2020 September Archive - People's Balita

Archive for September, 2020

Magbibitiw sa puwesto dahil nagsasawa ng labanan at tuldukan ang korapsyon sa burukrasya

Posted on: September 30th, 2020 by @peoplesbalita No Comments

INAMIN ni Pangulong Rodrigo Roa Duterte na nagpahayag siya na gusto na niyang magbitiw sa puwesto dahil sa pagkadismaya at pagkabigo dahil sa hirap na maalis ang korapsyon sa gobyerno.

Sa kanyang public address, Lunes ng gabi ay inamin ng Pangulo na nakararanas siya ng matinding hirap para labanan ang korapsyon sa burukrasya. Aniya, walang katapusan ang korapsyon.

“Ewan ko kung sabihin ko ito sa inyo — I offered to resign as President. Pinatawag ko ‘yung lahat ng… Sabi ko na I have — kasi nagsasawa na ako ,” ayon sa Pangulo.

“Talagang wala ng katapusan itong corruption. Mahirap talaga pigilin,” dagdag na pahayag nito.

Tinukoy ng Chief Executive ang nagaganap na di umano’y “pastillas” bribery sa Bureau of Immigration sa kabila ng nagpapatuloy na imbestigasyon dito.

“Maski ‘yang mga pastillas, hanggang ngayon. Even with the investigation or the clamor for government to be — I said to shake the tree, wala. Sige hanggang ngayon, it’s being committed everyday,” anito.

Si Duterte, isang dating Davao City mayor at prosecutor, ay nagpahayag at umamin na napakahirap tuldukan ang korapsyon sa pamahalaan.

“Now, can you stop it? You cannot. There is no way,” ayon sa Pangulo, inalala niya ang kanyang naging karanasan sa paglilitis sa corruption cases.

Giit nito, ang land registration office ang notorious para sa di umano’y corrupt practices.

“You are really notorious even in the provinces of — sometimes the employees run to that mill of the grid of bureaucracy.

Mag-imbento ng mga peke na dokumento. Marami diyan. I prosecuted about seven itong p***** i**** Land Registration,” diing pahayag ng Pangulo.

Taong 2018 nang magsabi na rin ang Pangulo na nais niyang bumaba sa puwesto.

Inamin nito na pagod na siya sa paglaban sa korapsyon sa pamahalaan.

Duda na aniya siya kung maaalis pa niya ang “endemic corruption” sa burukrasya. (Bishop Jesus “Jemba” M. Basco)

Simula Oktubre 1: Lanao del Sur, isinailalim sa MECQ; Metro Manila, mananatili sa GCQ

Posted on: September 30th, 2020 by @peoplesbalita No Comments

INILAGAY ni Pangulong Rodrigo Roa Duterte ang Lanao del Sur kabilang na ang Marawi City sa ilalim ng Modified Enhanced Community Quarantine (MECQ) simula Oktubre 1 hanggang Oktubren 31, 2020.

Habang ang Iloilo City ay inilagay naman sa ilalim ng General Community Quarantine (GCQ) simula rin sa Oktubre 1.

Matatandaang, inilagay ng mga miyembro ng Inter-Agency Task Force (IATF) ang Iloilo City sa ilalim ng MECQ, at mananatili ito hanggang Setyembre 30, 2020.

Sa kabilang dako, mananatili naman ang Metro Manila sa ilalim ng General Community Quarantine (GCQ) classification.

Ang iba pang lugar sa ilalim ng GCQ ay Batangas para sa Luzon; Tacloban City at Bacolod City para sa Visayas; at Iligan City para sa Mindanao.

Ang natitirang bahagi naman ng bansa ay isinailalim sa Modified General Community Quarantine (MGCQ).

