2020 December Archive - People's Balita

Archive for December, 2020

Gulo sa PWAI nasa AWF na

Posted on: December 3rd, 2020 by @peoplesbalita No Comments

UMABOT na rin pala ang alingasngas sa Philippine Weightlifting Association, Inc. (PWAI) sa nakabase sa Doha, Qatar na Asian Weightlifting Federation (AWF).

Ito ay ang kawalang eleksiyon sa National Sport Association ng ‘Pinas sapul noong taong 2016 at basta na lang pinalitan ito ng bagong pangalan.

Si PWAI board member Felix Tiukinhoy Jr. ang nagparating ng bagay kina AWF officials, Qatari president Mohammded Yousuf Almana at secretary general Boossaba Yodbangtoey ng Thailand.

Nanunungkulan ding pangulo ng Cebu Weightlifting Association, Inc. (CWAI), ipinahayag ng Cebu City-based na si Tiukinhoy na nagkaloko-loko ang PWAI nang biglang umalis ng Pilipinas at manirahan na sa Estados Unidos ang dating pangulo na si Roger Dullano.

At basta-basta na lang din aniya ipinagpatuloy ng dating pangulong si Monico Puentevella ang pag-aktong presidente nang walang pagpupulong o halalan base sa batas ng PWAI.

“I am sincerely looking forward to your positive remark on this regard and may all the good forces be with as to uplift our beloved sport weightlifting,” anang opisyal ng PWAI, na commissioner din ng Cebu Sports Foundation (Cesafi) sa dalawang pahinang liham sa mga opisyal ng Asian continental lifting body.

Bubmuo sa CWAI, na karamiha’y bahagi rin ng PWAI sina Cong. Rufus Rodriguez (chairman), Jude Harry del Rio (vice president), Judith Sadje Sulla (secretary general), Edwin Nacua (treasurer), Danilo Catingub (auditor), Juan Maraat (PRO), Eliseo Dildig (project director), Dean Baldomero Estenzo (legal adviser), at Hidilyn Diaz (program ambassador).

Dalangin ng OD, para kabutihan ng PH sports at ng ating mga atleta, maayos na sana ang problema ng PWAI. Panghimasukan na rin sana rin ni Philippine Olympic Committee (POC) president Abraham Tolentino o ng kagaya niyang bagong halal na POC executive board. (REC)

Panukala sa binagong Wildlife Resources Conservation and Protection Act, aprubado na

Posted on: December 3rd, 2020 by @peoplesbalita No Comments

Inaprubahan ng House Committee on Natural Resources na pinamumunuan ni Cavite Rep. Elpidio Barzaga, ang draft substitute bill na naglalayong baguhin ang Wildlife Resources Conservation and Protection Act, na tinalakay sa isang online na pagdinig.

Ang substitute bill ay para sa House Bill 265 na inihain ni Occidental Mindoro Rep. Josephine Ramirez Sato, HB 3351 ni Pampanga Rep. Juan Miguel Macapagal Arroyo at HB 4860 ni Deputy Speaker at Cagayan de Oro City Rep. Rufus Rodriguez.

Inaprubahan din ng komite ang mosyon para isama ang HB 1684 ni Camarines Sur Rep. Luis Raymund Villafuerte at HB 3614 ni Quezon City Rep. Alfred Vargas, sa inaprubahang draft substitute bill.

Ang dalawang huling panukala ay parehong naglalayon na isailalim sa regulasyon ang paghuli, pagbebenta, pagbili, pagtataglay, pagdadala, pag-aangkat at pagluluwas ng lahat ng pating, page at mga chimaeras.

Nagpahayag ng suporta si Rodriguez sa draft substitute bill na mabusising tinalakay ng TWG.

Bukod sa parusang pagkabilanggo ay pagmumultahin din ng P2-milyon ang sinumang mapapatunayang lumabag.

Sa kanyang paliwanag sa HB 4860, sinabi ni Rodriguez ang lubos na pangangailangan na matiyak na ang flora at fauna sa bansa, kabilang na ecosystem na kanilang tirahan ay protektado mula sa mga banta at panganib, pagkawasak ng habitat, sobrang pag-abuso, pangangaso, polusyon, pabago-bagong klima ng panahon, at culling.

Ayon sa Department of Environment and Natural Resources Biodiversity Management Bureau, ang bansa ay may 133 terrestail mammals, 230 birds, 244 reptiles, at 97 amphibian species na hindi makikita sa ibang bansa.

