2020 December 02 Archive - People's Balita

Archive for December 2nd, 2020

Dalawang panukala para sa pagkakaroon ng Bayanihan 3, tinalakay

Posted on: December 2nd, 2020 by @peoplesbalita No Comments

Kumpiyansa si House Ways and Means Chairman Joey Salceda na sa ilalim ng House Bill 8059 o Bayanihan to Rebuild as One Act ay tataas ang GDP baseline ng bansa sa 2021 sa 1.90% at magreresulta ito sa 78,000 na trabaho.

Pangunahin target na tugunan sa bersyon ng Bayanihan 3 na inihain nila Salceda, Majority Leader Martin Romualdez at AAMBIS-OWA Partylist Rep. Sharon Garin ang bakuna laban sa COVID-19 at pagbibigay ng relief para sa mga kababayang apektado rin ng sunud-sunod na bagyo.

Sa P302 Billion proposed budget sa Bayanihan 3 ay P75 Billion dito ang ilalaan para sa procurement ng COVID-19 vaccine dahil sa kalagitnaan ng 2021 inaasahan ang mas malaking pangangailangan para sa bakuna, gamutan at recovery ng mga magkakasakit.

Samantala, P90 Billion naman ang natukoy ng National Economic and Development Authority (NEDA) na pangangailangan para sa mga sinalanta ng kalamidad.

Ang House Bill 8031 o Bayanihan to Arise as One Act ni Marikina Rep. Stella Quimbo naman ay isinusulong ang dagdag na P400 Billion para sa susunod na taon.

Tinukoy ni Quimbo na hindi sapat ang P4.5 Trillion na 2021 national budget para tugunan ang lahat ng pangangailangan sa pandemya.

Kailangan aniyang gumastos ng malaki ang gobyerno sa susunod na taon upang matiyak ang muling pagikot at tuluy-tuloy na pagbangon ng ekonomiya.

Aabot sa P400 Billion ang dagdag na budget spending sa ilalim ng Bayanihan 3 ni Quimbo kung saan P330 Billion dito ay para sa COVID-19 response habang P70 Billion naman ay para sa disaster response.

Sa pondong ito, P25 Billion ang para sa COVID-19 vaccines, P70 Billion para sa ayuda, P30 Billion sa mga displaced workers, P5 billion pesos para sa internet allowances ng mga guro at mga magaaral, P100 billion para sa worker subsidies at 100 billion para sa ibang industriya na apektado ng pandemya. (ARA ROMERO)

Transport Secretary Arthur Tugade nanawagan sa mga tsuper na lumahok sa ‘Service Contracting Program’ ng pamahalaan

Posted on: December 2nd, 2020 by @peoplesbalita No Comments

Muling nanawagan si Department of Transportation (DOTr) Secretary Arthur Tugade sa mga tsuper ng mga pampublikong sasakyan (PUVs) na magpa-rehistro at lumahok sa “Service Contracting Program” na isinusulong ng Land Transportation Franchising and Regulatory Board (LTFRB).

Nagkaron ng general registration program para sa Service Contracting na ginaganap ang general registration at orientation ng LTFRB sa Quezon City Memorial Circle Covered Basketball Court noong Miyerkules, ika-25 ng Nobyembre hanggang Linggo, ika-29 ng Nobyembre, alas otso ng umaga hanggang alas singko ng hapon.

Kasabay ng isinasagawang general registration at training sa QC circle, mayroon ding nagaganap na general registration at training para sa service contracting program sa iba’t-ibang mga rehiyon sa bansa, tulad ng CARAGA, Regions 1, 6, 7, 9 10, 11 at 12.

Sa ilalim ng Service Contracting Program, ang mga tsuper na lubhang naapektuhan ang kabuhayan dahil sa COVID-19 ay maaring makatanggap ng dagdag na pagkakakitaan.

Ayon kay Tugade ang mga drayber ng pampublikong sasakyan ang isa sa mga matinding tinamaan ng pandemya, kaya naman gusto nila silang matulungan. Ang Service Contracting Program ay kaakibat ng Bayanihan to Recover as One Act, kung saan tutulungan ang mga tsuper na magkaroon ng dagdag na kita sa pamamagitan ng pagbibigay ng insentibo base sa kanilang performance, na makatutong din upang maitaas ang lebel at kalidad ng kanilang serbisyo.

