NAIPAGPALIBAN sa susunod na buwan ang pagtanggap ng biretta ni Archdiocese of Manila Archbishop-elect Cardinal Jose Advincula na ipinagpaliban ang pagtanggap nito ng biretta sa susunod na buwan.

Sinabi  ni Cardinal Advincula sa Radio Veritas na itinakda na sa Hunyo 8, 2021 ang ‘bestowal of red hat’  matapos na  sumailalim sa 14-day mandatory quarantine si Apostolic Nuncio to Philippines Archbishop Charles Brown nang dumating sa bansa mula sa New York.

Ayon kay Cardinal Advincula, ito ay gaganapin pa rin sa Immaculate Conception Metropolitan Cathedral sa Roxas City ganap na alas nuwebe ng umaga.

Sa Hunyo 24, 2021 naman ay pormal nang itatalaga si Cardinal Advincula bilang ika -33 arsobispo sa Arkidiyosesis ng Maynila.

Ito rin ay dadaluhan ng mga alkalde ng  San Juan, Pasay, Makati, at Mandaluyong sa pangunguna ni Manila City Mayor Francisco Domagoso.

Imbitado rin sa installation ang Pangulong Rodrigo Duterte at Vice President Leni Robredo.

Puspusan naman ang paghahanda ng arkidiyosesis sa pagdating ng bagong arsobispo lalo’t mahigit sa isang taon nang sede vacante ang arkidiyosesis na pansamantalang pinangangasiwaan ni Bishop Broderick Pabillo.

Maganda at napapanahong ipatupad ang No-Contact-Traffic Apprehension upang mabawasan ang pangongotong sa lansangan at face-to-face ng enforcer at driver.  Inaasahang nadidisiplina nang husto ang mga driver dahil kahit walang tagahuli ay makukunan ang violator gamit ang mga cctv at digital cameras.

Kung paniniwalaan ang mga datos ng MMDA at LGUs na nagpapatupad ng no-contact-apprehension ay libu-libong pasaway na drivers na dapat ang nahuli at natikitan. Mas madidisiplina na ang mga drivers lalo sa hanay ng public transport. Pero para maging mas matagumpay ang no-contact laban sa mga traffic violators may mga ilang “due process mechanism” ang dapat ipatupad.

Pag wala ito ay madalas hindi yung driver ang namumultahan kundi ang may ari ng sasakyan na walang kasalanan.

Ito ang hinaing ng mga operators lalo na ng mga taxis at buses.  Sa no-contact apprehension ang nakukunan ng cctv o digicam ay ang plate number ng sasakyan. Ido-dobol check kung sino ang registered owner ng sasakyan at sa address niya ipadadala ang notice of violation.   Wala sanang problema kung ang may-ari ng sasakyan mismo ang nagmamaneho.   Ang problema ay paano kung iba ang driver. At madalas yan ang nangyayari sa public transport. Hindi ang operator/registered owner ang nagmamaneho ng sasakyan nung nahulit ito.  Pag natanggap na ng registered owner ang summons o notice of violation ay required siya na ibigay ang pangalan ng driver na siyang nagmamaneho ng nakunan ng violation.   Kung siya yun o kaya naman ay kahit sino yung driver at binayaran ang multa, walang problema.  Pero kapag hindi binayaran ang multa ang sasakyan ay naka alarma sa LTO ibig sabihin ay may “Outstanding Penalty to Pay” ang may-ari ng sasakyan.

At pag hindi nagbayad ay hindi mapaparehistro ang sasakyan. Ang malimit na problema ay sa tagal dumating ang notice of violation sa operator ay umaalis na ang driver at iniiwanan ang operator ng libu-libong unpaid na no-contact penalty.  Ang iba ay umaabot sa isang daang libo kada driver!