“Mayroon din tayong 120 uri ng isda na makikita lamang sa mga karagatan at look ng Pilipinas,” ani Rodriguez.

Sinabi ni Barzaga na ang inaprubahang draft substitute bill ay sakop din ang mga paksa na nakasaad sa HB 1684 at 3614.

Pinatunayan ni ASEAN Centre for Biodiversity Executive Director Dr. Theresa Mundita Lim, na ang mga species na binanggit sa mga panukala ay itinuturing na nanganganib na, at dapat lamang patawan ng sapat na parusa ang lalabag kapag ito ay naisama sa substitute bill.

Sumang-ayon naman si Atty. Theresa Tenazas, OIC ng DENR-BMB Wildlife Resources Division na ang mga ito ay kasama na sa inaprubahang substitute bill at kanya ring ipinahayag ang pasasalamat ng ahensya sa chairman at mga miyembro ng komite sa pag-apruba ng substitute bill at gawing prayoridad ng ika-18 Kongreso ang panukala. (ARA ROMERO)

PAGTANGGAL SA BUDGET NG PAO LABORATORY UNCONSTITUTIONAL MILYONG MAHIHIRAP NA PILIPINO MAAPEKTUHAN

Posted on: December 3rd, 2020 by @peoplesbalita No Comments

IGINIIT ng dalawang batikang abogado na sina Atty Larry Gadon at Atty Glenn Chong na obstruction of justice ang ginagawa ng dalawang senador na kinabibilangan nina Senator Franklin Drilon at Senator Sonny Angara kasunod ng kanilang insertion o pagnanais na huwag bigyan ng pondo ang nasabing laboratoryo.

Ayon naman kay Dr. Erwin Erfe, chief ng Forensic Laboratory Division ng PAO na brazen abuse of power ang ginagawa ng dalawang naturang senador para matigil ang ginagawang pag tulong sa mga mahihirap.

“Abuso sa kapangyarihan at unconstitutional ang ginagawa ng dalawang senador na yan dahil lamang sa kalaban ng kliyente nila (Accra) ang mga tinutulungan naming mahihirap,” saad ni Erfe. Mag dudulot din ito ng tinatawag na “chilling effect” sa mga regular na empleyado ng gobyerno.

Sinabi naman ni PAO Chief Persida Rueda-Acosta, na matagal ng may “kill PAO Forensic Lab” na pinag iinitan ng dalawang senador na isang panggigipit sa mahihirap na kliyenye ng PAO upang hindi makapag testify laban sa mgannasa likod ng dengvaxia case. Patuloy naman na nanawagan ang PAO sa pangunguna ni Atty Persida V. Rueda-Acosta kay PDU30 na huwag sanang p[ayagan ang pag alis ng pondo ng PAO Forensics Lab. (RONALDO QUINIO)

Ads December 3, 2020

Posted on: December 3rd, 2020 by @peoplesbalita No Comments

Rider na naaksidente, arestado

Posted on: December 3rd, 2020 by @peoplesbalita No Comments

KALABOSO ang isang lalaking naaksidente sa motorsiklo kasama ang angkas na babae matapos laitin ang rumespondeng mga pulis para tumulong sa Valenzuela city.

Si Gerald Ejan, 25 ng Road 3, Lingahan, Malanday ay sinampahan ng pulisya ng kasong unjust vexation, disobedience of lawful orders of persons in authority or their agents, paglabag sa R.A 4136 o driving without license at driving under the influence of alcohol sa Valenzuela City Prosecutor’s Office.

Sa tinanggap na report ni Valenzuela police chief P/Col. Fernando Ortega, habang nagsasagawa ng mobile patrol si P/SMSgt. Joel Taniongon at Pat. Mark Reiner Andres ng Dalandanan Police Sub-Station 6 nang atasan sila na tulungan ang nangyaring vehicular accident sa kahabaan ng G. Lazaro St. Brgy. Dalandanan dakong 1:10 ng madaling araw.

Pagdating sa lugar, nakita nila si Ejan na nakaupo sa simento habang ang kanyang angkas na kinilalang si Coleen Ablao ay walang malay dahil sa tinamong pinsala sa noo kaya’t tumawag ang mga pulis sa Valenzuela Rescue Team.

Habang naghihintay sa ambulansya, nagkamalay ang biktima at nag hysterical saka tinanong si Ejan kung bakit sila naaksidente.

