Voluntary ang pagrerehistro sa One RFID

NILINAW naman ng Department of Transportation (DOTr) na ang pagrerehistro sa One RFID sa lahat ng tollways ay libre at voluntary upang mabigyan ang motorista ng karapatan pumili kung gusto niyang gamitin ang bagong sistema o di kaya ay manatili sa two-card na sistema.

“We aim for seamless travel from north to south here in Luzon. Reduce unnecessary stress and reduce unnecessary delays. This reform in the RFID system is part of our broader goal to make our infrastructure more modern, connected and responsive to the needs of every Filipino,” wika ni President Ferdinand E. Marcos, Jr.

Ang mga motoristang may bago at dati ng subscirbers ng Autosweep o di kaya ay Easytrip na ang account ay may good standing at walang negative the balance ay puwedeng magpatala sa One RFID, All Tollways program.

Maaaring ilipat ang balance mula sa RFID tag kung ano ang kanilang piniling sistema o sticker na gagamitin sa mga tollways.

Puwedeng magparehistro sa mga website ng mga RFID service providers. Ang kailangan isumite para sa mga bagong sasakyan ay ang sales invoice o di kaya ay ang official receipt at certificate ng rehistro, deed of sale para sa mga pre-owned na sasakyan, at isang valid na driver’s license.

Taong 2024, naglabas ng isang direktiba na “No RFID, No Entry” sa mga expressway at tollways. Dapat sana ay sisimulan noong August 31,2024 na bibigyan ng multa ang mga motoristang may mga invalid na RFID tags o di kaya ay mayroon kulang na load balance subalit ipinagpaliban noong nakaraang January hanggang naging March 2025.

Samantala, maraming mga reklamo ang natatanggap tungkol sa sistema ng RFID collection ng mga nakaraan at nakalipas na taon.

Si House Deputy Majority Leader at ngayon ay Senator Erwin Tulfo ay nagbigay ng babala na ipapatawag ng Kongreso ang mga opisyales ng NLEX upang magpaliwang bakit ang RFIDs ng mga sasakyan ay hindi nababasa sa mga toll gates na siyang nagiging sanhi ng trapiko noong nakaraang Holy Week.

Nitong nakaraang August 2025 naman ay sinabi ni Senator Grace Poe na ang RFID ay dapat sasailalim sa reliability test matapos ang mga hinaing at reklamo na mula sa motorista.

Ang unang plano ng interoperability ay sinumulan pa noong taong 2017 matapos na lagdaan ang isang memorandum of agreement sa pagitan ng pamahalaan at mga pribadong toll operators. LASACMAR