Nananawagan din siya sa mga tsuper na makilahok sa programang ito, nang sa ganon ay matulungan sila ng pamahalaan na mabawi nila ang nawala nilang kita dahil sa pandemya. Kailangan lamang nilang magpa-rehistro at huwag sayangin ang pagkakataon, dagdag ni Tugade.

Matatandaan na ang Bayanihan To Recover As One Act o “Bayanihan 2” ay naglaan ng P5.58 bilyon para pondohan at isakatuparan ang “service contracting program” at tulungan ang mga tsuper na na magkaroon ng dagdag na kita.

Sa pamamagitan ng Service Contracting Program, babayaran ng pamahalaan ang mga tsuper sa pamamagitan ng isang “performance-based subsidy”, kung saan gagawing batayan ang distansyang itinakbo ng mga pampublikong sasakyan na minamaneho nila.

Ayon sa LTFRB, ang mga tsuper ng mga tradisyunal at modernong jeepneys ay makakatanggap ng P11 kada kilometro. Samantala, ang mga tsuper naman ng mga pampublikong bus ay makakatanggap ng P23.10 kada kilometrong itinakbo.

Ang “subsidy” o ayuda para sa mga tsuper ay base sa sumatutal na kilometrong kanilang itinakbo sa isang araw. Ang subsidy ay ibibigay kada isang linggo sa mga tsuper sa pamamagitan ng Land Bank of the Philippines.

Layon nitong makatulong sa pang-araw na gastos ng mga tsuper sa kanilang biyahe gaya ng gastos sa krudo, boundary, at iba pang gastusin para tugunan ang mga “quarantine protocols.”

Ang mga tsuper na nais lumahok sa programa ay kailangang magpakita ng “original” at “photocopies” ng kanilang propesyunal na lisensya, isang “certificate” na pirmado ng kanilang opereytor na magpapatunay na sila nga ay isang tsuper, dalawang photocopies ng operator’s valid ID (harap at likod) na may tatlong pirma ng operator, at isang photocopy ng “official receipt” (OR) o “certificate of registration” (CR) ng jeepney o bus na kanilang minamaneho.

Kailangan ding sumunod ang mga tsuper-aplikante sa mga health at safety protocols na pinaiiral sa lugar na pinagdarausan ng event, tulad ng pagsagot sa Health Declaration at Contact Tracing Forms bago pumasok, pagsusuot ng face shield at face mask, at ang social distancing measure. (LASACMAR)

JELSON BAY AND SUE RAMIREZ, THE NEWEST PAIR ON NETFLIX! TO LOOK OUT

Posted on: December 2nd, 2020 by @peoplesbalita No Comments

THE new Filipino movie, Finding Agnes is now headlining on Netflix.

Starring Jelson Bay of Ang Pangarap Kong Holdap and Sue Ramirez (female lead of films such as Cuddle Weather, Dead Kids, & The Girl Allergic to Wifi.)

The movie follows the story of the successful businessman Brix, who was left behind by his mother, Agnes, when he was just a young boy. Twenty years later, he discovers that during those years, his mother had been in Morocco.

He travels to the North African country to piece together his estranged mother’s life story and there, he meets her adopted daughter, Cathy, who joins him in his journey.

Jelson as the serious businessman, Brix Finding Agnes marks the directorial debut of director Marla Ancheta. Despite having Bay on its lead, this film is far from a typical goofy comedy flick. It is in fact, a heartwarming movie that explores bonds with family, friends, and other people in general. But this is not to say that it didn’t have its comedic moments.

In an interview post in the clickthecity.com Director Ancheta picked Bay who is a known come- dian, play such a serious role, here’s what she has to say:

“Sabi nga kapag komedyante, magaling magpatawa, eh since balanced tayo, magaling din yan magpaiyak. Kumbaga hindi lang natin nakikita pero kung tutuusin, minsan mas malalim ang hugot ng mga komedyante.”

According to Bay, when he first heard about the offer for the film, he initially thought it was a prank. Still, he was happy when he really got the role, despite it being a challenging one for him.

