmare,” ani Pacquiao.

Alam ng lahat na galing sa hirap si Pacquiao.

Dumating sa puntong kailangan nitong mag-trabaho sa murang edad para matustusan ang pa­ngangailangan ng kanyang pamilya.

Hanggang sa maabot na nito ang tuktok ng ta­gumpay sa pamamagitan ng boksing.

Kaya naman nais ni Pacquiao na maging ma­gandang ehemplo para sa iba na dumaranas ng hirap.

“Hindi ako nawalan ng pag-asa sa gitna ng mga pagsubok. Patuloy akong lumaban sa buhay at nagtiwala sa Diyos,” ani Pacquiao.

Hangad ni Pacquiao na makatulong sa mga kababayan nito upang malampasan ang mga ganitong pagsubok sa buhay.

Dahil sa naturang post, usap-usapan na ang posibleng pagtakbo ni Pacquiao bilang pangulo sa 2020 national election.

Nakaabang na ang lahat sa magiging anunsiyo nito.