Inawat ni Sgt. Taniongon si Ablao at sinabihan na maging kalmado dahil parating na ang rescue team subalit, namagitan si Ejan at nagsalita ng “Ulol, wala kayong kuwentang mga pulis,”.

Binalaan ng mga pulis si Ejan tigilan ang mga mapanirang salita sa kanila subalit, pagpatuloy pa rin ang suspek na naging dahilan upang arestuhin siya ni Sgt. Taniongon ngunit itinulak nito ang pulis.

Gayunman, nagawang siyang mapigilan ng mga pulis at pagdating ng mga rescue team ay dinala ang suspek at si Ablao sa Valenzuela Medical Center kung saan nadiskubreng positibo sa alcoholic breath test si Ejan at nalaman rin na walang driver’s license. (Richard Mesa)

Sen. Drilon, mali ang obserbasyon sa ginagawang Marawi rehab ng TFBM

Posted on: December 3rd, 2020 by @peoplesbalita No Comments

PINALAGAN ni Task Force Bangon Marawi (TFBM) Chairman at Department of Human Settlement and Urban Development Sec. Eduardo del Rosario ang naging pahayag ni Senator Franklin Drilon na kailangan umano ng additional fund para matiyak na matatapos sa 2021 ang Marawi Rehabilitation.

Sinabi kasi ni Senador Drilon na “grossly inefficient” at halos nakaasa lamang daw sa donasyon and foreign aid ang rehabilitation project sa lungsod.

Dahil dito, binigyang diin ni Del Rosario na hindi accurate ang obserbasyon ng senador dahil ang lahat aniya ng public infrastructures na ginagawa ng tfbm sa “most affected area ” ay pinondohan ng national government.

Aniya, mayroong karagdagang pondo na nakapaloob sa 2021 Proposed national budget na aabot sa P5 bilyong piso na para sa vertical and horizontal infrastructures, kung saan sapat aniya ang alokasyong ito para matapos “by December 2021” ang Lahat ng rehabilitation Projects sa Marawi City.

Samantala, nilinaw naman ni Del Rosario na ang mga Grant o donation na aabot sa P10.5-Billion, ay nakalaan o gagamitin sa labas ng “most affected area” ng Lunsod ng Marawi, gaya aniya ng pagpapatayo ng Transcentral Road sa labas ng “most affected area” sa paligid ng Marawi.

Habang may inilaan din dito na para sa pagpapatayo ng libu-libong permanent shelter na para sa mga labis na naapektuhan ng naganap na 2017 Marawi siege. (Daris Jose)

DOH, siniguro sa publiko na hindi matutulad sa Dengvaxia ang Covid -19 vaccine

Posted on: December 3rd, 2020 by @peoplesbalita No Comments

TINIYAK ng Department of Health (DOH) sa publiko na hindi matutulad sa Dengvaxia vaccine ang AstraZeneca Covid-19 vaccine.

Sa Laging Handa briefing, sinabi ni Health Secretary Francisco Duque III na lahat ng bakuna na aangkatin ng bansa ay idadaan sa mahigpit na pagsusuri ng mga vaccine expert panel ng Pilipinas.

Maging ang single-joint Review Ethics Board ay magsasagawa na rin ng pagsusuri.

Magbibigay din ang mga ito ng ulat ukol sa pasado ba sa kanilang pag-aaral ang mga bakuna na posibleng bilhin ng Pilipinas mula sa ibang bansa.

Makaraan nito ay isusumite naman sa board ng Food and Drug Administration (FDA) ang kanilang findings hinggil sa mga Candidate vaccine kung saan muli itong isasailalim sa regulatory and technical evaluation.

Dahil dito, tiwala ang Kalihim na mahihirapang makalusot sa Pilipinas ang mga palyado o mga hindi epektibong bakuna laban sa Covid-19. (Daris Jose)

Online scammers, dumarami ngayong holiday season – SEC

Posted on: December 3rd, 2020 by @peoplesbalita No Comments

Naglabas ng babala ang Securities and Exchange Commission (SEC) kaugnay sa lalo pang pagdami ng online scammers ngayong “ber months.”

Ayon kay Atty. Oliver Leonardo, OIC ng enforcement and investor protection department ng SEC, kasabay ng pagdami ng mga lehitimong negosyo, sinasamantala rin ang ganitong panahon ng mga bogus na negosyante.