“I’m a natural comedian so kailangan kong pulutin lahat ng pain pabalik para lang maintindhan… kailangan mong balikan [sila] ulit,” Bay shared.

In his journey to Morocco, Brix finds the bed & breakfast his mother had once managed. Here is where he meets his mother’s adopted daughter Cathy, who has become the manager of the place.

According to Sue Ramirez, what she liked most about her role is that her character is just filled with passion in running the bed & breakfast. As for its challenging part, it was playing the role of someone who grew up in a different country.

“Yung pinakamalaking adjustment siguro for me was learning the culture,” said Sue. “[Dapat alamin ko] kung ano yung mga mali atsaka yung mga tamang gawin, kasi for different countries iba-iba yan eh, and you have to respect yung culture ng bawat country that you go to.”

Often standing as backdrops in the film are the empty landscapes of Morocco which worked perfectly in this film that tells about isolation and soul-searching. Of course, it also gave us a glimpse of the country’s people and their culture.

Finding Agnes is a heartwarming and thought-provoking film about people searching for family, or for themself.

“Either family yan, kaibigan, katrabaho, kahit sino sila, wag natin silang lagpasan. Wag natin piliing mag-isa kasi sa buhay kailangan mo yan eh. Kailangan mo sila. So don’t choose to be alone. Nandyan tayong lahat, we can help each other.” The director explained. (ROHN ROMULO)

Nora, parang alak na sumasarap habang tumatagal

Posted on: December 2nd, 2020 by @peoplesbalita No Comments

UNANG pagkakataon na makakasali ni Direk Adolfo Alix, Jr. sa mainstream section Metro Manila Film Festival via Coming Home, produced by Maverick Films at pinagbibidahan nina former senator Jinggoy Estrada at award-winning actress Ms. Sylvia Sanchez.

Pero years ago ay nakasali siya sa Indie Wave New Section where his film Presa won Best Picture.

Nakausap namin si direk Adolf via Facebook messenger and we learned na hindi naman sila nag-expect na sila ay mapipili as official entry sa MMFF 2020 although Coming Home was earlier chosen as entry sa Unang MMFF Summer Festival. Hindi nga lang ito natuloy dahil sa pandemia.

Ayon kay Direk Adolf, dahil sa pandemya ay na-realized nang maraming tao ang kahalagahan ng pamilya. Dahil magkakasama tayong na-lockdown, napagtanto natin kung gaano kaimportante sa bawat isa sa atin ang bawat miyembro ng pamilya.

“I think Coming Home will be a good watch this MMFF for Filipino families to strengthen and come together during the holidays. We will find ourselves in the characters and the issues and themes of the film will resonate with Filipino audiences. They can laugh and cry with the plight of the Librada family,” wika ni Direk Adolf.

Ang script ng Coming Home ay isinulat ni Gina Marissa Tagasa. Naalaala ni Direk Adolf ang kwento ng isang wife na inalagaan ang kanyang mister matapos itong iwanan ng kanyang mistress. Maraming beses daw silang nag-usap ni Manay Gina hanggang nabuo nila ang kwento ng Coming Home.

“Gusto namin ng mga karakter na katulad ng mga nakakasalamuha natin every day. Mga pamilya na karakter pero may mga kakaibang journey ang bawat isa.”

Naniniwala rin si Direk Adolf na dahil sa quality ng performances ng mga actor sa Coming Home, at sa ganda ng kwento ng pelikula, pwede itong ihanay sa mga de-kalibreng drama movies na tumatak sa puso ng mga manonood.

Si Sylvia Sanchez talaga ang first choice ni Direk Adolf para gumanap na nanay sa pelikula. Gusto naman niya na bigyan ito ng bagong partner kaya pinili niya si Sen. Jinggoy Estrada.

“Matagal na rin hindi gumagawa ng pelikula si Sen. Jinggoy kaya maging come- back vehicle para sa kanya ang Coming Home,” pahayag pa ni Direk Adolf.

Kasama rin sa pelikula sina Martin del Rosario, Edgar Allan Guzman, Vin Abrenica at Shaira na gumaganap ng mga anak nina Sylvia at Jinggoy.

