Trust, performance ratings ni PBBM, tumaas – OCTA Research survey
- Published on August 1, 2025
- by @peoplesbalita
PAREHONG tumaas ang trust at performance ratings ni Pangulong Ferdinand Marcos Jr. base sa resulta ng OCTA Research survey na ginawa mula July 12 hanggang 17.Makikita sa pinakabagong Tugon ng Masa survey na ang trust ratings ni Pangulong Marcos na 64% ay tumaas ng apat na notches mula sa dating 60% rating.
Ang kanyang performance rating ay tumaas din ng tatlong puntos dahilan para maging 62%
“These gains in trust and performance ratings represent an apparent reversal of the downward trend observed since the fourth quarter of 2024. They underscore a renewed confidence in the President’s leadership,” ayon sa polling firm.
“Marcos received the highest trust and performance ratings among the top officials surveyed for this quarter,” ayon sa OCTA.
Ang nasabing second quarter survey ay gumamit ng face-to-face interviews na may 1,200 respondents, may edad na 18 at pataas.
Mayroon itong margin of error na ±3 percent sa 95% confidence level.