Pero di ba at bilang operator ay dapat under ng control at supervision nila ang driver. Tama. Pero yan ay kapag franchise violation tulad ng refusal to convey passenger or overcharging na ang pataw ng multa ay sa operator. Pero pag traffic violation sa driver lang dapat dahil siya nagmamaneho. Lisensya ang hinihingi pag traffic violation at hindi franchise certificate.  E bakit ayaw i hold ng operator yung driver?  Yan ang problema dahil malimit ay wala na yun driver at tsaka pa dadating ang notice of violation.  Kaya kung may ganyang problema ano ang maaring gawin?

Karapatan ng LGU ang magpasa ng ordinansa at magpatupad ng no-contact-apprehension. Pero marahil kapag nalaman nila ang ganitong problema ay maaring magkaroon ng win-win situation kung maiaayos.

Una ay kailangan na mabilis-bilis naman malaman ng operator ang notice of violation para ang driver ay nasa poder pa nila.   Importante rin na magbigay ang mga operator ng listahan ng kanilang mga driver. Sa LTFRB ay may sistemang ganito kung saan isina-submit ang pangalan ng mga drivers. Obligasyon ng operator na kaagad ipagbigay alam kung sino ang driver na may violation.  Kung hindi niya maibibigay ay ang operator ang multahan hindi bilang traffic violator kung hindi for none submission of driver’s name  “within the period prescribed”. Kung na submit na ang pangalan ng driver hindi na kailangan i-alarma pa ang sasakyan sa LTO.  Ang dapat i-suspend ay lisensya kung hindi magbabayad ang driver. Pero may pangbayad ba naman ang driver?  Paano na ang dapat kitain ng mga LGU?  Ang paniwala natin ay ang no-contact apprehension ay ipinatutupad para disiplinahin ang mga driver at maiwasan ang kotongan. Hindi dapat isyu ang pagkakakitaan lalo kung ang pera ay galing sa tao na walang kasalanan.

Ganumpaman ay maaring makaisip ng paraan para ma-proteksyunan din ang interes ng mga LGU.  At sa usaping ito nararapat marahil na magkaroon ng isang batas para sa no-contact-apprehension. (Atty. Ariel Enrile-Inton)

MAGSASAGAWA  ng imbestigasyon ang Department of Health (DOH) sa ulat na ilang Chinese nationals ang nabakunahan ng COVID-19 vaccines sa bansa.

Ayon kay Health Secretary Francisco Duque III, hindi aniya malinaw kung ano ang naging batayan kaya naman kanila nang pinaiimbestigahan ang nasabing ulat.

Sinabi kasi ng pamahalaang lokal ng Pasay  na ang nasabing mga Chinese nationals ay nabakunahan dahil maaaring sila ay senior citizens o may kapansanan o comorbidities  na kasapi sa priority group  ng vaccination program ng gobyerno.

Sinabi ng kalihim na sila ay mag-iimbestiga at kanila ring kakausapin  ang Pasay LGU kung ito man ay may katotohanan.

Sa naging pahayag umano ni Pasay City Mayor Emi Calixto-Rubiano ang naturangga dayuhan ay dumaan sa regular na proseso ng pqgbabakuna  at hindi sila nabigyan ng special treatment sa vaccination sites.

Dagdag pa ng alkalde, nagsumute rin ng Barangay Certificates at Medical Certificates na nagsasabing sila ay residente ng lungsod ng Pasay at kabilang sila sa  A2 o A3  priority groups

Sa ngayon ay wala pang hawak na numero ang DOH kung ilang mga banyaga ang nabakunahan sa bansa sa kabila na ang suplay ng bakuna para sa populasyon ng bansa ay nanatiling kulang o hindi sapat.

Ayon kay Duque, batid lamang aniya nila na nabakunahan ay mga miyembro ng diplomatic corps.

“Dinadala nila ‘yung bakuna nila at ‘yun ‘yung binibigay sa sariling empleyado,” anang kalihim. (Bishop Jesus “Jemba” M. Basco)