“First time ko na makatrabaho sina Ms. Sylvia and Sir Jinggoy. I am always excited to collaborate with intelligent and competent actors. And what they can put in their characters. And our interaction was very good during the shoot,” kwento ni Direk Adolf.

Nagustuhan din ni Direk Adolf ang naging collaboration ng kanyang mga artista.

“It was like they were a symphony of insightful performances bringing out the best in each other – which I think is a key in family dramas. You give light to each other to push the drama and not to shine alone.”

Umaasa rin si Direk Adolf na kahit na via streaming ang pagpapalabas ng mga filmfest entries ay tatangkilikin din ito ng Pinoy movie-goers. Siyempre kailangan din naman na maging safe tayo sa panonood ng sine dahil nariyan pa rin ang pandemya. Kaya mas maganda na we watch in the safety of our homes.

*****

MASAYA ang mga Noranians dahil napili bilang official entry sa Metro Manila Film Festival ang Isa Pang Bahaghari, ang latest movie ni Ms. Nora Aunor under Heaven’s Best Entertainment Productions.

Reunion movie ito nina Direk Joel Lamangan at Ate Guy who worked in several award-winning movies tulad ng The Flor Contemplacion Story, Sidhi, at Bakit May Kahapon Pa?

Reunion din ito ni Ate Guy with Phillip Salvador, nakasama niya in Bona at Nakaw na Pag- ibig, among others.

Sabi ni Direk Joel, he is always excited to work with Nora dahil sa bawat movie na ginagawa nila ay nagpapamalas si Ate Guy nang kahusayan sa pagganap.

“Si Nora ay tulad ng isang alak na habang tumatagal ay lalong sumasarap,” pagpuri ni Direk Joel sa premyadong aktres. (RICKY CALDERON)

METRO MANILA, 7 PANG LUGAR, NAKA-GCQ PA RIN HANGGANG IKA-31 NG DISYEMBRE

Posted on: December 2nd, 2020 by @peoplesbalita No Comments

SIMULA Disyembre 1 ay isinailalim na ni Pangulong Rodrigo Roa Duterte sa General Community Quarantine (GCQ) ang Davao del Norte.

Mananatili naman sa GCQ ang Metro Manila, Davao City, Batangas, Iloilo City, Tacloban City, Lanao del Sur at Iligan City simula sa nasabing Disyembre 1 hanggang Disyembre 31, 2020.

Sa public address ni Pangulong Duterte, Lunes ng gabi ay sinabi nito na isinailalim ang Davao City sa GCQ status, alinsunod sa IATF Resolution No. 84, na nilagdaan noong Nobyembre 19, 2020.

“Upon the recommendation of the Task Force sa COVID-19 the following areas will be under general community quarantine from December 1 to 31. Let me explain. Alam mo kasi sa mga news hapon-hapon, wala talagang social distancing, walang — ‘yung iba hindi nagma — they did not wear mask, ayaw nila at matigas ang ulo,” ang pahayag ng Pangulo.

Sa kabilang dako, ang lahat ng iba pang lugar ay isinailalim naman sa Modified General Community Quarantine (MGCQ).

“The quarantine classification ay ang National Capital Region: Batangas, Iloilo City, Tacloban City, Lanao del Sur, Iligan, Davao City. The rest of the country will be under modified general community quarantine from December 1 to 31. Modified lang,” ayon sa Pangulo.

“Hindi kasi you know Davao del Norte does not want to be called Davao del Norte. They have passed a sort of a resolution. They only want to be called Davao. Gusto nila Davao lang. They want to claim the sole title of being Davao. Kaya kaming taga roon basta Davao del Norte, Davao lang kami,” dagdag na pahayag nito.

Ano na ba ang GCQ, MGCQ sa ngayon?

Bagama’t dati nang nakapaglatag ng mga guidelines pagdationg sa iba’t ibang uri ng quarantine protocols, dahan-dahan nang nagluluwag ang GCQ sa maraming lugar sa ngayon.

Ilan na riyan ay ang paglilimita ng GCQ mass gatherings sa 10. Gayunpaman, pinapayagan ang mga malalakihang protesta sa ilang lugar gaya ng University of the Philippines.

Dati, 10 katao lang ang pinapayagang magsimba at maglunsad ng religious activities sa mga GCQ areas. Naging 10% seating capatiy ito pagsapit ng Setyembre. Itinaas naman ito sa 30% sa GCQ areas noong Oktubre.