Karamihan umano ay sa pamamagitan ng online transactions, dahil hindi gaanong lumalabas ang mga tao.

Pakiusap ni Leonardo, gumawa sana ng pormal na reklamo ang mga nabibiktima ng scam, para mahabol ang mga kawatan at hindi na makapambiktima pa.

Kwento ng opisyal, madalas na inaabandona na ng mga complainant ang kaso kapag tumatagal na ng ilang buwan, dahil ayaw nang maabala ng mga ito.

Sa ganitong sitwasyon, humihina ang bigat ng kaso dahil nawawala ang supporting data at iba pang ebidensya.

Abiso pa ng SEC, baka mas dumami ang scammers ngayong holiday season, dahil ugali na ng marami na humabol sa holiday rush. (ARA ROMERO)

SC Chief Justice Peralta, kinumpirma ang early retirement sa 2021

Posted on: December 3rd, 2020 by @peoplesbalita No Comments

Nagpadala nang sulat si Supreme Court (SC) Chief Justice Diosdado Peralta sa kanyang mga kasamahang mahistrado para iparating ang kanyang early retirement o mas maagang pagreretiro.

Batay sa mapagkakatiwalaang source ng Bombo Radyp Philippines, nakasaad daw sa sulat na maghahain ito ng early retirement sa Marso 27, 2021 o sa kanyang ika-69 na kaarawan.

Wala naman itong ibinigay na rason sa kanyang maagang pagreretiro.

Si Peralta na na-appoint noong nakaraang taon ay sa 2022 pa sana nakatakdang magretiro sa mandatory retirement na 70-anyos.

Samantala naglabas na rin ng statemen si Supreme Court spokesman Bryan Keith Hosaka upang kumpirmahin ang naging statement Peralta.

“For those asking about the purported letter of Chief Justice Diosdado Peralta to his colleagues in the Supreme Court, signifying his intention to avail of early retirement, I have asked him personally and he confirmed it,” ani Hosaka sa media statement. “The Chief Justice did not elaborate further but said that he will make a formal announcement in due time. Thank you.” (ARA ROMERO)

PAPAKONDISYON SI PAGDAGANAN

Posted on: December 3rd, 2020 by @peoplesbalita No Comments

IHAHANDA na ni Bianca Pagdaganan ang sarili para sa malaking laban sa murang propesyonal na karera sa nakatakdang $5.5M 75th US Women’s Open 2020 sa Champions Golf Club sa Houston, Texas sa Disyembre 10-13.

Magpapakondisyon ang 23-taong gulang na bagitong Pinay sa ika-16 na yugto ng 71st Ladies Professional Golf Association (LPGA) Tour 2020, ang 8th Volunteers of America Classic 2020 sa The Colony, Texas din simula ngayong Huwebes (Biyernes sa Pilipinas).

Ikawalong torneo na sa taong ito ng tubong Quezon City na lahat naman ay napasahan niya ang cut kabilang ang pagsosyo sa ikasiyam na puwesto sa LPGA Tour major, ang 58th Women’s PGA Championship sa Pennsylvania nitong Oktubre na nagbigay sa kanya ng puwesto sa US Open.

Magiging reunion nila ni LPGA of Japan Tour campaigner Yuka Saso ang US Open makaraang balikatin ang Pilipinas sa women’s team gold medal sa Indonesia 18th Asian Games 2018 kung saan si Saso rin ang nag-gold sa individual at bronze si Pagdanganan.

Pero ang muling pagkikita sa Estados Unidos ng top pro golfers ng ‘Pinas ay hindi na magkakampi kundi magkaribal para sa indibidwal na karangalan sa malaking entablado ng kompetisyon na isa pinakaprestihiyo sa kasaysayan, at premyo katapat ang mga astig na manlalaro ng imundo.

Huling kompetisyon ni Pagdanganan ang 11th Pelican Women’s Championship 2020 sa Pelican Golf Club sa Florida nitong Nobyembre 22 kung saan tumabla sa ika-34 na puwesto at nakapagsubi ng $9,106 (P439K).

Ang 19-anyos na Filipina-Japanese na tubong San Ildefonso, Bulacan na si Saso naman ay sa 48th Japan LPGA Tour Championship Ricoh Cup 2020 sa Miyazaki Prefecture nitong Nob. 27 na rito’y sumalo siya sa pang-anim at biniyayaan ng ¥4,638K (P2.1M). (REC)