2020 December 02 Archive - People's Balita

Archive for December 2nd, 2020

Bilang ng mga Pinoy na target mabakunahan ng aangkating Covid-19 vaccine, sapat na upang makamit ang herd immunity- Malakanyang

Posted on: December 2nd, 2020 by @peoplesbalita No Comments

TIWALA ang Malakanyang na maaabot ng gobyerno ang tinatawag na herd immunity sa gitna ng target na makapagbakuna ng hanggang 60 milyong mga filipino.

Ito ang inihayag ni Presidential Spokesperson Harry Roque kasunod ng naging pahayag ni Dr Tony Leachon na para maabot ang herd immunity ay kailangang 60 hanggang 70 porsiyento ng populasyon ng bansa ay kailangang mabakunahan nang sa isa lamang bagsakan.

Batay na din aniya kay vaccine czar Carlito Galvez, sinabi ni Roque na sapat na ang 50 million vaccination na target ng gobyerno para sa herd immunity.

Maliban dito, sinabi ni Sec. Roque na inaasahan nilang marami ding mga private pharmaceuticals ang magkakaroon ng pribadong immunization na hindi naman aniya tututulan ng pamahalaan basta ma-approve lang ng FDA.

Ang herd immunity ay mangyayari kapag mayorya sa isang komunidad ay immune na sa isang infectious disease na makapagpapahinto sa pagkalat pa ng virus.

Ito ay sa pamamagitan ng natural immunity na nakapitan na ng virus at ang isa’y sa pamamagitan naman ng pagbabakuna. (Bishop Jesus “Jemba” M. Basco)

Slaughter gusto nang bumalik sa basketbol

Posted on: December 2nd, 2020 by @peoplesbalita No Comments

SABIK nang bumalik sa paglalaro si Philippine Basketball Association (PBA) star Gregory William ‘Greg’ Slaughter ng dating Barangay Ginebra San Miguel.

Sa Twitter pinarating ng 32-year-old, 7-foot center ng former Gin King, nitong isang araw lang dahil sa panonood ng laro ng Gilas Pilipinas sa 2021 International Basketball Federation (FIBA) Asia Cup qualifier window 2 sa Manama, Bahrain nitong Biyernes at Lunes.

At sa 45^th PBA 2020 Philippine Cup Finals bubble ng BGSM at TNT sa Angeles University Foundation Sports Arena and Cultural Center sa Pampanga nitong Linggo at malamang abangan niya ngayong Miyerkoles.

Pagkakampeon ng Gin Kings sa Governors Cup noong Enero, hindi na pumirma ng panibagong kontrata si Gregzilla sa crowd favorite squad. Nagdesisyong tumalikod muna sa pro league. Dumayo ang Fil-Am ng Estados Unidos, pero kahit inabot ng pandemic ay nakakapapag-ensayo pa rin sa gyms doon para mapanatili ang tikas.

Bago nagsimula ang PBA restart sa Pampanga bubble nitong Oktubre 5, nakauwi ng Pilipinas si Slaughter.

Nag-ugat ang pagsabog ng gigil niya sa winner-take-all ng Ginebra at Meralco sa best-of-five semifinal noong Biyernes, dagdag pa ang pagkatapos ng decider ng PBA ay may Gilas game pa kontra Thailand sa FIBA Asia Cup kung saan nanalo ang mga Pinoy, 93-61.

“Do or die game for Ginebra and FIBA Asia Games for our #TeamPilipinas got me itching to play again so bad!” pagkumpisal ng basketbolista sa social media.

Pero hanggang imahinasyon lang muna si Slaughter habang hindi pa rin nakikipag-usap kay Ginebra team manager Alfrancis Chua. (REC)

Andrea, magiging masaya pa rin ang Pasko dahil sa pamilya

Posted on: December 2nd, 2020 by @peoplesbalita No Comments

HINDI dahilan ang pakiki- paghiwalay ni Andrea Torres kay Derek Ramsay para hindi maging masaya ang Pasko niya.

Tuloy ang Pasko ni Andrea dahil nandiyan daw ang kanyang pamilya na nagmamahal sa kanya unconditionally.

“Ngayon ang importante is ‘yung bonding ng family. Ever since naman ‘yun ang number one sa lahat: to make sure na makapag-bonding kami and ma-spend namin ang Christmas na kasama lahat ng mga mahal namin sa buhay.

“Feeling ko ngayon mas magiging meaningful kasi hindi mo na muna iisipin kung saan kayo magta-travel o ano’ng gift ang ibibigay mo. It’s more of celebrating na maayos kayong lahat, nakakakain kayo, at siyempre ang totoong meaning ng Christmas is ang Panginoon,” sey ni Andrea.

Sinisikap din ni Andrea na makatulong sa ibang tao sa paraan na kaya niya. Pinagdarasal niya ang kalusugan ng maraming taong malapit sa kanya.

“Ngayon ang importante is magtulungan tayong lahat, especially ngayon na napakahirap ng nangyayari sa mundo, so importante talaga na ibigay natin ang positive energy and i-remind natin ang isa’t isa na there’s something to look forward to.

“Importante na ma-enjoy pa rin natin ang Pasko, maging healthy tayong lahat, kasama natin ang pamilya natin, and i-count natin ang blessings na mayroon na tayo.”

Magsisimula na rin si Andrea sa lock-in taping ng GMA teleserye na Legal Wives with Dennis Trillo, Bianca Umali, Alice Dixson and Ms. Cherie Gil.

*****

NASA final stretch na ng kanyang pagbubuntis ang Kapuso singer na si Maricris Garcia.

Pumasok na si Maricris sa ika-33rd week ng kanyang pregnancy at ini-expect niya at ng kanyang mister na si TJ Cruz na ngayong December na isisilang ang first baby nila.

Four years nga nilang hinintay na magkaroon ng baby kaya panay ang dasal nilang mag-asawa na isang healthy baby ang isisilang ni Maricris.

Sa latest Instagram post ni Maricris, pinost niya ang latest sonogram ng baby nila: “So excited to meet this little person who is half me and half the person I love.”

Isang baby girl ang isisilang soon ng Kapuso singer.

*****

KAHIT may pandemic, naging fruitful ang taong 2020 para sa Hollywood actress na si Lily Collins.

Last September ay na-engage si Lily sa kanyang boyfriend na si Charlie McDowell. Naging hit sa Netflix ang pinagbidahan niyang series na Emily In Paris na magkakaroon ng second season. At ang tinatawag niyang “icing on the cake” ay ang mapasama siya sa pelikulang Mank na dinirek ni David Fincher at isa ito sa contenders for the Oscars.

Mank is a glittering tribute to old Hollywood. Set in 1940 and filmed in luminous black and white, it tells the semi-fictionalized story of screenwriter Herman J. Mankiewicz as he struggles to pen one of the greatest movies of all time: Citizen Kane (1941). Bida rito ay ang Oscar winner na si Gary Oldman as Mank.

Nag-audition lang daw si Lily via Zoom at noong makuha niya ang role, inayos ang kanyang schedule para matapos niya ang kanyang series sa Paris at makapag-shoot siya ng movie sa Los Angeles.

“It happened really quickly and I couldn’t stop and think about it because the end result was going to be that I could work on both, one after the other.” (RUEL J. MENDOZA)