Ang bagong risk-level classifications ay epektibo simula sa araw ng Huwebes, Oktubre 1 hanggang Oktubre 31, 2020. (Daris Jose)

Pagpalo sa 200% growth rate ng COVID-19 cases, pinagbatayan ng quarantine classification

Posted on: September 30th, 2020 by @peoplesbalita No Comments

ANG pagpalo sa 200% growth rate ng COVID-19 cases sa Metro Manila, ay kabilang sa dahilan kung bakit may ilang lugar ang isinailalim sa quarantine classification.

Sinabi ni presidential spokes- person Harry Roque na ang growth rate at average daily attack rate ay ang mga factors na kinunsidera ng pamahalaan para sa quarantine classifications.

“Kinukumpara ‘yung figures every two weeks. ‘Yung daily attack rate po, ilan ang nagkaroon per 100,000. At ‘yung growth rate, gaano kabilis nag-doble din ‘yung mga kaso,” ayon kay Sec. Roque.

“Mataas pa. Ibig sabihin po niyan, medyo ang ating (Metro Manila) growth rate ay nasa high,” dagdag na pahayag ni Sec. Roque.

Aniya, ang growth rate na pumalo sa mahigit 200% ay kinukunsiderang mataas; ang less than 200% ay “moderate,” habang ang 0% ay mababa.

Aniya, ang growth rate at average daily attack rate sa Metro Manila ay nasa moderate level.

Kagabi sa public address ng Pangulo ay inanunsyo nito na mananatili ang Metro Manila sa ilalim ng general community quarantine (GCQ).

Maliban sa MM, ang Batangas, Tacloban, Iloilo, Bacolod, at Iligan ay nasa ilalim din ng GCQ.

“Kung ang average daily attack rate ay less than 1 pero ang growth rate ay 200%, magiging GCQ ‘yan. Kung ang average daily attack rate ay less than 1 at nasa 0 to 200% ang growth rate, ‘yan ay MGCQ,” paliwanag ni Sec. Roque.

“Kung wala talagang kaso, ‘yan po ay minimal o ‘yung tinatawag na new normal,” aniya pa rin.

Samantala, hinikayat ng Metro Manila mayors at eksperto mula sa University of the Philippines- OCTA Research team ang ekstensyon ng GCQ sa buong capital region upang mapanatili ang positibong natamo ng pamahalaan laban sa COVID-19. (Daris Jose)

Pagkatengga ni Diaz dinokyu ng Malaysia TV

Posted on: September 30th, 2020 by @peoplesbalita No Comments

ITINAMPOK si 2016 Rio de Janeiro Summer Olympic Games women’s weightlifting silver medalist Hidilyn Diaz sa isang television program sa Malaysia kung saan siya patuloy na stranded sapul noong Marso dahil sa Covid-19.

Pero patuloy na nagti-training para mag-qualify sa 32nd Summer Olympic Games 2021 sa Tokyo, Japan sa darating na Hulyo ang 29-anyos, may limang talampakan ang taas at tubong Zamboanga City na dalaga sa Nadi Weekend, isang segment ng programa sa telebisyon na pinamagatang “The Stranded Champion” dahil sa may anim na buwan na niyang pagkatengga sa maunlad na Muslim country.

“I had a TV appearance on Nadi Weekend here in Malaysia. Thank you @AstroArenaHd for the experiences. For those that didn’t watch the AstroArena Documentary “The Stranded Champion” you can watch it on YouTube,” salaysay ng sundalo ng Philippine Air Force (PAF) sa isang post nitong isang araw sa kanyang Instagram account.

Sa nasabing bansa inabot ng lockdown si Diaz nitong Marso kasama ang iba pang miyembro ng national weightlifting team. Patungo dapat ang koponan sa isang Olympic Qualifying Tournament (OQT) bago nagsara ang mga bansa dahil sa pandemic kaya na may anim na buwan na roon.

Pero tuloy naming nagpapakondisyon ang reigning Asian Games at Southeast Asian Games champion sa naturang bansa. Katunayan sumali pa siya sa isang online international lifting tournament na kanyang napagtagumpayan ilang linggo pa lang ang nakararaan.

