SIYAMNAPU’T walong kongresista ang nakakalap ng “perfect attendance” sa lahat ng 39 plenary sessions ng First Regular Session ng 20th Congress.

Pararangalan ang mga nasabing 98 kongresista na pumasok mula sa July 28, 2025 hanggang June 3, 2026, ayon sa House Resolution No. 1394 na kasama na iniakda ni 4Ps Party-list Rep. Jonathan Clement Abalos, Deputy Minority Leader at Chairman of the House Committee on Ethics and Privileges.

“Perfect attendance shouldn’t make headlines. Ideally, showing up and doing the work should be the norm for every public servant,” sinabi ni Abalos.

“What makes this meaningful is that we are recognizing good conduct just as seriously as we call out misconduct. Based on available House records, this appears to be the first resolution specifically recognizing, as a group, all Members who completed every plenary session of a regular session of Congress,” dagdag ni Abalos.

Ang inisyatibo ay malayo sa papel na ginagampanan ng Ethics Committee na kilala sa pag iimbestiga ng mga reklamo at katiwalian ng mga kongresista at pagpapataw ng karampatang parusa. 

“Hindi lang dapat tayo naghahanap ng mali. Dapat marunong din tayong kumilala ng tama.” sabi Abalos.

Bukod kay Abalos, kabilang sa mga may akda ng House Resolution No. 1394 ay sina Speaker Faustino “Bojie” G. Dy III, Majority Leader Rep. Ferdinand Alexander A. Marcos ng Ilocos Norte, Minority Leader 4Ps partylist Rep. Marcelino C. Libanan. 

(VINA de GUZMAN)