ISANG mas magaling at malakas na Yuka Saso ang babalik para sa 54^th Ladies Professional Golf Association (LPGA) of Japan Tour 2021.

Ipinangako ito ng 19-anyos na bagitong top Philippine pro player kasunod nang pagmintis sa ibabaw ng Player of Year (Mercedes rankings) sa paglulunsad ng kanyang career sa mayamang region’s circuit na natapos nito lang Linggo.

“Marami akong natutunan at nagpapasalamat ako sa opportunity (na makalaro sa Japan Ladies Professional Golf Association),”  wika ng Fil-Japanese na isinilang sa San Ildefonso, Bulacan Lunes makaraang pumang-anim sa huling torneong  JLPGA Tour Championship Ricoh Cup sa taong ito sa Miyazaki Prefecture.

Pumangalawa ang dalagang nakabase sa ngayon sa Tokyo na si Saso kay Ayaka Furue, pero namayagpag sa money list ng Tour, na naghayag nang mas maraming torneo sa papasok na taon kasama ang mga kinansela sa kasalukuyang taon dahil sa Covid-19.

Lumikom ang 20-taong-gulang na si Furue sa 14 tournaments ng 1371.78 points, sa mapuwersang pagtatapos sa pagkopo ng mga korona sa Itoen Ladies at Daio Paper Elleair Open at pumangalawa sa JLPGA Ricoh Cup huling tatlong laro.

Si Saso’y nakadalawang sunod trono rin sa NEC Karuizawa at Nitori Ladies noong Agosto August, bago napakawalan ang POTY kay Sakura Koiwai at binawi sa pagpangalawa sa Toto Classic noong Nobyembre sa 1146.85 pts. (REC)

Nasa unang puwesto na sa Group A ng FIBA Asia Cup ang Gilas Pilipinas matapos talunin ang Thailand, 93-69.

Mayroon na kasing tatlong panalo at wala pang talo ang Gilas.

Sa simula pa lamang ng laro ay umarangkada na ang national players ng bansa sa laro na ginanap sa Manama, Bahrain.

Hindi pinayagan pa ng Gilas na makalamang pa ang Thailand.

Napababa pa ng Thailand ang kalamangan sa 14 points subalit hindi pa rin nawala ang pagiging agresibo ng Gilas.

Bumida sa panalo ng national team si Javi Gomez de Liano na nagtala ng 19 points, habang ang kapatid nitong si Juan ay mayroong 14 points.

Sinabi ni Gilas coach Jong Uichico, ayaw niyang maging kampante ang Gilas dahil sa tinambakan nila ang Thailand sa unang laro nila noong nakaraang Linggo.

Nitong nakalipas din na Sabado, inilampaso din ng Indonesia ang Thailand.

Samantala ang next window ng qualifiers ay sa Pebrero na ng sunod na taon at posibleng ilang PBA players na ang makasama sa team.

Humirit ng medalya sina Filipino-Japanese karateka Junna Tsukii at Asian Games skating gold medalist Margielyn Didal sa kani-kanyang international tournaments.

Ginulantang ni Tsukii si World No. 6 Valeria Kumizaki ng Serbia upang masikwat ang ginto wo­men’s -55 kgs. sa isang pocket tournament sa Arandelovac, Serbia.

Sa kabilang banda, nagkasya sa pilak na medalya si Didal sa Madrid Urban Sports Tournament na isang virtual event para sa skateboarding.

Lumasap ang World No. 14 na si Didal ng 0-5 upset loss kay World No. 43 Nanaka Fujisawa ng Japan sa championship round ng event.

Pumabor sa Japanese bet ang lahat ng limang huradong sina Anthony Claravall, Danny Wainwright, Jesus Fernandez, Vanessa Torres at Alex Braza para makuha nito ang ginto.

Nakapasok sa finals si Didal nang payukuin nito sina World No. 28 Marina Gabriela sa first round at World No. 8 Gabriela Mazetto sa semifinals.

Nanaig naman si Fujisawa kina World No. 5 Candy Jacobs at World No. 2 Rayssa Leal para makahirit ng puwesto sa gold-medal match.

Parehong naghahabol sina Tsukii at Didal na makahirit ng tiket sa Olympic Games na idaraos sa Tokyo, Japan sa susunod na taon.

PINABATID ng Rio de Janeiro, Brazil 31st Summer Olympic Games 2016 women’s weightlifting silver medalist na si Hidilyn Diaz ang nakatakdang paglabas ng kanyang aklat na may pamagat na “Ginto’t Pilak” hinggil sa sariling talambuhay.

Ginawa ng 29 na taong gulang, 4-11 ang taas at tubong Zamboanga City ang anunsiyo sa kanyang Instagram (@hidilyndiaz) post nitong Linggo, Nobyembre 29.

Ayon sa Rome World Cup 2020/Indonesia 18th Asian Games 2018 gold medalists at Philippine Weightlifting Association , Inc. (PWAI) No. 1 hoister, inaalay niya sa mga kabataan ang kanyang libro.

At sigurado ring makapagbibigay ng inspirasyon at motibasyon sa lahat ito upang maabot ang mga pangarap ng bawat isa sa buhay o sinumang makakabasa ng kabuuan tungkol sa buhay niya bago naating ang pagiging bayani sa sports, o mahusay na atleta at sundalo.

“Ginto’t Pilak is a book about the story of my life,” caption ng Chavacano lifter. “Its a book of inspiration, a story of a young girl who started weightlifting by curiosity and after 16 years she brought home the silver medal in Rio de Janeiro Olympics for Philippines.”

Lumipat na sa Malacca ang 30th Southeast Asian Games Philippines 2019 gold winner na si Diaz tapos matengga noon pang Marso sa Kuala Lumpur, Malaysia nang pumutok ang lockdown dahil sa Covid-19.

Patuloy ang kanyang training camp kasama ang Chinese coach, Guaminian therapist sa misyong mag-qualify sa 32nd Summer Olympic Games 2020 sa Tokyo, Japan na ni-reset lang sa Hulyo 2021 bunsod ng pandemic.

Wala pa man akong ideya sa aklat, naniniwala ang O-D na mabuting mabasa ng mga bata ang pinagdaanang hirap ni Hidilyn bago niya narating ang rurok ng tagumpay. Sana gawin itong supplementary reading materials ng Kagawaran ng Edukasyon o Department of Education (DepEd). (REC)