Sana magkatulungan ng Philippine Sports Commission (PSC), Philippine Olympic Committee (POC) at PAF na mapauwi na ang ating barbelista sa ‘Pinas. Kawawa rin doon si Diaz, para naman makasama ang pamilya.

Matagal-tagal na rin ang pamamalagi niya roon, sana huwag siyang abutin doon ng Pasko o Bagong Taon. (REC)

Bukod tangi sa NCR, Navotas kinilala ng COA

Posted on: September 30th, 2020 by @peoplesbalita No Comments

NAKAMIT ng Pamahalaang Lungsod ng Navotas sa ikalimang sunod na taon ang pinakamataas na audit rating mula sa Commission on Audit (COA) matapos bigyan ng ahensya ng “unmodified opinion” ang presentasyon ng lungsod ng 2019 financial statements nito.

Namummukod-tangi ang Navotas na lokal na pamahalaang nakagawa nito sa Kalakhang Maynila.

Labis naman itong ikinatuwa ng magkapatid na Mayor Toby Tiangco at Congressman John Rey Tiangco na parehong nagpasalamat sa mga partner nila sa lokal na pamahalaan, lalo sa mga opisyal at empleyado, sa halip na akuin ang panibagong recognition ng lungsod.

“We are happy and grateful to receive such great news. Amid the COVID-19 pandemic, this citation serves to bring us renewed hope and cheer,” ani Mayor Toby.

“We thank and laud everyone—all departments and offices—who worked hard for us to achieve this. May we continue to uphold the highest standards of public service and always give our best for the benefit of our people,” dagdag ng alkalde.

Nagkakaloob ang COA ng “unmodified opinion” sa pambpublikong institusyon na nagpresenta ng kalagayang pinansyal at daloy ng pananalapi sa patas na paraan alinsunod sa Philippine Public Sector Accounting Standards.

Noong Pebrero, pumasa rin ang Navotas sa 2019 Good Financial Housekeeping (GFH) standards ng Department of the Interior and Local Government (DILG).

Ang GFH ay bahagi ng Seal of Good Local Governance, ang pinakamatas na parangal na ipinagkakalaoob ng DILG. (Richard Mesa)

Ads September 28, 2020

Posted on: September 28th, 2020 by @peoplesbalita No Comments

Ortiz nagpapakaabala

Posted on: September 28th, 2020 by @peoplesbalita No Comments

DAHIL nakatengga pa ang mga aksyon sa hard court sanhi pandemiya, nagpapaka-busy naman sa iba’t ibang gawain si Philippine SuperLiga (PSL) star Maika Angela Ortiz.

Nagbibisikleta, nag-ha-hike na rin sa bundok ang 29 na taon, may taas na 5-10 na Chery Tiggo Crossovers middle blocker at many time national volleybelle nito lang isang linggo.

“Time out muna sa bike and let’s hike! Making myself busy dahil wala pa ring volleyball kasi dun halos umikot ang mundo ko,” litany ng beteranang balibolista sa kanyang Instagram account.

“Sana bumalik na sa normal lahat baka swimming naman isusunod ko, magta-triathlon pa ako char! Nakakapagod din pala libangin ang sarili kaya please po.” (REC)

MYRTLE SARROSA, REMAINS SISTERS’ CELEBRITY AMBASSADOR

Posted on: September 28th, 2020 by @peoplesbalita No Comments

2020 may be a hard year, but Myrtle Sarrosa and Sisters Sanitary Napkins and Pantyliners are even tougher, as they continue to forge their bond stronger, with the actress signing up for the third time as the brand’s celebrity ambassador.

Myrtle was still a college student when she was first chosen by Megasoft Hygienic Products Inc., to represent their products for young females in 2016. Four years after and having graduated with honors from the University of the Philippines, Myrtle continues to represent the brand and is signing her third contract with Megasoft this 2020.

“Myrtle continues to exemplify the image of a smart and empowered woman. She strives to be the best in her field and at the same time is a good role model to females everywhere. We are proud to sign Myrtle once again,” shared Miss Aileen Choi Go, Vice President for Sales and Marketing, on the reason why Megasoft is renewing with the actress for the third time.