Limitado naman hanggang 50% ang religious gatherings sa mga MGCQ areas.

Ito ay kahit ang pwedeng lumabas ng bahay ang mga indibidwal na edad 15 hanggang 65 gulang sa mga lugar na GCQ at MGCQ.

Sa kabila nito, naninindigan ang Metro Manila police na tanging mga authorized persons outside homes (APOR) lang at essential workers ang pwedeng pumunta sa mga shopping center.

“‘Di pa po allowed yan sa GCQ. We’ll be having a meeting with mall managers na hindi pa rin po iaallow yung pagpapasok ng non-APOR kasi well be expecting an influx ng mga tao dyan sa mga malls and other places of convergence,” sabi ni Police Brig. Vicente Danao sa panayam ng Teleradyo, Martes.

“Para po makaiwas ng threat sa COVID, mas maganda po siguro wag na lang po muna.” (Daris Jose)

Pagtaas ng kaso ng COVID-19 dahil sa evacuation centers

Posted on: December 2nd, 2020 by @peoplesbalita No Comments

Posibleng dahil sa mga evacuation centers kaya bahagyang tumaas ang kaso ng may COVID-19, ayon kay Health Secretary Francisco Duque III.

Binanggit ni Duque ang nagdaang dalawang malakas na bagyo na naging dahilan para mapuno ang mga evacuation centers.

“Well, tama po kayo, iyong pagtaas ay puwedeng ma-attribute natin iyan o ang kadahilanan niyan ay, unang-una, nagdaan itong dalawang malakas na bagyo o Typhoon—actually, hindi lang si Rolly, Typhoon Quinta nag-umpisa na tayo; Typhoon Rolly, Typhoon Ulysses ‘no. So iyong sa mga evacuation centers natin ay posibleng naging dahilan din iyan sa kaunting pagtaas ng kaso,” ani Duque.

Ipinahiwatig ni Duque na mananatili sa General Community Quarantine ang Metro Manila ngayong Kapaskuhan kaya inaasahang mas dadami ang bilang ng mga lalabas sa kanilang mga tahanan.

Nagbabala naman si Duque na posibleng lumawak ang hawaan at dadami ang magkakaroon ng impeksiyon kapag inilagay ngayong Disyembre sa modified GCQ ang mga lugar na nasa GCQ kabilang ang Metro Manila.

Posibleng mahirapan na naman aniya ang health system capacity ng bansa na magiging isang malaking problema.

Kung ibaba sa MGCQ ang GCQ, nangangahulugan na mas magiging maluwag ang restrictions at mas maraming tao ang lalabas.

Nakatitiyak din si Duque na mas marami ang mamimili, mamamasyal at pupunta sa kung saan-saan kaya hindi imposibleng tumaas ang contact at transmission rate. (ARA ROMERO)

‘RFID installation, mananatili sa kabila ng Nov. 30 deadline

Posted on: December 2nd, 2020 by @peoplesbalita No Comments

Walang dapat ipangamba ang mga motorista na hindi pa rin nakakapagpakabit ng radio frequency identification (RFID) sticker.

Ayon kay Atty. Romulo Quimbo, ang chief communications officer ng Metro Pacific Tollways Corporation (MPTC), nilinaw nito na mananatili pa rin ang sistema ng RFID installation.

Nabatid na hanggang November 30, ang pinalawig na deadline ng Department of Transportation sa pagpapakabit ng RFID para sa autosweep ng San Miguel Corporation at easytrip tags ng MPTC.

“Itong RFID system natin is here to stay, even after December 1, magkakabit po tayo ng RFID. Ito na po ang magiging sistema natin kaya po, ah.. nagpapasalamat ako sa pagkakataon dahil po ang RFID po natin magkakabit po tayo, December, December 25, January, February, March,” paliwanag ni Quimbo.

Malinaw na halimbawa aniya rito ang mga bibili pa lamang ng sasakyan na tsaka pa lamang din makakapagpakabit ng RFID sticker.