Meanwhile despite the pandemic, Myrtle and Megasoft persistently work hand-in- hand in spreading the word on good hygiene to the youth through their online platforms on Lazada and Shopee.

Before the community quarantine was put into place by the government, Megasoft was also able to do school tours. The last one, its 86th leg, was held at the Aranguren Integrated School in Capas, Tarlac.

Despite facing challenges at the beginning of the year because of the economic effects of the pandemic, Megasoft is striving hard to remain on top of its field as it celebrates its 20th anniversary this October.

With Myrtle, and its other endorsers Ryle Santiago and Young JV, Megasoft will be steady in its promise of giving quality hygiene essentials to the Filipino, in more years to come.

Tokyo Olympics tuloy pa rin kahit wala pang bakuna sa COVID-19

Posted on: September 28th, 2020 by @peoplesbalita No Comments

MAGPAPATULOY pa rin ang Tokyo Olympics sa 2021 kahit wala pang bakuna laban sa coronavirus.

Ayon kay International Olympic Committee (IOC) President Thomas Bach na walang magiging problema sa pagsagawa ng torneo kahit na wala pang bakuna.

Inihalimbawa nito ang pagbabaik na ng Tour de France kung saan naging matagumpay ito ngayong taon. Tiniyak nito na magpapatupad pa rin sila ng mahigpit ng health protocols sa nasabing mga events.

Magugunitang inilipat sa July 23, 2021 ang nasabing Olympics dahil sa pananalasa ng COVID-19 sa buong mundo.

AFP, PNP RERESPETUHIN ANG DESISYON NG US

Posted on: September 28th, 2020 by @peoplesbalita No Comments

RERESPETUHIN ng AFP at PNP ang desisyon ng US sakaling itigil na ng Amerika ang kanilang security assistance sa Pilipinas.

Ayon kay AFP Spokesperson MGen Edgard Arevalo wala naman silang magagawa kung hindi na magbibigay tulong ang Amerika.

Wala namang problema sa AFP kung may panukala ang US congress na itigil ang security assistance ng Amerika sa Pilipinas.

Pero umalma si Arevalo sa paratang na lumalabag sila sa karapatang pantao.

Giit ni Arevalo dapat patunayan muna ng United States House of Representatives ang kanilang alegasyon laban sa PNP at AFP.

Ipinagmamalaki ng AFP na wala silang record sa human rights violations, patuloy na sumusunod sa bill of rights ang mga sundalo.

Sinabi ni Arevalo hindi patas para sa kanila ang mga pahayag ng US house of representatives.

Batay sa report 24 members ng US congress ang pumabor na isuspendi ang security assitance sa Pilipinas dahil umano sa mga paglabag kasama na dito ang human rights violation ng AFP.

Sa ngayon, dahil sa pandemic wala munang joint military ex- ercises na isinagawa sa pagitan ng Pilipinas at Amerika subalit patuloy ang koordinasyon ng dalawang military forces.

Samantala, nagpapasalamat naman ang Philippine National Police sa tulong na ibinigay ng kanilang US counterpart.

Naniniwala ang PNP na malaki ang naging ambag ng pagsasabatas ng Anti-Terrorist Law para mapanatili ang kapayapaan at kaayusan sa Pilipinas.

Ayon kay PNP Spokesman Col. Ysmael Yu, bagama’t nais nilang dumistansya sa usaping balak itigil ng US ang security assistance sa PNP at AFP.

Sinabi ni Yu na ang mga natatanggap nilang tulong ay malugod naman nilang tinatanggap bilang bahagi ng pakikipag-isa ng mga bansa.

Dagdag pa ni Yu na hindi pa rin nahuhuli ang bansa dahil maraming pagkakataon nang nalalagay sa takot at pag-aalala ang buhay ng mga Pilipino. (Daris Jose)