Gayunman, umapela ang MPTC na paunahin na lamang ‘yaong mga regular na dumadaan sa mga expressway gaya ng mga pumapasada dahil may mga pasahero, gayundin ang mga pumapasok sa trabaho, mga truck at container, dahil parte na ito ng kanilang pang-araw araw na routine.

Habang ang mga mapapadaan lang dahil mamamasyal o magbabakasyon lalo ngayong Christmas season ay sa mismong araw na lamang ng biyahe magpakabit.

“So it’s not a matter of mawawala ‘yung RFID, it will remain, it will be our system moving to the future,” dagdag pa nito.

Ang autosweep tags ay para sa mga toll gate sa Skyway, South Luzon expressway (SLEx), STAR Tollway, Tarlac–Pangasinan–La Union Expressway (TPLEx), Ninoy Aquino International Airport Expressway (NAIAx), at Muntinlupa-Cavite Expressway (MCX).

Habang ang ang easytrip sticker ay para naman sa mga dadaan sa North Luzon Expressway (NLEx), Subic-Clark-Tarlac Expressway (SCTEx), Cavite Expressway (CAVITEx), C5 Southlink, at Cavite-Laguna Expressway (CALAX).

Pangangaroling bawal sa Valenzuela

Posted on: December 2nd, 2020 by @peoplesbalita No Comments

IPINAGBABAWAL muna sa sinumang indibidwal o grupo na magsagawa ng pisikal na pangangaroling sa Valenzuela City simula Disyembre 1 hanggang Enero 2, 2021, alinsunod sa Ordinace No. 824 Series of 2002.

Ayon kay Mayor Rex Gatchalian, ito’y bilang bahagi pa rin ng patuloy na pag-iingat sa COVID-19 habang pinapayagan naman aniya ang pangangaroling na electronic o digital.

Itinakda ang administrative penalty na P5,000 sa bawat paglabag o community service.

Para sa mga hindi susunod sa administrative penalty ay pagmumultahin ng P5,000 o pagkakakulong ng hindi lalagpas sa 30 araw o pareho depende sa desisyon ng korte.

Sa mga lalabag naman na 17 taong gulang pababa, kailangang sumailalim sa Intervention Program ng City Social Welfare and Development Office (CSWDO).

Kung ang nahuling menor de edad ay hindi susunod sa intervention program, mananagot ang kanyang magulang sa ilalim ng Code of Parental Responsibility. (Richard Mesa)

Saso magaling, malakas na babalikwas sa 2021

Posted on: December 2nd, 2020 by @peoplesbalita No Comments

ISANG mas magaling at malakas na Yuka Saso ang babalik para sa 54^th Ladies Professional Golf Association (LPGA) of Japan Tour 2021.

Ipinangako ito ng 19-anyos na bagitong top Philippine pro player kasunod nang pagmintis sa ibabaw ng Player of Year (Mercedes rankings) sa paglulunsad ng kanyang career sa mayamang region’s circuit na natapos nito lang Linggo.

“Marami akong natutunan at nagpapasalamat ako sa opportunity (na makalaro sa Japan Ladies Professional Golf Association),” wika ng Fil-Japanese na isinilang sa San Ildefonso, Bulacan Lunes makaraang pumang-anim sa huling torneong JLPGA Tour Championship Ricoh Cup sa taong ito sa Miyazaki Prefecture.

Pumangalawa ang dalagang nakabase sa ngayon sa Tokyo na si Saso kay Ayaka Furue, pero namayagpag sa money list ng Tour, na naghayag nang mas maraming torneo sa papasok na taon kasama ang mga kinansela sa kasalukuyang taon dahil sa Covid-19.

Lumikom ang 20-taong-gulang na si Furue sa 14 tournaments ng 1371.78 points, sa mapuwersang pagtatapos sa pagkopo ng mga korona sa Itoen Ladies at Daio Paper Elleair Open at pumangalawa sa JLPGA Ricoh Cup huling tatlong laro.

Si Saso’y nakadalawang sunod trono rin sa NEC Karuizawa at Nitori Ladies noong Agosto August, bago napakawalan ang POTY kay Sakura Koiwai at binawi sa pagpangalawa sa Toto Classic noong Nobyembre sa 1146.85 pts. (REC)

Ads December 2, 2020

Posted on: December 2nd, 2020 by @peoplesbalita No Comments